آستانہ عالیہ الطافیہ،رزاقیہ بکھر شریف اسلام آبادمیں ماہانہ محفل گیارہویں شریف،سجادہ نشین دربار عالیہ حضور قبلہ پیر سیدابرار حسین شاہ جی سرکار نے دعا کی،زیب سجادہ نشین حضور قبلہ پیر سیدنعمان الطاف شاہ بادشاہ حضور سرکار جی، صاحبزادہ سید ساران گیلانی،خلیفہ مجاز دربا رعالیہ حاجی مسعود عباسی، ناظم اعلیٰ دربا ر عالیہ مولانا حافظ ممتاز حسین جنجوعہ،راجہ علی اصغر، راجہ شاہد جنجوعہ نتھوٹ،ایڈیشنل جنر ل سیکرٹری پریس کلب کہوٹہ کبیر احمد جنجوعہ سمیت بڑھی تعداد میں دربار عالیہ کے مریدین نے شرکت کی اس موقع پر حضور قبلہ پیر سیدابرار حسین شاہ جی سرکار نے اپنے خطاب میں کہا کہ تمام مسائل کا حل دین محمد ی ﷺ میں ہے مسلمان اللہ کا قرب حاصل کر نے اور آخرت میں کامیابی کے لیے نبی کریمؐ کی غلامی اختیار کریں انہوں نے کہا کہ دین اسلام کی ترویج و اشاعت میں اولیائے اور علماء کرام نے ناقابل فراموش کردار ادا کیا اولیائے کرام کے آستانے رشد و ہدایت کے سرچشمے اور امن و سلامتی کے مرکز ہیں،اللہ کے ان نیک بندوں نے ساری زندگی مخلوق کی بھلائی اور درس و تدریس پیغام عشق رسولؐ اور تعظیم رسالت صحابہ و اہلبیت اور امن و محبت کا درس دیتے ہوئے گزاری آخر میں انہوں نے تمام عالم اسلام کے لیے خصوصی دعا کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مٹور (نمائندہ پوٹھوار ڈاٹ کوم کبیر احمد جنجوعہ،7جولائی2023)
قاضی عبید کی طرف سے نوجوان سیاسی وسماجی شخصیت راجہ انتخاب عربی کے اعزاز میں پر تکلف دعوت کا اہتمام،بڑھی تعداد میں دوستوں نے شرکت کی، تفصیل کے مطابق گذشتہ روزقبل قاضی عبید(پنجاب پولیس)کی طرف سے سویزئر لینڈ سے آئے ہوئے اپنے درینہ دوست نوجوان سیاسی وسماجی شخصیت راجہ انتخاب عربی کے اعزاز میں ایک پر تکلف دعوت کا اہتمام کیا گیا جس میں ملک حامد سب انسپکٹر، شہزادمنظور سب انسپکٹر، ملک تنویر فوڈ انسپکٹر، شہادت شاہ شیرازی، نوجوان سیاسی شخصیت جابر کیانی آف کلیال نے شرکت کی،اس موقع پر میزبان قاضی عبید(پنجاب پولیس)نے اپنے معزز مہمان راجہ انتخاب عربی اور دیگر دوستوں کی پر تکلف کھانوں کے ساتھ دعوت کی تمام مہمانوں نے اپنے میزبان کاشکر یہ ادا کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مٹور (نمائندہ پوٹھوار ڈاٹ کوم کبیر احمد جنجوعہ،7جولائی2023)
ممتاز عالم دین مولانا قاری عثمان عثمانی ممبر ضلعی امن کمیٹی راولپنڈی نے اپنے بیان میں کہا کہ قرآن مجیدکی ناموس کافانوس د نیا کی کوئی طاقت نہیں بجھاسکتی قرآن مجیدفرقان حمید وہ مینارہ نور ہے جس کو جہالت کی چنگاریوں سے ماندنہیں کیا جاسکتاسویڈن حکومت کاحالیہ انتہائی اقدام علمیت نہیں بلکہ بدترین جہالت،نفرت اورتعصب کاغماز ہے انہوں نے کہا اس قسم کی مجرمانہ روش عنقریب اس ریاست کوقصہ پارینہ بنادے گی کئی صدیوں سے قرآن مجید کامطالعہ کرنیوالے اس پرایمان لے آتے ہیں جبکہ ابوجہل کے پیروکار وں کوآج بھی حق اورمعبودبرحق کاادراک نہیں انہوں نے کہا کہ 2ارب مسلمانوں کے جذبات واحساسات پرکاری ضرب لگانا آزادی اظہار ہرگز نہیں پاکستان سمیت اسلامی ملکوں کے حکمران اسلاموفوبیا کے سدباب کیلئے ایک متفقہ موقف اختیار اور سویڈن حکومت کے ساتھ دوٹوک انداز میں بات کریں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مٹور (نمائندہ پوٹھوار ڈاٹ کوم کبیر احمد جنجوعہ،7جولائی2023)
معروف سیاسی وسماجی شخصیت نوید مغل امیدوار برائے صوبائی اسمبلی پنجاب حلقہ پی پی سیون نے اپنے ایک بیان میں کہا کہ قرآن کریم اور ناموس رسالت امت مسلمہ کی ریڈلاہن اور مقدسات میں سے ھیں سویڈن واقعہ اور مغربی ممالک میں آئیروز ایسے المناک واقعات کا رونما ہونا اہل مغرب کی تنگ نظری اور شدت پسندی کا منہ بولتا ثبوت ھے انہوں نے کہا کہ سویڈن واقعہ سے پوری دنیا کے مسلمانوں کی دل آزاری اور توہین ہوئی ہیامت مسلمہ کے دینی اور روحانی جذبات کو ٹھیس پہنچی ہیں یہ واقعہ تصادم، انتشار اور عالمی سطح پر امن کی کوششوں کو سبوتاژ کرنے کی منصوبہ بندی کا حصہ معلوم ہوتا ہے۔ہم اس گھناؤنے عمل کی بھرپور مذمت کرتے ہیں،ایسے واقعات ناقابل برداشت ہیں، عالمی برادری کو خبردار کرتے ہیں کہ امن و امان کی صورتحال کو کشیدہ بنانے کے عزائم کی نشاندھی کر کے ملزمان کو زیر عتاب لایا جائے اس طرح کے واقعات کو کسی شخص کا انفرادی معاملہ قرار دینا قرین انصاف نہیں ہے۔
مٹور (نمائندہ پوٹھوار ڈاٹ کوم)
کبیر احمد جنجوعہ
