20 June 2026DailyNewsHeadlineKahutaPothwar.com 
Kahuta: Five Passersby Injured in Indiscriminate Firing Near GPO
جی پی او کہوٹہ کے نزدیک اندھا دھند فائرنگ، 5 راہگیر شدید زخمی
کہوٹہ: (نمائندہ پوٹھوار ڈاٹ کوم، عمران ضمیر، 20 جون 2026)
جی پی او کہوٹہ کے نزدیک نامعلوم افراد کی جانب سے کی گئی اندھا دھند فائرنگ کے نتیجے میں 5 راہگیر گولیاں لگنے سے شدید زخمی ہو گئے۔
تفصیلات کے مطابق گزشتہ رات جنرل پوسٹ آفس (جی پی او) کہوٹہ کے قریب نامعلوم ملزمان نے فائرنگ کی، جس کے باعث پانچ راہگیر زخمی ہو گئے۔ زخمیوں کو فوری طور پر تحصیل ہیڈکوارٹر ہسپتال (THQ) کہوٹہ منتقل کر دیا گیا جہاں انہیں طبی امداد فراہم کی جا رہی ہے۔
زخمی ہونے والوں میں عدنان مسعود، محمد عدیل، جواد مغل، حفیظ احمد اور ایک کمسن بچی صائمہ شامل ہیں۔ پولیس نے واقعے کی تحقیقات شروع کر دی ہیں جبکہ ملزمان کی تلاش جاری ہے۔
Kahuta, June 20, 2026 (Pothwar.com– Imran Zamir):
Five passersby were seriously injured after unknown assailants opened indiscriminate fire near the General Post Office (GPO) Kahuta late last night.
According to details, unidentified individuals resorted to firing in the vicinity of GPO Kahuta, resulting in gunshot injuries to five pedestrians. The injured were immediately shifted to Tehsil Headquarters Hospital (THQ) Kahuta for medical treatment.
The victims have been identified as Adnan Masood, Muhammad Adeel, Jawad Mughal, Hafeez Ahmed, and a minor girl, Saima. Authorities have launched an investigation into the incident, while efforts are underway to identify and apprehend the suspects.
محکمہ اینٹی کرپشن کا کہوٹہ میں چھاپہ، پٹواری ملک عبرت رشوت لیتے ہوئے رنگے ہاتھوں گرفتار
Anti-Corruption Department Arrests Patwari Red-Handed While Accepting Bribe in Kahuta
کہوٹہ: (نمائندہ پوٹھوار ڈاٹ کوم، عمران ضمیر، 20 جون 2026)محکمہ اینٹی کرپشن نے کہوٹہ میں کارروائی کرتے ہوئے پٹواری ملک عبرت کو مبینہ طور پر رشوت لیتے ہوئے رنگے ہاتھوں گرفتار کر لیا۔
تفصیلات کے مطابق اینٹی کرپشن حکام نے شہری اخلاق احمد کی شکایت پر کارروائی کرتے ہوئے کہوٹہ کلب کے نزدیک چھاپہ مارا، جہاں پٹواری ملک عبرت کو رشوت وصول کرتے ہوئے گرفتار کیا گیا۔
گرفتاری کے بعد ملزم پٹواری ملک عبرت کو سول جج درجہ اول ایاز محمود بھٹی کی عدالت میں پیش کیا گیا۔ اینٹی کرپشن حکام کے مطابق مقدمے کی مزید تفتیش جاری ہے جبکہ واقعے سے متعلق قانونی کارروائی عمل میں لائی جا رہی ہے۔
علاقہ مکینوں نے اینٹی کرپشن کی اس کارروائی کو سراہتے ہوئے سرکاری اداروں میں شفافیت اور احتساب کے عمل کو مزید مؤثر بنانے کی ضرورت پر زور دیا ہے۔
Hours-Long Traffic Gridlock at Sihala Railway Crossing Causes Severe Hardship for Commuters
سہالہ پھاٹک بند ہونے سے گھنٹوں ٹریفک جام، مسافروں کو شدید مشکلات کا سامنا
کہوٹہ: (نمائندہ پوٹھوار ڈاٹ کوم، عمران ضمیر، 20 جون 2026)سہالہ ریلوے پھاٹک بار بار بند ہونے کے باعث گھنٹوں تک ٹریفک جام رہنے لگی، جس سے مریضوں، طلبا و طالبات، ملازمین، بزرگوں، خواتین اور دیگر مسافروں کو شدید مشکلات اور پریشانی کا سامنا کرنا پڑ رہا ہے۔
شہریوں کے مطابق پھاٹک کی بندش کے دوران گاڑیوں کی طویل قطاریں لگ جاتی ہیں، جس کے باعث روزمرہ زندگی بری طرح متاثر ہو رہی ہے۔ مسافروں کا کہنا ہے کہ مری سے راولپنڈی اور کہوٹہ کو ملانے والی اہم شاہراہ پر ٹریفک کا دباؤ مسلسل بڑھ رہا ہے، تاہم اس مسئلے کے مستقل حل کے لیے تاحال مؤثر اقدامات نہیں کیے گئے۔
علاقہ مکینوں نے یاد دلایا کہ سابق وزیراعظم میاں نواز شریف کی جانب سے پنڈی۔کہوٹہ روڈ کو موٹروے طرز کی شاہراہ بنانے کا اعلان کیا گیا تھا، تاہم کئی سال گزرنے کے باوجود اس منصوبے پر عملدرآمد نہ ہو سکا۔ شہریوں کا یہ بھی کہنا ہے کہ سہالہ اوور ہیڈ برج کی تعمیر کے متعدد اعلانات کیے گئے، مگر وہ تاحال عملی شکل اختیار نہیں کر سکے۔
مقامی افراد کے مطابق ماضی میں بعض مریض پھاٹک کی طویل بندش کے باعث بروقت ہسپتال نہ پہنچ سکے، جس پر شدید تشویش پائی جاتی ہے۔ شہریوں نے وزیراعظم پاکستان اور وزیراعلیٰ پنجاب سے فوری نوٹس لینے اور سہالہ پھاٹک کے مسئلے کا مستقل حل نکالنے کا مطالبہ کیا ہے تاکہ عوام کو درپیش مشکلات کا خاتمہ ممکن بنایا جا سکے۔
Residents Protest Over Inflation, Water Shortage, Encroachments and Poor Civic Services in Kahuta
کہوٹہ میں مہنگائی، پانی کی قلت، تجاوزات اور ناقص بلدیاتی سہولیات پر شہریوں کا شدید احتجاج
کہوٹہ: (نمائندہ پوٹھوار ڈاٹ کوم، عمران ضمیر، 20 جون 2026)کہوٹہ اور گردونواح کے علاقوں میں مصنوعی مہنگائی، تجاوزات، ریڑھی بانوں کے بڑھتے ہوئے قبضے او بنیادی شہری سہولیات کی عدم دستیابی کے خلاف عوامی بے چینی میں اضافہ ہو گیا ہے۔ شہریوں نے انتظامیہ اور متعلقہ اداروں کی کارکردگی پر شدید تحفظات کا اظہار کیا ہے۔
مقامی افراد کے مطابق شدید گرمی کے موسم میں پینے کے صاف پانی کی شدید قلت پیدا ہو چکی ہے اور شہری بوند بوند پانی کو ترس رہے ہیں۔ اس کے علاوہ متعدد علاقوں میں سٹریٹ لائٹس خراب ہونے اور صفائی ستھرائی کا نظام درہم برہم ہونے کے باعث عوام کو روزمرہ زندگی میں مشکلات کا سامنا ہے۔
شہریوں کا کہنا ہے کہ بازاروں اور سڑکوں پر تجاوزات اور ریڑھیوں کی بھرمار کے باعث ٹریفک کی روانی متاثر ہو رہی ہے جبکہ مصنوعی مہنگائی نے عام آدمی کی مشکلات میں مزید اضافہ کر دیا ہے۔
عوامی حلقوں نے دعویٰ کیا ہے کہ “صاف ستھرا پنجاب پروگرام” تحصیل کہوٹہ میں صرف تصویری سرگرمیوں اور فوٹو سیشن تک محدود نظر آتا ہے جبکہ زمینی حقائق اس کے برعکس ہیں۔ شہریوں نے متعلقہ اداروں پر مسائل کے حل کے بجائے سب اچھا ہے کی رپورٹس دینے کا الزام بھی عائد کیا۔
مقامی افراد نے کہا کہ حلقے کے منتخب نمائندوں کو عوامی مسائل کے حل پر توجہ دینی چاہیے۔ شہریوں کے مطابق پینے کے صاف پانی سمیت بنیادی سہولیات کی فراہمی فوری توجہ کی متقاضی ہے، تاہم عوام خود کو نظرانداز محسوس کر رہے ہیں۔
شہریوں نے حکومت پنجاب، ضلعی انتظامیہ اور متعلقہ اداروں سے مطالبہ کیا ہے کہ پانی کی فراہمی، صفائی ستھرائی، تجاوزات کے خاتمے اور مہنگائی کے سدباب کے لیے ہنگامی بنیادوں پر اقدامات کیے جائیں تاکہ عوام کو درپیش مشکلات کا ازالہ ہو سکے۔
MNA Raja Usama Ashfaq Sarwar Assures Early Start of Kahuta Bypass Project During Meeting with Local PML-N Leaders
