کلر سیداں (اکرام الحق قریشی)کلر دھانگلی روڈ پرچوآخالصہ میں ٹریفک حادثہ، موٹر سائیکل پر سوار بہن بھائی زخمی جبکہ کمسن بچہ جاں بحق ہو گیا۔تفصیلات کے مطابق سر صوبہ شاہ کے نواحی گاؤں سے تعلق رکھنے والے بہن بھائی کمسن بچے کے ہمراہ موٹر سائیکل پر کلر سیداں کی سمت آ رہے تھے کہ چوآخالصہ کے قریب صدرہ کے مقام پر آوارہ گائے سڑک پر آ گئی جس کی وجہ سے موٹر سائیکل کا توازن برقرار نہ رہا اور اس پر سوار تمام افراد گر گئے اور موٹر سائیکل سامنے سے آنے والے آئل ٹینکر کے نیچے چلا گیا،حادثے میں بہن بھائی زخمی ہوئے جبکہ ایک سالہ بچہ شاہویز ولد طلعت جاں بحق ہو گیا مقامی حلقوں نے واقعے پر شدید افسوس کا اظہار کرتے ہوئے آوارہ گائے کے مالک کے خلاف کاروائی کا مطالبہ کیا ہے۔

Kallar Syedan; Shawaiz son of Talat aged one, was on motorbike with his parents when a cow crossed in front of them and the family fell from the motorbike in Choa Khalsa near Sadra , Shawaz was killed when he fell in path of on coming truck.

---

کلر سیداں میں انتظامیہ کی نگرانی میں قائم رمضان سستا بازار فعال ہو گیا

Sasta bazaar starts during month of Ramdhan

کلر سیداں (اکرام الحق قریشی)کلر سیداں میں انتظامیہ کی نگرانی میں قائم رمضان سستا بازار فعال ہو گیا،رکن پنجاب اسمبلی راجہ صغیر احمد اور اے سی امبر گیلانی کا بازار کا دورہ تفصیلات کے مطابق ایم پی اے اور اے سی نے سی او خالد رشید،پی ٹی آئی کے رہنماؤں محمد آصف کیانی،عاصم مختار مغل کے ہمراہ رمضان سستا بازار کا دور ہ کیا مختلف سٹالوں پر جا کر اشیائے رو زمرہ کے نرخوں اور معیار کی جانچ پڑتال کی اور اطمینان کا اظہار کیا۔رمضان بازار کی خاص بات یہ تھی کہ اس کے ایک سٹال پر پیاز 23روپے جبکہ آلو 20روپے فی کلو فروخت ہو رہے تھے عام مارکیٹ میں ان کے نرخ خاصے زیادہ تھے۔رمضان بازار میں دالیں بھی ارزاں نرخوں پر دستیاب تھیں چینی 55روپے فی کلو فروخت کی جا رہی تھی آٹا،گوشت،مرغی،دالیں،فروٹ اور مشروبات بھی ارزاں نرخوں پر دستیاب تھے۔بازار کی اہم بات یہ بھی تھی کہ انتظامیہ نے اسے ماضی کی طرح بلدیہ دفتر میں لگانے کے بجائے شہر کی مصروف اور معروف شاہراہ چوآروڈ پر قائم کیا ہے جس کی وجہ سے گاہکوں کی تعداد ماضی کی نسبت زیادہ تھی۔

---

انجمن پٹواریان تحصیل گوجرخان کے نو منتخب صدر چوہدری محمد جمیل وارثی کے اعزاز میں ملک عابد نے کلر سیداں میں عشائیہ دیا

Reception held for Ch M Jamil Warsi by Malik Abid in Kallar Syedan

کلر سیداں (اکرام الحق قریشی)انجمن پٹواریان تحصیل گوجرخان کے نو منتخب صدر چوہدری محمد جمیل وارثی کے اعزاز میں ملک عابد نے کلر سیداں میں عشائیہ دیا جس میں ڈی ایس پی ملک امتیاز،راجہ ندیم احمد، راجہ صفدر کیانی، حاجی محمد اسحاق، چوہدری توقیر اسلم، ملک غضنفر،راجہ جاوید کیانی، حاجی ادریس، چوہدری ناصر وارثی، خالد رضا، عمر وارثی نے شرکت کی۔چوہدری جمیل وارثی نے خطاب کرتے ہوئے کہا کہ وہ پٹواریوں کے اعتماد پر پورا اتریں گے بلا مقابلہ انتخاب پٹواریوں کا مجھ پر غیر متزلزل اعتماد ہے جو میراسرمایہ ہے۔

---

ٹی ایچ کیو ہسپتال کلر سیداں میں تعینات نیو منیجمنٹ سٹرکچر گریڈ 17 کے تین آفسران کو گزشتہ پانچ ماہ سے تنخواہ نہیں ملی

THQ Hospital grade 17 staff not paid for past five months

کلر سیداں (اکرام الحق قریشی) ٹی ایچ کیو ہسپتال کلر سیداں میں تعینات نیو منیجمنٹ سٹرکچر گریڈ 17 کے تین آفسران کو گزشتہ پانچ ماہ سے تنخواہ نہیں ملی۔ پنجاب منیجمنٹ یونٹ کی جانب سے ٹی ایچ کیو ہسپتال کلر سیداں میں تعینات پروکیورمنٹ آفیسر حسیب اللہ خان،ایچ آر آفیسروجاہت اسلم اور آئی ٹی آفیسر سدرہ ساجد کو گزشتہ پانچ ماہ سے تنخواؤں کی ادائیگی نہ ہو سکی جس کی وجہ سے ان کے معاشی مسائل میں بھی اضافہ ہو گیا ہے۔یاد رہے کہ اس سے قبل وہاں تعنیات سات ڈیٹا انٹری آپریٹر بھی چھ ماہ تک تنخواہوں سے محروم رہے ڈپٹی کمشنر محمد علی رندھاوہ اور سی ای او ہیلتھ راشد عباسی اور ایم ایس ہمایوں انور میر کی ذاتی توجہ سے انہیں تنخواہوں کی ادائیگی کے بعد ملازمت کے حق سے ہی محروم کر دیا گیااور یہ سب کچھ پی ٹی آئی کی اس حکومت میں ہو رہا ہے جس نے ایک لاکھ نوکریاں اور پچاس لاکھ گھر دینے کا قوم سے وعدہ کر رکھا ہے۔

---

مہنگائی نے ملازمین اور عام آدمی کی کمر توڑ کر رکھ دی

Inflation is badly hurting average income families, Ch Nadim Ulffat

کلر سیداں (اکرام الحق قریشی)کلر یوتھ کونسل کے سرپرست اعلی چوہدری ندیم الفت نے کہا ہے کہ مہنگائی نے ملازمین اور عام آدمی کی کمر توڑ کر رکھ دی ہے۔ ایک سال کے دوران پانچ سو فیصد اشیاء کی قیمت میں اضافہ ہوا ہے۔ چھوٹے ملازمین مہنگائی کی وجہ سے بدترین معاشی مشکلات کا شکار ہیں۔ اشیائے خورد نوش کی قیمتیں قوت خرید سے باہر ہو چکی ہیں۔میڈیا نمائندگان سے بات چیت کرتے ہوئے انہوں نے مزید کہا کہ مہنگائی نے عام آدمی کی کمر توڑ کر رکھ دی ہے حکومت پاکستان  ملازمین کی تنخواؤں میں مہنگائی کے تناسب سے اضافہ کرے،موجودہ حکومت نے مہنگائی میں ہوشربا اضافہ کر دیا، 10 ہزار میں ملنے والا راشن اب 16 ہزار میں ملتا ہے۔ مہنگائی کاطوفان آگیا ہے،غریب آدمی کو سمجھ نہیں آرہا کیا کرے۔

---

راجہ محمد نذیر انتقال کر گئے نماز جنازہ آج بروز منگل دن دس بجے گاؤں بکھڑال نزد چوکپنڈوری میں ادا کی جائے گی

Raja M Nazir passed away in village Bakhral

کلر سیداں (اکرام الحق قریشی)یوسی گف کے سابق نائب ناظم راجہ عامر ندیم کے والد محترم راجہ محمد نذیر انتقال کر گئے نماز جنازہ آج بروز منگل دن دس بجے گاؤں بکھڑال نزد چوکپنڈوری میں ادا کی جائے گی۔

---

نسیم بیگم کو لوکل باڈیز الیکشن میں نوٹینگم(یوکے) سے لیبر پارٹی کی کونسلر منتخب ہونے پر مبارکباد

Nasim Begum congratulated after winning local election in Nottingham

کلر سیداں (اکرام الحق قریشی)پاکستان مسلم لیگ (ن) دی لائنزتحصیل کلر سیداں کے صدرتنویر ناز بھٹی نے پہلی پاکستانی نژاد برطانوی خاتون نسیم بیگم کو لوکل باڈیز الیکشن میں نوٹینگم(یوکے) سے لیبر پارٹی کی کونسلر منتخب ہونے پر مبارکباد دی ہے۔