آر ڈبلیو ایم سی گوجرخان کے انچارج ماجد اسحق بلدیہ گوجرخان کے آفیسر چاند مبین جنرل سپروائزر حافظ فہد حسین ملک ثاقب علی شکیل انجم نے شہر بھر میں اپنی نگرانی میں صفائی کرائی قربانی کے جانوروں کی آلائشوں اور انتڑیوں وغیرہ کو گلی محلوں سے بروقت اٹھا کر ٹھکانے لگایا اوربدبو سے بچنے کیلئے چونے کا چھڑکاؤ کیا اہل گوجرخان نے ان کی کارکردگی کو خراج تحسین پیش کیا
اگر ربِ کریم نے آپ کو دولت وصحت عطا کی ہے تو حج کی ادائیگی میں تاخیر نہ کریں, خلیفہ محمد مسکین چشتی شبیری مدنی
متحدہ علماء المشائخ سپریم کونسل آف پاکستان تحصیل گوجرخان کے نائب صدر،دربارِ عالیہ گنگانوالہ شریف کے خلیفہ اعظم خلیفہ محمد مسکین چشتی شبیری مدنی نے خطاب کرتے ہوئے کہاکہ اللہ پاک کی عبادت کے لئے حج بیت اللہ فرض ہے جس شخص کو وہاں تک پہنچنے کی استطاعت ہو جو حاجی سوار ہو کر حج کرتا ہے اس کی سواری کے ہر قدم پر ستر نیکیاں لکھی جاتی ہیں اور جو حج پیدل کرتا ہے اس کے ہر قدم پر سات سو نیکیاں حرم کی نیکیوں میں سے لکھی جاتی ہیں اللہ پاک کا جس قدر بھی شکر ہے کہ اللہ پاک نے حج کے ذریعے ہمیں دو طرح کی عبادت کے موقعے فراہم کئے ہیں ادائیگی حج کے لئے اللہ پاک کی راہ میں مال خرچ کرنا پڑتا ہے اور دورانِ حج جس قدر مشقت دیگر کسی عبادت میں نہیں اُٹھانی پڑتی بہت ہی کریم رحیم ہے ہمارا رب جوہماری دارین کی فلاح چھوٹی چھوٹی قربانیوں کے بدلے عطا فرما دیتا ہے صدقِ دل سے توبہ کرنے بعد اپنے اقرباء سے معافی طلب کرنی چاہیے اور خود بھی لوگوں کی غلطیوں کو معاف کر کے سفرِ حج پر روانہ ہونا چاہیے مزید خلیفہ محمد مسکین چشتی شبیری مدنی نے کہ اگر ربِ کریم نے آپ کو دولت وصحت عطا کی ہے تو حج کی ادائیگی میں تاخیر نہ کریں ۔جو شخص اخلاص کے ساتھ حج یا عمرہ کرتا ہے وہ گویا کہ اللہ پاک کے دریائے رحمت میں غوطہ لگاتا ہے جس کے نتیجے میں وہ گناہوں کے گندے اثرات سے پاک صاف ہو جاتا ہے اور اس کے علاوہ دنیامیں بھی اس پر اللہ پاک کا یہ فضل ہوتا ہے کہ فقرو محتاجی اور پریشان حالی سے اس کو نجات مل جاتی ہے خوشخالی اوراطمینان قلب کی دولت نصیب ہو جاتی ہے ۔
