Rawalpindi; Concern over Faisal Masjid being turned in to tourist place instead of religious place of worshiping

فیصل مسجد اسلام آباد کے انتظام کی واضح پوزیشن نہ ہونے کی وجہ سے یہ عظیم مسجد مسائل کا شکار ہے145 اسے عملی طور پر ایک تفر یح گاہ میں تبدیل کر دیا گیا ہے جس کی وجہ سے بطور عبادتگاہ اس کا تقدس مجروح ہو رہا ہے۔ بعض فیملیز بچوں کا نکاح فیصل مسجد میں کرتے ہیں اور باقاعدہ شوٹ کرتے ہیں۔ وزیٹرز بھی ایسا کرتے ہیں۔ حال ہی میں ایک جوڑے کی تصویر اور فیملی گروپ فوٹوز سوشل میڈیا پر وائرل ہوئی ہیں جس میں جوڑے نے ماڈلنگ کا انداز اختیار کیا ہوا ہے۔ یہ تصویر فیصل مسجد کے اندر بنی ہے اسلئے اس سے مسجد کا تقدس واضح طور پر مجروح ہو رہا ہے۔ فیصل مسجد کی مینٹی نینس کا کام سی ڈی اے کے ذمہ ہے لیکن اس کا انتظام اسلامک انٹرنیشنل یونیورسٹی کے پاس ہے۔ نکاح کی اجازت بھی فیس لیکر یونیورسٹی کی انتظامیہ دیتی ہے۔