30 May 2026DailyNewsHeadlineOverseas newsPothwar.com 
London: Britain’s biggest Asian shopping mall opens in Bradford
بریڈفورڈ میں ’دی سگنیچر مال‘ کا افتتاح، پاکستانی برانڈز اور لگژری شاپنگ کا نیا مرکز
لندن (پوٹھوار ڈاٹ کام، محمد نصیر راجہ، 30 مئی، 2026):برطانیہ کے شہر بریڈفورڈ میں 50 ہزار مربع فٹ پر مشتمل ایک شاندار اور لگژری شاپنگ کمپلیکس ’’دی سگنیچر مال‘‘ عوام کے لیے کھول دیا گیا ہے، جہاں 36 ریٹیل یونٹس اور ایک وسیع فوڈ کورٹ قائم کیا گیا ہے۔
یہ جدید شاپنگ سینٹر جنوبی ایشیائی فیشن، جیولری اور کھانوں پر خصوصی توجہ دیتا ہے، جبکہ یہاں ’’خصوصی پاکستانی برانڈز‘‘ کو بھی متعارف کرایا گیا ہے۔ 10 ہزار مربع فٹ پر محیط فوڈ کورٹ کو اس انداز میں تیار کیا گیا ہے کہ یہ ملک بھر سے آنے والے خریداروں اور سیاحوں کو اپنی جانب متوجہ کرے۔
پانچ سالہ تعمیراتی منصوبے کے بعد 16 مئی کو اس مال کا افتتاح کیا گیا۔ منصوبے میں درآمد شدہ ڈیزائن اور جدید آرکیٹیکچر استعمال کیا گیا ہے، جبکہ منتظمین کے مطابق یہ منصوبہ نہ صرف روزگار کے نئے مواقع پیدا کرے گا بلکہ بریڈفورڈ کی کثیرالثقافتی شناخت کو مزید مضبوط بنائے گا۔
افتتاح کے موقع پر آنے والے افراد نے مال کے شاندار ’’دبئی طرز‘‘ کے ڈیزائن کو بے حد سراہا، جبکہ منتظمین کا کہنا ہے کہ ’’دی سگنیچر مال‘‘ شہر کے ریٹیل سیکٹر میں ایک بڑی سرمایہ کاری کی علامت ہے۔
London (Pothwar.com, Mohammad Naseer Raja, May 30, 2026): A 50,000 sq ft luxury complex called The Signature Mall has opened in Bradford, offering 36 retail units and a large dining area.
The development focuses on South Asian fashion, jewellery and dining, with “exclusive Pakistani brands” and a 10,000 sq ft food court, aiming to attract visitors nationwide.
Opened on May 16 after five years of development, the mall features imported design elements and aims to boost jobs and reinforce Bradford’s multicultural identity.
Visitors praised its upscale “Dubai-style” look, while organisers say it represents a major investment in the city’s retail landscape. The shopping centre is situated at
86 Preston Street, Bradford, BD7 1JP
