Chakswari, AJK: 23rd Grand Annual Milad Mustafa Conference held at Sufi Muhammad Yaqoob Shaheed House Faizpur Sharif

چکسواری: (پوٹھوار ڈاٹ کام،نمائندہ خصوصی اللہ دتہ بسمل۔20, فروری,2024ء) —آستانہ عالیہ فیض پورشریف کے سجادہ نشین حضرت علامہ مولانا پیر محمدحبیب الرحمن محبوبی نے کہاہے کہ اتباع رسو لﷺ میں دنیااورآخرت کی کامیابی پنہاں ہے محبت رسو لﷺ کادعوی کرنے والوں کومحص زبان سے دعوی نہیں کرناچاہیے بلکہ اسے اپنے اوپرلاگوکرکے عمل سے اس کا عملی اظہارکرناچاہیے محبت رسول ﷺ کاجوتقاضا ہے اس پرپورا پورا اترناچاہیے اسلام ہماری پارٹی ہے اسلام سے بڑھ کرکوئی پارٹی نہیں ہے مجاہدملت صوفی محمدیعقو ب شہید کے فرزندان چودھری محمدخلیق الزمان ایڈووکیٹ اورچودھری مجیب الرحمن بڑے خوش نصیب ہیں کہ اپنے والدگرامی کامشن جاری رکھے ہوئے ہیں اورہرسال اپنے والدمحترم صوفی محمدیعقو ب شہید اورچھوٹے بھائی شہزادہ چودھری محمدشفیق الرحمن مرحوم اور ملت اسلامیہ کے جمیع مرحومین کی ارواح کے ایصال ثواب اوردرجات کی بلندی کے لئے سالانہ عظیم الشان میلاد مصطفے ﷺ کانفرنس کااہتمام کرتے ہیں صوفی محمد یعقوب شہید کے سینے میں جومحبت رسول ﷺ تھی وہ ان کے سینوں میں بھی نمایاں طورپرنظرآتی ہے اللہ تعالی اسے قائم دائم رکھے انہوں ان خیالات کااظہار صوفی محمدیعقوب شہیدہاؤس فیض پورشریف میں منعقدہ 23 ویں عظیم الشان سالانہ میلاد مصطفے ﷺ کانفرنس کے بڑے اجتماع سے بحیثیت صدر کانفرنس خطاب کرتے ہوئے کیاہے محفل کے میزبان چودھری محمد خلیق الزمان ایڈووکیٹ نے اپنے خطاب میں کانفرنس میں شرکت کرنے والے تمام مہمانوں کاشکریہ اداکیاہے اورکہا کہ آستانہ عالیہ فیض پورشریف کے مشائخ عظام کافیضان ڈیڑھ صدی سے زائدعرصہ سے اندرون وبیران ملک جاری ہے لاتعداد بے راہ روی کاشکار انسانوں کوصراط مستقیم پرگامزن کیاہے دین اسلام کی تبلیغ واشاعت اوردرس وتدریس کاعظیم مشن قبلہ حضرت علامہ مولانا پیر محمدحبیب الرحمن محبوبی سجادہ نشین آستانہ عالیہ فیض پورشریف جاری رکھے ہوئے ہیں پیر صاحب ہماری کانفرنس کی سرپرستی اورصدارت فرماتے ہیں جوان کی خصوصی شفقت ہے آستانہ عالیہ فیض پورشریف سے ہماری جوقدیم نسبت اورعقیدت ہے اس پرہمیں فخر ہے ایسی روحانی محافل کے انعقاد کامقصد آپ ﷺ سے محبت وعقیدت کااظہار ہے اورعالم اسلام کومحبت رسول ﷺ کاپیغام پہنچاناہے کہ آپ کی محبت ہمارے ایمان کی اساس ہے عالم اسلام آپ ﷺ کی آفاقی تعلیمات پرعمل پیرا ہوکراپنے تمام مسائل ومصائب سے نجات حاصل کرسکتاہے امت مسلمہ جس نفاق کاشکار ہے اس نفاق کواتحاد واتفاق میں بدلنے کے لئے عالم اسلام متحدومنظم ہوسکتاہے اس کی واحدایک ہی صورت ہے کہ مسلمانوں کواسلام کے امن وآشتی بھائی چارے کے رشتے کومضبو ط کرناہوگا اورایک دوسرے کادرد محسوس کرناہوگا آج کل جومظالم غزہ کے مظلوم فلسطینیوں پرڈھائے جارہے ہیں ان مظالم کااحساس اپنوں کوہے نہ بیگانوں کوہے کفر متحدہے عالم اسلام کے اندر اتحاد نہیں ہے فلسطین مقبوضہ کشمیر سمیت تمام مسلم مقبوضہ علاقوں اورمظلوم مسلمانوں کومظالم سے نجات دلانے اورکفار کے ناپاک عزائم خاک میں ملانے کے لئے مسلمانوں کوغیر ت ایمانی کامظاہرہ کرتے ہوئے میدان عمل میں آناہوگا اسی صورت میں امت مسلمہ طاغوتی طاقتوں کامقابلہ کرسکتی ہے ایسے ہی عظیم مقاصدکے حصول کے لئے اسی طرح کی مبارک اوربابرکت محافل کاانعقاد کیاجاتاہے جن سے امت مسلمہ کوخواب غفلت سے بیدار کیاجائے اور اس عظیم امت کوعظمت رفتہ کی بحالی کیلئے خبردار کیاجائے موجود ہ حالات کایہی تقاضاہے کہ امت مسلمہ متحدومنظم کواغیار کی سازشیں کوناکام بنائیں جو اسلام اورمسلمانوں کے دشمن اسرائیل بھارت اوردیگرممالک اوراقوام کررہی ہیں اس وقت امت مسلمہ کفر کے نرغے میں ہے امت کوبیدار ی کاثبوت دیناچاہیے موجودہ حالات میں مسلمانوں کاوجود دکھائی نہیں دے رہاجوایک المیہ ہے لمحہ فکریہ ہے کانفرنس کے اجتماع سے علامہ مولانا سراج الدین صدیقی خطیب راولپنڈی پاکستان ڈسٹرکٹ بار ایسوسی ایشن میرپور کے سابق صدر چودھری کامران طارق ایڈووکیٹ پروفیسر ڈاکٹر حبیب الرحمن پیرزادہ پروفیسر خواجہ خورشیداحمدچیئرمین ادارہ تعبیر میرپور جمیل احمدجمیل عبدالرزاق نیازی سمیت دیگرنے بھی خطاب کیاہے کانفرنس کاآغاز تلاوت کلام پاک سے کیاگیا محمدالیاس عطاری نے تلاوت کلام پاک کی سعادت حاصل کی نامورنعت خوان حضرات احمدنعمان فاروقی اسدامانت علی جمیل احمدجمیل عبدالرزاق نیازی اور رومان علی نے ہدیہ نعت پیش کرنے کاشرف حاصل کیا نقابت کی ذمہ داریاں اللہ دتہ بسمل اورڈاکٹراشفاق احمدنے انجام دینے کی سعادت حاصل کی کانفرنس کے اجتماع میں چودھری قاسم مجید وزیر امور منگلاڈیم وہاؤسنگ اتھارٹی آزادکشمیر نے بطور خاص شرکت کی کانفرنس میں سیاسی سماجی کاروباری شخصیات وکلاء صحافیو ں سمیت زندگی کے تمام شعبوں سے تعلق رکھنے والے افراد نے بڑی تعداد میں شرکت کی اس بابرکت محفل کے کامیاب انعقاد کے لئے زبردست انتظامات کیے گئے بارش کے باوجود شرکاء نے آپﷺ سے اپنی انتہائی محبت وعقیدت کااظہار کیااوربہترین نظم وضبط کامظاہرہ کیاکانفرنس کے انتظامات وتیاریوں میں چودھری محمدخلیق الزمان ایڈووکیٹ کے فرزندان چودھری سمیع الحسن ایڈووکیٹ چودھری ابوالحسنات ایڈووکیٹ اور پروفیسر محمدمحمود کی نگرانی میں انتظامیہ کمیٹی نے بھرپور حصہ لیااوربھرپور کردار اداکیا جومبارک باد کے مستحق ہیں شرکاء کانفرنس نے کانفرنس کے کامیاب انعقاد پرجملہ منتظمین کوخراج تحسین پیش کیاہے

---

چکسواری: (پوٹھوار ڈاٹ کام،نمائندہ خصوصی اللہ دتہ بسمل۔20, فروری,2024ء) — ٹریفک پولیس ضلع میرپور کی سستی،من چلوں نے گاڑیوں میں پولیس سائرن لگوا لئے۔اس کے علاوہ گا ڑیوں پر نمبر پلیٹس کی جگہ اپنے ناموں کی نمبر پلیٹس لگا رکھی ہیں۔ پولیس اہلکاران ناکہ لگا کر چالان بھی کرتے ہیں لیکن ایسی نمبر پلیٹیس یا سائرن نہیں اتروائے جا رہے۔ڈی آئی جی میرپور نوٹس لیں۔ تفصیلات کے مطابق چکسواری،اسلام گڑھ اور میرپور کی حدود میں من چلوں اور کم عمر ڈرائیوروں نے پولیس سائرن لگوا رکھے ہیں۔ گاڑی کی فرنٹ سائیڈ پر پولیس کی نیلی اور سرخ لایٹس بھی لگوا رکھی ہیں اور ساتھ میں سائرن بھی لگا رکھے ہیں ا ور جب سڑک پر چلتے ہیں تو لوگوں کو تنگ کر نامعمول بنا رکھا ہے۔ایسے لوگوں نے اپنی گاڑیوں پر نمبر پلیٹس کی جگہ اپنے نام کی نمبر پلیٹ لگوا رکھی ہیں۔ عام آدمی دیکھتا ہے لیکن پولیس کو یہ نمبر پلیٹس نظر نہیں آتی۔ٹریفک پولیس جگہ جگہ ناکے لگا کر عوام کو تنگ کرتی ہے لیکن ایسے لوگوں کو روکنا ان کی نمبر پلیٹس کو اتارنا ٹریفک پولیس میرپور کے اختیار میں ہی نہیں۔شرفاء نے ایسی نمبر پلیٹس رکھنے والے ڈرائیوروں کے خلاف کارروائی کا مطالبہ کرتے ہوئے کہا ہے کہ ٹریفک پولیس عام آدمیوں کو تنگ کرنیکی بجائے تگڑے لوگوں کے خلاف کارروائیاں کرے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چکسواری: (پوٹھوار ڈاٹ کام،نمائندہ خصوصی اللہ دتہ بسمل۔20, فروری,2024ء) —چوہدری نائب مرحوم کے فرزند حمزہ نائب کی طرف سے دوست احباب کے اعزاز میں ایک پرتکلف ظہرانہ کا انعقاد کیا گیا۔ گذشتہ دنوں حمزہ نائب نے انگلش کورس ایلیٹس بی 2 کو پاس کرنے پراپنے اعزاز میں دی گئی پارٹی میں ادارہ انگلش انسٹیٹیوٹ آف انفوٹیک چکسواری کے اساتذہ زاہد بشیر سوہاج،محمد عادل، قاری ظہیر احمد کے علاوہ ادارہ ہذا میں انگلش پڑھنے والے طالبعلموں راجہ علی نواز،توقیر احمد،اسرار علی،شعبان اور معظم علی کو مدعو کیا۔دعوت کا اہتمام ڈسٹرکٹ کونسلرفیض پور شریف چوہدری خوشنود کے ڈیرے پر کیا گیاتھا۔ دیگر مہمانوں میں کونسلر تنگدیو وارڈ چوہدری ریئس،چوہدری محمود،راجہ بشارت و دیگر نے بھی شرکت کی۔تمام معزز مہمانوں نے چوہدری حمزہ کو ایلٹس بی 2 کا امتحان پاس کرنے پر مبارکباد دی اور پرخلوص دعوت کا اہتمام کرنے پر شکریہ ادا کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چکسواری: (پوٹھوار ڈاٹ کام،نمائندہ خصوصی اللہ دتہ بسمل۔20, فروری,2024ء) —صدر سی یو جے ضلع میرپور راجہ نثار احمد خان، چکسواری پریس کلب کے سابق صدور مرزا محمدنذیر محمد رفیق بھٹی اللہ دتہ بسمل، معظم علی چوہدری،راجہ ابرار نثار، راجہ شبیر،قاضی محمد شاہد نے ڈپٹی الیکشن کمشنر خواجہ محمد ارشد کے پوتے ڈاکٹر نعمان ارشد کے فرزند،خواجہ محمد اقبال صدرچکسوار ی پریس کلب،خواجہ ظہور،خواجہ طاہر ایوب آف برطانیہ کے بھتیجے کے بیٹے کی برطانیہ میں المناک حادثاتی موت پر پر گہرے دکھ اور غم کا اظہار کرتے ہوئے لواحقین کے ساتھ اظہار ہمدردی اوردلی اظہارتعزیت کیاہے مرحوم کے لئے دعائے مغفرت اورلواحقین کے لئے صبرجمیل کی دعاکی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چکسواری: (پوٹھوار ڈاٹ کام،نمائندہ خصوصی اللہ دتہ بسمل۔20, فروری,2024ء) — ٹریفک پولیس ضلع میرپور کی سستی،من چلوں نے گاڑیوں میں پولیس سائرن لگوا لئے۔اس کے علاوہ گا ڑیوں پر نمبر پلیٹس کی جگہ اپنے ناموں کی نمبر پلیٹس لگا رکھی ہیں۔ پولیس اہلکاران ناکہ لگا کر چالان بھی کرتے ہیں لیکن ایسی نمبر پلیٹیس یا سائرن نہیں اتروائے جا رہے۔ڈی آئی جی میرپور نوٹس لیں۔ تفصیلات کے مطابق چکسواری،اسلام گڑھ اور میرپور کی حدود میں من چلوں اور کم عمر ڈرائیوروں نے پولیس سائرن لگوا رکھے ہیں۔ گاڑی کی فرنٹ سائیڈ پر پولیس کی نیلی اور سرخ لایٹس بھی لگوا رکھی ہیں اور ساتھ میں سائرن بھی لگا رکھے ہیں ا ور جب سڑک پر چلتے ہیں تو لوگوں کو تنگ کر نامعمول بنا رکھا ہے۔ایسے لوگوں نے اپنی گاڑیوں پر نمبر پلیٹس کی جگہ اپنے نام کی نمبر پلیٹ لگوا رکھی ہیں۔ عام آدمی دیکھتا ہے لیکن پولیس کو یہ نمبر پلیٹس نظر نہیں آتی۔ٹریفک پولیس جگہ جگہ ناکے لگا کر عوام کو تنگ کرتی ہے لیکن ایسے لوگوں کو روکنا ان کی نمبر پلیٹس کو اتارنا ٹریفک پولیس میرپور کے اختیار میں ہی نہیں۔شرفاء نے ایسی نمبر پلیٹس رکھنے والے ڈرائیوروں کے خلاف کارروائی کا مطالبہ کرتے ہوئے کہا ہے کہ ٹریفک پولیس عام آدمیوں کو تنگ کرنیکی بجائے تگڑے لوگوں کے خلاف کارروائیاں کرے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چکسواری: (پوٹھوار ڈاٹ کام،نمائندہ خصوصی اللہ دتہ بسمل۔20, فروری,2024ء) — پیداواری لاگت پر بجلی کے حصول سمیت جموں کشمیر جوائنٹ عوامی ایکشن کمیٹی کے چارٹر آف ڈیمانڈ میں موجود دیگر عوامی مطالبات کی منظوری تک بجلی بلات کا بائیکاٹ اور پرامن احتجاج جاری رہے گا۔ پانچ مارچ کو ریاست بھر میں یومِ مزاحمت منایا جائے گا۔ اس دن ریاست کے تمام چھوٹے بڑے شہروں میں احتجاجی ریلیاں اور اجتماعات منعقد کیے جائیں گے۔ حکمران اشرافیہ کسی بھول میں نہ رہے کہ اوچھے ہتھکنڈوں اور طاقت کے استعمال سے تحریک کو کچل سکتی ہے بلکہ وقت نے ثابت کیا ہے کہ ریاستی عوام اب باشعور ہو چکی ہے اور غصب شدہ حقوق کی بازیابی تک پیچھے ہٹنے کا کوئی سوال ہی پیدا نہیں ہوتا۔ ریاست بھر میں گزشتہ سات ماہ سے زائد عرصہ سے بجلی بلات کا بائیکاٹ اور احتجاج شروع ہے جس میں وقت گزرنے کے ساتھ کمی نہیں بلکہ تیزی آئی ہے۔ پیداواری لاگت پر بجلی کے حصول، گندم کے آٹے پر سبسڈی کی بحالی اور وافر فراہمی، رٹھوعہ چک ہریام پل کی تکمیل، متاثرین منگلا ڈیم کے مسائل کے حل بالخصوص ذیلی کنبہ جات کو رہائشی پلاٹوں کی فراہمی، اشرافیہ کی مراعات کے خاتمے، بلدیاتی نمائندوں (منتخب کونسلرز) کو فنڈز و اختیارات دیے جانے، طلبہ یونینز کے انتخابات کے انعقاد سمیت دیگر عوامی مطالبات حکمرانوں کو تسلیم کرنے ہوں گے۔ ان خیالات کا اظہار ایکشن کمیٹی چک سواری کے رضاکاران چیئرمین چودھری شبیر حسین نگیالوی صدر انجمن تاجراں حمید آبادچک سواری، اصغر علی راجہ، ظفر اقبال مغل، خواجہ محمد شعیب ایڈووکیٹ، شہزاد عظیم، حاجی محمد واحد مغل، انجینئر علی زین و دیگر نے اپنے مشترکہ اخباری بیان میں کیا۔ انہوں نے کہا کہ اراکین قانون ساز اسمبلی بالخصوص ضلع میرپور کے ایم ایل ایز عوامی مطالبات کے حق میں نہ صرف آواز اٹھائیں بلکہ اسمبلی فورم پر عوام کی وکالت و نمائندگی کریں بصورتِ دیگر وہ ذمہ داریوں کی بجا آوری میں کوتاہی کے مرتکب ہونے سمیت عوامی مجرم ہوں گے۔ اسی طرح بلدیاتی نمائندگان/ منتخب کونسلرز بھی عوام کی نمائندگی کا حق ادا کریں۔ ریاست گیر اس عوامی تحریک کا ایک اہم مطالبہ انہی بلدیاتی نمائندگان کے اختیارات سے متعلق ہے۔ ایسے میں بلدیاتی نمائندوں کو اس تحریک میں ہراول دستے کا کردار ادا کرنا چاہیے۔ ایکشن کمیٹی چک سواری کے اراکین نے عوام علاقہ کے نام اپنے پیغام میں کہا کہ مطالبات کی منظوری تک بجلی بلات کا بائیکاٹ جاری رکھیں۔ عوامی اتحاد اور بلات کے بائیکاٹ کا ثمر ہے کہ پاکستان کی طرح یہاں بجلی کی قیمت میں اضافے کی بجائے کمی واقع ہوئی بلکہ وزیر اعظم آزاد کشمیر جون 2022ء کا ٹیرف دینے پر رضامند ہیں لیکن پیداواری لاگت پر بجلی کا حصول عوام کا حق ہے جس کے حصول تک ناقابل مصلحت جدوجہد جاری رہے گی۔ جب تک حکومت جموں کشمیر جوائنٹ عوامی ایکشن کمیٹی کے ساتھ مذاکرات کا عمل جاری رکھے ہوئے ہے تب تک کسی صارف کسی شہری کا بجلی کنکشن منقطع نہیں کیا جائے گا اور حکومت اس فیصلے پر عمل درآمد کی پابند ہے۔ پانچ مارچ کو چک سواری میں بھرپور احتجاجی پروگرام منعقد کیا جائے گا جس میں عوام علاقہ کی بھرپور شرکت عوامی حقوق کی تحریک کے لیے تازہ ہوا کا جھونکا اور حکمران اشرافیہ کے تابوت میں آخری کیل ثابت ہو گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چکسواری: (پوٹھوار ڈاٹ کام،نمائندہ خصوصی اللہ دتہ بسمل۔20, فروری,2024ء) — ڈپٹی کسٹوڈین(ر) چودھری محمد خلیق الزمان ایڈووکیٹ ممبرڈسٹرکٹ بارایسوسی ایشن میرپور کی رہائش گاہ صوفی محمد یعقوب شہید ہاؤس فیض پور شریف میں سالانہ 23ویں میلاد مصطفیٰ ﷺکانفرنس آج 18 فروری منعقد ہو رہی ہے۔ اس بابرکت محفل سے علامہ مولانا سراج الدین صدیقی خطیب اعظم راولپنڈی خصوصی خطاب کریں گے جبکہ صدارت حضرت علامہ مولانا پیر محمدحبیب الرحمان محبوبی سجادہ نشین آستانہ عالیہ فیض پور شریف فرمائیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

چکسواری: (پوٹھوار ڈاٹ کام،نمائندہ خصوصی اللہ دتہ بسمل۔20, فروری,2024ء) —شہدائے لندن بشارت حسین شہید اور حنیف حسین شہید کی 51ویں برسی چکسواری پریس کلب میں عقیدت و احترام سے منائی گئی۔برسی کی تقریب میں چکسواری پریس کلب کے صحافیوں کے علاوہ بازار کی تاجر برادری نے بھی شرکت کی۔ دعا کے بعد حاضرین میں لنگر بھی تقسیم کیا گیا۔ تفصیلات کے مطابق چکسواری پریس کلب میں شہدائے لندن کا 51واں یوم شہادت منایا گیا۔ صدر چکسواری پریس کلب محمد اقبال خواجہ نے دعا فرمائی۔ اس تقریب میں سرپرست اعلیٰ عنصر محمود غزالی،سابق صد ر راجہ افراز محمود،سیکرٹری جنرل عابد حسین چودھری،نائب صدر الطاف احمد چودھری،ڈپٹی سیکرٹری محمد اسحاق خواجہ،ایڈیشنل سیکرٹری محمد تاج جالب،سابق نائب صد رمرزا عابد حسین،افضال چودھری ٹیلرز ایسوسی ایشن کے سینئر نائب صدر،سینئر صحافی عمران بلال،چودھری آفتاب احمد،کشمیر بینک کے سابق منیجر طاہر خان، زبیر مغل،راجہ زاہد محمود،محمد خان،اکرام احمد،صغیر احمد اور دیگر حضرات نے شرکت کی۔دعا کے بعد صدر پریس کلب محمد اقبال خواجہ،جنرل سیکرٹری عابد حسین چودھری،سرپرست اعلیٰ عنصر محمود غزالی،ایڈیشنل سیکرٹری جنرل محمد تاج جالب،سابق نائب صدر عابد حسین مرزا، سینئر صحافی عمران بلال،بشارت حسین شہید کے برادر اکبر حاجی غلام رسول پلاکوی اور دیگر نے بشارت حسین شہیدکے مزار پر چادر چڑھائی اور درجات کی بلندی کی دعا فرمائی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چکسواری: (پوٹھوار ڈاٹ کام،نمائندہ خصوصی اللہ دتہ بسمل۔20, فروری,2024ء) — چکسواری اور اس کے گرد ونواح میں طوفانی بارش جاری۔ رات بھر ہونے والی بارش اور طوفانی ہواؤں نے بجلی کا نظام درہم برہم کر دیا۔ چکسواری شہر سمیت مضافاتی علاقوں کی بجلی دس دس گھنٹے غائب رہی۔رات بھر بجلی کی بندش کی وجہ سے بچوں کو سکول جانے اور پھر پیپر دینے میں خاصی مشکلات کا سامنا کرنا پڑا۔ سرکاری اداروں او ر پرائیویٹ سکولوں میں بجلی نہ ہونے کی وجہ سے روشنی کا معقول انتظام نہ ہو سکا۔تا حال وقفے وقفے سے بارش جاری ہے۔تفصیلات کے مطابق چکسواری اور اس کے گرد ونواح میں رات بھر سے طوفانی ہواؤں کے ساتھ بارش جاری ہے۔شدید بارش اور طوفانی ہواؤں نے تباہی مچا دی۔ طوفانی ہواؤں کی وجہ سے بجلی کا نظام درہم برہم ہو گیا ہے۔دن بھر وقفے وقفے سے بارش جاری رہی۔بچوں کے امتحانات جاری ہیں بجلی کی بندش کی وجہ سے بچوں کے پیپرز بھی متاثر ہوئے۔ سرکاری سکولوں اور بعض پرائیویٹ اداروں میں روشنی کا معقول انتظام نہ ہونے کی وجہ سے بچوں کو خاصی مشکلات کا سامنا کرنا پڑا۔بارش جاری ہونے کی وجہ سے بعض علاقوں میں ابھی تک بجلی کا نظام بحال نہ ہو سکا۔ موجودہ بارشوں میں اللہ کے فضل سے ابھی تک کوئی جانی نقصان نہیں ہوا۔ لیکن مالی نقصانات کی اطلاعات ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چکسواری: (پوٹھوار ڈاٹ کام،نمائندہ خصوصی اللہ دتہ بسمل۔20, فروری,2024ء) —سابق امیدوار اسمبلی چودھری عظیم بخش کی چکسواری آمد۔ مرکزی انجمن تاجراں کے نو منتخب صدر چودھری عبدالشکور،جنرل سیکرٹری رضوان لون اور دیگر عہدیداران کو مبارکباد۔انجمن تاجراں کے نئے دفتر کے لئے ایک لاکھ روپے کا اعلان بھی کیا۔ اس سے قبل انجمن تاجراں چکسواری کے صدر عبدالشکور،جنرل سیکرٹری رضوان لون،نائب صدور اور دیگر عہدیداران نے سابق امیدوار اسمبلی کا شاندار استقبال کیا۔انھیں مالا پہنائیں گیئں۔ڈھول کی تھاپ پر رقص کرتے ہوئے انھیں چکسواری بازار لایا گیا۔ درجنوں تاجروں نے ان کا استقبال کیا۔ سابق امیدوار اسمبلی عظیم بخش چودھری نے کہا کہ چکسواری بازار ہم سب کا شہر ہے اور ہم سب کو مل کر اسے خوبصورت بنانا چاہیے۔ اس شہر کے مسائل حل کرنے چاہیے۔تمام نو منتخب عہدیداران کو مبارکباد پیش کرتا ہوں اور امید کرتا ہوں کہ وہ اپنی اپنی ذمہ داریوں سے اچھی طرح عہدہ برا ہوں گے۔مسائل کے حل کیلئے مل کر کام کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چکسواری: (پوٹھوار ڈاٹ کام،نمائندہ خصوصی اللہ دتہ بسمل۔20, فروری,2024ء) —حاجی راجہ محمود خان آف برطانیہ مڈلینڈ کیٹرنگ کی طرف سے سابق ایڈمنسٹریٹر راجہ گلفراز کان کے اعزاز میں شاندار ڈنر دیا گیا۔ اس ڈنر میں بروٹیاں گاؤں سے تعلق رکھنے والی معتبر شخصیات نے شرکت کی۔ حاجی محمود خان نے بروٹیاں گاؤں کی مین سڑک کی تعمیر کروانے پر وزیر حکومت چودھری قاسم مجید، چیئر مین میونسپل کمیٹی چکسواری چودھری نعیم حسین روپیال،سابق ایڈمنسٹریٹر راجہ گلفراز خان اور کونسلر محمد ساجد نظامی کا شکریہ ادا کیا۔جن کے خصوصی تعاون اور کاوشوں سے بروٹیاں راجگاں کا ایک دیرینہ مسئلہ حل ہوا۔ سابق ایڈمنسٹریٹر راجہ گلفراز خان نے کہا کہ وزیر حکومت چودھری قاسم مجید نے ہمیشہ عزت دی ہے اور جو بھی عوامی فلاح وبہبو دکا کام انھیں کہا انھوں نے فوراً کیا ہے۔ہم نے سیاست عوامی خدمت کے جذبے سے شروع کی ہے اور ہمیشہ عوام کے لئے دروازے کھلے رکھیں گے۔ پیپلز پارٹی نے ہمیشہ کارکردگی کی بناء پر ووٹ لئے ہیں۔ چودھری عبدالمجید سابق وزیر اعظم اور ان کے صاحبزادہ وزیر حکومت چودھری قاسم مجید نے ہمیشہ مفاہمت اور رواداری کی سیاست کی ہے۔ یہی وجہ ہے کہ حلقہ کے عوام ان پر اعتماد کرتے ہیں۔اس ڈنر میں راجہ عباس خا ن،راجہ وقار رحمت،راجہ گلفام،راجہ گلستان،راجہ اختر خان،راجہ شفیق اللہ خان،راجہ افراز جمیل کیانی اور دیگر نے شرکت کی۔میزبان راجہ محمود خان نے تمام احباب کا شکریہ ادا کیا۔] ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔چکسواری: (پوٹھوار ڈاٹ کام،نمائندہ خصوصی اللہ دتہ بسمل۔20, فروری,2024ء) — آزاد جموں و کشمیر کے چیف جسٹس راجہ سعید اکرم خان اور سپریم کورٹ کے ججز صاحبان سے ڈسٹرکٹ بار ایسوسی ایشن میرپور کے نو منتخب صدر چوہدری شکیل زمان ایڈووکیٹ کی سربراہی میں ڈسٹرکٹ بار ایسوسی ایشن کے نو منتخب عہدیداران نے ملاقات کی۔اس موقع پر چیف جسٹس آزادجموں و کشمیر راجہ سعید اکرم خان نے نو منتخب عہدیداران بار کو مبارکباد دی اور امید کی کہ نو منتخب عہدیداران اپنی پوری دل جمعی اور دلچسپی سے اپنے فرائض سرانجام دیں گے اور بار اور بینچ کے تعلق کو مذید بہتر اور مضبوط بنائیں گے۔ نو منتخب بار صدر اور بار کے جملہ منتخب عہدیداران نے بھی چیف جسٹس آزادجموں و کشمیر راجہ سعید اکرم خان کو یقین دلایا کہ وہ اپنی تمام تر صلاحیتوں کو برو کار لاتے ہوئے بار کے لیے کام کریں گے اور بار اور بینچ کے تعلق کو مذید مضبوط اور بہتر بنائیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چکسواری: (پوٹھوار ڈاٹ کام،نمائندہ خصوصی اللہ دتہ بسمل۔20, فروری,2024ء) — ایڈیشنل ڈپٹی کمشنر جنرل یاسر محمود کے دفتر سے جاری کردہ پریس ریلز کے مطابق ضلع میرپورمیں ٹریول ایجنسی کے نام پر کئی افراد بدوں رجسٹریشن لائسنس یا اجازت نامہConsultant/Advisory کے دفاتر کھول کر کام کر رہے ہیں، جو سادہ لوح لوگوں کو نہ صرف بیرون ملک بھیجنے کا جھانسہ دے کرلاکھوں روپے بٹور ہے ہیں بلکہ کئی افسوس ناک حادثات بھی ہو چکے ہیں۔ جس کی ایک مثال یونان کشتی حادثہ بھی ہے۔ایسی تمام ٹریول ایجنسیوں ویزہ ایجنٹس کی سکروٹنی اور رجسٹریشن کے لیے ڈپٹی کمشنر یاسر ریاض نے ایڈیشنل ڈپٹی کمشنر جنرل یاسر محمود کو چیئر مین کمیٹی مقرر کیا ہے۔ چیئرمین کمیٹی نے ممبران کے ہمراہ متعدد بار میٹنگ کا انعقادکیا۔جس میں حتمی فیصلہ کیا گیا ہے کہ غیر رجسٹرڈویزہ کنسلٹنسی/ ایڈوائزری/ ٹریول جسٹس / ویزہ ایجنٹس کے خلاف کارروائی کی جائے گی۔ایڈیشنل ڈپٹی کمشنر جنرل یاسر محمود نے متعلقین کو بذریعہ نوٹس مطلع کیا کہ اپنے دفتر/ ادارہ کی رجسٹریشن کے کاغذات یکم مارچ 2024 تک دفتر ہذا میں جمع کروائیں تا کہ مطابق قواعد ان کی پڑتال کی جا سکے۔ تاریخ مقررہ تک کا غذات پیش نہ کرنے کی صورت میں کارروائی ضابطہ عمل میں لائے جائے گی۔