Kallar Syedan: Transformer Yet to Be Reinstalled in Sathwani Village, Residents Suffer from Low Voltage

(کلر سیداں – پوٹھوار ڈاٹ کوم، اکرام الحق قریشی – 13 مئی 2025):
کلر سیداں کے نواحی گاؤں ستھوانی کے مکین کئی ماہ گزرنے کے باوجود شدید بجلی کے مسائل کا شکار ہیں۔ علاقے میں نصب ٹرانسفارمر کو آئیسکو (اسلام آباد الیکٹرک سپلائی کمپنی) کے عملے نے مرمت یا تبدیلی کے لیے اتارا تھا، لیکن تاحال اسے دوبارہ نصب نہیں کیا گیا۔

مقامی رہائشی ماسٹر منیر حسین کے مطابق، ٹرانسفارمر کو کئی ماہ قبل ہٹا دیا گیا تھا، مگر متعلقہ عملہ دوبارہ اسے لگانے نہیں آیا۔ اس غفلت کے باعث علاقے میں کم وولٹیج کا مسئلہ برقرار ہے، جس سے لوگوں کی روزمرہ زندگی بری طرح متاثر ہو رہی ہے۔

انہوں نے متعلقہ حکام سے مطالبہ کیا کہ ٹرانسفارمر کی فوری تنصیب کو یقینی بنایا جائے تاکہ عوام کو درپیش بجلی کے مسائل کا خاتمہ ہو سکے۔

(Kallar Syedan – Pothwar.com, Ikram-ul-Haq Qureshi – May 13, 2025):
Residents of Sathwani village in Kallar Syedan continue to face severe electricity issues due to the non-installation of a transformer that was removed by IESCO (Islamabad Electric Supply Company) staff several months ago. Despite the passage of considerable time, the transformer has not been reinstalled, causing persistent low-voltage problems for local consumers.

According to Master Munir Hussain, a resident of the village, IESCO staff had removed the transformer from its location months ago for maintenance or replacement, but never returned to reinstall it. As a result, the area remains underpowered, and daily activities are severely affected by the unstable electricity supply.

He urged the concerned authorities to take immediate action to reinstall the transformer in Sathwani without further delay to relieve the local population from ongoing electricity issues.

کلر سیداں: شادی شدہ خاتون اپنے پانچ سالہ بیٹے سمیت مبینہ طور پر لاپتہ

Kallar Syedan: Married Woman Allegedly Goes Missing with Her 5-Year-Old Son

کلر سیداں (پوٹھوار ڈاٹ کوم، اکرام الحق قریشی –13،مئی، 2025) —شادی شدہ خاتون اپنے پانچ سالہ بیٹے کے ہمراہ مبینہ طور پر لاپتہ ہو گئی گاوں چنام کے ایک شہری نے مقدمہ درج کروایا کہ اس کی بیٹی مسمات (م پ) جو پانچ سالہ بچے کی ماں بھی ہے۔ گزشتہ روز موبائل فون پر بیٹی سے رابطہ کرنے کی کوشش کی مگر نمبر بند ہونے کی وجہ سے رابطہ نہ ہو سکا پتہ جوئی کے بعد معلوم ہوا کہ میری بیٹی اپنے بچے سمیت گھر پر موجود نہ ہے اور گھر میں تالا پڑا ہوا ہے میری بیٹی کا موبائل فون بھی مسلسل بند لگ رہا ہے جسے نامعلوم نے مبینہ طور پر اغواء کر لیا ہے کلرسیداں پولیس تفتیش یے۔

Kallar Syedan: Survey Teams Arrive in Guff, Bishndot, and Ghazanabad for Gas Supply

کلر سیداں: لیگی ارکان اسمبلی کی ہدایت پر گف، بشندوٹ اور غزن آباد میں سوئی گیس کے سروے کا آغاز

کلر سیداں (پوٹھوار ڈاٹ کوم، اکرام الحق قریشی –13،مئی، 2025) —لیگی ارکان اسمبلی راجہ اسامہ سرور اور راجہ صغیر احمد کی ہدایات پر یو سیز گف، بشندوٹ اور غزن آباد میں سوئی گیس کے لئے سروے ٹیمیں حلقے میں پہنچ گئیں۔ اس موقع پر فوکل پرسن چودھری نعیم بنارس، سابق وائس چیئرمین مناظر اقبال جنجوعہ، سابق کونسلرز چودھری ارشد، محمد رفاقت، ماسٹرحبیب الرحمان قریشی و دیگر موقع پر موجود تھے۔انہوں نے سروے پر لیگی ارکان اسمبلی کا بھی شکریہ ادا کیا۔

Kallar Syedan: Mother of Traders Union Secretary Zulfiqar Ali Bhutto Passes Away

کلر سیداں: انجمن تاجران مغل بازار کے جنرل سیکرٹری چوہدری ذوالفقار علی بھٹو کی والدہ انتقال کر گئیں

 

کلر سیداں (پوٹھوار ڈاٹ کوم، اکرام الحق قریشی –13،مئی، 2025) —انجمن تاجران مغل بازار کلرسیداں کے جنرل سیکرٹری چوہدری ذوالفقار علی بھٹو کی والدہ محترمہ انتقال کر گئیں نماز جنازہ کلر اسٹیڈیم میں ادا کی گئی جس میں مولانا غلام مصطفی سیالوی، شیخ حسن ریاض، راجہ ظفر محمود، چوہدری اخلاق حسین، عاطف اعجاز بٹ،شیخ حسن سرآئیکی، سردار وسیم، چوہدری کاشف محمود، چوہدری توقیر اسلم،مرزا تنویر الحق،ندیم صدیقی،ماسٹر اقبال صدیقی، عبدالجبار صدیقی، زین اخلاق،انیس الرحمان قریشی، نصیر اختر بھٹی، مرزا اظہر محمود،شیخ خورشید احمد،ملک آصف حبیب، راجہ طالب پکھڑال و دیگر نے شرکت کی۔

Kallar Syedan: Father of Tehsildar Mansoor Ahmad Mirza and Major Taimoor Ahmad Mirza Passes Away, Funeral Held in Kalyam Sharif

کلر سیداں: تحصیلدار منصور احمد مرزا اور میجر تیمور احمد مرزا کے والد عبدالمجید مرزا انتقال کر گئے، نماز جنازہ کلیام شریف میں ادا کی گئی

کلر سیداں (پوٹھوار ڈاٹ کوم، اکرام الحق قریشی –13،مئی، 2025) —تحصیلدار منصور احمد مرزا اور میجر تیمور احمد مرزا کے والد محترم عبدالمجید مرزا انتقال کر گئے نماز جنازہ کلیام شریف میں ادا کی گئی جس میں سابق رکن پنجاب اسمبلی محمود شوکت بھٹی،پیپلز پارٹی فرانس کے صدر ملک سہیل کلیامی، ریونیو افسران چوہدری جابر عباس، چوہدری اسد پپو کے علاوہ ظفر محمود چشتی،ماسٹر محمد ظہیر، چوہدری امتیاز حسین،چوہدری تصور حسین، کرنل غلام عباس،اکرام الحق قریشی،حاجی محمد اسحاق،عابد زاھدی،راجہ احسان، محمد شعبان،چوہدری ایاز گجر ایڈووکیٹ، نمبردار وقاص گجر،راجہ نعمان ظفر،لالہ صابر، ہمایوں کیانی سمیت محکمہ مال،آرمی کے افسران،ججز و دیگر نے کثیر تعداد میں شرکت کی۔

News in brief:

کلر سیداں (پوٹھوار ڈاٹ کوم، اکرام الحق قریشی –13،مئی، 2025) — کلرسیداں پولیس نے مخبر کی اطلاع پر کارروائی کرتے ہوئے شیراز سکنہ سہوٹ بدہال کے قبضے سے 1300 گرام چرس برآمد کر کے مقدمہ درج کر لیا ہے۔

کلر سیداں (پوٹھوار ڈاٹ کوم، اکرام الحق قریشی –13،مئی، 2025) — مسلم لیگ ن کلرسٹی کے نائب صدر شیخ توقیراحمد نے کہا کہ آج دنیا بھر میں پاکستان کی قدرو منزلت میں اضافہ ہوا ہے تو اس کی وجہ ہماری افواج ہیں جنہوں نے خود سے دس گنا بڑے بھارت کو چند گھنٹوں میں گھٹنے ٹیکنے پر مجبور کر دیا انہوں نے ایک بیان میں کہا کہ بھارت نے پاکستان کو ترنوالہ سمجھ رکھا تھا مگر شاہین اس پر جھپٹے تو انہیں اپنے طیارے گراونڈ کرنا پڑے۔ انہوں نے خبردار کیا کہ بھارت ہوش کے ناخن لے اور کشمیریوں کو ان کا حق رائے شماری دے کر خطہ میں امن قائم کرے۔