Chakswari, AJK: “Cylinder mafia’s reign continues, Despite government notification, domestic cylinder prices remain unchanged”

چکسواری(نمائندہ پوٹھوار ڈاٹ کوم، ،اللہ دتہ بسمل ,12،اپریل,2023)— اندھیر نگر ی چوپٹ راج چکسواری میں سلنڈر مافیا کا راج بد ستور قائم۔ حکومتی نوٹیفیکیشن کے باوجود گھریلو سلنڈر کی قیمت کم نہ ہو سکی۔صارفین نے بارہاانتظامیہ سے شکایات کی ہیں لیکن انتظامیہ جان بوجھ کر نوٹس نہیں لے رہی۔عوام کا کہنا ہے کہ جب گیس اور پٹرول کا ریٹ بڑھتا ہے تو مافیا فوراً قیمتوں میں اضافہ کردیتا ہے لیکن جب اواگرا قیمتیں کم کرتا ہے تو سلنڈر مافیا ریٹ کم نہیں کرتا۔ سلنڈر مافیا دونوں ہاتھوں سے عوام کو لوٹنے میں مصروف ہے۔ کمشنر میرپور نوٹس لیں اور سلنڈر کی قیمت 2810 روپے کروائیں۔ تفصیلات کے مطابق چکسواری میں گھریلو سلنڈر کہ قیمت کم نہ ہو سکی۔اواگرا نے گھریلو سلنڈر کی قیمت میں کمی کر دی تھی لیکن ضلع میرپور میں سلنڈر مافیا نے ریٹس کم نہیں کئے۔ صارفین کی جانب سے بارہا شکایتوں کے باوجود تاجر گھریلو سلنڈر 3200 سے 3500 روپے میں فروخت ہورہا ہے۔سلنڈر مافیا نے حکومتی رٹ کو چیلنج کرتے ہوئے ابھی تک قیمتیں کم نہیں کیں۔ عوام علاقہ نے کمشنر میرپور سے نوٹس لینے کا مطالبہ کر دیا۔ عوام کا کہنا ہے کہ انتظامیہ مافیا سے آہنی ہاتھوں سے نبٹے اورگراں فروشوں کا قبلہ درست کیا جائے۔

Chakswari ( pothwar.com, Allah Ditta Bismill, 12, April 2023)- The rule of the cylinder mafia in Chakswari has been affecting the public badly. Despite the government notification, the price of domestic cylinders could not be reduced. Consumers have repeatedly complained to the administration, but the administration is deliberately not taking notice. People say that when the gas and petrol rates increase, the mafia immediately increases the prices. But when prices are lowered, Cylinder Mafia doesn’t lower rates. The cylinder mafia is busy robbing people with both hands. Commissioner Mirpur asked to take notice and make the price of the cylinder 2810 rupees.

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

چکسواری(نمائندہ پوٹھوار ڈاٹ کوم، ،اللہ دتہ بسمل ,12،اپریل,2023)—وزیر اعظم آزاد کشمیر کا پرائمری سکولوں میں درسی کتب دینے کا اعلان محکمہ تعلیم کے کلرک بادشاہوں اور اعلیٰ افسران کی ملی بھگت سے کرپشن کی نذرہونے کااندیشہ۔درسی کتب تقسیم کرنے کیلئے بنائی گئی لسٹیں پسند و نا پسند کی بنیاد پر بنائی گئیں۔سونے پر سہاگہ لسٹ میں زیادہ تر گھوسٹ سکول بھی شامل کئے گئے۔عوام علاقہ نے کہا ہے کہ وزیراعظم آزاد کشمیر اور وزیر تعلیم اس کرپشن کا نوٹس لیں اور کتابیں حق دارں تک پہنچائی جائیں۔تفصیلات کے مطابق وزیر اعظم آزاد کشمیر کا پرائمری سکولوں میں درسی کتب مفت دینے کا اعلان ہوائی ثابت ہوا۔ محکمہ تعلیم تمام سکولوں میں پرائمری کے بچوں کو کتابیں دینے کی بجائے مخصوص سکولوں کو لسٹ میں شامل کیا گیاہے۔محکمہ تعلیم کے کلرک بادشاہوں نے اس اعلان کو بھی اپنی کرپشن کا ذریعہ بنانے کی کوشش۔ بعض گھوسٹ سکول بھی اس لسٹ میں شامل کر لئے گئے ہیں جو منگلا اپ ریزنگ کے دوران ڈیم برد ہو گئے یا پھر ایسے سکول شامل کئے گئے جو بعض وجوہات کی بناء پر بند کر دئیے گئے تھے۔ محکمہ تعلیم کا عملہ لسٹیں بھی چھپا رہا ہے۔چند مخصوص لوگوں کے علاوہ میڈیا اور عوام کے ساتھ شئیر نہیں کی جا رہیں۔ عوام علاقہ نے محکمہ تعلیم کے کلرکوں اور افسران کے رویے کے خلاف شدید تحفظات کا اظہار کرتے ہوئے مطالبہ کیا ہے کہ کتابیں ان سکولوں میں تقسیم کی جائیں جہاں بچے تعلیم حاصل کر رہے ہیں۔ عوام کو کتابوں کی تقسیم کے بجٹ سے بھی آگاہ کیا جائے تا کہ محکمہ تعلیم کے ارباب اختیار کی کرپشن کھل کر سامنے آ سکے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چکسواری(نمائندہ پوٹھوار ڈاٹ کوم، ،اللہ دتہ بسمل ,12،اپریل,2023)—چودھری سفیان ایوب کونسلر میونسپل کمیٹی چکسواری نے کہا ہے کہ وزیر اعظم آزاد کشمیر نا کام ہو چکے ہیں۔انھوں نے آ ج تک جتنے بھی اعلان کئے ہیں سب ہوائی ثات ہوئے ہیں۔ا یک بھی اعلان پر عمل درآمد نہ کروا سکے۔ وزیر اعظم آزاد کشمیر نے مساجد کو بجلی بل سے مستثنیٰ قرار دیا لیکن محکمہ برقیات مساجد سے بل وسول کر رہا ہے۔ وزیر اعظم نے پبلک مقامات پر سیگریٹ نوشی اور پلاسٹک شاپنگ بیگز پر پابندی کا اعلان کیا لیکن عمل درآمد نہ ہو سکا۔ وزیر اعظم آزاد کشمیر نے زرعی رقبوں پر مکانات کی تعمیر اور زرعی رقبہ جات کو آباد نہ کرنے والے مالکان کے خلاف کارروائی کا عندیہ دیا جس پر عمل نہ ہو سکا۔ آزاد کشمیر میں انگوراخروٹ کی فارمنگ اور زرعی ویجیٹیبل فارمنگ کو ترقی دینے کے اعلان بھی ہوائی نکلے۔درسی کتب کی تقسیم،فش فارمنگ اور ٹورازم کوریڈور بنانے کا اعلان بھی ہوائی نکلا۔بڑھکیں مارنے والے وزیر اعظم سائیلین کو وقت ہی نہیں دے پاتے۔جو وزیر اعظم رات بھر جاگتے ہوں اور دن بھر سوتے ہوں انھوں نے نظام حکومت کیسے چلانا ہے۔ پی ٹی آئی کی حکومت مکمل طور پر نا کام ہو چکی ہے۔ان کے اپنے قریبی ساتھیوں کو ان پر اعتماد نہیں۔چودھری محمد اقبال کا استعفیٰ منہ بولتا ثبوت ہے۔اب پی ٹی آئی کی کھچڑی کابینہ دوبارہ ان ہاؤس تبدیلی کی راہ پر چل رہی ہے۔اب کی بار وزیر اعظم پیپلز پارٹی سے ہی ہو گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

چکسواری(نمائندہ پوٹھوار ڈاٹ کوم، ،اللہ دتہ بسمل ,12،اپریل,2023)— سیدکلم عباس شا ہ تحصیلدار تحصیل اسلام گڑھ نے گزشتہ روز چکسواری بازار کااچانک دورہ کیا مہنگے داموں اشیاء فروخت کرنے والوں کوجرمانہ کیامقررہ نرخ ناموں کی مطابق اشیافروخت کرنے کی ہدایت کی سیدکلیم عباس شاہ نے اشیامہنگے داموں فروخت کرنے اورصفائی ستھرائی کاخیال نہ رکھنے اورنرخ نامے کی مطابق اشیاء فروخت نہ کرنے والے دکانداروں کوجرمانے کیے اے کے نامی چکن شاپ سیل کردی مختلف دکانداروں کو مجموعی طورپر بیس ہزارروپے جرمانہ کیاانہوں نے دورے کے دوران دکانداروں کی ہدایت کی رمضان المبارک میں من مانی نہ کریں سرکاری ریٹ لسٹ کے مطابق اشیاء فروخت کریں منافع خوری کرنے اورریٹ لسٹ کے مطابق اشیاء فروخت کرنے والوں سے کوئی رعایت نہیں کی جائے گی موجود ہ مہنگائی کے دور میں مصنوعی مہنگائی کرنے والوں کومعاف نہیں کیاجائے گاجوبھی منافع خوری کرے گاقانون کی گرفت میں آئے گا جرمانہ ہوگا دکان سیل کی جاسکتی ہے ناجائز منافع خوری اورمن مانے ریٹ پراشیا فروخت کرنے والوں کے ساتھ قانون کے مطابق کارروائی ہوگی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چکسواری(نمائندہ پوٹھوار ڈاٹ کوم، ،اللہ دتہ بسمل ,12،اپریل,2023)— چکسواری پریس کلب کے سیکرٹری جنرل عنصر محمود غزالی نے چکسواری پریس کلب کے عہدیداروں واراکین کے اعزاز میں افطار ڈنر کے اہتمام کی سعادت حاصل کی ا فطار ڈنر میں چکسواری پریس کلب کے صدر اللہ دتہ بسمل سرپرست اعلے محمداقبا ل خواجہ چیئرمین سپریم کونسل محمدرفیق بھٹی سابق صدر مرزامحمدنذیر سابق صدر اجہ نثار احمدخان خواجہ محمداسحاق سینئرنائب صدر سابق سینئرنائب صدر عابدحسین چودھری نائب صدر محمدتاج جالب قیصر عزیز ایڈیشنل سیکرٹری جنرل چودھری ثاقب ظٖفر ڈپٹی سیکرٹری جنرل سابق نائب صدر معظم علی چودھری سابق سیکرٹری نشرواشاعت چودھری نویدیونس نے شرکت کی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چکسواری(نمائندہ پوٹھوار ڈاٹ کوم، ،اللہ دتہ بسمل ,12،اپریل,2023)— مدرسہ سعادۃ العلوم بالمقابل نیوٹاؤن گیٹ چکسوار ی کی جامع مسجدشریف تاجدار ختم نبوت ﷺ میں 16رمضان المبارک بروز جمعتہ المبارک مختصر اجتماع بسلسلہ دستار فضیلت منعقدہوا جس میں ادارے کے فارغ التحصیل تین ٖحفاظ کرام حافظ محمدسفیان حافظ محمداشتیاق اورحافظ محمد امیر حمزہ کی دستار بندی کی گئی حاجی فضل حسین قادری حاجی قاضی محمددلپذیر اوراللہ دتہ بسمل صدر چکسواری پریس کلب مہمان خصوصی تھے مہمانان گرامی نے حفاظ کرام کی دستاربندی کی اورحافظ کرام میں ادارے کی جانب سے دی گئیں شیلڈز تقسیم کیں مدرسہ سعاد ۃ العلوم کے بانی مہتمم مولانا حافظ محمدبشیرمجددی حال مقیم برطانیہ کے بھائی حافظ محمدرفیق رضوی خطیب جامع مسجدونگران اعلے مدرسہ سعادۃ العلوم بالقابل نیوٹاؤن گیٹ چکسواری نے اجتماع بسلسلہ دستار ٖفضیلت کی صدارت کی نماز جمعہ کے اجتماع میں موجود نمازیوں نے مدرسہ سعادۃ العلوم میں جاری دینی وعصری تعلیم کے حوالے سے ادارے کی شاندار کارکردگی پرادارے کے بانی مہتمم مولانا حافظ محمدبشیر مجددی اوران کے بھائی مولانا حافظ محمدبشیر رضوی کی شاندار خدمات پرخراج تحسین پیش کیا اجتماع میں حفاظ کرام کے والدعزیز واقارب اورنماز جمتہ کے نمازیوں نے بھرپورشرکت کی اورحافظ کرام ان کے والدین ادارے کے سر براہ سٹاف کے جذبے پرخراج تحسین پیش کیااجتماع سے مولانا حافظ محمدرفیق رضوی نے خطاب کیاانہوں نے اپنے خطاب میں کہاکہ میرے بھائی مولانا حافظ محمدبشیر حال مقیم برطانیہ کے پرخلوص تعاون اورسرپرستی میں مدرسہ سعادۃ العلوم اپنی دینی وعصری علوم کی تدریس اورشعبہ حفظ اپنی خدمات جاری رکھے ہوئے ہے جوعظیم کارنامہ ہے اورقابل ستائش وقابل تقلیدمشن ہے شرکاء اجتماع نے مولانا حافظ محمدرفیق رضوی کی مساعی جمیلہ پرانہیں خراج تحسین پیش کیاجن کی بھرپور راہنمائی سے یہ عظیم مشن کامیابی کے ساتھ جاری ہے شرکاء اجتماع نے حافظ محمدسفیان حافظ محمداشتیاق اورحافظ محمد امیر حمزہ اوران کے والدین کومبارک بادپیش کی مولاناحافظ محمدبشیر رضوی اورمولانا حافظ محمدرفیق رضوی نے معاون خصوصی الحاج خلیفہ پیر قمر الزمان القادری البغدادی کے خصوصی تعاون پران کاشکریہ اداکیا مہمانان گرامی اورشرکاء اجتماع کاطلبہ کی حوصلہ افزائی کرنے شکریہ اداکیا