Kahuta; Assistant Commissioner Kahuta Inspects THQ Hospital

کہوٹہ: نمائندہ پوٹھوار ڈاٹ کوم، عمران ضمیر — 09 ستمبر 2026اسسٹنٹ کمشنر کہوٹہ شیرین گل نے گزشتہ روز تحصیل ہیڈکوارٹرز ہسپتال کہوٹہ کا تفصیلی دورہ کیا اور مختلف شعبہ جات میں مریضوں کو فراہم کی جانے والی طبی سہولیات، صفائی ستھرائی، ادویات کی دستیابی اور عملے کی حاضری سمیت دیگر انتظامات کا جائزہ لیا۔

دورے کے دوران اسسٹنٹ کمشنر نے ہسپتال کے ایمرجنسی وارڈ، میل وارڈ، فیمیل وارڈ اور دیگر شعبہ جات کا معائنہ کیا۔ انہوں نے ہسپتال میں جاری طبی امور اور مریضوں کو فراہم کی جانے والی سہولیات کے معیار کا بھی جائزہ لیا۔

اسسٹنٹ کمشنر نے مختلف وارڈز میں زیرِ علاج مریضوں اور ان کے لواحقین سے ملاقات کی اور ہسپتال میں دستیاب طبی سہولیات کے بارے میں دریافت کیا۔ مریضوں اور لواحقین نے اپنے مسائل اور ضروریات سے بھی آگاہ کیا، جنہیں اسسٹنٹ کمشنر نے بغور سنا۔

اس موقع پر اسسٹنٹ کمشنر شیرین گل نے ہسپتال انتظامیہ کو ہدایت کی کہ مریضوں کو بہترین اور بروقت علاج معالجے کی سہولیات کی فراہمی میں کسی قسم کی غفلت یا کوتاہی برداشت نہیں کی جائے گی۔ انہوں نے کہا کہ سرکاری ہسپتال عوام کو بنیادی صحت کی سہولیات فراہم کرنے کا اہم ذریعہ ہیں، اس لیے ڈاکٹرز، نرسنگ اسٹاف اور دیگر عملہ اپنی ذمہ داریاں پوری لگن، احساسِ ذمہ داری اور پیشہ ورانہ انداز میں انجام دے۔

انہوں نے ہدایت کی کہ ایمرجنسی وارڈ میں آنے والے مریضوں کو فوری طبی امداد فراہم کی جائے، ضروری ادویات اور دیگر طبی سہولیات کی دستیابی یقینی بنائی جائے جبکہ تمام وارڈز میں صفائی ستھرائی کے معیار کو مزید بہتر کیا جائے۔

اسسٹنٹ کمشنر نے ہسپتال کے عملے پر مریضوں اور ان کے لواحقین سے خوش اخلاقی سے پیش آنے اور ان کی شکایات کے فوری ازالے پر بھی زور دیا۔

انہوں نے کہا کہ “مریضوں کو علاج کے لیے کسی قسم کی مشکلات کا سامنا نہیں ہونا چاہیے۔ ہسپتال میں آنے والا ہر شخص ہماری توجہ اور بہترین سہولت کا حق دار ہے۔ انتظامیہ اس امر کو یقینی بنائے کہ مریضوں کو بروقت علاج، ضروری ادویات اور مناسب طبی سہولیات میسر ہوں۔”

اسسٹنٹ کمشنر نے ہسپتال انتظامیہ کو مزید ہدایت کی کہ تمام شعبہ جات میں صفائی، نظم و ضبط اور طبی سہولیات کی مسلسل نگرانی کی جائے اور کسی بھی کمی یا مسئلے کی صورت میں فوری اقدامات کیے جائیں۔

انہوں نے واضح کیا کہ عوام کو صحت کی سہولیات کی فراہمی حکومت کی اولین ترجیحات میں شامل ہے اور اس حوالے سے کسی قسم کی غفلت قابلِ قبول نہیں ہوگی۔ ان کا کہنا تھا کہ انتظامیہ عوامی مسائل کے حل اور بنیادی سہولیات کی فراہمی کے لیے فیلڈ میں موجود رہ کر اپنی ذمہ داریاں ادا کرتی رہے گی۔

Kahuta: Pothwar.com, Imran Zamir — September 9, 2026 —Assistant Commissioner Kahuta Shireen Gul paid a detailed visit to the Tehsil Headquarters Hospital Kahuta and inspected various departments to review the healthcare facilities being provided to patients, cleanliness standards, availability of medicines, staff attendance and other administrative arrangements.

During the visit, the Assistant Commissioner inspected the Emergency Ward, Male Ward, Female Ward and other sections of the hospital. She reviewed the overall arrangements and assessed the quality of medical services being provided to patients.

She also visited different wards and met patients and their attendants to inquire about the healthcare facilities available at the hospital. The patients and their attendants shared their concerns and problems, which the Assistant Commissioner heard attentively.

On the occasion, Assistant Commissioner Shireen Gul directed the hospital administration to ensure the provision of the best possible medical treatment and timely healthcare services to patients. She made it clear that negligence or dereliction of duty in providing healthcare facilities would not be tolerated.

She said government hospitals play an important role in providing basic healthcare services to the public. Therefore, doctors, nursing staff and other employees must perform their duties with dedication, a strong sense of responsibility and professionalism.

The Assistant Commissioner further directed the administration to ensure that patients arriving at the Emergency Ward receive immediate medical attention. She also stressed the need to ensure the availability of essential medicines and other medical facilities while further improving cleanliness standards in all wards.

She emphasized that patients and their attendants should be treated courteously and that their complaints should be addressed promptly.

“Patients should not face any difficulties in receiving treatment. Every person who comes to the hospital deserves our attention and the best possible facilities. The administration must ensure that patients receive timely treatment, necessary medicines and appropriate medical care,” she said.

The Assistant Commissioner also instructed the hospital administration to maintain continuous monitoring of cleanliness, discipline and medical facilities in all departments and to take immediate corrective measures whenever any deficiency or issue is identified.

She made it clear that providing healthcare facilities to the public is among the government’s top priorities and that no negligence in this regard would be acceptable. She added that the administration would continue to remain present in the field and fulfill its responsibilities to resolve public issues and ensure the provision of basic facilities.

مرکزی جامع مسجد بٹالہ شریف میں محفل میلاد ﷺ کا انعقاد، مولانا عبد الوحید صدیقی کا خصوصی خطاب

Milad Gathering Held at Batala Sharif Central Jamia Mosque, Maulana Abdul Waheed Siddiqui Delivers Special Address

مٹور (نمائندہ پوٹھوار ڈاٹ کوم کبیر احمد جنجوعہ،9ستمبر2026)
مر کزی جامع مسجد بٹالہ شریف میں محفل میلاد ﷺ، مولانا عبد الوحید صدیقی کا خصوصی خطاب، معروف سیاسی وسماجی شخصیت مرزا محمد مسعود نے خصوصی شرکت کی،تفصیل کے مطابق گذشتہ روز مر کزی جامع مسجد بٹالہ شریف میں محفل میلاد ﷺکی خوبصورت محفل کا انعقاد ہو ا جس میں خصوصی مولانا عبد الوحید صدیقی نے کیا جبکہ محفل میں علاقے کی معروف سیاسی وسماجی شخصیت مرزا محمد مسعود آف بٹالہ شریف امیدوار برائے چیئرمین یوسی مواڑہ،علامہ حافظ خضر آف پیر گلہ،حافظ قمر رضا چشتی، معروف سیاسی وسماجی شخصیت حاجی مرزا محمد جہانگیر،حافظ مرزا محمد توصیف، مرزا عمران مسعود،مرزا فرحان مسعود، مرزا جبران مسعود سمیت بڑی تعداد میں سیاسی و سماجی شخصیات اور معززین علاقہ نے شرکت کی اپنے خطاب میں مولانا عبد الوحید صدیقی نے کہا کہ نبی کریم ﷺ کی سیرتِ طیبہ تمام انسانیت کے لیے مشعلِ راہ ہے۔ آپ ﷺ کی آمد سے دنیا میں جہالت کے اندھیرے ختم ہوئے اور علم، عدل و انصاف اور محبت و اخوت کی روشنی پھیلی۔ موجودہ دور کے تمام مسائل کا حل اس بات میں مضمر ہے کہ ہم آپ ﷺ کے بتائے ہوئے اسوہ حسنہ پر سچے دل سے عمل پیرا ہوں۔ اگر ہم دنیا و آخرت میں کامیابی چاہتے ہیں تو ہمیں آپ ﷺ کے اخلاق، درگزر اور تعلیمات کو اپنی عملی زندگی کا حصہ بنانا ہوگا۔”آخر میں امت مسلمہ کے لیے خصوصی دعا کی گی اور شرکاء میں لنگر تقسیم کیا گیا۔

Inflation Has Broken the Back of the Common Man, Says Brigadier (Retd.) Shazal Haq Janjua

مٹور (نمائندہ پوٹھوار ڈاٹ کوم کبیر احمد جنجوعہ،9ستمبر2026)
حکومت نے مہنگائی کے پے در پے وار کر کے ملک کی عوام کو زندہ درگور کر دیا ہے، ٹوکن ٹیکس میں چار گنا اضافہ، پٹرول اور کھاد کی قیمتیں آسمان سے باتیں کر رہی ہیں، عام آدمی کے لیے زندگی گزارنا مشکل ہو گیا: برگیڈیئر (ر) شازالحق جنجوعہ، تفصیل کے مطابق حلقہ پی پی سیون کی معروف سیاسی و سماجی شخصیت برگیڈیئر (ر) شازالحق جنجوعہ نے کہا ہے کہ ملک میں مہنگائی نے عوام کی کمر توڑ کر رکھ دی ہے، ٹوکن ٹیکس میں چار گنا اضافہ، پٹرولیم مصنوعات اور کھاد کی قیمتوں میں مسلسل اضافے نے عام شہری کو شدید مشکلات سے دوچار کر دیا ہے۔ غریب اور متوسط طبقے کے لیے دو وقت کی روٹی، بچوں کی تعلیم، علاج معالجہ اور دیگر بنیادی ضروریات پوری کرنا دن بدن مشکل ہوتا جا رہا ہے۔ اپنے ایک بیان میں برگیڈیئر (ر) شازالحق جنجوعہ نے کہا کہ مہنگائی صرف اعداد و شمار کا مسئلہ نہیں بلکہ یہ براہِ راست عام آدمی کے گھر کے بجٹ کو متاثر کر رہی ہے۔ پٹرول مہنگا ہونے سے ٹرانسپورٹ، اشیائے خورونوش، سبزیوں، پھلوں اور دیگر ضروری اشیاء کی قیمتوں میں بھی اضافہ ہو جاتا ہے، جبکہ زرعی شعبہ بھی مہنگی کھاد، بیج، زرعی ادویات اور ڈیزل کے باعث شدید دباؤ کا شکار ہے۔ انہوں نے کہا کہ ایک طرف کسان اپنی فصل کی پیداواری لاگت پوری کرنے کے لیے پریشان ہے اور دوسری طرف عام شہری مہنگی اشیائے ضروریہ خریدنے پر مجبور ہے۔ حکومت کو چاہیے کہ وہ ایسے اقدامات کرے جن سے مہنگائی کا بوجھ کم ہو اور عوام کو حقیقی ریلیف مل سکے، کیونکہ محض اعلانات اور دعووں سے عوام کے مسائل حل نہیں ہوں گے۔ برگیڈیئر (ر) شازالحق جنجوعہ نے کہا کہ افسوس کا مقام ہے کہ پاکستان کے عوام چند مفاد پرست اور کرپٹ عناصر کے ہاتھوں مسلسل پس رہے ہیں۔ عوام نے بارہا قربانیاں دی ہیں اور مشکل حالات میں ملک کا ساتھ دیا ہے، لیکن اب وقت آ گیا ہے۔