Kahuta; Iftar party held in honor of PTI workers

مٹور (نمائندہ پوٹھوار ڈاٹ کوم کبیر احمد جنجوعہ،21اپریل 2022)
سابق سینئر نائب صدر سردار رضا کی جانب سے صداقت علی عباسی، چیئرمین آر ڈی اے راجہ طارق محمود مرتضٰی،راجہ وحید احمد خان اور پاکستان تحریک انصاف کے کارکنان کے اعزاز میں افطار پارٹی دی گئی تفصیلات کے مطابق سیاسی اور سماجی شخصیت سردار رضا کی طرف سے ہل ٹاپ ہوٹل جیوڑہ کے مقام پر افطار پارٹی دی گئی جس میں پی ٹی آئی کی اعلیٰ قیادت سمیت کثیر تعداد میں کارکنان نے بھی شرکت کی افطار ڈنر تقریب سے سردار رضا نے اپنے خطاب میں کہا کہ یونین کونسل بیور پی ٹی آئی کا گڑھ ہے اور اگلے الیکشن میں پی ٹی آئی اس حلقے سے بڑی کامیابی حاصل کرے گی راجہ وحید احمد خان نے اپنے جذباتی خطاب میں کہا کہ پی ٹی کا مقابلہ اسلام دشمن قوتوں اور ملک کے غداروں سے ہے آج عمران خان کا ساتھ دے کر پاکستان کی حقیقی آزادی کا ساتھ دینا ہے صداقت علی عباسی نے اپنے خطاب میں کہا کہ اس وقت عمران خان کا ساتھ دینا جہاد کے برابر ہے تمام اسلام قوتیں عمران خان کے خلاف ہیں اور پاکستان میں امپورٹڈ حکومت مسلط کی گئی ہے عوام باہر نکل کر اسلام دشمن قوتوں کے خلاف ایک ہو جائیں صداقت علی عباسی اور راجہ وحید احمد خان نے امپورٹڈ حکومت کے خلاف پرجوش نعرے بھی لگوائے افطار ڈنر میں راجہ الطاف، کرنل ظفر عباسی، نمبردار راجہ ندیم رشید،طاہر ارشاد ستی،راجہ وجاہت جنجوعہ،سکندر ستی،سردار مظہر، ملک عاصم،ناصر نزیر ستی،قدیر عباسی، شیخ طلحہ، قاضی عبد الحفیظ کوثر،صوبیدار رفیق،راجہ منان مسعود،سردار صغیر ایڈووکیٹ،ملک عامرمحمود بھی موجود تھے۔

Mator, Kahuta (Rep. Pothwar.com Kabir Ahmed Janjua, 21 April 2022)
Former Senior Vice President Sardar Raza gave Iftar party in honor of Sadaqat Ali Abbasi, Chairman RDA Raja Tariq Mahmood Murtaza, Raja Waheed Ahmad Khan and Pakistan Tehreek-e-Insaf workers. An Iftar party was held at Hill Top Hotel Joawra from which a large number of workers including the top leadership of PTI also participated.

میاں شہباز شریف کے وزیر اعظم منتحب ہونے سے تعمیر و ترقی کا ایک نیا دور شروع ہو گا

With the election of Mian Shahbaz Sharif as the Prime Minister, a new era of construction and development will begin

مٹور (نمائندہ پوٹھوار ڈاٹ کوم کبیر احمد جنجوعہ،21اپریل 2022)
سٹی صدر مسلم لیگ ن کہوٹہ ممتاز سیاسی و سماجی شخصیت ڈاکٹر محمد عارف قریشی نے ایک انٹرویو میں کہا کہ میاں شہباز شریف کے وزیر اعظم منتحب ہونے سے تعمیر و ترقی کا ایک نیا دور شروع ہو گا وہ ایک مخلص اور تجربہ کار شخصیت ہیں انھوں نے جس طرح پنجاب میں تعمیر و ترقی کی اور میرٹ پر نوجوانوں کو نوکریاں دیں امید ہے کہ اب پورے پاکستان میں ترقی کا آغاز ہوگا ڈاکٹر محمد عارف قریشی نے کہا کہ پی ڈی ایم میں تمام جماعتیں ملکر ملکی مسائل حل کریں جس طرح ملکی حالات ہیں کسی ایک جماعت کے بس کی بات نہیں کہ انکو حل کرے ہم سبکو پاکستان کے بارے میں سوچنا ہو گا آجکل ہمارے ملک میں جسطرح کی سیاست چل رہی ہے اسکی اجازت نہ ہمارا مذہب نہ معاشرہ اور نہ ہی جمہوری اقدار دیتا ہے ہم آج اپنی نوجوان نسل کو جسطرح کا ماحول غیر اخلاقی زبان کا استعمال ایک دوسرے کو گالم گلوچ اس سے پاکستان کا امیج پوری دنیا میں خراب ہو رہا ہے انھوں نے کہا کہ سابق وزیر اعظم عمران خان ایک بہترین اپوزیشن کا کردار اد اکریں اور جب الیکشن ہوں اپنا منشور عوام کے سامنے رکھیں اگر وہ کامیاب ہوں تو عوام کی خدمت کریں انھوں نے تمام جماعتوں سے کہا کہ وہ اپنے ذاتی مفادات سے بالاتر ہو کر صرف اور صرف عوام کی فلاح و بہبود پاکستان کے استحکام کے لیے کام کریں ہمارے ایوانوں میں اور اس سے باہر جو زبان استعمال ہو رہی ہے اُس سے ہماری آنے والی نسلوں کو کیا پیغام جائیگا پی ڈی ایم کا بہت بڑا اتحاد ہے انکو بڑے صبر و تحمل سے ملکر چلنا ہوگا ڈاکٹر عارف قریشی نے اس موقع پر میاں حمزہ شہباز کو وزیر اعلیٰ پنجاب منتحب ہونے پر مبارکباد دی اور امید ظاہر کی کہ اپنے والد میاں شہباز شریف کی طرح انکے نقش و قدم پر چلتے ہوئے پنجاب میں تعمیر و ترقی کریں گے۔