Kallar Syedan: Pakistan Railways Promotes Head Constable Raja Tariq Mehmood to ASI

کلر سیداں (پوٹھوار ڈاٹ کوم — اکرام الحق قریشی | 23، نومبر، 2025ء) —پاکستان ریلوے نے چوآخالصہ کے نواحی گاؤں سہوٹ بدھال سے تعلق رکھنے والے ریلوے پولیس کے ہیڈ کانسٹیبل راجہ طارق محمود کو ترقی دیتے ہوئے اسسٹنٹ سب انسپکٹر (اے ایس آئی) کے عہدے پر تعینات کر دیا ہے۔

سرکاری ذرائع کے مطابق، راجہ طارق محمود کی یہ ترقی ان کی طویل عرصے پر محیط مسلسل بہترین کارکردگی، پیشہ ورانہ مہارت اور فرض شناسی کا اعتراف ہے۔ وہ ریلوے پولیس میں نہایت ذمہ داری اور محنت کے ساتھ خدمات سر انجام دیتے رہے ہیں اور اپنے افسران و ساتھی اہلکاروں میں عزت و احترام کی نظر سے دیکھے جاتے ہیں۔

ترقی کی خبر پھیلتے ہی سہوٹ بدھال اور گردونواح کے مکینوں، سماجی شخصیات اور معززین نے راجہ طارق محمود کو دلی مبارکباد پیش کی۔ لوگوں نے اس موقع پر کہا کہ ان کی ترقی نہ صرف ان کے خاندان بلکہ پورے علاقے کے لیے باعثِ فخر ہے۔ ان کے مطابق ایسے اعزازات نوجوانوں کو بھی حوصلہ دیتے ہیں کہ وہ محنت اور لگن کے ساتھ اپنے شعبوں میں آگے بڑھیں۔

راجہ طارق محمود نے پاکستان ریلوے اور ریلوے پولیس کے اعلیٰ حکام کا شکریہ ادا کرتے ہوئے کہا کہ وہ مستقبل میں بھی مزید ذمہ داری کے ساتھ اپنے فرائض انجام دیتے رہیں گے اور ادارے کے اعتماد پر پورا اترنے کی پوری کوشش کریں گے۔

Kallar Syedan ​​(Pothwar.com — Ikram-ul-Haq Qureshi | 23 November 2025)-Pakistan Railways has announced the promotion of Head Constable Raja Tariq Mehmood, a resident of the suburban village Sahot Badhal near Choa Khalsa, to the rank of Assistant Sub-Inspector (ASI) in the Railway Police.

According to official sources, the promotion was granted in recognition of his consistent service, strong professional performance, and dedication to duty over the years. Raja Tariq Mehmood has been serving in the Railway Police with commitment and has earned respect among colleagues and officers alike.

As the news of his promotion spread, local community members and notable figures from Sahot Badhal extended heartfelt congratulations to Raja Tariq Mehmood. They expressed pride in his achievement and hoped that he would continue to serve the department with the same zeal and integrity.

Residents described his promotion as an honour not only for his family but also for the entire area, noting that such accomplishments motivate the youth to pursue disciplined and constructive career paths.

Raja Tariq Mehmood has thanked Pakistan Railways and the Railway Police leadership for acknowledging his services and vowed to continue performing his duties with greater responsibility and dedication.

پنجاب حکومت نے کلر سیداں میں 15 کروڑ روپے کی لاگت سے تحصیل اسپورٹس کمپلیکس کی تعمیر کا آغاز کر دیا

Punjab Government Begins Construction of Rs 150 Million Tehsil Sports Complex in Kallar Syedan

کلر سیداں (پوٹھوار ڈاٹ کوم — اکرام الحق قریشی | 23، نومبر، 2025ء) —پنجاب حکومت کی جانب سے کلرسیداں شہر میں 15 کروڑ کی لاگت سے تحصیل سپورٹس کمپلیکس کی تعمیر کا کام شروع،مسلم لیگ ن کے ارکان اسمبلی راجہ اسامہ سرور اور راجہ صغیر احمد نے نوجوانوں کے لیئے کلرسیداں شہر میں بیول روڈ مرید چوک میں تحصیل اسپورٹس کمپلیکس کے قیام کی تجویز پیش کی تھی۔تعمیر کے کام کا آغاز کر دیا گیا اس موقع پر ڈسٹرکٹ اسپورٹس آفیسر شمس توحید عباسی نے میڈیا سے گفتگو کرتے ہوئے کہا کہ پنجاب حکومت نے کلرسیداں کے نوجوانوں کا دیرینہ مطالبہ پورا کردیا ہے اسپورٹس کمپلیکس سے یہاں کھیلوں کے فروغ میں اضافے کے ساتھ ساتھ لوگوں کو جسمانی نشونما کے بہترین مواقع میسر آئیں گے انہوں نے بتایا کہ یہاں ان ڈور جمنازیم تعمیر کیا جائے گا یہاں مرد و خواتین کے لیئے الگ الگ جم تعمیر ہوں گے فٹبال گراسی گراؤنڈ بھی تعمیر ہو گا اسپورٹس کمپلیکس کا اپنا سولر سسٹم ہو گا انہوں نے کہا کہ اسپورٹس کمپلیکس کے لیئے پنجاب حکومت نے 150 ملین روپے کی خطیر رقم مختص کی ہے اس کی تکمیل سے تحصیل کلرسیداں میں نوجوانوں کی صحت مند سرگرمیوں میں تیزی سے اضافہ ہو گا مقامی حلقوں نے اسپورٹس کمپلیکس کی تعمیر کی منظوری اور کام شروع ہونے پر وزیراعلی مریم نواز ارکان اسمبلی راجہ اسامہ سرور اور راجہ صغیر احمد کا بھی خصوصی شکریہ ادا کیا ہے۔

Kallar Syedan Police Raid Dance Party; Proclaimed Offender Escapes, Eight, Including Three Women Arrested

کلر سیداں پولیس کا نلہ مسلماناں میں ڈانس پارٹی پر چھاپہ؛ اشتہاری فرار، تین خواتین سمیت آٹھ افراد گرفتار

کلر سیداں (پوٹھوار ڈاٹ کوم — اکرام الحق قریشی | 23، نومبر، 2025ء) —کلر سیداں پولیس کا اشتہاری کی موجودگی کی اطلاع پر گاؤں نلہ مسلماناں کی ڈھوک مغلاں میں رات گئے چھاپہ، اشتہاری ساتھیوں سمیت دیوار پھلانگ کر فرار ہو گیا حویلی میں ڈانس پارٹی جاری تھی پولیس نے پانچ لڑکوں اور تین لڑکیوں کو نیم برہنہ حالت میں گرفتار کرلیا۔کلرسیداں پولیس کے اے ایس آئی مرزا نبیل بیگ اور رخسار تعلیم دوبیرن کلاں میں معمول کی گشت پر موجود تھے کہ مخبر خاص نے اطلاع دی کہ نلہ مسلماناں کی ڈھوک مغل کی ایک حویلی میں اشتہاری مجرم کی موجودگی میں ڈانس پارٹی جاری ہے جس پر انہوں نے ایس ایچ او راجہ محمد عاقب رزاق کو صورتحال سے آگاہ کیا جس پر پولیس نے رات سوا بارہ بجے کے بعد حویلی پر چھاپہ مارا تو وہاں تیز آواز موسیقی کے ساتھ نوجوان لڑکے اور لڑکیاں نیم برہنہ حالت میں رقص اور غیر اخلاقی سرگرمیوں میں مصروف تھے پولیس کو دیکھتے ہی عدنان نے اشتہاری شفیق کلیم کو آواز دی کہ پولیس آ گئی ہے بھاگ جاؤ جس پر اشتہاری دیگر آٹھ دس افراد کے فرار ہونے میں کامیاب ہو گیا پولیس نے آٹھ افراد کو موقع پر ہی گرفتار کرلیا جن میں تین خواتین اور پانچ مرد شامل ہیں،گرفتار ملزمان میں عدنان،مدثر ولد رضا ساکنان نلہ مسلماناں،طاہر مرزا،زین الحسن ساکنان نلہ مسلماناں،طاہر مرزا سکنہ کلریاں گف،صدام محبوب ڈھوک چوھدریاں راولپنڈی،نیلم،ماہی نور اور نادیہ سکنہ گرجا روڈ راولپنڈی کو گرفتار کرلیا۔ابتدائی تحقیقات میں یہ انکشاف بھی سامنے آیا کہ گرفتار خواتین کو معاوضے کے عوض اس محفل میں لایا گیا تھا، جبکہ یہ پارٹی ایک مقامی سہولت کار کے ذریعے منظم کی جا رہی تھی۔پولیس نے موقع سے غیر قانونی ساؤنڈ سسٹم، موبائل فونز اور دیگر مشکوک سامان قبضے میں لے لیا ہے۔گرفتار افراد کے خلاف اشتہاری کو پناہ دینے،غیر اخلاقی سرگرمیوں کا انتظام کرنے،ساؤنڈ سسٹم ایکٹ کی خلاف ورزی اور دفعہ 144 کی خلاف ورزی کے تحت مقدمات درج کر کے مزید تفتیش شروع کر دی گئی ہے۔ادہر پولیس نے گرفتار ملزمان کو علاقہ مجسٹریٹ کی عدالت میں پیش کیا جہاں عدالت نے تمام ملزمان کو فی کس دس دس ہزار روپے کے مچلکے جمع کرانے پر رھا کر دیا۔

Kallar Syedan Health Officer Seals Private School for Refusing Measles–Rubella Vaccination Campaign

خسرہ و روبیلا مہم سے انکار پر کلر سیداں میں نجی گریٹر سکول سیل

کلر سیداں (پوٹھوار ڈاٹ کوم — اکرام الحق قریشی | 23، نومبر، 2025ء) —ڈپٹی ڈسٹرکٹ ہیلتھ آفیسر کلر سیداں ڈاکٹر فرحت ابراہیم نے قومی مہم خسرہ و روبیلا ویکسینیشن سے انکاری پر شاہ باغ میں واقعہ نجی تعلیمی ادارے گریٹر سکول کو سر بمہر کر دیا۔ڈاکٹر فرحت ابراہیم نے بتایا کہ ضلع راولپنڈی خسرہ کے زیادہ کیسز سامنے آنے پر ہائی رسک پر ہے انہوں نے واضح کیا کہ سرکاری مہم میں رکاوٹ ڈالنے اور حیلوں بہانوں سے مہم کو سپوتاژ کرنے والے کسی بھی تعلیمی ادارے کے خلاف سخت کارروائی کی جائے گی۔

“200 Grams of Hashish Recovered; Suspect Arrested by Shah Khaki Highway Patrol in Kallar Syedan”

“کَلر سیداں میں پنجاب ہائی ویز پٹرولنگ کی کارروائی، ملزم سے 200 گرام چرس برآمد، مقدمہ درج”

کلر سیداں (پوٹھوار ڈاٹ کوم — اکرام الحق قریشی | 23، نومبر، 2025ء) —ایس پی فیصل سلیم کی خصوصی ہدایات اور ڈی ایس پی عرفان بٹ کی زیر نگرانی انچارج پنجاب ہائی ویز پٹرولنگ چیک پوسٹ شاہ خاکی کے سب انسپکٹر افضال محمود نے اپنی ٹیم کے ہمراہ دوران گشت مسمی کالو خان ولد ریاض حسین سکنہ چاه جهگڑ والا تحصیل و ضلع کوٹ ادو کو روک کر جامعہ تلاشی کرنے پر مذکورہ بالا شخض کی چیب سے 200 گرام چرس برآمد کرکے اسے گرفتار کرنے کے بعد تھانہ کلرسیداں مقدمہ نمر 951/25 درج کروا کر پابند سلاسل کروا دیا۔