Islamabad Civic Services to Go Digital Through Pak App

راولپنڈی (پوٹھوار ڈاٹ کام- اکرام الحق قریشی –21 ستمبر 2026ء)–کیپٹل ڈویلپمنٹ اتھارٹی (سی ڈی اے) اورمیٹروپولیٹن کارپوریشن اسلام آباد (ایم سی آئی) نے اسلام آباد کو ڈیجیٹل شہر بنانے کی جانب ایک اہم قدم اٹھایا ہے۔ اس سلسلے میں سی ڈی اے اور ایم سی آئی کی اہم عوامی خدمات اب پاک ایپ کے ذریعے دستیاب ہوں گی۔اس اقدام کا مقصد شہریوں کو سرکاری خدمات کی فراہمی کو مزید آسان، شفاف، تیز اور شہری دوست بنانا ہے۔
اب شہری، کاروباری افراد اور دیگر متعلقہ افراد اپنے موبائل فون کے ذریعے مختلف خدمات حاصل کر سکیں گے اور معمول کے کاموں کے لیے بار بار سرکاری دفاتر جانے کی ضرورت کم ہو جائے گی۔اتوار کو سی ڈی اے کی جانب سے جاری بیان کے مطابق اس اقدام کے تحت سی ڈی اے پراپرٹی ٹیکس اور پانی کے بلوں کی وصولی کا نظام بھی ڈیجیٹل بنا رہا ہے، جس کے ذریعے شہری آن لائن ادائیگی کی سہولت سے فائدہ اٹھا سکیں گے۔

اس سے روایتی کاؤنٹر پر جا کر ادائیگی کرنے کی ضرورت کم ہوگی اور شہری اپنے موبائل فون کے ذریعے گھر بیٹھے متعلقہ خدمات حاصل کر سکیں گے۔ سی ڈی اے اور ایم سی آئی کی جانب سے شہریوں اور کاروباری افراد کے لیے مختلف عوامی خدمات ڈیجیٹل پلیٹ فارم کے ذریعے فراہم کی جائیں گی۔ ان میں اشتہارات اور اوپن اسپیس کی اجازت، پارکنگ پرمٹس، جنریٹر لائسنس، میونسپل منظوریوں، پراپرٹی ٹیکس، پانی کے بلوں کی ادائیگی اور دیگر متعلقہ شہری خدمات شامل ہیں، جو متعلقہ سروس کی ضروریات اور قواعد کے مطابق دستیاب ہوں گی۔
ایپ کے ذریعے شہری آن لائن درخواستیں جمع کرا سکیں گے، مطلوبہ معلومات اور دستاویزات ڈیجیٹل طریقے سے فراہم کر سکیں گے، اپنی درخواستوں کی پیش رفت اور اسٹیٹس معلوم کر سکیں گے اور جہاں سہولت دستیاب ہو وہاں ڈیجیٹل ذرائع سے ادائیگی بھی کر سکیں گے۔اس ڈیجیٹل نظام کے ذریعے کاغذی دستاویزات، دستی طریقہ کار اور سرکاری دفاتر کے کاؤنٹرز پر انحصار کم ہوگا۔
اس سے شہریوں کا قیمتی وقت اور محنت بھی بچے گی اور انہیں اپنی ضروری خدمات تک آسان رسائی حاصل ہوگی۔درخواستوں، منظوریوں، ادائیگیوں اور دیگر معاملات کا ڈیجیٹل ریکارڈ بھی محفوظ کیا جائے گا۔ اس سے خدمات کی فراہمی کی مؤثر نگرانی میں مدد ملے گی اور متعلقہ معاملات کا ریکارڈ زیادہ منظم انداز میں دستیاب ہوگا۔ڈیجیٹل نظام کے ذریعے شکایات کے ازالے کی سہولت بھی فراہم کی جائے گی۔
شہری اپنی شکایات اور سروس سے متعلق مسائل آن لائن درج کرا سکیں گے اور ان کی پیش رفت کو بھی ڈیجیٹل ذرائع سے ٹریک کر سکیں گے، تاہم یہ سہولت متعلقہ سسٹم اور سروس کی ضروریات کے مطابق دستیاب ہوگی۔شہریوں نے سی ڈی اے اور ایم سی آئی کی جانب سے جدید ڈیجیٹل خدمات کے آغاز کو سراہا ہے۔ شہریوں نے بالخصوص کیش لیس، کانٹیکٹ لیس اور پیپر لیس سروسز کی جانب پیش رفت کو خوش آئند قرار دیا ہے۔
ان کا کہنا ہے کہ آن لائن درخواست، ڈیجیٹل دستاویزات جمع کرانے،درخواست کا اسٹیٹس معلوم کرنے اور ڈیجیٹل ادائیگی کی سہولت سے معمول کے سرکاری کاموں کے لیے دفاتر کے چکر لگانے کی ضرورت کم ہوگی۔یہ اقدام سی ڈی اے اور ایم سی آئی کے اسلام آباد کی شہری انتظامیہ کو جدید ٹیکنالوجی، جدت، شفافیت، جوابدہی اور بہتر عوامی سہولت کے ذریعے جدید بنانے کے وسیع پروگرام کا حصہ ہے۔
ڈیجیٹل پلیٹ فارم کے ذریعے روایتی کاؤنٹر پر مبنی نظام سے بتدریج جدید ڈیجیٹل سروس ڈیلیوری ماڈل کی طرف منتقلی عمل میں لائی جائے گی۔شہری اپنے موبائل فون کے ذریعے کہیں سے بھی متعلقہ خدمات تک رسائی حاصل کر سکیں گے، تاہم یہ سہولت متعلقہ سروس کی ضروریات کے مطابق فراہم کی جائے گی۔ اس اقدام سے شہری خدمات سے متعلق معاملات کا ڈیجیٹل ریکارڈ مزید مستحکم ہوگا جبکہ سرکاری خدمات کی فراہمی میں کارکردگی اور جوابدہی کو بھی بہتر بنانے میں مدد ملے گی۔سی ڈی اے اور ایم سی آئی کا یہ اقدام اسلام آباد کو ایک اسمارٹ، جدید اور شہری مرکزدارالحکومت بنانے کے وژن کو مزید تقویت دے گا، جہاں ڈیجیٹل ٹیکنالوجی شہریوں اور حکومت کے درمیان رابطے اور خدمات کی فراہمی کا مؤثر ذریعہ بنے گی۔

Rawalpindi, September 21, 2026 (Pothwar.com — Ikram-ul-Haq Qureshi): The Capital Development Authority (CDA) and Metropolitan Corporation Islamabad (MCI) have taken a major step toward transforming Islamabad into a digital city by making several public services available through the Pak App.

Citizens and businesses will be able to submit applications, upload documents, track application status and, where available, make digital payments through their mobile phones. Services include property tax, water bills, parking permits, advertising and open-space permissions, generator licences and various municipal approvals.

The initiative is aimed at reducing paperwork, manual procedures and repeated visits to government offices while improving transparency, record-keeping and accountability. An online complaint and tracking facility will also be available for relevant services.

CDA said the move is part of a broader programme to modernise Islamabad’s civic administration through digital technology and improve the delivery of public services.