DailyNewsHeadlineKallar Syedan

Kallar Syedan; SP Saddar Rai Mazhar addresses a meeting of peace committee held in connection with Muharram al-Haram

ایس پی صدر رائے مظہر نے کلر سیداں میں محرم الحرام کے سلسلہ میں منعقدہ امن کمیٹی کے اجلاس سے خطاب

کلرسیداں (اکرام الحق قریشی) ایس پی صدر رائے مظہر نے کلر سیداں میں محرم الحرام کے سلسلہ میں منعقدہ امن کمیٹی کے اجلاس سے خطاب کرتے ہوئے کہا کہ تمام مکتبہ فکر کے علماء کرام اور امن کمیٹی کے ممبران اس دوران امن و امان کی فضاء برقرار رکھنے کیلئے اپنا کلیدی کردار ادا کریں۔اتحاد یگانگت اور بھائی چارے کی فضاء کو عام کرنا وقت کی اہم ضرورت ہے۔پنجاب حکومت کی جانب سے مرتب کردہ مائکرو پلان پر سو فیصد عملدرآمد یقینی بنایا جائے گا۔انہوں نے کہا کہ ملک دشمن عناصر فرقہ واریت پھیلانا چاہتے ہیں ہمیں مل کر ان سازشوں کو ناکام بنانا ہو گا۔کوئی مقرر،خطیب،ذاکر یا واعظ اپنی تقریر میں کسی توہین کا مرتکب نہیں ہو گا۔کسی بھی اسلامی فرقے کو کافر یا واجب القتل قرار نہیں دیا جائے گا۔آئین کے مطابق تمام مذاہب اور مسالک اپنی مرضی اور مذہبی آزادی سے زندگی گزاریں گے۔انہوں نے کہا کہ آذان اور عربی کے خطبہ کے علاوہ لاؤڈ اسپیکر اور وال چاکنگ پر مکمل پابندی ہو گی۔اجتماعات کیلئے انتظامیہ سے اجازت لینا ہو گی،ہر قسم کے اشتعال انگیز اور نفرت انگیز مواد اور دل آزارنعروں پر مکمل پابندی ہو گی۔اے ایس پی کہوٹہ سرکل اے ایس پی ملک سعود خان نے خطاب کرتے ہوئے کہا کہ قومی سلامتی کیلئے ضروری ہے کہ ہم اپنے اختلافی امور کو پس پشت ڈال کر اتحاد و اتفاق کا عملی مظاہرہ کرتے ہوئے دشمنان پاکستان کے عزائم کو خاک میں ملا دیں۔محرم الحرام کے دوران فول پروف سکیورٹی انتظامات کئے جائیں گے۔جلوس کے روٹس پر کڑی نگرانی کی جائے گی اور لوگوں کو مکمل چیکنگ کے بعد جلوسوں میں شامل ہونے کی اجازت ہو گی۔محرم الحرام کے دوران جلوس اور مجالس کو مکمل سکیورٹی فراہم کی جائے گی۔تقریب سے پی ٹی آئی کے رہنما راجہ ساجد جاوید نے خطاب کرتے ہوئے کہا کہ قانون عوام کی سہولت کیلئے بنایا جاتا ہے اور عوام کے تعاون کے بغیر اس پر عملدرآمد ممکن نہیں۔کلر سیداں کے لوگ پر امن ہیں جو ہر وقت لاء انفورسمنٹ ایجنسیوں کیساتھ تعاون کیلئے تیار رہتے ہیں۔ایس ایچ او کلر سیداں انسپکٹر بشارت عباسی، ایس ایچ او تھانہ کہوٹہ سید ندیم شاہ،پی ٹی آئی کے رہنما آصف محمود کیانی،محمد گلفراز بٹ،عاقب علی اوردیگر نے بھی شرکت کی۔

Kallar Syedan; SP Saddar Rai Mazhar addresses a meeting of peace committee held in connection with Muharram al-Haram in Kallar Syedan, Where he outlined measures to combat any illegal activity including ban of wall chalking and use of loud speakers.


ملک عنصر خان،ملک عابد،ملک افضال سے ملک مہربان حسین کی وفات پر دلی تعزیت

Dr Sajid Ur Rehman pays condolences on death of Malik Meharban Hussain

کلر سیداں (اکرام الحق قریشی)اسلامی نظریاتی کونسل کے رکن ڈاکٹر صاحبزادہ ساجد الرحمان نے کہا ہے کہ مسلمان معاشرے میں بھائی چارہ باہمی احترام محبت اور مودت ہی اسلامی معاشرہ ہے اور اس کا حصول بھی عطا ئے رب العالمین ہے ان خیالات کا اظہار انہوں نے پیر کی شام موہڑہ سلیال میں پی ٹی آئی فرانس کے رہنماؤں ملک عنصر خان،ملک عابد،ملک افضال سے ملک مہربان حسین کی وفات پر دلی تعزیت کا اظہار کرتے ہوئے کیا اس موقع پر محمد جاوید بٹ،چوہدری توقیر اسلم،ملک محمد فیاض،تنویر اختر شیرازی، رشید وینس،نمبردار اسد عزیز، جاوید چشتی اور دیگر بھی موجود تھے۔ڈاکٹر صاحبزادہ ساجد الرحمان نے کہا کہ موجود ہ دور میں معاشرے کو اسلامی خطوط پر استوار کرنے کے لیے ہم سب کو خندہ پیشانی کے ساتھ اپنے دوسرے مسلمان بھائیوں کے دکھ درد کو محسوس کرنا ہو گا جب ہم نے اپنے مسلمان بھائی کا درد محسوس کرنا شروع کر دیا تو اسی وقت اللہ تعالیٰ کی ہم پر رحمتوں اور برکتوں کا نزول بھی شروع ہو جائے گاجو اسلامی معاشرے کی تشکیل میں کلیدی کردار ادا کرے گا۔


کرایوں میں رضاکارانہ طور پر نمایاں کمی کی جس پر ٹرانسپورٹر بھی مبارکباد

Transporters and PTI praised for fares being dropped on Kallar Syedan route

کلر سیداں (اکرام الحق قریشی)پی ٹی آئی سوشل میڈیا ہیڈ متحدہ عرب امارات کے چوہدری فرقان احمد نے پی ٹی آئی کلر سیداں کے رہنماؤں راجہ ساجد جاوید،راجہ محمد ثقلین،راجہ آصف کیانی، محمد گلفراز بٹ اور دیگر کو خراج تحسین پیش کیا جن کی کوششوں سے کلر سیداں کے تمام روٹوں پر مسافر گاڑیوں کے کرایوں میں نمایاں کمی واقع ہو سکی۔انہوں نے ایک بیان میں کہا کہ مختلف دیہات و قصبات میں ہزاروں افراد روزانہ سفر کرتے ہیں ان میں ایسے لوگ بھی شامل ہیں جو راولپنڈی اسلام آباد میں ملازمت کے لیے روزانہ آتے جاتے ہیں کرایوں میں کمی سے انہیں بھی بہت فائدہ ہوا کلر سیداں کی تاریخ میں یہ پہلا موقع ہے کہ کسی سیاسی جماعت کے کارکنوں نے عوامی مفاد میں قدم اٹھایا جن کی محنت کی بدولت ٹرانسپورٹروں نے بھی انا کا مسئلہ بنائے بغیر کرایوں میں رضاکارانہ طور پر نمایاں کمی کی جس پر ٹرانسپورٹر بھی مبارکباد کے مستحق ہیں۔


ماجد اسحق کو کلر سیداں میں آر ڈبلیو ایم سی کا سسٹنٹ منیجر اپریشن تعینات کر دیا گیا

Majid Isaq appointed RWMC manager

کلر سیداں (اکرام الحق قریشی)ماجد اسحق کو کلر سیداں میں آر ڈبلیو ایم سی کا سسٹنٹ منیجر اپریشن تعینات کر دیا گیا ہے جبکہ ان کے پیش رو عامر نائیک کا تبادلہ بطورتحصیل منیجر آپریشن راولپنڈی کر دیا گیا ہے جنہوں نے اپنی نئی ذمہ داریاں سنبھال لی ہیں۔


کلر سیداں پولیس نے سماج دشمن عناصر کیخلاف چلائی جانے والی مہم کے دوران,الگ الگ مقدمات درج

Kallar Syedan police register fire arms cases against three men in various cases

کلر سیداں (اکرام الحق قریشی) کلر سیداں پولیس نے سماج دشمن عناصر کیخلاف چلائی جانے والی مہم کے دوران محمد تنویر عرف بابو سکنہ پیکا ں کے قبضہ سے پسٹل 30 بور دو عدد بمعہ 13 روند،ثمران حفیظ سکنہ انچھوہا کے قبضہ سے پسٹل 30 بور بمعہ 03 روند،محمد نعیم سکنہ ڈریال کے قبضہ سے کاربین 12 بور بمعہ چار روند برآمد کر کے الگ الگ مقدمات درج کر لئے ہیں۔

Show More

Related Articles

Back to top button