Kallar Syedan; Teenager visiting village Khanadah drowns in local Nalah

کلرسیداں ؛(نمائندہ پوٹھوار ڈاٹ کوم ,اکرام الحق قریشی،07،مئی،2022ء)— 18 سالہ طالبعلم زین علی کلرسیداں کے قریب عید منانے اپنے ماموں کے گھر آیا اور برساتی نالے میں نہاتے ہوئے گہرے پانی میں ڈوب کر جاں بحق ہو گیا یہ اس بار مسجد میں اعتکاف بھی بیٹھا تھا اور عید منانے اپنے والدین کے ہمراہ کلرسیداں کے گاؤں کھناہدہ آیا ہوا تھا وہ نہانے کے لیئے مقامی برساتی نالے سریں میں اترا اور گہرے پانی میں ڈوب گیا اسے بے ہوشی کے عالم میں ٹی ایچ کیو ہسپتال کلرسیداں لایا جا رھا تھاکہ اس نے راستے میں ہی دم توڑ دیا۔متوفی اسلام آباد کے کالج میں سیکنڈ ایئر کا طالب علم تھا اور اس بار مقامی مسجد میں اعتکاف بھی بیٹھا تھا۔

Kallar Syedan؛ ( Pothwar.com, Ikram-ul-Haq Qureshi, May 07, 2022) – 18-year-old student Zain Ali who came to his uncle’s house to celebrate Eid in village Khanadah, drowned while bathing in a local Nalah. The deceased was a second-year student in a college in Islamabad.

ضلع مظفر گڑھ کے تھانہ سرور شہید کی پولیس موبائل فونز چوری کے ملزمان کی گرفتاری کیلئے کلر سیداں پہنچ گئی اور دو ملزمان کو گرفتار کر تھانے لے گئی

Police Station of Muzaffargarh District reached Kallar Syedan to arrest the accused of stealing mobile phones

کلرسیداں ؛(نمائندہ پوٹھوار ڈاٹ کوم ,اکرام الحق قریشی،07،مئی،2022ء)—ضلع مظفر گڑھ کے تھانہ سرور شہید کی پولیس موبائل فونز چوری کے ملزمان کی گرفتاری کیلئے کلر سیداں پہنچ گئی اور دو ملزمان کو گرفتار کر تھانے لے گئی جنہیں بعد ازاں چھوڑ دیا گیا۔تفتیشی آفیسر اے ایس آئی مختار احمد نے بتایا کہ تھانہ سرور شہید میں موبائل فونز اور نقدی کی چوری پر مقدمہ نمبر 255/22بجرم 457/380محمد شہزادسکنہ چوک سرور شہید کی مدعیت میں درج تھا جس پر پولیس نے گزشتہ روز کلر سیداں میں موبائل کی دکان پر چھاپہ مار کر ملزمان کو گرفتار کر کے تھانہ سرور شہید (مظفر گڑھ) لے آئی جہاں ملزمان نے دو عدد مسروقہ موبائل فونز اور تین لاکھ روپے کی رقم مدعی کوواپس کرنے کے بعد مدعی کے کہنے پر انہیں چھوڑ دیا گیا۔پولیس کے مطابق مدعی محمد شہزاد ٹک ٹاکر ہے اور ملزمان نے اس کے گھر سے موبائل فونز اور لاکھوں روپے کی نقدی چوری کر لی تھی۔

مسلم لیگ ن کا ساتھ دینے پر انتہائی مطمئن ہوں، راجہ صغیر احمد

I am very satisfied to support PML-N, Raja Saghir Ahmed

کلرسیداں ؛(نمائندہ پوٹھوار ڈاٹ کوم ,اکرام الحق قریشی،07،مئی،2022ء)—پنجاب اسمبلی میں پی ٹی آئی کے منحرف رکن پنجاب اسمبلی راجہ صغیر احمد نے کہا ہے کہ انہوں نے گڑگڑا کر اللہ کے حضور میں بہتر فیصلے کی دعا کی تھی اللہ کے کرم سے مسلم لیگ ن کا ساتھ دینے پر انتہائی مطمئن ہوں،حلقہ کے لوگوں نے میرے فیصلے سے میری پزیرائی کی ہے شہباز شریف ہمیشہ میرے آئیڈیل رہے ہیں۔انہوں نے گزشتہ شب کلرسیداں میں کنوہا کے بابر ضیا کی جانب سے اپنے اعزاز میں منعقدہ عید ملن پارٹی کے موقع پر گفتگو کرتے ہوئے کیا۔اس موقع پر نمبردار اسد عزیز، محسن بٹ، مبشر بٹ، کامران،محمد حفیظ، ارشاد حسین، محمد فہیم اور دیگر بھی موجود تھے۔راجہ صغیر احمد نے کہا کہ انہوں نے گزشتہ عام انتخابات میں آزاد حیثیت سے الیکشن لڑا اللہ کے کرم اور عوام کی دعاؤں سے پی ٹی آئی مسلم لیگ ن اور پیپلز پارٹی کو شکست دے کر رکن پنجاب اسمبلی منتخب ہوا۔میں نے انتخابی جلسوں میں اعلان کررکھا تھا کہ اگر کامیابی ملی تو جو حکومت بنے گی اس میں عوام کی خدمت کی غرض سے شمولیت اختیار کروں گا میں عوام کے مفاد میں پی ٹی آئی میں شامل ہوا۔ میں نے پانچ بار سے زیادہ پی ٹی آئی کے فیصلوں کے مطابق ووٹ دی میری اکیلی ووٹ سے عثمان بزدار وزیراعلی بنے تھے میری ہی اکلوتی ووٹ سے شہباز شریف بھی وزیراعلی بنے ہیں انہوں نے ایک سوال کے جواب میں کہا کہ میں پی ٹی آئی میں شامل ہوا تھا مگر مجھے پی ٹی آئی کی جانب سے سات نشستوں والی ق لیگ کو ووٹ دینے کو کہا گیا تو میں نے بہتر سوچا کہ اگر ووٹ مسلم کو ہی دینی ہے تو پھر سات نشستوں کی بجائے 165 نشستیں رکھنی والی مسلم لیگ ن کو کیوں نہ دی جائے۔مجھے پی ٹی آئی کی جانب سے اٹھارہ کروڑ کی پیشکش کی گئی جو میں نے ٹھکرا دی میں نے پی ٹی آئی میں شامل ہوتے وقت پیسے نہیں لیئے تھے اب بھی مسلم لیگ ن کا حصہ بنا ہوں تو ن سے پیسے نہیں لیئے البتہ پی ٹی آئی کی جانب سے مجھے واپسی کی صورت میں اٹھارہ کروڑ کی پیشکش موجود تھی۔انہوں نے کہا کہ میں نے تین برسوں میں تین ارب کے کام کروائے کبھی دو فیصد کا کمیشن تک وصول نہ کیا۔میں نے کوہسار ٹورازم ہائی وے کی تقریب سنگ بنیاد کے لیئے عثمان بزدار کو مدعو کررکھا تھا مگرپی ٹی آئی نے اس دورے کو نہ ہونے دیا میں اب پہلے سے زیادہ ترقیاتی کام کرواں گا میری ترجیحات میں اب کلرسیداں سے دھانگلی سڑک کی تعمیر و توسیع اور حبیب چوک سے براستہ ٹکال سموٹ چوآ خالصہ کنوہا بنک چوک ستھوانی دھمالی تک سوئی گیس کی فراہمی ہے۔ میں وی آئی پی رکن اسمبلی نہیں میں مزدور آدمی ہوں میں ٹریکٹر اور بس ڈرائیور ہوں محنت مزدوری کو عار نہیں سمجھتا میں اپنے لوگوں کی خدمت کرکے علاقے کو پسماندگی سے نکالنا چاہتا ہوں یہی میری سیاست اور زندگی کا مشن ہے۔

خادم مرزا خورشید کی والدہ انتقال کر گئیں نمازجنازہ کلرسیداں میں ادا کی گئی

Mother of Khadam Mirza Khurshid passed away in Kallar Syedan

کلرسیداں ؛(نمائندہ پوٹھوار ڈاٹ کوم ,اکرام الحق قریشی،07،مئی،2022ء)—بھلاکھر کے معروف سیاسی سماجی راہنما مرزا نذیر حسین مرحوم کی بیوہ اور آستانہ عالیہ حق خطیب علی بادشاہ سرکار کلرسیداں کے خادم مرزا خورشید کی والدہ انتقال کر گئیں نمازجنازہ کلرسیداں میں ادا کی گئی جس میں سابق چیئرمین محمد زبیر کیانی،صدر مسلم لیگ ن حاجی اخلاق حسین،راجہ عبدالمجید،حاجی اسلم بانی،طارق منہاس،مولانا غلام مصطفی سیالوی،حاجی محمود حسین،چوہدری ابرارحسین،راجہ شاہد محمود اور دیگر نے شرکت کی۔

اٹلی میں مقیم محمد الیاس بھٹی کی دختر اچانک انتقال کر گئیں تقریب قل موہڑہ بھٹیاں میں ادا کی گئی

Daughter of M Ilyas Bhatti of Ital passed away, Namaz e janaza held in Mohra Bhuttian

کلرسیداں ؛(نمائندہ پوٹھوار ڈاٹ کوم ,اکرام الحق قریشی،07،مئی،2022ء)—اٹلی میں مقیم محمد الیاس بھٹی کی دختر اچانک انتقال کر گئیں تقریب قل موہڑہ بھٹیاں میں ادا کی گئی جس میں سابق وائس چیئرمین محمد شبیر بھٹی،قاضی زاہد نعیم،پروفیسر فاروق بھٹی، فیصل بھٹی،ربنواز بھٹی،اعجاز بھٹی،قاضی عابد،قاضی واجد،قاضی اسد، صغیر بھٹی،سفیر بھٹی،اکرام الحق قریشی،احسان الحق بھٹی،محمود بھٹی،قاضی واصف اور دیگر نے بھی شرکت کی۔

راجہ پرویز اختر کی ہمشیرہ انتقال کر گئیں نمازجنازہ درکالی شیر شاہی میں ادا کی گئی

Sister of Raja Parvez Akhtar passed away in Darkali Sher Shahi

کلرسیداں ؛(نمائندہ پوٹھوار ڈاٹ کوم ,اکرام الحق قریشی،07،مئی،2022ء)—بلدیہ کلرسیداں کے اہلکار راجہ محمد فیضاب کی والدہ اور پبلک ہیلتھ انجینئرنگ گوجرخان کے راجہ پرویز اختر کی ہمشیرہ انتقال کر گئیں نمازجنازہ درکالی شیر شاہی میں ادا کی گئی جس میں سابق ٹاؤن ناظم حافظ سہیل اشرف ملک،حاجی اخلاق حسین،حاجی محمد ریاست،راجہ محمد فیاض،آصف منہاس،راجہ مشتاق حسین،راجہ کامران عابد،جنید بھٹی،جاوید ظفر مغل، محمد رضوان اور دیگر نے شرکت کی۔

عبدالرحمان کو گاؤں منگال میں سپرد خاک کردیا گیا

Abdul Rehman passed away in village Mangal

کلرسیداں ؛(نمائندہ پوٹھوار ڈاٹ کوم ,اکرام الحق قریشی،07،مئی،2022ء)—گورنمنٹ ہائی سکول پھلینہ کے مدرسین عقیل الرحمان،تنزیل الرحمان کے والد محترم عبدالرحمان کو گاؤں منگال میں سپرد خاک کردیا گیا نماز جنازہ میں حافظ سہیل اشرف،حاجی اخلاق حسین،حاجی محمد اسحاق،حاجی ریاست حسین،مرزا اظہر محمود،عاقب علی، شوکت سلطان،وسیم اکرم،حامد علی،احسان الحق قریشی،مولانا ظفر محمود چشتی،صوفی ضابر حسین،قمر ایاز، حاجی شوکت علی اور دیگر نے شرکت کی۔

تعزیت

کلرسیداں ؛(نمائندہ پوٹھوار ڈاٹ کوم ,اکرام الحق قریشی،07،مئی،2022ء)—پیپلز پارٹی برطانیہ کے رہنما راجہ محمد شکیل کیانی نے گاؤں تل خالصہ جا کر حاجی ابرار حسین اور چوہدری توقیراسلم سے ملاقات کی اور ان کے والد محترم چوہدری محمد اسلم کی وفات پر دلی تعزیت کا اظہار کیا۔