Chakswari, AJK: Annual Prize Distribution Ceremony held at Askari Public School and College Chakswari

چکسواری(نمائندہ پوٹھوار ڈاٹ کوم، ،اللہ دتہ بسمل ,29،مارچ,2023)— عسکری پبلک سکول اینڈکالج چکسواری کی سالانہ تقریب تقسیم انعامات سے خطاب کرتے ہوئے صاحبزادہ سید ابرار حسین شاہ ڈویژنل ڈائریکٹر سکولز میرپور نے کہا ہے کہ قومیں بچوں سے ہی پروان چڑھتی ہیں۔بچے بڑا اثاثہ ہوتے ہیں۔خود بھی لقمہء حلال کھائیں اور بچوں کو بھی حلال کھلائیں ا ور پھر ان کی تربیت کے لئے کسی اچھے ادارے کا انتخاب کریں۔ بچوں کی تعلیم و تربیت کے لئے اساتذہ کو اپنا معیار بلند کرنا ہو گا۔تعلیم اور ہوتی ہے اور تربیت اور ہوتی ہے۔ اگر سچ بولنے کی تعلیم دے دی جائے بچوں کو سچ بولنے کے لئے مضمون لکھنے کے لئے دے دیا جائے لیکن ان کی تربیت نہ کی جائے تو ان کا کردار نہیں بن سکے گا۔حاضرین ذی وقار استاد کو رول ماڈل بننا ہو گا۔ چاہے استاد پبلک سیکٹر کا یا پھر پرائیویٹ سیکٹر کا،اسے اپنے کردار کو بھی درست کرنا ہو گا۔نصیر احمد چودھری کے ادارے میں پروان چڑھنے والے بچوں کی کارکردگی دیکھ کر یقین ہو گیا کہ اساتذہ نے ان پر بہترین محنت کی ہے۔بچوں کی تعلیم و تربیت کے لئے ہمارے اساتذہ کو اپنے اندر بھی وہی اوصاف لانے ہون گے جو ہم پڑھا رہے ہٰن۔ قرآن بھی ہمیں یہی حکم دیتا ہے کہ تم دوسروں کو وہ تعلیم کیوں دیتے ہو جس پر خود عمل نہیں کرتے۔انھوں نے ایک واقعہ سنا یا کہ ایک استاد کا اپنابچہ فوت ہو گیا تھا جب اسے پیغام ملا تو اس نے کہا کہ جنازے کا اہتمام کریں میں جنازہ میں پہنچ جاؤں گا۔کسی نے پوچھا کہ آپ کا اپنا بچہ تھا آپ چلے جاتے۔استاد نے جواب دیا کہ میں ان 28طلباء کو پڑھاتا ہوں ان کے دو پیریڈ رہتے تھے اگر میں چھوڑ دوں تو یہ فوت ہو جائیں گے۔ہمیں ایسا کردار بنانا ہو گا۔صدر تقریب حاجی تاسب حسین چودھری ڈپٹی چئیرمین میونسپل کمیٹی چکسواری نے کہا کہ سید ابرار حسین شاہ کی تقریر کے بعد میں کچھ بھی کہنے سے قاصر ہوں۔ہم نے دو بار برطانیہ کا دورہ کیا ہے وہاں سکول کے اندر اور گراؤنڈ کے اند ربھی سیگریٹ پینے کی اجازت نہیں اور نہ ہی کوئی بھی شخص منہ اٹھائے سکول کا وزٹ کر سکتا ہے۔

ایم ڈی عسکری پبلک سکول اینڈ کالج چودھری نصیر احمد نے کہا کہ آج اس تقریب میں دو خاص باتیں ہیں۔ایک تو یہ کہ اس تقریب میں میرے والد محترم چودھری محمد رمضان بھی شریک ہیں۔ہمارے والدین نے ہمیں اچھے انداز میں پڑھایا۔تربیت کی جس کی بدولت آج میں ا س مقام پر ہوں۔لوگ باتیں کرتے رہتے ہیں کہ شاید ہم کیا بچا لیتے ہیں لیکن اللہ جانتا ہے کہ میں کس طرح کام کرتا ہوں،یرے پاس کوئی بینک بیلنس نہیں۔ میں جس پوسٹ پر ہوں اس سے کروڑوں کما سکتا ہوں۔دوسرا ایک سرپرائز ہے پاکستان کی ایک تنظیم ہے جو مختلف سکولوں اور کالجوں میں بچوں کو کمپیوٹر کورسز کرواتی ہے جس سے بچے ایمازون،فری لانسز اور ڈراپ شپنگ کے ذریعہ گھر بیٹھے پیسے کما سکتے ہیں۔ انھوں نے میرپور ڈویژن کا سروے کرنے کے بعد دو کالج سلیکٹ کئے ہیں ایک عسکری ڈگری کالج اور دوسرا حسن ڈگری کالج ڈڈیال ہے۔آپ سوچ بھی نہیں سکتے کہ یہ کیسا سرپرائز ہے۔آئی ڈی کے شعبے میں انقلاب آ رہا ہے۔انھوں نے اپنے سکول کے بچوں کی کارکردگی کے حوالے سے گفتگو رتے ہوئے کہا کہ ہم نے کبھی اپنی پسند نا پسند پر بچوں کو ٹیبلو اور دیگر پروگراموں میں شرکت کرنے کے لئے منتخب نہیں کیا بلکہ جس بچے میں ٹیلنٹ ہو تا ہے اسے ہی منتخب کرتے ہین۔ انھوں نے یہ اعلان بھی کیا کہ آج کے بعد عسکری سکول اینڈ کالج کے کسی بچے پر یہ پابندی نہیں ہو گی کہ کسی خاص رنگ کا لباس زیب تن کر کے فنکشن میں حصہ لیں۔انھوں نے تمام مہمانوں کا شکریہ ادا کیا۔بچوں نے بہترین انداز میں مزاحیہ خاکے اور ٹیبلو پیش کئے۔ رمضان کی مناسبت سے نعتیہ کلام،حمد باری تعالیٰ اور تقاریر کیں۔آخر میں مہمانان گرامی نے بچوں میں انعامات بھی تسقسیم کئے۔ اس تقریب میں ایک جادوگر نے کرتب دکھا کر بچوں ا ور بڑوں کو محظوظ بھی کیا۔

انجمن تاجراں چکسواری کے صدر محمد شفیق خواجہ نے چئیرمین میونسپل کمیٹی چکسواری چودھری نعیم حسین روپیال سے ملاقات

Anjuman Tajaran Chakswari President Muhammad Shafiq Khawaja met Chairman Municipal Committee Chakswari Chaudhary Naeem Hussain Rupyal

چکسواری(نمائندہ پوٹھوار ڈاٹ کوم، ،اللہ دتہ بسمل ,29،مارچ,2023)— انجمن تاجراں چکسواری کے صدر محمد شفیق خواجہ نے چئیرمین میونسپل کمیٹی چکسواری چودھری نعیم حسین روپیال سے ملاقات کی اور انھوں نے چکسواری روڈ،بائی پاس روڈ اور خاص طور پر پلی کی تعمیر کے لئے عید تک کی مہلت دی۔انھوں نے چئیرمین چودھری نعیم حسین سے مطالبہ کیا کہ چکسواری بازار کی سڑک کا ٹینڈر دوسال قبل ہوا تھا لیکن آج تک اس سڑک پر زرا بھی کام نہ ہو سکا۔ہمارا مطالبہ ہے کہ محکمہ شاہرات اس سڑک کو عید الفطر سے قبل ہرصورت مکمل کرے ورنہ ہم میرپور کوٹلی روڈ کو بلاک کردیں گے۔ محکمہ شاہرات کے ارباب اختیار نے چکسواری کے عوام کو بالک نظر انداز کر رکھا ہے۔ چکسواری کو لاوارثوں کا شہر بنا دیا ہے۔پچھلے آٹھ ماہ سے بائی پاس رڈ کی پلی ٹوٹی ہوئی ہے لیکن محکمہ شاہرات عامہ ٹس سے مس نہیں ہو رہا۔پچھلے دس سال سے بائی پاس روڈ ٹوٹی ہوئی ہے لیکن محکمہ شاہرات عامہ کے ارباب اختیار خواب خرگوش میں پڑے ہوئے ہیں۔ چئیرمین میونسپل کمیٹی چکسواری چودھری نعیم روپیال نے کہا کہ ہم پوری کوشش کریں گے کہ عید سے پہلے محکمہ شاہرات اس سڑک پر کام شروع کرے۔چودھری نعیم حسین روپیال نے انجمن تاجراں کے وفد سے گفتگو کرتے ہوئے بتایا کہ ہم بہت جلد گریٹر واٹر سپلائی کو چلانے لگے ہیں اس سلسلے میں تمام صارفین سے گزارش ہے کہ وہ پانی کے کنکشن کے لئے اپنی اپنی درخواستیں دیں۔ ایک مالزم محکمہ پبلک ہیلتھ نے صرف درخواستیں وصول کرنے کے لئے بٹھا رکھا ہے۔لہذا تمام لوگ جو پانی کا کنکشن لینا چاہتے ہیں وہ اپنی درخواستیں جمع کروا دیں۔

 

چکسواری(نمائندہ پوٹھوار ڈاٹ کوم، ،اللہ دتہ بسمل ,29،مارچ,2023)—فیصل پبلک ہائی سکول چکسواری میں منعقدہ سالانہ تقریب تقسیم انعامات واعلان نتائج سے چکسواری پریس کلب کے صدر چودھری اللہ دتہ بسمل بحیثیت مہمان خصوصی خطاب کرتے ہوئے کہاہے کہ فیصل پبلک سکول کا شمار آزادکشمیر کے ممتاز پرائیویٹ تعلیمی اداروں میں شمار ہوتا ہے اس ادارے کی نصابی اور ہم نصابی سرگرمیاں قابل ستائش ہیں شاندار نتائج اور شاندار کارکردگی اس ادارے کے پرنسپل حاجی چودھری محمد قر بان کی بہترین رہنمائی اور وسیع تجربے کا نتیجہ ہے تعلیم کے ساتھ ساتھ طلبا و طالبات کی تربیت پر خصوصی توجہ دی جارہی ہے جو اس ادارے کا طرہ امتیاز ہے ادارے کا سٹاف محنتی اور با صلاحیت ہے کارکردگی کے لحاظ سے معیاری تعلیمی ادارہ ہے سالانہ امتحان میں پوزیشن ہولڈر امتحان میں کامیاب ہونے والے طلبا و طالبات کو مبارک باد پیش کرتے ہیں اس موقع پر صدر تقریب سابق اے ای او حاجی محمد ممتاز اور سابق صدر چکسواری پریس کلب چکسواری مرزا محمد نذیر کے علاوہ محمد حبیب مدرس نے بھی خطاب کیا ادارے کی معلم محمد فہیم نے بہترین انداز میں نظامت کے فرائض انجام د یئے اس موقع پر ادارے کے پرنسپل حاجی چودھری محمد قربان نے اپنے خطاب میں کہا کہ فیصل پبلک سکول چکسواری کا پہلا اور قدیم ترین پرائیویٹ تعلیمی ادارہ ہے ہم نے ادارے کے قیام کے مقصد کو ہمیشہ مقدم رکھا اور ہم نے نئی نسل کو معلم بن کر کما حقہ زیور تعلیم سے آراستہ کیا ہے نئی نسل کی کردارسازی پرخصوصی توجہ دے رہے ہیں انہوں نے مہمان خصوصی صدررتقریب اور طلباو طالبات کے والدین سمیت تمام مہمانوں کا تقریب میں شرکت کرنے پرشکریہ اداکیا مہمان خصوصی چودھری اللہ دتہ بسمل صدر تقریب حاجی محمد ممتاز پرنسپل حاجی محمد قربان مرزا محمد نذیر ثاقب ظفر ومدرسین محمد حبیب محمد آصف و دیگر مہمانوں نے امتحان کے پوزیشن ہولڈر اور دیگر سرگرمیوں میں اعلیٰ کارکردگی کا مظاہرہ کرنے والے طلبا وطالبات کو ٹرافیاں اور میڈل کے انعامات تقسیم کئے ادارے کے جملہ اسٹاف نے تقریب کے انتظامات میں بھرپورحصہ لیاشرکاء تقریب نے تقریب کے کامیاب انعقاد پرادارے کے سربراہ جملہ سٹاف اورطلبہ وطالبات کومبار کبادپیش کی اورخراج تحسین پیش کیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چکسواری(نمائندہ پوٹھوار ڈاٹ کوم، ،اللہ دتہ بسمل ,29،مارچ,2023)— حاجی چودھری محمدمالک مرحوم کی اہلیہ محترمہ اورحاجی شان علی (ر) بینک منیجر کی بھاوج اورچودھری لیاقت علی چودھری شوکت علی چودھری ریاست علی چودھری نزاکت علی کی والدہ محترمہ اور چودھری عبدالرزاق بانی چیئرمین اللہ اکبر ویلفیئرٹرسٹ ڈھانگری بہادرکی خوشدامن اور چودھری ساجدرزاق کی نانی محترمہ کاختم قل شریف حاجی شان علی کی رہائش گاہ نئی آبادی بوعہ اندراڑ شریف میں اداکیاگیامرحومہ کے لئے ایصال ثواب اوردرجات کی بلندی کے لئے قرآن خوانی فاتحہ خوانی دعائے مغفرت اورافطاری کااہتمام کیاگیادعائیہ تقریب اورافطاری میں معززین علاقہ نے شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چکسواری(نمائندہ پوٹھوار ڈاٹ کوم، ،اللہ دتہ بسمل ,29،مارچ,2023)—سابق امیدوار اسمبلی حلقہ نمبردو چکسوار ی اسلا م گڑھ و سماجی شخصیت محمد خلیل انقلابی نے چکسواری پریس کلب میں پریس کانفرنس کرتے ہوئے کہا ہے کہ پنیام ڈائیک پر بنائی جانے والی پرائیویٹ چیک پوسٹ سراسر غیر قانونی اور علاقہ میں خوف و ہراس پھیلا کر عوام علاقہ کو غلام بنانے کی مذموم کوشش ہے۔پرائیویٹ چیک پوسٹ بنانے سے پہلے چھ سات دیہاتوں کی اکثریت سے مشورہ نہیں کیا گیا۔اس چیک پوسٹ کی عوام کی اکثریت مخالف ہے لیکن کھڑپینچوں کے خوف سے چپ ہیں۔ ہمیں بیرونی چوروں سے کوئی خطرہ نہیں۔پنیام میں جب بھی چوریاں ہوئی ہیں مقامی لوگوں نے کی ہیں یا پھر مقامی لوگ ان چوریوں میں سہولت کار رہے ہیں۔علاقہ کے کھڑپینچوں کا چیک پوسٹ کو بنانے کا بنیادی مقصد اپنی ذاتی،سیاسی رنجشوں کو بنیاد بنا کر لوگوں کو تنگ کرنا ہے۔ہمارے سیاسی کھڑپینچ چیک پوسٹ کے جو فوائد گنوا رہے ہیں ان سے کسی کو فائدہ نہیں پہنچے گا۔ اگر چوریاں روکنے کے لئے یہ چیک پوسٹ بنائی جائے گی تو ڈیم کے راستے آنے والے چوروں کو کیسے روکا جائے گا؟چور کبھی بھی کسی گاڑی پر یا سڑک کے راستے چوری کرنے نہیں آتا۔چور ہمیشہ چور راستوں سے آتا ہے۔سڑکوں پر سفر نہیں کرتے۔ڈائیک کے درمیان میں چیک پوسٹ بنا کر علاقہ میں تفرقہ ڈالنے کی کوشش کی گئی ہے۔ کیا فرنال میں چوریاں نہیں ہوئیں؟کیا فرنال پنیام کا حصہ نہیں؟فرنال میں پنیام سے زیادہ امیر و کبیر لوگ رہتے ہیں کیا انھیں کسی ڈاکو سے خطرہ نہیں؟ارنیال گاؤں کے سیاسی زعماء نے ہمیشہ کلیال،ارنوع اور فرنال کے عوام کا استحصال کیا ہے۔اس سے قبل بھی یہی ہوتا رہا ہے کہ سیاسی اجارہ داری قائم رکھنے کے لئے غریب اور کمزور لوگوں پر چوریوں کے بے بنیاد الزامات لگا کر انھیں زود و کوب کیا جاتا رہا ہے۔اس چیک پوسٹ کا اصل مقصد مچھلی چوروں کو پکڑنا اور جن لوگوں نے ٹھیکہ لے رکھا ہے انھیں تحٖفظ فراہم کرنا ہے۔جن لوگوں نے یوسف ثانی مرحوم اور ان کے بھتیجے کو قتل کیا انھیں اس علاقہ میں داخل ہونے اور رہنے سے زبردستی روکنا ہے۔جس نے قتل کیا اسے سزا ملنی چاہیے لیکن کسی بھی بے گناہ شخص کو اس کے آبائی علاقہ سے زبردستی بے دخل کرنا کہاں کا انصاف ہے؟ارنیال خاندان نے موہری پنیام کے لوگوں کی شاملات پر قبضہ کر رکھا ہے وہ موہری پنیام،فرنال کے لوگوں کو ان کا جائز حق نہیں دے رہے۔پہلے ان لوگوں کو حق دیں پھر اس طرح کی چیک پوسٹیں بنانے کے لئے مشاورت کریں۔اس چیک پوسٹ کی آڑ میں ارنوع،ڈھوک راجگاں،کلیال اور دیگر گاؤں کے لوگوں کو غلام بنانے کی کوشش کی جا رہی ہے۔ چودھری سعود اقبال میرے بھائی ہیں میں نے بھی گزشتہ الیکشن میں انھیں ووٹ دئیے ہیں وہ چند لوگوں کے سامنے یرغما ل بنے ہوئے ہیں۔ اگر انھیں عوام علاقہ کے جا ن و مال کی فکر ہے تو پنیام کے چند بڑے مسائل واٹر سپلائی کی بحالی،ڈائیک روڈ کی ٹوٹ پھوٹ،واٹر فلٹریشن پلانٹ بند ہے اسے چلوائیں،سکولوں میں عملہ کم ہے،ڈسپنسری میں عملہ اور ادویات نہیں ہیں۔ بے روز گاری عروج پر ہے۔ان مسائل کو حل کروائیں۔چیک پوسٹ کی بجائے جہاں خطرہ ہے وہاں ٹھیکری پہرہ لگایا جائے۔مختلف مقامات پر جدید کیمرے لگائے جائیں۔مچھلی ٹھیکیداروں کے ملازمین سے ہمیں تحفظ دلوایا جائے۔ماضی میں بھی بے شمار چوریاں ان مچھلی پکڑنے والے پنجاب کے لوگوں نے کی ہیں۔وہ ڈیم کے راستے بکریاں،بھینسیں اور دیگر مال لے جاتے ہیں۔میں کسی بھی پرائیویٹ چیک پوسٹ یا بیرئیر کے حق میں نہیں لیکن اگر بیرئیر لگانا ہے تو پھر پنیام گلی میں لگائیں۔ڈائیک پر چیک پوسٹ لگانے کا بنیادی مقصد عوام علاقہ کو غلام بنانا اور اپنی کھڑپینچی کو بحال کرنا ہے جسے میں کسی صورت پورا نہیں ہونے دوں گا۔میں وزیر اعظم آزاد کشمیر،آئی جی پی آزاد کشمیر،کمشنر میرپور اور ایس ایس پی ضلع میرپور سے مطالبہ کرتا ہوں کہ اس غیر قانونی اور فساد کی جڑ چیک پوسٹ کو بننے سے روکا جائے۔اس کے بننے سے امن و امان قائم نہیں ہو گا بلکہ خون خرابا بڑھے گا۔ہم اس چیک پوسٹ کے خاتمے کے لئے انتظامیہ کے پاس جائیں گے اور ہر ممکن قانونی چارہ جوئی بھی کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چکسواری(نمائندہ پوٹھوار ڈاٹ کوم، ،اللہ دتہ بسمل ,29،مارچ,2023)—چکسواری بازار میں ٹریفک مسائل موجود۔مین روڈ پر تجاوزات کی بھرمار۔جگہ جگہ رکشہ سٹینڈبنے ہوئے۔رکشہ ڈرئیور دن بھر ٹریفک جام کا باعث بننے لگے۔ انتظامیہ کا چکسواری بازار کا دورہ۔اشیاء خورد ونوش کے ریٹ چیک کئے۔نائب تحصیلدار نے مین روڈ چھوڑ کر مختلف مارکیٹوں کا دورہ کیا۔ تاجر برادری کے دکانوں کو سامنے لگے ہوئے سٹال کو ہٹانے کا حکم دے دیا۔تاجر برادری کا شدید احتجاج۔تفصیلات کے مطابق نائب تحصیلدار چودھری محمد ایوب نے چکسواری بازار دورہ کیا۔ انھوں نے گراں فروشوں کو چیک کرنے کی بجائے مین روڈ کی تجاوزار ہٹانے کی بجائے مارکیٹوں میں موجود دکانداروں کو تنگ کرنا شروع کر دیا۔مارکیٹوں میں دکانوں کے سامنے سٹال لگانے والے تاجروں کو وارننگ دی گئی۔ بازاروں اور مارکیٹوں میں تاجروں نے اپنی دکانوں کے سامنے اپنا سامان نمائش کے لئے لگا رکھا ہوتا ہے۔ آج تک انتظامیہ مین روڈ سے تجاوزات کا خاتمہ نہیں کروا سکی۔ چکسواری بازار میں غلط پارکنگ کا رواج عروج پر ہے۔ جس کا جی چاہتا ہے وہیں گاڑی کھڑی کر دیتا ہے جس سے ٹریفک جام کے علاوہ بھی بے شمار مسائل پیدا ہوتے ہیں انتظامیہ مین روڈ سے ان مسائل کا خاتمہ نہیں کر سکی لیکن مارکیٹوں ا ور بازارو ں میں تاجروں کو تنگ کرنے کا وطیرہ بنا رکھا ہے۔