01 June 2026DailyNewsHeadlineKahutaPothwar.com 
Kallar Syedan: Yong man injured in a firing at Bull Race Pind Bainso
کلر سیداں; پنڈ بینسو میں بیلوں کی دوڑ کے دوران فائرنگ نوجوان زخمی
کلر سیداں (پوٹھوار ڈاٹ کام — اکرام الحق قریشی | 1جون 2026) —کلر سیداں میں معمولی تلخ کلامی خونریز جھگڑے میں بدل گئی جہاں فائرنگ کے نتیجے میں 18 سالہ نوجوان زخمی ہو گیا جبکہ گاؤں پنڈ بینسو میں بیلوں کی دوڑ دو افراد کیلئے حادثہ بن گئی۔پولیس ذرائع کے مطابق 18 سالہ ذیشان دودھ دہی خریدنے کیلئے سکوٹ بازار آیا ہوا تھا کہ اس دوران اس کا ہاتھ سڑک کنارے کھڑے موٹر سائیکل سے ٹکرا گیا۔ معمولی بات پر موٹر سائیکل سوار حیدر طیش میں آگیا اور مبینہ طور پر پستول نکال کر فائر کر دیا جس کے نتیجے میں وہ زخمی ہو گیا۔ادھر پنڈ بینسو میں بیلوں کی دوڑ کے دوران اچانک بے قابو ہونے والے بیل دو افراد پر چڑھ دوڑے جس کے نتیجے میں محمد حنیف اور یاسین شدید زخمی ہو گئے۔ عینی شاہدین کے مطابق حادثے کے بعد موقع پر چیخ و پکار مچ گئی اور مقامی افراد نے زخمیوں کو فوری طور پر ریسکیو کر کے ٹی ایچ کیو ہسپتال کلر سیداں منتقل کیا جہاں سب انسپکٹر ملک آصف نے ہسپتال پہنچ کر زخمیوں کے بیانات قلمبند کرنے کے بعد تفتیش شروع کر دی۔
Kallar Syedan (Pothwar.com – Ikram-ul-Haq Qureshi | June 1, 2026)
A minor verbal dispute in Kallar Syedan turned violent when an 18-year-old youth was injured in a firing incident, while a separate accident during a bull race in the village of Pind Bainso left two people seriously injured.
According to police sources, 18-year-old Zeeshan had come to Skot Bazaar to purchase milk and yoghurt when he accidentally brushed against a motorcycle parked on the roadside. The minor incident reportedly enraged the motorcycle rider, identified as Haider, who allegedly pulled out a pistol and opened fire, injuring the young man.
In a separate incident in Pind Bainso, two men were seriously injured when bulls participating in a race suddenly went out of control and charged into spectators. The injured were identified as Muhammad Hanif and Yaseen.
Eyewitnesses said panic spread across the area following the accident, with people rushing to help the injured. Local residents immediately rescued the victims and shifted them to THQ Hospital Kallar Syedan for medical treatment.
Sub-Inspector Malik Asif later reached the hospital, recorded statements from the injured individuals, and initiated an investigation into both incidents.
یونین کونسل غزن آباد میں پولیو مہم کامیاب، ڈبلیو ایچ او کے ایل کیو اے ایس ٹیسٹ میں شاندار نتائج
Polio Campaign in UC Ghazan Abad Achieves Success with Excellent WHO LQAS Test Results
کلر سیداں (پوٹھوار ڈاٹ کام — اکرام الحق قریشی | 1جون 2026) —تحصیل کلر سیداں کی یونین کونسل غزن آباد میں انسدادِ پولیو مہم کے دوران عالمی ادارۂ صحت ڈبلیو ایچ او کی زیر نگرانی ہونے والے ایل کیو اے ایس ٹیسٹ کے مثبت نتائج سامنے آنے پر محکمہ صحت،پولیو ورکرز اور مقامی انتظامیہ میں خوشی کی لہر دوڑ گئی۔عوامی حلقوں کی جانب سے اس اہم کامیابی کو ڈی ڈی ایچ او کلر سیداں ڈاکٹر فرحت ابراہیم کی زیر نگرانی پولیو ٹیموں کی دن رات محنت، موثر حکمت عملی اور بھرپور فیلڈ مانیٹرنگ کا نتیجہ قرار دیا جا رھا ہے۔ ڈی ڈی ایچ او ڈاکٹر فرحت ابراہیم نے بتایا کہ پولیو مہم کی نگرانی کا ایک مؤثر طریقۂ کار ہے جس کے ذریعے ویکسینیشن مہم کے معیار اور بچوں تک رسائی کا جائزہ لیا جاتا ہے اس عمل میں مانیٹرنگ ٹیمیں فیلڈ میں جا کر براہِ راست مشاہدہ کرتی ہیں تاکہ یہ جانچا جا سکے کہ پولیو ٹیموں نے مقررہ ہدف کے مطابق پانچ سال سے کم عمر بچوں کو ویکسین پلائی یا نہیں۔اس طریقۂ کار میں کسی بھی یونین کونسل کو لاٹ کے طور پر منتخب کیا جاتا ہے جبکہ اب کی بار یونین کونسل غزن آباد کے مختلف علاقوں میں سے مخصوص مقامات کا انتخاب کر کے سیمپلنگ کی گئی اور اس بنیاد پر پوری پولیو مہم کی کارکردگی اور معیار کا اندازہ لگایا گیا ہے۔مانیٹرنگ کے دوران ٹیموں نے پانچ سال سے کم عمر بچوں کے بائیں ہاتھ کی چھوٹی انگلی پر لگائے گئے نشانات چیک کئے،جو پولیو ورکرز ویکسین پلانے کے بعد لگا ئے گئے تھے اس کے علاوہ والدین سے بھی مختلف سوالات کیے گئے تاکہ معلوم کیا جا سکے کہ پولیو ٹیم ان کے گھر پہنچی یا نہیں،بچوں کو ویکسین پلائی گئی یا نہیں اور والدین پولیو ویکسین کے بارے میں کس حد تک آگاہی رکھتے ہیں۔اس تمام عمل کا مقصد پولیو مہم میں موجود خامیوں کی نشاندہی اور رہ جانے والے بچوں تک رسائی اور آئندہ مہمات کو مزید مؤثر بنانا ہوتا ہے۔فیلڈ وزٹس کے دوران پولیو ٹیموں کی کارکردگی کو مجموعی طور پر تسلی بخش قرار دیا گیا جبکہ بچوں کی کوریج، ٹیموں کی بروقت رسائی اور مانیٹرنگ کے نظام کو بھی سراہا گیا۔ ایل کیو اے ایس ٹیسٹ میں کامیابی کے بعد محکمہ صحت کے افسران اور پولیو ورکرز نے اللہ تعالیٰ کا شکر ادا کیا اور اسے پوری ٹیم کی اجتماعی کاوشوں کا ثمر قرار دیا۔
Two Brothers Injured in Kallar Syedan Shooting Over Old Feud; Intelligence Agency Employee Accused
کلر سیداں میں سابقہ رنجش پر فائرنگ، حساس ادارے کے ملازم کے ہاتھوں دو سگے بھائی زخمی
کلر سیداں (پوٹھوار ڈاٹ کام — اکرام الحق قریشی | 1جون 2026) —کلر سیداں میں سابقہ رنجش پر فائرنگ کے واقعہ میں حساس ادارے کے ملازم نے گولیاں مار کر دو سگے بھائیوں کو زخمی کر دیا جنہیں ٹی ایچ کیو ہسپتال کلر سیداں میں ابتدائی طبی امداد کے بعد راولپنڈی منتقل کر دیا گیا،رضوان طاہر نے مقدمہ درج کروایا کہ وہ شب دس بجے کے قریب جنید حسن کے ہمراہ اپنے گھر کے باہر کھڑا تھا جبکہ کچھ ہی فاصلے پر اس کا بھائی عمران طاہر اور عمران ضمیر بھی آپس میں گفتگو کر رہے تھے اسی دوران عدنان موٹر سائیکل پر وہاں آ گیا اور عمران طاہر کو مخاطب کرتے ہوئے دھمکی دی کہ آج تم نہیں بچ سکتے ملزم نے تیس بور پستول نکال کر عمران طاہر پر فائر کر دیا جو اس کے منہ پر لگا، جس سے وہ شدید زخمی ہو کر گر پڑا عمران ضمیر نے زخمی کو بچانے اور ملزم کو قابو کرنے کی کوشش کی تو ملزم نے اس پر بھی فائرنگ شروع کر دی جس سے وہ بھی زخمی ہو گیا،مدعی کے مطابق رضوان طاہر اور جنید حسن جب ہمیں بچانے کیلئے آگے بڑھے تو ملزم نے ان پر بھی فائرنگ شروع کر دی تاہم وہ خوش قسمتی سے محفوظ رہے،مدعی کے مطابق لڑائی جھگڑے کی وجہ سابقہ رنجش ہے۔
اخے حساس آلے اپنے بندیاں بارے بوں حساس ھونے۔