جی ٹی روڈ پر کلیام موڑ پرانا برف خانہ سٹاپ کے قریب ڈالڈا گھی کے بڑے وئیر ہاؤس میں آگ لگ گئی
گوجر خان (نمائندہ پوٹھوار ڈاٹ کوم ) جی ٹی روڈ پر کلیام موڑ پرانا برف خانہ سٹاپ کے قریب ڈالڈا گھی کے بڑے وئیر ہاؤس میں آگ لگ گئی ۔کروڑوں روپے کا گھی اور کوکنگ آئل موجود تھا جس کی وجہ سے آگ پھیل گئی۔ آگ سے قریبی گھروں کو بھی نقصان پہنچا۔اس کے علاوہ سڑک کے کنارے سفیدے کے لاتعداد درخت بھی موجود ہیں جو آگ کی لپیٹ میں آچکے ہیں۔جہلم اور راولپنڈی سے آگ بجھانے والی ٹیمیں طلب کر لی گئیں۔آگ کے شعلوں اور دھوئیں کی وجہ سے آسمان پر دھوئیں کے بادل دور دور سے دیکھے جا سکتے ہیں۔ ریسکیو ٹیمیں آگ بھجانے میں مصروف عمل ہیں مگر تاحال آگ پو قابو نہیں پایا جا سکا۔
