Kallar Syedan; Two die of corona virus as the situation gets serious with growing number of covid positive reports

لرسیداں اور گردونواح میں کورونا نے پنجے گاڑھ لیئے دو افراد جاں بحق درجنوں افراد کورونا ٹیسٹ پازیٹو آنے پر ائیسولیشن میں چلے گئے

کلر سیداں:(نمائندہ پوٹھوار ڈاٹ کوم,اکرام الحق قریشی)—کلرسیداں اور گردونواح میں کورونا نے پنجے گاڑھ لیئے دو افراد جاں بحق درجنوں افراد کورونا ٹیسٹ پازیٹو آنے پر ائیسولیشن میں چلے گئے ہیں روات کی یوسی لوھدرہ میں جماعت اسلامی کے رہنما چوھددی شاھنواز کے بھائی چوھدری ممریز کورونا سے جنگ ھار گئے اور انتقال کر گئے یہ چند ایام سے ہسپتال میں داخل تھے نمازجنازہ روات کلر روڈ پر ماں نی بن میں ادا کی گئی جبکہ گورنمنٹ بوائز ھائر سیکنڈری سکول ساگری کے معلم قاضی انعام اللہ بھی کورونا سے انتقال کر گئے انہیں پنڈ دادنخان کے قریب للہ میں سپرد خاک کر دیا گیا یہ گورنمنٹ ھائی سکول غریب آباد راولپنڈی کے پرنسپل قاضی اکرام اللہ کے بھائی تھے ادہر پنجاب بار کونسل کے رکن چوھدری واصف علی ایڈووکیٹ،ان کا بیٹے کے علاؤہ مسلم لیگ ن کلر سیداں کے سٹی کے صدر حاجی اخلاق حسین،سابق چیئرمین یوسی گف راجہ فیصل منور،کلرسیداں پولیس کے سے ایس آئی محمد عثمان نائب محرر علی رضاسمیت درجنوں افراد کورونا کی لپیٹ میں آنے کے بعد اپنے اپنے گھروں میں ائیسولیٹ ہو گئے ہیں دوسری جانب شہری صورتحال کو سنجیدہ لینے کو تیار نہیں بہت ہی کم لوگ فیس ماسک کا استعمال کرتے ہیں جبکہ سماجی فاصلے کا سرے سے کوئی خیال ہی نہیں رکھا جاتا۔

Kallar Syedan; Two have died of covid-19, while dozens are positive with Corona Ch Mumraiz of Lodhra passed away, while Qazi Inamullah, a teacher of Government Boys Higher Secondary School Sagri also passed away with covid-19.

مسلم لیگ ن کے تین سابق اراکین اسمبلی راجہ جاوید اخلاص،محترمہ نثار تنویر شیرازی،انجینیئر قمرالسلام راجہ کا جمعہ کے روز کلرسیداں میں کارکنوں کے ایک اجتماع سے خطاب

Three former PML-N MNA’s Raja Javed Ikhlas, Ms. Nisar Tanveer Shirazi, Engineer Qamar-ul-Salam Raja addressed a gathering of workers in Kalrasidan on Friday.

کلر سیداں:(نمائندہ پوٹھوار ڈاٹ کوم,اکرام الحق قریشی)—مسلم لیگ ن کے تین سابق اراکین اسمبلی راجہ جاوید اخلاص،محترمہ نثار تنویر شیرازی،انجینیئر قمرالسلام راجہ نے کہا کہ تیرہ دسمبر کو لاہور کا جلسہ تبدیلی کے نام پر مسلط ہونے والے نااہل حکمرانوں کی پیٹھ میں آخری کیل ثابت ہو گا پی ڈی ایم قوم کو اس نااہل اور کرپٹ حکمرانوں سے نجات دلا کر دم لے گی ان خیالات کا ظہار انہوں نے جمعہ کے روز کلرسیداں میں کارکنوں کے ایک اجتماع سے خطاب کرتے ہوئے کیا جس کا اہتمام سابق چیئرمین راجہ ندیم احمد نے کیا تھا تقریب میں جے یو آئی تحصیل کلرسیداں کے امیر مولانا احسان اللہ چکیالوی، محمد ظریف راجا،شیخ حسن ریاض،طارق تاج،ذین العابدین عباس،چوہدری فیصل حفیظ،حسن فیاض،راجہ ظفر محمود اور دیگر نے شرکت کی راجہ جاوید اخلاص نے کہا کہ تیرہ دسمبر کا جلسہ ہر صورت ہوگا اور یہ اپنی ایک سیاسی تاریخ مرتب کرے گا پی ڈی ایم کی احتجاجی تحریک کامیابی کے ساتھ آخری مراحل کی جانب بڑھ رہی ہے گوجرانوالہ،پشاور اور ملتان کے جلسوں میں لاکھوں کارکنوں کی شرکت اس بات کا ثبوت ہے کہ گزشتہ انتخابات میں ہمارا الیکشن چرایا گیا،عمران خان کو ایک عالمی ایجنڈے کے تحت اقتدار میں لایا گیا جس کا مقصد مسئلہ کشمیر اور ملک کو کمزور کرنا ہے محترمہ نثار تنویر شیرازی نے کہا کہ خواتین بھی حکومت کے خلاف احتجاجی تحریک میں بھرپور شریک ہیں گوجرانوالہ کی طرح لاہور کے جلسہ میں بھی بھرپور شرکت کریں گے انجینیئر قمرالسلام راجہ نے کہا ہے کہ حکومت کی داخلہ خارجہ پالیسیاں ناکام کو چکی ہیں مہنگائی اور بے روزگاری نے قوم کو ذہنی مریض بنا دیا انہوں نے کہا کہ کارکن پکڑ دھکڑ سے خوفزدہ نہ ہوں ہمارا وکلا ونگ فعال ہے ہم حکومت کے خاتمے تک اپنی احتجاجی تحریک جاری رکھیں گے جے یو آئی کے مولانا احسان اللہ چکیالوی نے کہا کہ حکومت کا خاتمہ طے شدہ ایجنڈہ ہے اس سے کم پر بات نہیں ہو سکتی ہم جیلوں اور ہتھکڑیوں سے نہیں ڈرتے اٹھنے والے ہاتھ کو توڑ کے رکھ دیں گے اس موقع پر طے کیا گیا کہ کلرسیداں کے قافلے روات کے راستے چکری انٹر چینج سے لاہور روانہ ہوں گے۔

تعزیت

کلر سیداں:(نمائندہ پوٹھوار ڈاٹ کوم,اکرام الحق قریشی)—بلدیہ کلر سیداں کے سابق رکن راجہ ظفر محمود،مسعود احمد بھٹی نے گاؤں جسول سیداں جا کرسید علمدار حسین سے ملاقات کی اور ان کے والد محترم سید کرامت حسین کی وفات پر دلی تعزیت کا اظہار کیا۔