Kahuta: Attempt to Occupy Civil Defence Building by Pera force Foiled

کہوٹہ (نمائندہ پوٹھوار ڈاٹ کوم، عمران ضمیر، 12 مئی 2026) — کہوٹہ میں سول ڈیفنس کی عمارت پر مبینہ قبضے کی کوشش کو ناکام بنا دیا گیا۔ شہریوں اور مختلف سیاسی و سماجی شخصیات نے واقعے پر شدید احتجاج کرتے ہوئے وزیراعلیٰ پنجاب مریم نواز سے فوری نوٹس لینے کا مطالبہ کیا ہے۔

تفصیلات کے مطابق گزشتہ روز پیرا فورس کہوٹہ کے چند اہلکاروں نے مبینہ طور پر زبردستی سول ڈیفنس کہوٹہ کی عمارت پر قبضہ کرنے کی کوشش کی، تاہم سول ڈیفنس کے اہلکاروں نے بروقت کارروائی کرتے ہوئے اس کوشش کو ناکام بنا دیا۔

شہریوں، سماجی کارکنوں اور مختلف سیاسی شخصیات نے وزیراعلیٰ پنجاب، کمشنر راولپنڈی اور ڈپٹی کمشنر راولپنڈی کو دی گئی تحریری درخواست میں مؤقف اختیار کیا کہ پیرا فورس کا کام تجاوزات اور ناجائز قبضوں کا خاتمہ کرنا ہے، لیکن کاہوٹہ میں اسی فورس کے اہلکار خود قبضے کی کوششوں میں ملوث نظر آ رہے ہیں۔

درخواست میں مزید کہا گیا کہ مذکورہ عمارت میں عرصہ دراز سے سول ڈیفنس کا دفتر قائم ہے جہاں محکمانہ سامان بھی موجود ہے، اس لیے اس قسم کی کارروائی تشویش کا باعث ہے۔

Kahuta (Correspondent Pothohar.com, Imran Zamir, May 12, 2026) — An alleged attempt to take control of the Civil Defence building in Kahuta was foiled by Civil Defence staff, prompting strong reactions from citizens and social figures who demanded immediate action from Punjab Chief Minister Maryam Nawaz.

According to details, a few personnel of the Para Force Kahuta allegedly tried to forcibly occupy the Civil Defence building. However, Civil Defence officials acted promptly and successfully prevented the attempt.

Citizens, along with political and social personalities, staged strong protests and submitted written requests to the Punjab Chief Minister, the Commissioner of Rawalpindi, and the Deputy Commissioner of Rawalpindi.

In their application, they stated that the Para Force is responsible for removing encroachments and illegal occupations, but in Kahuta, its own personnel were allegedly involved in attempting an illegal occupation.

The applicants further stated that the Civil Defence office has been operating in the building for many years, and official equipment is also stored there, making the incident a matter of serious concern.

کہوٹہ میں واٹر سپلائی اور سیوریج منصوبوں میں مبینہ کرپشن، شہری بنیادی سہولیات سے محروم

Allegations of Corruption in Kahuta Water Supply and Sewerage Projects, Citizens Still Deprived of Basic Facilities

کہوٹہ (نمائندہ پوٹھوار ڈاٹ کوم، عمران ضمیر، 12 مئی 2026) — کہوٹہ میں منتخب نمائندوں کی مبینہ نااہلی اور عدم توجہ کے باعث واٹر سپلائی اور سیوریج کے کروڑوں روپے مالیت کے منصوبوں میں کرپشن اور خردبرد کے الزامات سامنے آ گئے ہیں۔ شہریوں نے شدید احتجاج کرتے ہوئے اعلیٰ حکام سے فوری نوٹس لینے کا مطالبہ کیا ہے۔

تفصیلات کے مطابق سیوریج منصوبے کے لیے کروڑوں روپے کے فنڈز جاری کیے گئے، تاہم کئی علاقوں میں موقع پر سیوریج منصوبے کا نام و نشان تک موجود نہیں۔ شہریوں کا کہنا ہے کہ فنڈز کے اجراء کے باوجود عملی طور پر ترقیاتی کام نظر نہیں آ رہے۔

شہریوں نے الزام عائد کیا کہ کہوٹہ میں جدید دور کے باوجود عوام کی بڑی تعداد اب بھی پینے کے صاف پانی کی سہولت سے محروم ہے۔ بعض مخصوص علاقوں میں گلیاں توڑ کر پانی کی پائپ لائنیں بچھائی گئیں، مگر شہر کی تقریباً نوے فیصد آبادی آج بھی واٹر سپلائی سے محروم ہے۔

مقامی شہریوں اور سماجی حلقوں نے مطالبہ کیا ہے کہ واٹر سپلائی اور سیوریج منصوبوں میں ہونے والی مبینہ بے ضابطگیوں کی شفاف تحقیقات کر کے ذمہ داران کے خلاف کارروائی کی جائے تاکہ عوام کو بنیادی سہولیات فراہم کی جا سکیں۔

THQ Hospital Kahuta Treats Over 32,000 Patients in April 2026

تحصیل ہیڈ کوارٹر ہسپتال کہوٹہ میں اپریل 2026 کے دوران 32 ہزار سے زائد مریضوں کو طبی سہولیات فراہم

کہوٹہ (نمائندہ پوٹھوار ڈاٹ کوم، عمران ضمیر، 12 مئی 2026) — تحصیل ہیڈ کوارٹر ہسپتال کہوٹہ کی انتظامیہ نے ماہِ اپریل 2026 کی تفصیلی کارکردگی رپورٹ جاری کر دی ہے، جس کے مطابق گزشتہ ماہ مجموعی طور پر 32 ہزار سے زائد مریضوں کو مختلف شعبہ جات میں طبی سہولیات فراہم کی گئیں۔
رپورٹ کے مطابق او پی ڈی (OPD) میں اپریل کے دوران مجموعی طور پر 19,446 مریضوں کا معائنہ کیا گیا، جبکہ ایمرجنسی وارڈ میں 13,044 مریضوں کو ہنگامی طبی امداد فراہم کی گئی۔
ہسپتال کی لیبارٹری میں مجموعی طور پر 7,081 مختلف ٹیسٹ کیے گئے جبکہ تشخیصی عمل کے دوران 294 ایکسرے بھی کیے گئے۔ جنرل اور ڈینٹل سرجری کے شعبہ میں مجموعی طور پر 149 مریضوں کے مختلف پروسیجرز انجام دیے گئے۔
زچہ و بچہ کے شعبہ میں گزشتہ ماہ 53 کامیاب نارمل ڈیلیوریز ہوئیں جبکہ پیچیدہ کیسز میں 49 سی سیکشن آپریشنز کیے گئے۔ مختلف بیماریوں میں مبتلا 427 مریضوں کو ان ڈور وارڈز میں داخل کر کے طبی نگہداشت فراہم کی گئی۔
دیگر طبی سہولیات کے تحت ڈینٹل او پی ڈی میں دانتوں کے امراض میں مبتلا 123 مریضوں کا علاج کیا گیا، جبکہ بلڈ بینک سے ضرورت مند مریضوں کے لیے 59 خون کے بیگز فراہم کیے گئے۔
رپورٹ کے مطابق کتے کے کاٹنے کے 60 متاثرہ افراد کو ویکسین اور ضروری علاج فراہم کیا گیا، جبکہ موسم کی تبدیلی کے باعث رپورٹ ہونے والے سانپ کے کاٹنے کے 08 کیسز کو فوری طبی امداد دی گئی۔
ہسپتال انتظامیہ کا کہنا ہے کہ طبی عملہ محدود وسائل کے باوجود عوام کو بہترین طبی سہولیات کی فراہمی کے لیے شب و روز خدمات انجام دے رہا ہے۔

Rs 120 Million Salgran Road Mega Project Inaugurated in Kahuta’s UC Lehri

یونین کونسل لہڑی میں 12 کروڑ روپے کے “سالگراں روڈ” میگا پراجیکٹ کا افتتاح

کہوٹہ (نمائندہ پوٹھوار ڈاٹ کوم، عمران ضمیر، 12 مئی 2026) — تحصیل کہوٹہ کی یونین کونسل لہڑی میں 12 کروڑ روپے مالیت کے میگا پراجیکٹ “سالگراں روڈ” کا باقاعدہ افتتاح کر دیا گیا۔ افتتاحی تقریب میں ممبر قومی اسمبلی راجہ اسامہ سرور اور ممبر صوبائی اسمبلی راجہ صغیر احمد نے بطور مہمانِ خصوصی شرکت کی اور ایک بڑے جلسہ عام سے خطاب کیا۔

تقریب کے دوران سابق چیئرمین لہڑی راجہ ممتاز احمد، سابق وائس چیئرمین مختار احمد اور مسلم لیگ (ن) کے کارکنان نے مہمانوں کا پرتپاک استقبال کیا۔

جلسہ سے خطاب کرتے ہوئے راجہ اسامہ
سرور اور راجہ صغیر احمد نے کہا کہ معرکۂ حق اور آپریشن “بنیان المرصوص” میں پاکستان کی افواج نے جس بہادری اور دلیری سے ازلی دشمن بھارت کو منہ توڑ جواب دیا، اس کی مثال نہیں ملتی۔

انہوں نے کہا کہ شہباز شریف اور فیلڈ مارشل جنرل حافظ عاصم منیر کی قیادت میں پاکستان ترقی کی راہ پر گامزن ہے اور عالمی سطح پر بہترین حکمتِ عملی کے باعث ملک نے دنیا بھر میں اپنا اہم مقام بنایا ہے۔

انہوں نے مزید کہا کہ حلقے میں ترقیاتی کام تیزی سے جاری ہیں اور عوامی مسائل کے حل کے لیے مزید منصوبے بھی مکمل کیے جائیں گے۔ خطاب کے دوران انہوں نے کہا کہ “ہم 9 مئی والے نہیں بلکہ 10 مئی والے ہیں۔”

اس موقع پر مسلم لیگی کارکنان، سابق بلدیاتی نمائندوں اور اہلِ علاقہ نے ڈھول کی تھاپ پر بھنگڑے ڈال کر مہمانوں کا شاندار استقبال کیا، جبکہ ایک بڑے جلوس کی صورت میں انہیں جلسہ گاہ تک لایا گیا۔

Operation Bunyan-un-Marsoos Reflects Pakistan Army’s Resolve and National Unity, Says Dr. Arif Qureshi

آپریشن بنیان مرصوص پاک فوج کے عزم، قومی اتحاد اور دفاع وطن کی روشن مثال ہے، ڈاکٹر عارف قریشی

مٹور (نمائندہ پوٹھوار ڈاٹ کوم کبیر احمد جنجوعہ،12مئی2026)
مسلم لیگ ن ایم سی کہوٹہ کے صدر معروف سیاسی وسماجی شخصیت ڈاکٹر محمد عارف قریشی نے کہا ہے کہ آپریشن بنیان مرصوص عزم، اتحاد اور دفاع وطن کی داستان آپریشن بنیان مرصوص پاک فوج کے اس غیر متزلزل عزم کی علامت ہے جس نے ایک بار پھر ثابت کیا کہ پاکستان کا دفاع ناقابل تسخیر ہاتھوں میں ہے۔ یہ آپریشن صرف ایک عسکری کارروائی نہیں بلکہ قومی غیرت، اتحاد اور قربانی کی روشن مثال ہے۔ پاکستان آرمی نے ہمیشہ مادر وطن کی حفاظت کو اپنی پہلی ذمہ داری سمجھا ہے۔ آپریشن بنیان مرصوص کے دوران جوانوں نے جس بہادری، پیشہ ورانہ مہارت اور قربانی کا مظاہرہ کیا، وہ تاریخ میں سنہری حروف سے لکھا جائے گاانہوں نے کہا کہ دشمن کی ہر سازش کو ناکام بناتے ہوئے پاک فوج نے واضح پیغام دیا کہ پاکستان کی سرزمین کی طرف اٹھنے والی ہر بری نظر کا جواب پوری قوت سے دیا جائے گا۔ یہ آپریشن صرف سرحدوں کے دفاع تک محدود نہیں تھا بلکہ قوم کے اعتماد، امن اور استحکام کی حفاظت بھی اس کا بنیادی مقصد تھا پاک فوج کے جوانوں نے دن رات، موسم اور حالات کی پروا کئے بغیر اپنی جانیں ہتھیلی پر رکھ کر ملک کی سلامتی کو یقینی بنایاقوم اپنے شہداء اور غازیوں کو سلام پیش کرتی ہے جن کی قربانیوں کی بدولت آج پاکستان امن کی سانس لے رہا ہے۔ آپریشن بنیان مرصوص اس حقیقت کا ثبوت ہے کہ جب پوری قوم اپنی فوج کے ساتھ کھڑی ہو تو کوئی طاقت پاکستان کو نقصان نہیں پہنچا سکتی۔