Kallar Syedan: Dispute Over Livestock Damaging Maize Crop Leads to Assault in Bagla Rajgan

کلر سیداں (پوٹھوار ڈاٹ کام، اکرام الحق قریشی،31، جولائی، 2024) —مکئی کی فصل میں مویشی داخل ہونے پر جھگڑا، چار خواتین سمیت چھ افراد نے گھر میں داخل ہو کر کلہاڑیوں اور ڈنڈوں کے وار سے ایک شخص کو زخمی کر دیا۔فیض ربانی سکنہ بگلہ راجگان نے مقدمہ درج کروایا کہ نازیہ بی بی زوجہ محمد افضل نے مکئی کی فصل میں مال مویشی چھوڑنے کے الزام میں مجھے گالم گلو چ کیا جس کے بعد محمد افضل اور سرفرار جن کے ہاتھوں میں کلہاڑیاں تھیں اور نازیہ بی بی ہمراہ تین نامعلوم خواتین ہمارے گھر کے اندر داخل ہو گئیں اور آتے ہی سرفرار نے وار کلہاڑی کیا جو میرے دائیں کندھے کے پچھلی سائیڈ پر لگا،دوسرا وار کلہاڑی کیا جو میرے دائیں ہاتھ پر لگا جس سے میری چھوٹی انگلی زخمی ہو گئی۔اس دوران محمد افضل نے پکڑ کر مجھے نیچے گرا دیا اور مجھے گرے ہوئے کو خواتین نے مجھ پر ڈنڈے برسائے جو میرے سر اور جسم کے مختلف حصوں پر لگے جس سے میں زخمی ہو گیا۔

Kallar Syedan (Pothohar.com, Ikram-ul-Haq Qureshi, July 31, 2024) — A dispute erupted when livestock entered a maize crop, resulting in a violent confrontation. Six individuals, including four women, allegedly broke into a house and attacked a man with axes and sticks, leaving him injured.

Faiz Rabbani, a resident of Bagla Rajgan, filed a report stating that Nazia Bibi, wife of Muhammad Afzal, verbally abused him over allegations of releasing livestock into their maize field. Following this, Muhammad Afzal and Sarfraz, both wielding axes, along with Nazia Bibi and three unidentified women, forced their way into his house. Sarfraz struck Faiz with an axe on his right shoulder and right hand, injuring his little finger. During the assault, Muhammad Afzal pushed Faiz to the ground, and the women hit him with sticks on his head and various parts of his body, causing multiple injuries.

سسر نے بیٹوں کی مدد سے بہو کو تشدد کا نشانہ بنا کر زخمی کر دیا

The father-in-law, with the help of his sons, tortured and injured the daughter-in-law

کلر سیداں (پوٹھوار ڈاٹ کام، اکرام الحق قریشی،31، جولائی، 2024) —سسر نے بیٹوں کی مدد سے بہو کو تشدد کا نشانہ بنا کر زخمی کر دیا۔ریحانہ شاہین زوجہ محمد وقاص نے مقدمہ درج کروایا کہ میرا خاوند بیرون ملک مقیم ہے۔میرے دیور راشد، عباس اور سسر آئے روز مجھے بلاوجہ گالم گلوچ اور مار پیٹ کرتے ہیں۔گزشتہ روز بوقت قریب مغرب،میرے دیور راشد نے مجھے گالم گلوچ کرتے ہوئے دست درازی کی کوشش کی اور مجھے پکڑ کر زمین پر گرا لیا اور تھپڑ مارے جس سے میرے کپڑے پھٹ گئے اور میں نیم برہنہ ہو گئی۔عباس نے مجھے بالوں سے پکڑ کر گھسیٹنا شروع کر دیاجبکہ سسر مطلوب نے کمرے میں بند کرکے باہر سے کنڈی لگا دی جس پر میں نے 15پر کال کر دی اور مقامی پولیس نے پہنچ کر میری جان بخشی کروائی۔

منافع خور نے اپنی اصلاح کی بجائے پرائس مجسٹریٹ کو بلیک کرنے کا مزموم دھندہ شروع کر دیا،

Instead of reforming himself, the profiteer started the business of blackmailing the Price Magistrate

کلر سیداں (پوٹھوار ڈاٹ کام، اکرام الحق قریشی،31، جولائی، 2024) —منافع خور نے اپنی اصلاح کی بجائے پرائس مجسٹریٹ کو بلیک کرنے کا مزموم دھندہ شروع کر دیا،ایک شخص راوت کلر سیداں روڈ پر واقع شاہ باغ میں ریڑھی لگاتا تھا پرائس مجسٹریٹ اور محکمہ زراعت توسیع کلرسیداں کی اسسٹنٹ ڈائریکٹرتانیہ صفدر نے اسے فروٹ مہنگا فروخت کرنے متعدد بار منع کیا جس سے تنگ آ کر وہ اپنی ریڑھی سمیت چند کلومیٹر دور راولپنڈی کی حدود میں داخل ہو گیا جہاں اس سے ایک ساتھی کی مدد سے راولپنڈی سے کلرسیداں آتے ہوئے پرائس مجسٹریٹ کو روکا اور کہا کہ آپ یہاں میرے نرخ کر سکتی ہیں نہ جرمانہ کرسکتی ہیں اور الزام بھی عائد کیا کہ اپ مجھ سے کل بھی ایک کلو آڑو لے کے چلی گئیں اور ادائیگی نہیں کی اس ساری گفتگو میں اس کا ایک ساتھی ویڈیو بھی بناتا رہا جس نے بعد میں اسے سوشل میڈیا پر وائرل کردیا جس کا خاتون پرائس مجسٹریٹ کو بدنام کرنا تھا پرائس مجسٹریٹ تانیہ صفدر نے منگل کے روز اسسٹنٹ کمشنر کلرسیداں سے ملاقات کی اور انہیں اس ساری صورتحال اور واقعہ سے آگاہ کیا جس کا واحد مقصد اسے ہراساں کرنا ہے انہوں نے اس واقعہ کی فوری انکوائری کا بھی مطالبہ کیا۔

تحصیل ہیڈ کوارٹر ہسپتال کلرسیداں کی مانیٹرنگ ٹیم کے سربراہ چوہدری افتخار احمد وارثی کا ٹی ایچ کیو ہسپتال کلرسیداں کا اچانک معائینہ

Chaudhry Iftikhar Ahmed Warsi, Head of Monitoring Team of Tehsil Headquarters Hospital Kallar Syedan, made a surprise inspection of THQ Hospital Kallar Syedan

کلر سیداں (پوٹھوار ڈاٹ کام، اکرام الحق قریشی،31، جولائی، 2024) —تحصیل ہیڈ کوارٹر ہسپتال کلرسیداں کی مانیٹرنگ ٹیم کے سربراہ چوہدری افتخار احمد وارثی کا ٹی ایچ کیو ہسپتال کلرسیداں کا اچانک معائینہ،بہتری کے اقدامات کو یقینی بنانے کی ضرورت پر زور دیا وہ اچانک لیبارٹری پہنچ گئے جس کے باہر خواتین کا ہجوم تھا انہوں نے خواتین سے ہجوم کی وجہ پوچھی تو پتہ چلا کہ وہ سب اپنا اپنا خون ٹیسٹ کروانے کے لیئے کھڑی ہیں اور جس سے خون لینا ہے وہ نشست پر موجود ہی نہیں جس پر انہوں نے ذمہ داران سے رابطہ کیا تو بتایا گیا کہ بلڈ لینے والے سرنجیں لینے گیا ہوا ہے جس پر افتخار احمد وارثی نے کہا کہ اس طرح کے سب کام صبح کام شروع کرتے وقت مکمل کر لیا کریں تاکہ مریضوں کو کسی غیر ضروری تاخیر کا سامنا نہ کرنا پڑے،انہوں نے کہا کہ ماضی میں۔ یہ ہسپتال صوبہ بھر میں اول آتا رھا اس کی کارکردگی کا دارومدار یہاں آنے والے مریضوں کے اطمینان میں مضمر ہے میری کوشش رہے گی کہ کلرسیداں ہسپتال دیگر کے مقابلے میں بہتر کارکردگی کا عملی مظاہرہ کرے جعلی ایم ایل آر پر کڑی نظر ہے جو بھی اس مکروہ دھندے میں ملوث پایا گیا وہ بچ نہیں سکے گا۔

پی ٹی آئی کو عوام کی اکثریت کی حمایت حاصل ہے, شیخ وقاص اکرم

PTI has the support of the majority of people, Sheikh Waqas Akram

کلر سیداں (پوٹھوار ڈاٹ کام، اکرام الحق قریشی،31، جولائی، 2024) —کنوینیئر پنجاب پولیٹیکل کمیٹی(پی ٹی آئی)کے کنوینئر شیخ وقاص اکرم نے کہا ہے کہ پی ٹی آئی کو عوام کی اکثریت کی حمایت حاصل ہے ہماری فتح کا فارم 45 کے ذریعے بلڈوز کیا گیا ہم سیاسی میدان میں مقابلہ کر رہے ہیں تمام جبر کا مقابلہ کریں گے ان خیالات کا اظہار انہوں نے پی ٹی ائی کلرسیداں کے رہنما اور سابق رکن پنجاب اسمبلی کرنل محمد شبیر اعوان سے گفتگو کرتے ہوئے کیا انہوں نے کہا کہ مشکل وقت میں عمران خان کا ساتھ دینے والے ہمارے حقیقی اثاثہ ہیں جن لوگوں نے عمران خان کی پشت پر چھرا گھونپا ان کے مستقبل کا فیصلہ ہم نہیں عمران خان ہی کریں گے کرنل محمد شبیر اعوان نے انہیں مختلف تنظیمی معاملات سے آگاہ کیا شیخ وقاص اکرم نے مثبت اقدامات کی یقین دھانی کروائی اور کہا کہ کارکنوں کو پانچ اگست کے احتجاج کے لیئے تیار رکھا جائے۔