London: Total of 14 Pakistani and Kashmiri Candidates Win in UK General Elections Amid Gaza Issue’s Influence

لندن (پوٹھوار ڈاٹ کام محمد نصیر راجہ، 07،جولائی، 2023) – برطانوی عام انتخابات میں14پاکستانی اور کشمیری امیدواروں نے کامیابی حاصل کی، گذشتہ پارلیمنٹ میں بھی یہ تعداد14ہی تھی۔ اس مرتبہ درجنوں حلقوں میں غزہ کا ایشو سب سے اہم رہا، جہاں پڑنے والے ووٹوں نے دیگر پارٹیوں کے نتائج پر بھی جہاں اثر ڈالا، وہیں4آزاد امیدوار بھی غزہ ایشو کے باعث کامیاب ہوئے، جنہوں نے لیبر سے ان کی نشستیں چھینیں۔4ملین مسلم ووٹرز نے ا مرتبہ لیبر کی کئی محفوظ نشستوں پر اثر ڈالا اور اس مرتبہ ان حلقوں میں واضح تبدیلی دیکھنے میں آئی۔ جن حلقوں سے پاکستانی اور کشمیری امیدوار کامیاب ہوئے، ان میں برمنگھم لیڈی ووڈ کے حلقے سے لیبر کی اہم رہنما شبانہ محمود نے 15558ووٹ حاصل کئے، ان کے مقابلے میں آزاد امیدوار احمد یعقوب نے غزہ ایشو پرمہم چلاتے ہوئے 12137ووٹ حاصل کئے۔ شبانہ محمود پہلی مرتبہ 2010میں لیبر ٹکٹ پر ایم پی منتخب ہوئی تھیں اور وہ سر کیئر کی قریبی ساتھی تصور کی جاتی ہیں۔ برمنگھم پیری بر کے حلقے سے آزاد امیدوار بیرسٹر ایوب خان نے غزہ ایشو پر کمپین چلاتے ہوئے غیر متوقع طور پر لیبر کے خالد محمود کو شکست دے دی، خالد محمود سب سے پرانے پاکستانی نژاد پارلیمنٹیرین تھے، جو پہلی مرتبہ 2001میں ایم پی منتخب ہوئے تھے۔ ایوب خان نے 13303 ووٹ حاصل کئے جبکہ خالد محمود نے 12796 ووٹ لئے۔ برمنگھم ہال گرین اینڈ موسیلی کے حلقے سے لیبر کے طاہر علی12798 ووٹ لے کر کامیاب ہوئے جبکہ ان کے مقابلے میں فلسطین ایشو کے پلیٹ فارم سے لڑنے والے دو آزاد امیدوار محمد حفیظ اور شکیل افسر تھے، اگر ان کے ووٹ آپس میں تقسیم نہ ہوتے تو طاہر علی کیلئے یہ نشست لینا مشکل تھا۔ بریڈفورڈ ویسٹ سے نازشاہ نے لیبر کے ٹکٹ پر کامیابی سے اپنی نشست کا دفاع کیا، انہوں نے 11724 ووٹ حاصل کئے، ان کے مدمقابل آزاد امیدوار محمد علی اسلام نے 11017ووٹ حاصل کئے، اس طرح ناز شاہ صرف 707ووٹوں کے فرق سے کامیاب ہوئیں۔ بریڈفورڈ ایسٹ سے لیبر کے عمران حسین اپنی نشست برقرار رکھنے میں کامیاب ہوئے، انہوں نے 14098ووٹ حاصل کئے جبکہ آزاد امیدوار طلعت سجاول نے 7909ووٹ حاصل کئے۔ بوٹن ساؤتھ اینڈ واکڈن سے لیبر کی یاسمین قریشی اپنی نشست کا دفاع کرنے میں کامیاب رہیں، انہوں نے 15093ووٹ حاصل کئے جبکہ کنزرویٹو امیدوار محمد افضل نے 4170ووٹ حاصل کئے۔ کوونٹری ساؤتھ سے لیبر کی زارا سلطانہ20361ووٹ حاصل کر کے کامیاب جبکہ ٹوری امیدوار نے 10160ووٹ حاصل کئے۔ لندن کے ٹوٹنگ حلقے سے ڈاکٹر روزینہ ایلین خان نے لیبر کے ٹکٹ پر 29209ووٹ حاصل کر کے کامیابی حاصل کی، ٹوری امیدوار کو 9722ووٹ ملے۔ مانچسٹر سے لیبر کے افضل خان دوبارہ 15054ووٹ لے کر کامیاب ہوگئے جبکہ گرین پارٹی کے امیدوار نے 6819ووٹ لئے۔ میری ڈن اینڈ سولی ہل ایسٹ سے کنزرویٹو کے صادق بھٹی نے 16792ووٹ لے کر کامیابی سمیٹی لبیر لیبر کی سارا ایلن12208ووٹ حاصل کرسکیں۔ سسیکس ویلڈ سے کنزرویٹو کی نصرت غنی نے 16758ووٹ حاصل کر کے کامیابی حاصل کی جبکہ ریفارم پارٹی کے امیدوار کو 8920ووٹ ملے۔

London (Pothwar.com, Mohammad Naseer Raja, 7 July 2023) – Fourteen Pakistani and Kashmiri candidates have successfully secured seats in the recent British general elections, maintaining the same number as in the previous parliament. This election saw the Gaza issue become a pivotal factor in many constituencies, significantly impacting the results of various parties and leading to the success of four independent candidates who campaigned on this issue, capturing seats from Labour.

The 4 million Muslim voters notably influenced many of Labour’s previously safe seats, resulting in significant changes. Among the successful Pakistani and Kashmiri candidates: