Chakswari, AJK: The 51st Martyrdom Day of London Martyrs from Plaque and Mirpur district was observed with devotion and respect.

چکسواری: (پوٹھوار ڈاٹ کام،نمائندہ خصوصی اللہ دتہ بسمل۔25, فروری,2024ء) — پلاک اور ضلع میرپور سے تعلق رکھنے والے شہدائے لندن کی 51واں یوم شہادت عقیدت و احترام سے منایا گیا۔ بشارت حسین شہید کے مزار پر پر وقار تقریب منعقد ہوئی۔ ڈپٹی کمشنر ضلع میرپور چودھری یاسر ریاض کی خصوصی ہدایت پراسسٹنٹ کمشنر سید یاسر آفتاب،ڈی ایس پی ڈڈیال چودھری عنصر محمود،نائب تحصیلدار باؤ الطاف احمد،ایس ایچ او تھانہ پولیس چکسواری چودھری نوید حسین سمیت دیگر انتظامی آفیسران نے شرکت کی۔اسسٹنٹ کمشنر سید یاسر آفتاب نے کہا کہ شہدائے لندن کی جنگی قیدیوں کیلئے دی گئی قربانی بلا شبہ ایک عظیم قربانی ہے۔اس میں بھی شک نہیں کہ جو جذبہ ان کم سن شہداء میں تھا وہ ہم میں نہیں اور نہ ہی ہم انھیں وہ عزت و احترام دے سکتے ہیں جس کے وہ مستحق ہیں۔ آج بھی ڈپٹی کمشنر چودھری یاسر ریاض نے ہمیں خصوصی تاکید کی کہ بشارت حسین شہید کے مزار پر حاضر ی دینی ہے۔ محکمہ تعلیم کو چاہیے کہ آج کے دن ضلع میرپور کے سکولوں میں صبح اسمبلی میں یا کسی بھی وقت ایک آدھ گھنٹے کا لیکچر دیا جائے جس میں ان شہیدوں کے جذبہ اور قربانی کا تذکرہ کیا جائے۔ہمارے یہاں اکثر اہم شخصیات کے یوم شہادت یا برسی کے موقع پر چھٹی دی جاتی ہے جو سر ا سر زیادتی ہے۔اس دن کو منانا چاہیے اور بہترین طریقہ یہ ہے کہ اس قربانی کو بچوں کے ذہنوں میں بٹھایا جائے۔ان شہداء کا مقصد بچوں کو بتایا جائے۔تقریب کا آغٓز تلاوت کلام پاک سے ہوا۔بشارت حسین شہید ہائی سکول کے طلباء نے سلامی دی اور قومی و ریاستی ترانے پیش کئے گئے۔ اس کے بعد اسسٹنٹ کمشنر سید یاسر آفتاب گردیزی،ڈی ایس پی چودھری عنصر محمود،اسسٹنٹ ڈائریکٹر چودھری آصف علی اور دیگر نے بشارت حسین شہید کے مزار پر چادریں چڑھائیں۔شہداء لندن کے درجات کی بلندی،ریاست جموں و کشمیر کی آزادی اور وطن عزیز پاکستان کے استحاکم کیلئے خصوصی دعا بھی کی گئی۔ دعا مولانا شبیر احمد نقشبندی نے فرمائی۔ بشارت حسین شہید کے برادر اکبر حاجی غلام رسول پلاکوی نے تمام مہمانون کا شکریہ ادا کیا۔مہمانوں کی ضیافت کا بھی اہتمام کیا گیا تھا۔ بشارت حسین شہید کی 51 ویں برسی کے موقع پر اسسٹنٹ کمشنر سید یاسر آفتاب گردیزی، ڈی ایس پی چودھری عنصر محمود نائب تحصیلدار چودھری الطاف احمد،ایس ایچ او تھانہ پولیس چکسواری،اسسٹنٹ ڈائریکٹر بیت المال چودھری آصف علی، برادر اکبر بشارت حسین شہید غلام رسول پلاکوی،چودھری عبدالقیوم صدر معلم بشارت شہید ہائی سکول پلاک، اے ای او شفقات عزیز،گرداور چودھری نثار احمد، چکسواری پریس کلب کے صدر محمد اقبال خواجہ،باؤ فرید حسین،چودھری یعقوب حسین پلاکوی،پاکستان پیپلز پارٹی برطانیہ کے مرکزی نائب صدر چودھری محبوب حسین بھگوروی،کونسلر ندیم تاسب چودھری،حاجی چودھری تاسب،سیکشن آفیسر چودھری آفتاب حسین،راشد محمود پلاکوی،چئیرمین واجد پلاکوی،سید مظفر حسین شاہ اور سینکڑوں افراد نے چادر چڑھائی اور شہدائے لندن کے درجات کی بلندی ریاست جموں و کشمیر کی آزادی اور استحکام پاکستان کی دعا کی۔

Chakswari: (Pothwar.com, Special Representative Allah Ditta Bismill. 25, February 2024) — The 51st Martyrdom Day of London Martyrs from Plak and Mirpur district was observed with reverence and respect. A dignified ceremony was held at the shrine of Basharat Hussain Shaheed. On the special instructions of Deputy Commissioner District Mirpur Chaudhry Yasir Riaz, Assistant Commissioner Syed Yasir Aftab, DSP Dadyal Chaudhry Nisram Mehmood, Deputy Tehsildar Altaf Ahmed, SHO Police Station Chakswari Chaudhry Naveed Hussain and other administrative officers participated.

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چکسواری: (پوٹھوار ڈاٹ کام،نمائندہ خصوصی اللہ دتہ بسمل۔25, فروری,2024ء) محکمہ شاہرات کی سستی،محکمہ شاہرات کسی بڑے حادثہ کا منتظر۔میونسپل چکسواری کی حدود کے اختتام پرحمید آبادکے مقام تباہ ہونے والی پلی کی مرمت نہ ہو سکی۔ میڈیا کی نشاندہی کے باوجود ابھی تک محکمہ شاہرات نے نوٹس نہ لیا اور پلی کی ایک جانب سے ٹوٹی ہوئی دیوار مرمت نہ کی جا سکی۔عوام علاقہ کا ایکسئن شاہرات سے نوٹس لینے کا مطالبہ۔ تفصیلات کے مطابق حمید آباد چکسواری میں محکمہ شاہرات کی ایک پلی انکاسی آب کا معقول انتظام نہ ہونے کی وجہ سے تباہ ہو رہی ہے۔ بارشون کے پانی نے پلی کی ایک طرف کی دیوار کو تباہ کر دیا ہے۔ دیوار گرنیا ور دوبارہ نہ بننے کی وجہ سے سڑک نالہ کی شکل اختیار کرتی جا رہی ہے۔ حالیہ بارشوں کے بعد سڑک ٹوٹنے لگی ہے۔محکمہ شاہرات کے ملازمین نے مٹی ڈال کر پانی کو سڑک پر لگا دیا ہے جس سے سڑک کے تباہ ہونے کا خدشہ بد ستورموجود ہے۔عوام علاقہ نے ایکسئن محکمہ شاہرات سے نوٹس لینے کا مطالبہ کر دیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چکسواری: (پوٹھوار ڈاٹ کام،نمائندہ خصوصی اللہ دتہ بسمل۔25, فروری,2024ء) اسسٹنٹ کمشنر اسلام گڑھ سید یاسر آفتاب گردیزی نے کہا ہے کہ قبضہ مافیا کو جڑ سے اکھاڑ دیں گے۔خالصہ سرکار پر کسی بھی مافیا کو قبضہ نہیں کرنے دیں گے۔ بعض عناصر چھٹی والے دن محکمہ مال کو غافل سمجھ کر قبضہ کی کوشش کرتے ہیں جسے فوراً مسمار کر دیا جاتا ہے۔ صادق آباد میں دوسری بار کوشش کی گئی ہے۔اس بار بھی محکمہ مال نے پولیس کی کارروائی سے قبضہ کو ناکام بنا دیا ہے۔ انھوں نے میڈیا سے گفتگو کرتے ہوئے کہا ہے کہ حکومت آزاد کشمیر نے شاملات کی منتقلی اور خالصہ سرکار پر قبضہ پر پابندی لگائی ہوئی ہے۔اس پابندی کو ہر صورت قائم رکھیں گے۔ قبضہ مافیا کو پیغام دیتے ہیں کہ آئندہ ایسی کوئی بھی مذموم کوشش نہ کی جائے۔قبضہ مافیا کے خلاف مقدمات بنا کر انھیں پابند سلاسل کریں گے۔ خالصہ سرکار حکومت کی امانت ہے کسی کو خیانت کرنے نہیں دیں گے۔انھوں نے اتوار کے دن ہونے والے قبضہ کو ناکام بنا دیا تھا۔ قبضہ مافیا موقع سے فرار ہونے میں کامیاب ہو گئے تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چکسواری: (پوٹھوار ڈاٹ کام،نمائندہ خصوصی اللہ دتہ بسمل۔25, فروری,2024ء) ممتاز سیاسی وسماجی راہنماچودھری اعظم المعروف لالہ مندری ڈاکٹرچودھری محمدفاروق لالہ اصغر اور چودھری خضر علی نے سب انسپکٹر نویداحمدچودھری کوایس ایچ او تھانہ پولیس چکسواری تعینات ہونے پردلی مبارک بادپیش کی ہے ان کی تعیناتی کاخیر مقدم کیاہے اورکہاہے کہ سب انسپکٹرنویداحمدچودھری باصلاحیت فرض شناس اورخدا داد صلاحیتوں کے مالک پولیس آفیسر ہیں وہ بطورایس ایچ او تھانہ پولیس چکسواری چکسواری کے شہریوں کے جان ومال اور عزت وآبرو کے تحفظ کے لئے اپنی تمام ترصلاحیتیں بروئے کارلائیں گے اور اپنی پیشہ ورانہ ذمہ داریوں کی انجام دہی میں سرخروہوں گے انہوں نے چودھری سجاد حسین ڈی آئی جی میرپور ریجن اورایس ایس پی میرپور کامران علی سے دلی اظہارتشکر کیاہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چکسواری: (پوٹھوار ڈاٹ کام،نمائندہ خصوصی اللہ دتہ بسمل۔25, فروری,2024ء) حنیف شہید و بشارت شہید کی جانی قربانی اور غازی دلاور کی جرأت و دلیری کشمیری عوام کی مملکت خداداد پاکستان سے محبت اور مسلح افواج پاکستان سے والہانہ عقیدت کا وہ لازوال واقعہ ہے جو تاریخ کے سنہرے حروف میں لکھا جائیگا۔ کشمیری تارکین وطن مقیم برطانیہ کیو طن عزیز کیلئے خدمات باعث تحسین ہیں۔ان خیالات کا اظہارپرنسپل محمد ادریس چوہدری، اسحاق چوہان محمد لطیف غوث نے گورنمنٹ پائلٹ ہائی سکول نمبر1 میرپور میں شہدائے لندن کے 51 ویں یوم شہادت کی تقریب سے محمد ادریس چوہدری نے خطاب کرتے ہوئے کیا۔ پائلٹ ہائی سکول نمبر1 کے طلباء نے شہدا ء لندن کو خراج عقیدت پیش کرتے ہوئے بینڈ کی دھنوں پر قومی ترانہ، مارچ پاسٹ اور سلامی پیش کی۔ اس تقریب کے صدارت محمد ادریس چوہدری پرنسپل ادارہ ہذا نے کی۔جس میں سکول کے اساتذہ کرام اور طلبہ نے شرکت کی۔ تقریب سے اسحاق چوہان، تلاوت محمد بلال، نعت شریف محمد منیب الرحمن نے پیش کی۔ مقررین نے خطاب کرتے ہوئے کہا کہ 1970-71کی پاک بھارت جنگ اور سقوط ڈھاکہ کے وقت جب بھارت نے پاکستان کے 90 ہزار فوجی قید کر لئے تو قوم شدید دکھ و کرب کا شکار تھی۔ پاکستان کی تمام تر کوششوں، سفارتی کاوشوں اور اپیلوں کے باوجود بھارت ہمارے فوجی رہا کرنے پر تیار نہ تھا اور برطانیہ میں مقیم ہندوطلبہ ہمارے بچوں سے چھیڑ خوانی کر کے تمسخر اڑاتے اور سڑکوں بازاروں میں ہماری کمیونٹی کے لوگوں پر طعنہ زنی کر کے سیٹیاں بچاتے اور اپنی فتح کے چرچے کرتے تھے۔ایسے پریشان کن حالات میں میں میرپور کے تین نوخیز نوجوانوں حنیف، بشارت اور دلاور کی ملی و قومی غیرت بھڑک اٹھی اور وہ 20 فروری1973کو نمائشی کھلونا پستول لے کر بھارتی ہائی کمیشن آفس لندن داخل ہو گئے اور زور دار نعرہ لگایا کہ ہمارے فوجی قیدی رہا کرو، کشمیر سے قبضہ ختم کرو اس دوران پولیس نے آکر اندھا دھند فائرنگ شروع کر دی جس سے حنیف و بشارت موقع پر شہید ہو گئے اور دلاور زخمی ہو کر بے ہوش ہو گئے تھے۔ اس واقعہ کے بعد برطانیہ اور میرپور مظاہرے شروع ہو گئے۔ برطانیہ میں بڑے بڑے جلوسوں میں یورپی یونین کے ممبران، برٹش ممبران پارلیمنٹ اور انسانی حقوق کی بین الاقوامی تنظیمیں بھی شامل ہو گئیں۔ مطالبہ یہ تھا کہ پولیس نے نوجوانوں کا موقف معلوم کرنا چاہئے تھا ان کے پاس کھولنا نمانمائشی پستول تھے وہ تو اپنے مطالبات پر احتجاج کرنے ائے تھے۔ یہ مقدمہ عدالت میں لگا تو برطانوی پولیس چیف نے معافی مانگ لی تھی۔ تاہم ہمارے نوجوانوں کی قربانی سے بھارت میں قید پاکستانی فوجیوں کی رہائی کے معاملہ کو بہت تقویت ملی اور ان کی رہائی میں شہدائے لندن کا گرم گرم مقدس لہو بھی شامل ہے جس پر جتنا بھی فخر کیا جائے و ہ کم ہے۔ محمد ادریس چوہدری، اسحاق چوہان اور لطیف غوث نے کہا کہ یکم مارچ1973 کو جب ان شہداء کے جسدخاکی وطن لائے گئے تو ان کا تاریخ ساز استقبال ہوا۔ حنیف شہید کا مقبرہ مرکزی عیدگاہ میرپور اور بشارت شہید کا مقبرہ پلاک (چکسواری) کے مقام پر تعمیر کر کے حکومت نے ہر سال 20 فروری کو ان شہدائکی دن سرکاری طور پر منانے کا اعلان کیا تھا۔ محمد اسحاق چوہان، محمد لطیف غوث، محمد صدیق چوہدری نے اپنے خطاب میں شہدائلندن کی عظیم قومی قربانی کو خراج عقیدت پیش کرتے ہوے مطالبہ کیا کہ نئی نسل کو اس تاریخ اور خون آشام واقعہ سے آگاہ کرنے کیلئے کم از کم پرائمری مڈل کے نصاب میں یہ بطور خاص شامل کیا جائے تاکہ نونہالاں میں قومی شعور و آگہی پیدا ہو سکے۔مقررین نے کہا کہ شہداء لندن کی قربانی کو پاکستان قومی اسمبلی کے اجلاس میں خراج عقیدت پیش کیا گیا تھا اور شہداء کے درجات کی سربلندی کیلئے مولانا شاہ احمد نورانیؒ نے دعا کروائی تھی۔ یہ واقعہ کشمیری عوام کا مسلح افواج پاکستان اور مملکت خداداد پاکستان سے عقیدت کا وہ تاریخی باب ہے جسے کبھی فراموش نہیں کیا جائیگا۔ اس وقت مقبوضہ کشمیر میں جاری تحریک کے دوران کشمیری مظاہرین جلسے جلوسوں میں پاکستان کے پرچم بلند کر کے پاکستان زندہ باد کے نعرے لگاتے ہیں اور شہداء کشمیر کے تابوتوں پر لپٹے پاکستانی پرچم تحریک کی منزل کی نشاندہی کر رہے ہیں۔ ہم پاکستان کے دفاع سلامتی اور مقبوضہ کشمیر کی آزادی کیلئے آخری دم تک لڑتے رہیں گے آخر میں پاکستان کے تحفظ وسلامتی، مقبوضہ کشمیر کی آزادی، شہدائے لندن کے درجات کی بلندی کیلئے قاری محمد کامران نے خصوصی دعا کرائی