Kahuta: Forest Fire in Jungle No. 71 Injures Forest Department Firefighter During Rescue Operation

کہوٹہ: (نمائندہ پوٹھوار ڈاٹ کوم، عمران ضمیر، 03 جون 2026) کہوٹہ کے نواحی علاقوں جنڈی، ہنیسر اور بگھار شریف کے درمیان واقع جنگل نمبر 71 میں لگنے وال شدید آگ کے دوران محکمہ جنگلات کا ایک فائر فائٹر بری طرح جھلس کر زخمی ہو گیا جبکہ دو دیگر اہلکار معمولی زخمی ہوئے۔

تفصیلات کے مطابق جنگل میں آگ بجھانے کی کارروائی کے دوران تین افراد آگ کے درمیان پھنس گئے تھے۔ مقامی افراد، محکمہ جنگلات اور امدادی ٹیموں کی مشترکہ کوششوں سے نظر حسین اور ارسلان کو بحفاظت نکال لیا گیا، تاہم محکمہ جنگلات کے فائر فائٹر اسجد محمود ولد غلام رسول شدید جھلس گئے۔

اہل علاقہ نے دشوار گزار جنگلاتی علاقے سے زخمی اسجد محمود کو نکال کر مین سڑک تک پہنچایا جہاں ریسکیو 1122 کی ٹیم نے ابتدائی طبی امداد فراہم کرنے کے بعد انہیں تحصیل ہیڈکوارٹر ہسپتال کہوٹہ منتقل کیا۔ ڈاکٹروں کے مطابق ان کے جسم کا بڑا حصہ جھلس گیا تھا جس کے باعث مزید علاج کے لیے انہیں راولپنڈی منتقل کر دیا گیا۔

واقعے کی اطلاع ملتے ہی ڈویژنل فارسٹ آفیسر راولپنڈی ڈویژن ارم منیر اور ڈسٹرکٹ فارسٹ آفیسر راولپنڈی فاروق ستی ہسپتال پہنچ گئے، جہاں انہوں نے زخمی اہلکاروں کی عیادت کی اور طبی سہولیات کی فراہمی کا جائزہ لیا۔

ارم منیر نے جنگل نمبر 71 کے دورے کے موقع پر کہا کہ جنگلات کو آگ لگانے والے سماج دشمن عناصر قانون کی گرفت سے نہیں بچ سکتے۔ انہوں نے محکمہ جنگلات کے افسران اور اہلکاروں کی بہادری کو سراہتے ہوئے کہا کہ وہ اپنی جانوں کی پروا کیے بغیر آگ بجھانے کے لیے عملی میدان میں موجود ہیں اور ایسے ملازمین محکمہ جنگلات کا فخر ہیں۔

مقامی افراد کا کہنا ہے کہ تحصیل کہوٹہ کے سرکاری جنگلات میں غیر قانونی کٹائی ایک سنگین مسئلہ بن چکی ہے۔ ان کے مطابق لکڑی چور اور ٹمبر مافیا قیمتی درختوں کی کٹائی کے بعد شواہد مٹانے کے لیے جنگلات میں آگ لگاتے ہیں، جس کے باعث قیمتی جنگلات اور جنگلی حیات کو شدید نقصان پہنچ رہا ہے۔

محکمہ جنگلات، ریسکیو اداروں اور مقامی افراد کی جانب سے جنگل نمبر 71 میں لگی آگ پر قابو پانے کے لیے کارروائیاں جاری ہیں

Kahuta (Pothwar.com – Imran Zamir, June 03, 2026)  A massive fire broke out in Jungle No. 71, located between Jandi, Hanisar, and Baghar Sharif near Kahuta, leaving a Forest Department firefighter seriously injured while battling the blaze.

According to officials, three people became trapped inside the forest during the firefighting operation. Rescue teams, local residents, and Forest Department staff managed to safely evacuate Nazar Hussain and Arsalan, while firefighter Asjad Mahmood, son of Ghulam Rasool, suffered severe burn injuries.

Residents helped carry the injured firefighter from the difficult mountainous terrain to the main road, where Rescue 1122 personnel provided first aid before shifting him to Tehsil Headquarters Hospital Kahuta. Due to the severity of his burns, he was later referred to Rawalpindi for specialized treatment.

Divisional Forest Officer Rawalpindi Division Iram Munir and District Forest Officer Farooq Satti visited the hospital to inquire about the health of the injured personnel and review medical arrangements.

Speaking during a visit to Jungle No. 71, Iram Munir said those responsible for setting forest fires would not escape the law. She praised Forest Department staff for risking their lives to protect forests and described their dedication as a source of pride for the department.

Local residents alleged that illegal logging and timber smuggling continue to threaten government forests in the Kahuta region. They claimed that forest fires are often used to destroy evidence of illegal tree cutting, causing extensive environmental damage.

Efforts by the Forest Department, Rescue 1122, and local volunteers to contain the fire remain underway.

عوامی شکایات پر اسسٹنٹ کمشنر شیریں گل کا فوری ایکشن، کہوٹہ کے مختلف علاقوں میں سٹریٹ لائٹس بحال

Assistant Commissioner Takes Swift Action, Restores Street Lights in Several Kahuta Neighbourhoods

نئی حلقہ بندیوں میں یونین کونسل پنجاڑ کو نرڑ کے ساتھ منسلک کرنے کا فیصلہ مسترد، اہلیان علاقہ کا شدید احتجاج

کہوٹہ: (نمائندہ پوٹھوار ڈاٹ کوم، عمران ضمیر، 03 جون 2026)حکومت کی جانب سے مجوزہ نئی حلقہ بندیوں کے تحت تحصیل کہوٹہ کی قدیمی اور تاریخی یونین  کونسل پنجاڑ کو ملحقہ مواضعات اور دیہاتوں سمیت یونین کونسل نرڑ کے ساتھ منسلک کرنے کے فیصلے پر اہلیان علاقہ نے شدید تحفظات کا اظہار کرتے ہوئے اسے سراسر ناانصافی اور غیر منصفانہ اقدام قرار دیا ہے۔

پنجاڑ اور اس کے ملحقہ دیہات بھنتی، براٹھیاں، بندلہ، جیوڑہ، سوہا اور کلوئیاں کے سینکڑوں معززین اور عوامی نمائندوں نے ایک بڑے جرگے میں شرکت کرتے ہوئے متفقہ طور پر اس فیصلے کو چیلنج کرنے کا اعلان کیا۔ شرکاء کا کہنا تھا کہ پنجاڑ ایک تاریخی، قدیمی اور منفرد شناخت رکھنے والا علاقہ ہے، جس کی الگ ثقافتی، سماجی اور انتظامی حیثیت کو ختم کرنے کی کسی بھی کوشش کو قبول نہیں کیا جائے گا۔

جرگے سے خطاب کرتے ہوئے سابق تحصیل نائب ناظم کہوٹہ راجہ ریاض احمد، سابق صدر بار ایسوسی ایشن کہوٹہ سردار سلطان ایڈووکیٹ، سردار عمران ایڈووکیٹ، محمود ستی اور دیگر مقررین نے کہا کہ پنجاڑ کی تاریخی شناخت برقرار رکھنا اہل علاقہ کا بنیادی حق ہے اور اسے کسی دوسرے یونین کونسل کے ساتھ ضم کرنا مقامی عوام کی خواہشات کے خلاف ہے۔

مقررین نے کہا کہ نئی حلقہ بندیوں کے اس فیصلے کے خلاف جلد متعلقہ فورمز پر باضابطہ اعتراضات جمع کرائے جائیں گے اور قانونی و جمہوری طریقے سے اپنا مؤقف پیش کیا جائے گا۔ انہوں نے مطالبہ کیا کہ حکومت اور متعلقہ ادارے عوامی رائے کا احترام کرتے ہوئے پنجاڑ کی الگ حیثیت کو برقرار رکھیں۔

اجتماع کے شرکاء نے اس عزم کا اظہار کیا کہ یونین کونسل پنجاڑ کی تاریخی اور انتظامی شناخت کے تحفظ کے لیے ہر ممکن قانونی اور جمہوری جدوجہد جاری رکھی جائے گی۔

Annual Urs Prayer Gathering of Baba Godri Badshah (RA) Held at Dr. Mansoor Ali Janjua’s Residence in Bagla Rajgan

آئی ایم ایف کی ڈکٹیشن پر بجٹ کی تیاری قومی خود مختاری کے خلاف ہے، ملک عبدالقیوم اعوان

مٹور (نمائندہ پوٹھوار ڈاٹ کوم کبیر احمد جنجوعہ،2جون2026)
جماعت اسلامی یوتھ ونگ تحصیل کہوٹہ کے صدر نوجوان سیاسی وسماجی شخصیت ملک عبدالقیوم اعوان نے کہا ہے کہ وفاقی بجٹ کی آئی ایم ایف کی ڈکٹیشن کے مطابق تیاری ملکی خود مختاری، قومی وقار اور عوامی مفادات کے خلاف ہے۔ غیر ملکی مالیاتی اداروں کی براہ راست مداخلت نے پاکستان کی معاشی آزادی کو شدید نقصان پہنچایا ہے اور حکمران طبقہ ملک و قوم کی عزت، وقار اور خود مختاری کو دا پر لگا چکا ہے انہوں نے کہا کہ موجودہ حکومت اس وقت تک عوام کو حقیقی ریلیف فراہم نہیں کر سکتی جب تک ملک کی معاشی پالیسیوں پر ورلڈ بینک اور آئی ایم ایف کا اثر و رسوخ برقرار رہے گا۔ ہر سال بجٹ کی تیاری سے قبل آئی ایم ایف کی شرائط کو مد نظر رکھا جاتا ہے جس کے نتیجے میں عوام پر نئے ٹیکسوں کا بوجھ ڈال دیا جاتا ہے جبکہ اشرافیہ کو مراعات دی جاتی ہیں۔ انہوں نے کہا کہ عوام پہلے ہی مہنگائی، بے روزگاری اور بڑھتے ہوئے یوٹیلٹی بلوں کے باعث شدید مشکلات کا شکار ہیں، ایسے میں مزید ٹیکسوں اور مہنگائی پر مبنی بجٹ کسی صورت قابل قبول نہیں۔