سلاؤ کے حاجی راجہ محمد بنارس خان میرپور میں رضائے الٰہی سے وفات پا گئے
سلاؤ۔یوکے/ میرپور (نمائندہ پوٹھوار ڈاٹ کوم )—سلاؤ کے حاجی راجہ محمد بنارس خان میرپور میں رضائے الٰہی سے وفات پا گئے۔ انا للہ وان الہٖ راجعون۔ طویل عرصہ تک برطانیہ میں مقیم رہنے والے بزرگ کشمیری حاجی راجہ محمد بنارس خان میرپور آزاد کشمیر میں رضائے الٰہی سے انتقال فرما گئے۔ حاجی راجہ محمد بنارس خان سادہ طبیعت کے حامل، شریف النفس، ملنسار،خوش اخلاق، نیک، مواحد، اور پرہیزگار انسان تھے۔ کورونا وائرس لاک ڈاؤن کے دوران وہ اگستء میں سلاؤ، انگلینڈ میں عید الاضحٰی کے موقع پر اپنے عزیز و اقارب اور دوستوں کے گھروں میں اپنے صاحبزادے راجہ محمد بشارت خان (سابق امیدوار برائے کونسلر سلاؤ بارو کونسل) کے ہمراہ قربانی کا گوشت تقسیم کر رہے تھے۔ وہ بیمار لگ ہی نہیں رہے تھے۔ بلکہ بزرگی میں ہشاش بشاش تھے۔ انکے چہرہ مبارک پر ایک نُور اور تبسم تھا۔ عید قربان کے بعد وہ پاکستان چلے گئے تھے۔اور نیو جیبوٹ میرپور آزاد کشمیر میں اپنی رہائشگاہ پر قیام پزیر تھے۔ گزشتہ روبروز سموار کو میرپور آزاد کشمیر میں اپنے خالقِ حقیقی سے جا ملے۔ حاجی محمد بنارس خان مرحوم کی نماز جنازہ نیو جیبوٹ (جاتلاں) میں ادا کی گئی۔ بعد از نماز جنازہ مقامی قبرستان میں سپُرد خاک کر دیا گیا۔ انکی وفات پر کشمیری اور پاکستانی کمیونٹی نے افسوس کا اظہار کیا ہے۔
Mirpur, AJK; Haji Raja M Banaras Khan of Slough, UK has sadly passed away in New Jiot Mirpur. Haji Raja M Banaras Khanhad gone to see his family in Pakistan and fell ill and died.
