Kallar Syedan: Enrolment Drive 2025 Launched at Government Girls School Kanoha No. 2 for Free Education

کلر سیداں (نمائندہ پوٹھوار ڈاٹ کوم ,اکرام الحق قریشی۔ 16،فروری، 2025ء)— گورنمنٹ گرلز سکول کنوہا نمبر 2 میں داخلہ مہم 2025 کا آغاز کر دیا گیا جس کے تحت 5 سے 16 سال کے عمر کے تمام بچوں کو مفت تعلیم دی جائے گی،داخلہ مہم دو مرحلوں میں چلائی جائے گی،پہلا مرحلہ جاری ہے جو 31 مئی کو ختم ہو گا جبکہ دوسری مہم موسم گرما کی تعطیلات چلائی جائے گی،ان خیالات کا اظہار ڈسٹرکٹ ایجوکیشن آفیسر راولپنڈی ڈاکٹر ہاجرہ شاہین نے سکول ہذا میں داخلہ مہم کے سلسلے میں منعقدہ تقریب سے خطاب کرتے ہوئے کیا۔تقریب میں ڈپٹی ایجوکیشن آفیسر (نسواں) کہوٹہ و کلر سیداں ثوبیہ خورشید،ڈپٹی ایجوکیشن افیسر ٹیکسلا ڈاکٹر رافعہ طاہرہ،ڈپٹی ایجوکیشن آفیسر گوجر خان ثمینہ اسلام،ڈپٹی ایجوکیشن آفیسر کوٹلی ستیاں قیصرہ اصغر،ڈپٹی ایجوکیشن آفیسر کلر سیداں دائود اختر کیانی اور بیرسٹر راجہ احمد صغیر نے بھی خطاب کیا،تقریب میں مختلف مدارس کی طالبات نے ٹیبلو کی عمدہ پرفارمنس کی اور أرٹ کمپٹییشن میں حصہ لیا۔ڈسٹرکٹ ایجوکیشن آفیسر راولپنڈی ڈاکٹر ہاجرہ شاہین نے ننھی بچی کو سکول بیگ اور بکس فراہم کر کیا۔محکمہ تعلیم کی افسران اور بیرسٹر احمد صغیر نے کہا کہ سرکاری مدارس ہمیشہ کی طرح آج بھی نظریہ اسلام و پاکستاں سے طلبہ کو روشناس کروا رہے ہیں جدید معیاری علوم کو عام کر رہے ہیں ہمارے اداروں میں نجی شعبہ کی نسبت ذیادہ تعلیمیافتہ اور تجربہ کار اسٹاف موجود ہیں۔انہوں نے کہا کہ پاکستان ان ممالک میں سرفہرست ہے جو موسمیاتی تبدیلی سے سب سے ذیادہ متاثر ہو رہے ہیں ہمیں اس کے سنگین چیلنجوں سے نمٹنے کے لیئے شجرکاری کو اولیت دینا ہو گی ہر شخص اپنے حصہ کا پودہ لگا کر ماحول کی بہتری میں اپنا کردار ادا سکتا ہے تقریب کے اختتام پر شجر کاری مہم کے سلسلے میں سکول کے احاطے میں ایک پودا بھی لگایا گیا رکن پنجاب اسمبلی راجہ صغیر احمد کے فرزند بیرسٹر احمد صغیر نے مین روڈ سے سکول تک روڈ پختہ کرنے کا بھی اعلان کیا۔

Kallar Syedan (Pothwar.com, Ikram-ul-Haq Qureshi – February 16, 2025) – The Enrollment Drive 2025 has been launched at Government Girls School Kanoha No. 2, aiming to provide free education for children aged 5 to 16. The campaign will be conducted in two phases, with the first phase ending on May 31, while the second phase will take place during the summer vacation.

Speaking at the inauguration ceremony, Dr. Hajra Shaheen, District Education Officer (Rawalpindi), emphasized the importance of accessible education for all children. The event was attended by Deputy Education Officers Sobia Khurshid (Kahuta & Kallar Syedan), Dr. Rafia Tahira (Taxila), Samina Islam (Gujar Khan), Qaisra Asghar (Kotli Sattian), and Daud Akhtar Kayani (Kallar Syedan), along with Barrister Raja Ahmed Sagheer.

The ceremony featured performances by students, including tableaus and an art competition. Dr. Hajra Shaheen distributed school bags and books to young students as part of the campaign. Officials reiterated that government schools continue to uphold the values of Islam and Pakistan while providing modern quality education. They highlighted the presence of highly qualified and experienced staff compared to private institutions.

Addressing environmental concerns, speakers noted that Pakistan is among the countries most affected by climate change. They urged the community to prioritize tree plantation, with everyone contributing by planting a tree. To mark this initiative, a sapling was planted in the school premises.

Additionally, Barrister Ahmed Sagheer, son of Punjab Assembly member Raja Sagheer Ahmed, announced the construction of a paved road from the main road to the school, ensuring better access for students and staff.

جماعت اسلامی رہنما راجہ تنویر احمد کا قرآن اور سیرت رسول سے تعلق مضبوط کرنے پر زور

Jamaat-e-Islami Leader Raja Tanveer Ahmed Emphasizes Strengthening Bond with Quran and Seerat

کلر سیداں (نمائندہ پوٹھوار ڈاٹ کوم ,اکرام الحق قریشی۔ 16،فروری، 2025ء)—جماعت اسلامی پی پی 7 کے رہنما راجہ تنویر احمد نے کہا ہے کہ امت پر لازم ہے کہ وہ مسائل و مصائب سے نجات کے لیئے قرآن اور سیرت رسول سے اپنا تعلق مضبوط کرے ان خیالات کا اظہار انہوں دارارقم سکول کلرسیداں،چوک پنڈوری کے 8 طلبہ طالبات کی تکمیل قرآن کی تقریب سے خطاب کرتے ہوئے کیا اس موقع پر امیر جماعت اسلامی کلرسیداں کے امیر جاوید اقبال،کلر بار کے نائب صدر راجہ محمد اسرار،پریس کلب کلرسیداں کے صدر شیخ قمر اسلام،الخدمت فاؤنڈیشن کلرسیداں کے نائب صدر اکرام الحق قریشی بھی موجود تھے،اس موقع پر پانچ برس مکمل کرنے والے سٹاف کے لیئے عمرہ کی قرعہ اندازی کی گئی جس میں محترمہ زیبا پروین خوش نصیب نکلیں،راجہ تنویر احمد نے قران اور سیرت رسول پر تفصیلی روشنی ڈالی،ڈائریکٹر ادارہ توقیر اعوان نے قرآن حفظ کرنے والوں پر زور دیا کہ وہ قرانی تعلیمات اپنی زندگیوں پر بھی نافذ کریں اس موقع پر قران حفظ کرنے والے حافظ ارمان زاہد،حافظ عبداللہ عتیق،حافظ ازان جاوید،حافظ ابوہریرہ،حافظ محمد بن راشد،حافظہ لائبہ یاسر،حافظہ مومنہ سحر،حافظہ مریم اقبال،حافظہ منتھی وسیم کی دستار بندی بھی کی گئی۔

Farmer Awareness Day and Workshop on Peanut Cultivation Held in saroha Chaudhrian

سروہا چوہدریاںمیں محکمہ زراعت کے زیر اہتمام فارمر ڈے اور مونگ پھلی کی کاشت کے لیے ورکشاپ کا انعقاد

کلر سیداں (نمائندہ پوٹھوار ڈاٹ کوم ,اکرام الحق قریشی۔ 16،فروری، 2025ء)—محکمہ زراعت پنجاب اصلاح آبپاشی کلرسیداں کے زیر اہتمام موضع سروہا چوہدریاں میں کاشتکاروں کی آگاہی کے لیے فارمر ڈے اور مونگ پھلی کی کاشت بڑھانے کے لیے فارمز گروپس کی تشکیل کے لیے ورکشاپ کا انعقاد کیا گیا جس میں سہوٹ بدھال میں راجہ فرخ کے زیر تعمیر ڈیم کا دورہ کے ساتھ ساتھ چودری مظہر کے سپرنکلر نظام کا بھی معائینہ کیا اس موقع پر ڈائریکٹر اصلاح آبپاشی راولپنڈی ڈویژن راجہ حسن رضا خان نے وزیراعلی پنجاب کے زراعت پیکج اور پانی کی بچت کے سلسلے میں ڈریپ اور سپرنکلر آبپاشی کی اہمیت سے آگاہی دیتے ہوئے کہا کہ محکمہ اصلاح آبپاشی 75 فیصد سبسڈی ڈریپ، سپرنکلر،سولر اور مونگ پھلی کی کاشت کی مشینری کے لیے فراہم کر رہا ہے۔ کاشتکاروں نے کنواں اور بارش کے پانی کو جمع کرنے کے لیے تالاب کا کوٹہ مزید بڑھانے کا مطالبہ کیا، راجہ حسن رضا خان نے اس سلسلے میں بھرپور تعاون کی یقین دہانی کرائی آخر میں اسٹنٹ ڈائریکٹر اصلاح آبپاشی انجنیر بلال ریاض نے آنے والے تمام معزز کاشتکاروں کا شکریہ ادا کیا۔

تعزیت

کلر سیداں (نمائندہ پوٹھوار ڈاٹ کوم ,اکرام الحق قریشی۔ 16،فروری، 2025ء)—ڈی ایس پی شیخ محمد قاسم،انسپکٹر سعید کیانی،بلدیہ کلرسیداں کے سابق کونسلرز راجہ ظفر محمود،حاجی اخلاق حسین،عابد حسین زاہدی،چوہدری توقیراسلم،شیخ حسن سرائیکی نے گاؤں سسرال جا کر پنجاب پولیس کے اہلکار مرزا خرم وسیم سے ملاقات کی اور ان کے والد محترم کی وفات پر فاتحہ خوانی کرتے ہوئے لواحقین سے دلی تعزیت کا اظہار کیا۔