Kallar Syedan; The election meeting was held at the residence of later Chaudhry Muhammad Ashraf

کلرسیداں(نمائندہ پوٹھوار ڈاٹ کوم، اکرام الحق قریشی،04جولائی,2022)—صوبائی حلقہ پی پی سات میں مسلم لیگ ن کے امیدوار راجہ صغیر احمد کی حمایت میں سابق صوبائی وزیر چوہدری محمد ریاض بھی سرگرم،اس سلسلے میں ایک انتخابی اجلاس سابق رکن بلدیہ چوہدری محمد اشرف مرحوم کی رہائشگاہ پر منعقد ہوا جس میں۔ سابق ارکان بلدیہ راجہ ظفر محمود،چوہدری اخلاق حسین،عابد زاھدی،چوہدری مشتاق حسین کے علاؤہ زین العابدین عباس،نصیر اختر بھٹی،چوہدری توقیراسلم،مسعود بھٹی،بشیر بھٹی،شیخ حسن سرائیکی،شیخ محمد شعور اور دیگر نے شرکت کی۔چوہدری محمد ریاض نے تقریب سے خطاب کرتے ہوئے کہا کہ عمران خاں نے بیرونی سازش کا بیانیہ کرپشن چھپانے کے لیئے گھڑا ہے عمران نے کب ایٹمی دھماکے کیئے جو امریکہ ان کی مخالف ہو جاتا یہ تو امریکی مفادات کے پاکستان میں ان کے حقیقی نمائندے ہیں عوام سترہ جولائی کو شیر پر مہر لگا کر بیرونی ایجنڈوں کے عزائم ناکام بنا ڈالیں،امیدوار راجہ صغیر احمد نے کہا کہ بزدار حکومت میں نے نہیں گرائی وہ خود مستعفی ہوئے تھے بغاوت بھی میں نے نہیں پی ٹی آئی کے ٹکٹ پر الیکشن جیت کر آنے والوں نے کی۔میں نے تو آزاد حیثیت سے الیکشن لڑا پی ٹی آئی کو شکست دے کر رکن پنجاب اسمبلی منتخب ہوا تھا۔تقریب سے الحاج اسلم بانی اور چوہدری مجید اشرف نے بھی خطاب کیا بعد ازاں راجہ صغیر احمد نے بٹاہڑی میں سابق کونسلر بلدیہ راجہ طارق محمود کی رہائشگاہ پر اجتماع سے خطاب کرتے ہوئے کہا کہ جنت دوزخ کے ٹکٹ تقسیم کرنے کے دعویدار توبہ کریں ان میں جواب سترہ جولائی کی شام کو عوامی حمایت کے ساتھ جواب دوں گا۔انہوں نے کہا کہ میں نے ماضی میں آزاد حیثیت میں کامیابی حاصل کی اب تو مسلم لیگ ن پیپلز پارٹی،جمعیت علمائے اسلام اور دیگر جماعتیں بھی میرے ساتھ ہیں میں ثابت کروں گا کہ کلرسیداں اور کہوٹہ پی ڈی ایم کے شہر ہیں اس موقع پر راجہ طارق محمود،صوبیدار طارق محمود،بابو شفاعت حسین،الطاف ظفر،ناصر ایوب اور دیگر نے راجہ صغیر احمد کی حمایت کا اعلان کیا بھرپور اجتماع میں راجہ ندیم احمد،شیخ حسن ریاض،راجہ ظفر محمور،حاجی اخلاق حسین،عابد زاھدی،چوہدری مشتاق،ذین العابدین،مسعور بھٹی،شیخ ندیم احمد اور دیگر نے شرکت کی۔

Kallar Syedan; Former Provincial Minister Chaudhry Muhammad Riaz is also active in support of PML-N candidate Raja Saghir Ahmed in PP-7. Meeting was held at the residence of late Chaudhry Muhammad Ashraf in which, Former members of the municipality Raja Zafar Mahmood, Chaudhry Akhlaq Hussain, Abid Zahidi, Chaudhry Mushtaq Hussain besides Zainul Abidin Abbas, Naseer Akhtar Bhatti, Chaudhry Tauqir Aslam, Masood Bhatti, Bashir Bhatti, Sheikh Hassan Seraiki, Sheikh Muhammad Shaor and others attended.

سابق وزیراعظم شاہد خاقان عباسی کادکھالی میں ایک انتخابی جلسہ سے خطاب

Former Prime Minister Shahid Khaqan Abbasi addresses an election rally in Dhakali

کلرسیداں(نمائندہ پوٹھوار ڈاٹ کوم، اکرام الحق قریشی،04جولائی,2022)—مسلم لیگ ن کے مرکزی سینئر نائب صدر سابق وزیراعظم شاہد خاقان عباسی نے کہا کہ ہے ہمیں حکومت سنبھالنے کا کوئی شوق تھا نہ جلدی تھی مگر ہم نے اپنی سیاست کو نہیں ریاست کو بچانے کی غرض سے اقتدار میں جانے کا فیصلہ کیا مشکل فیصلوں کا مقصد ماضی کی حکومت کی نااہلی پر مبنی غلط فیصلوں سے ملک کو بچانا ہے۔ ان خیالات کا اظہار انہوں نے دکھالی میں ایک انتخابی جلسہ سے خطاب کرتے ہوئے کیا جس کی صدارت چیئرمین یوسی دکھالی راجہ شوکت علی نے کی تقریب سے سابق بلدیاتی ارکان اور معززین علاقہ نے کثیر تعداد میں شرکت کی۔شاہد خاقان عباسی نے کہا کہ اتحادی جماعتوں نے حکومت نے اقتدار کو کڑوا گھونٹ صرف ملکی مفاد میں پیا ہے اگر عمران خاں اور ان کی معاشی ٹیم بروقت اور درست فیصلے کرلیتے تو شاید آج حالات انتہائی بدتر نہ ہوتے مگر پی ٹی آئی کے لوگوں میں اہلیت ہے نہ ہی ان کی نیتیں درست ہیں اگر ان میں ذرا سی بھی اہلیت ہوتی تو ساڑھے تین برسوں میں اچھی بھلی چلتی معیشیت کا بیڑا غرق نہ ہوتا مگر ان لوگوں کو مخالفین کو گالیاں دینے کے سوا کوئی دوسرا کام آتا ہی نہیں۔انہوں نے کہا کہ حکومت سر جوڑ کر بیٹھی ہوئی ہے دن رات حالات کو بہتر کرنے کی کوششیں جاری ہیں اللہ نے چاہا تو یہ حکومت قوم کو مایوس نہیں کرے گی مشکل فیصلوں کے باوجود ہم ملک کو گرداب سے نکالنے میں کامیاب ہو جائیں گے۔انہوں نے لوگوں پر زور دیا کہ وہ ذاتی گروہی اختلافات ترک کرکے سترہ جولائی کو ضمنی الیکشن میں مسلم لیگ ن کے امیدوار راجہ صغیر احمد کی کامیابی کے لیئے شیر پر مہر لگائیں،تقریب سے راجہ صغیر احمد،حافظ عثمان عباسی،راجہ شوکت علی اور دیگر نے بھی خطاب کیا۔

سابق وائس چیئرمین راجہ مظہر حسین کی دعائے قل اتوار کی شام کو ہوئی

Dua e Qul of Former Vice Chairman Raja Mazhar Hussain’s was offered on Sunday evening

کلرسیداں(نمائندہ پوٹھوار ڈاٹ کوم، اکرام الحق قریشی،04جولائی,2022)—سابق چیئرمین یوسی ہوتھلہ راجہ عامر مظہر کے والد محترم،ضلع کونسل راولپنڈی کے سابق وائس چیئرمین راجہ مظہر حسین کی دعائے قل اتوار کی شام کو ہوئی علامہ ادریس ہاشمی نے دعا کروائی دعائیہ تقریب میں حافظ عثمان عباسی، ملک عبدالحمید مغل،راجہ محمد صدیق،عبدالمجید مغل،راجہ ندیم احمد،راجہ علی اصغر،نمبردار اسد عزیز،چوہدری توقیر اسلم،تنویر اختر شیرازی، عبدالکبیر جنجوعہ،اکرام الحق قریشی،چوہدری ابرار حسین اور دیگر نے شرکت کی۔