شہر سے تجاوزات کا مکمل خاتمہ اور صفائی کے نظام کو بہتر کریں گے ہاؤسنگ سکیم نمبر1کے مسائل کا بھی خاتمہ کریں گے صفائی کے حوالہ سے عوام عملہ سے تعاون کریں چند دنوں میں بہتررزلٹ دیں گے شہر کی خوبصورتی کیلئے تمام وسائل بروئے کار لائیں گے ان خیالات کااظہار چیئرمین بلدیہ الحاج محمد شاہد صراف نے پوٹھوہار پریس کلب کے صحافیوں سے گفتگو کرتے ہوئے کیا انہوں نے کہا کہ شہر میں تجاوزات کی بہت شکایات تھیں جس کیلئے روزانہ کی بنیا دپر تجاوزات کیخلاف آپریشن جاری ہے تجاوزات کنندگان کو جرمانے بھی کئے جارہے ہیں اور سامان بھی راستوں سے اٹھایا جا رہا ہے جبکہ صفائی کے حوالہ سے بھی ہدایات جاری کر دی ہیں کہ تمام گلی محلوں میں صفائی ستھرائی کے نظام کو بہتر کیا جائے اس حوالہ سے میں خود بھی مکمل نگرانی کررہا ہوں نالوں کی صفائی کا عمل بھی جاری ہے شہریوں کو چاہیے کہ وہ بھی اپنی ذمہ داریوں کا احساس کرتے ہوئے کوڑا کرکٹ اور شاپربیگز وغیرہ نالوں میں نہ پھینکیں بلکہ ہر گلی محلوں میں پڑے ڈسٹ بن میں ڈالیں یا خاکروبوں کے حوالہ کریں کسی قسم کی بھی شکایات کیلئے شہری ہم سے رابطہ کریں فوری ایکشن ہوگا بلدیہ اہلکاروں کو بتا دیا ہے کہ کسی قسم کی غفلت اور لاپرواہی ناقابل برداشت ہوگی شہری آبادی کے جو بھی مسائل اور مشکلات ہیں ان کو ختم کر کے دکھائیں گے عوام کو مایوس نہیں کریں گے
Gujar Khan; Chairman local authority Al Haj M Shahid Saraf said illegal encroachment will be removed from streets of Gujar Khan and better cleaning system will also take place in future.
تحفظ ناموس رسالتؐ کے حوالے سے تمام اسلامی ممالک کو مشترکہ لائحہ عمل طے کرنا چاہیے
مرکزی انجمن تاجران کے بانی وصدر چوہدری محمد اقبال نے کہا ہے کہ ناموس رسالتؐ کیلئے ہماری جانیں بھی قربان ہیں مغربی ممالک کو اس حوالے سے سنجیدگی سے سوچنا پڑے گا تحفظ ناموس رسالتؐ پر وزیراعظم عمران خان اور وزارت خارجہ کا بروقت اقدام قابل تحسین ہے چوہدری محمد اقبال نے تحریک لبیک کے قائدین کو خراج تحسین پیش کرتے ہوئے کہا کہ جس انداز سے ریلی اور دیگر معاملات طے کئے گئے اس سے قبل ایسا نہیں ہوا چوہدری اقبال نے کہا کہ تحفظ ناموس رسالتؐ کے حوالے سے تمام اسلامی ممالک کو مشترکہ لائحہ عمل طے کرنا چاہیے
گوجرخان بجلی کی ظالمانہ لوڈشیڈنگ کا سلسلہ بند کیا جائے
گوجرخان بجلی کی ظالمانہ لوڈشیڈنگ کا سلسلہ بند کیا جائے کئی روز سے گوجرخان میں بجلی کی لوڈشیڈنگ میں اضافہ کر دیا گیا جس کے باعث عوام گرمی اور حبس کے موسم میں سخت اذیت ناک صورتحال میں مبتلا ہیں فوری طور پر بجلی کی بدترین لوڈشیڈنگ کا سلسلہ بند کیا جائے اس بات کا مطالبہ لیبر کونسلر خواجہ امیر زمان سماجی رہنما راجہ ساجد یوسف نے اپنے اخباری بیان میں کیا انہوں نے کہا کہ گوجرخان میں بجلی کی لوڈشیڈنگ سے عوام سخت پریشان کن صورتحال میں مبتلا ہیں بجلی کی بدترین ظالمانہ لوڈشیڈنگ کا سلسلہ فوری بند کیا جائے
تحریک انصاف عوامی مسائل حل کرنے کیلئے بھرپور اقدامات اٹھائے گی
تحریک انصاف کے سٹی صدر شہزادہ خان نے کہا ہے کہ عوام نے تحریک انصاف کو جو مینڈیٹ دیا ہے تحریک انصاف عوامی مسائل حل کرنے کیلئے بھرپور اقدامات اٹھائے گی تحریک انصاف کی محب وطن قیادت ملکی فلاح و بہبود کیلئے پالیسیاں تشکیل دینے میں مصروف ہیں عوام کو تین ماہ کے اندر ہی مثبت تبدیلی نظر آجائے گی انہوں نے کہا کہ مسلم لیگ ن نے اپنی عوام کش پالیسیوں اور لوٹ مار کی بدولت ملک کو دیوالیہ بنا کر رکھ دیا تھا غیر ملکی قرضوں کے بوجھ کے باعث ملکی معیشت دیوالیہ ہونے کے قریب ہے جبکہ لوڈشیڈنگ ختم کرنے کے دعوے بھی جھوٹے نکلے اب تحریک انصاف معیشت کو مضبوط بنیادوں پر کھڑا کرنے کیلئے ٹھوس پالیسیوں پر گامزن ہے جبکہ ملک سے مہنگائی بے روزگاری اور لوڈشیڈنگ کا خاتمہ بھی تحریک انصاف ہی کر کے دکھائے گی انہوں نے کہا کہ عوام نے عمران خان پر جو اعتماد کیا ہے انشاء اللہ عمران خان عوام کے اعتماد پر پورا اتریں گے لوگوں کے مسائل کو بھرپور اندا زمیں حل کر کے عوام کو بھرپور ریلیف پہنچایا جائے گا
