Chakswari, AJK: Azad Kashmir government should start work on Chak Hariyam Bridge as soon as possible. Chaudhry Haq Nawaz

چکسواری: (پوٹھوار ڈاٹ کام،نمائندہ خصوصی اللہ دتہ بسمل۔06, مارچ,2024ء) — سابق مشیر وزی اعظم آزاد کشمیر چودھری حق نواز نیوزیر قانون میاں عبدالوحید سے ملاقات کی۔چودھری حق نواز نے کہا ہے کہ آزاد کشمیر حکومت جلد از جلد چک ہریام پل پر کام شروع کروائے۔ اوور سیز بچے جب چھٹیاں گزارنے آزاد کشمیر جاتے ہین تو ان کو لوٹ لیا جاتا ہے جس سے وہ آزاد کشمیر کا رخ کرنے سے ڈرتے ہیں ا ور اپنے مادر وطن سے بد دل ہو رہے ہیں۔چک ہریام پل اور اوور سیز کی جائیدادوں پر قبضہ کی وجہ سے ہماری آنے والی نسلیں پاکستان جانے سے کترا رہی ہیں۔چک ہریام پل پر پیپلز پارٹی کے دور حکومت کے بعد پچھلے سات آٹھ سالوں میں ذرہ برابر بھی کام نہ ہو سکا۔ ایک طرف تو نوجوان نسل میں مایوسی پھیلی اور دوسری طرف جو کام دو تین ارب میں مکمل ہونا تھا وہ 12ارب میں بھی مکمل نہ ہو سکا۔ موجودہ حکومت اس پل پر جلد از جلد کام شروع کروائے۔ اس کے ساتھ ساتھ سابقہ ادوار میں اس پل پر کام روکنے والے عناصر کی نشاندہی کر کے ان کے خلاف کارروائی بھی کی جائے۔ چودھری حق نواز نے اوور سیز کی زمینوں پر قبضوں کے حوالہ سے بھی اوور سیز کشمیریو ں کے خدشات اور تحفظات میاں عبدالوحید تک پہنچائے۔ان خیالات کا اظہار انھوں نے میاں عبدالوحید سابق وزیر تعلیم سے ملاقات کے دوران کیا۔میاں عبدالوحید نے چودھری حق نواز مشیر حکومت سے وعدہ کیا کہ چک ہریام پل پر کام شروع ہونے والا ہے۔جبکہ زمینوں کا ریکارڈ کمپیوٹرائزڈ کیا جا رہا ہے۔اوور سیز کی شکایات کی وجہ سے ہی لینڈ ریکارڈ کو کمپیوٹرائزڈ کیا جا رہا ہے تا کہ اوور سیز کشمیریوں کے تحفظات دور ہو سکیں۔میاں عبدالوحید نے مزید کہا کہ وزیر حکومت امور منگلا ڈیم و ایم ڈی ایچ اے چودھری قاسم مجید اپنے حلقہ میں سخت محنت کر رہے ہیں۔ انھوں نے پورے حلقہ میں بلا تخصیص سڑکوں کے جال بچھا دئیے ہیں۔چک ہریام پل پر اور اضافی کنبہ جات پر بھی انھی کی کاوشوں سے کام شروع ہو سکا ہے۔

Chakswari: (Pothwar.com, Allah Ditta Bismill. 06, March 2024) — Former adviser to the Prime Minister of Azad Kashmir, Chaudhry Haq Nawaz met with Mian Abdul Waheed. Chaudhry Haq Nawaz has said that the Azad Kashmir government as soon as possible, Start work on Chak Hariam Bridge. When overseas children go to Azad Kashmir for vacation, they are robbed, which makes them afraid to go to Azad Kashmir and become disillusioned with their motherland. Because of this, our future generations are shying away from going to Pakistan. After the government of the People’s Party, no work could be done on the Chak Hariyam Bridge. On the one hand, disappointment spread among the young generation, and on the other hand, the work that was supposed to be completed in 2-3 billion could not be completed even in 12 billion. The current government should start work on this bridge as soon as possible. Along with this, action should be taken against the elements that stopped the work on this bridge in the previous periods. Chaudhry Haq Nawaz also conveyed the concerns of overseas Kashmiris to Mian Abdul Waheed regarding the occupation of overseas lands. Adviser promised the government that the work on the Chak Hariyam bridge is going to start. While the land record is being computerized. It is because of the complaints of the overseas that the land record is being computerized so that the protection of the overseas Kashmiris is removed. Mian Abdul Waheed further said that the Minister of Government for Mangla Dam and  Chaudhary Qasim Majeed are working hard in his constituency. They have laid a network of roads in the whole district without allocation. Work has started on the Chak Hariyam bridge and additional houses also due to their efforts.

—————————————————————————–
چکسواری: (پوٹھوار ڈاٹ کام،نمائندہ خصوصی اللہ دتہ بسمل۔06, مارچ,2024ء) — الفلاح سوسائٹی ایسر کے زیر اہتمام منعقدہ ایک روزہ فری آئی کیمپ میں ڈسٹرکٹ ہیلتھ آفیسر میرپور ڈاکٹر فدا حسین نے بنیادی ہیلتھ سنٹر ایسر کا دورہ کیا انہوں نے کہا کہ الفلاح سوسائٹی فلاحی سرگرمیوں میں بڑھ چڑھ کر حصہ لیتی ہے۔ آج کا یہ فری آئی کیمپ بھی اسی کی ایک کڑی ہے۔اس فری آئی کیمپ میں پرانے طریقوں سے ہٹ کر جدید آلات کے ذریعے 380 مریضوں کی آنکھوں کا معائنہ کیاگیا30مریضوں کی آنکھوں کے آپریشن جدیدفیکوسرجری(لیزز ٹیکنالوجی) کے ذریعے کیے گئے باقی مریضون کومفت ادویات اور عینکیں بھی فراہم کیں گئی۔ الفلاح سوسائٹی کے ساتھ مالی تعاون کرنے والے مخیر حضرات خراج تحسین کے مستحق ہیں۔الفلاح سوسائٹی ایسر نے ایک خطیر رقم کی لاگت سے ایک شاندار عمارت زچہ بچہ تعمیر کی ہے۔ بہت جلد حکومت اور الفلاح سوسائٹی کے درمیان معاہدہ ہو جائے گا۔ جس کے بعد یہ ادارہ فعال ہو جائے گا۔ اس موقع پر الفلاح سوسائٹی کے صدر چودھری عبدالقیوم اور سیکرٹری جنرل حاجی اخلاق احمد دانش نے بھی میڈیا سے گفتگو کی اور فری آئی کیمپ کے حوالے سے تفصیلات بیان کیں۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چکسواری: (پوٹھوار ڈاٹ کام،نمائندہ خصوصی اللہ دتہ بسمل۔06, مارچ,2024ء) — سید نسیم عباس شاہ ڈپٹی کمشنر بحالیات آزاد کشمیر نے کہا کہ آج عسکری سکول اینڈ کالج کے بچوں کی پرفارمنس کو دیکھتے ہوئے ان بچوں کے اساتذہ کو خراج تحسین پیش کرتا ہوں۔ اس وقت تعلیم کی اہمیت سے ہر انسان واقف ہے اور یہ دیکھ کر بھی خوشی ہوئی ہے کہ اب ضلع میرپور میں بھی لوگوں کا رجحان تعلیم کی طرف ہوا ہے۔ پہلے لوگ اپنے بچوں کو برطانیہ بھیجنے کیلئے تیار کرتے تھے لیکن اب اچھے اور معیاری اداروں کی وجہ سے لوگ اپنے بچوں کو تعلیم کی طرف لا رہے ہیں۔ پرائیویٹ سیکٹر میں عسکری پبلک سکول جیسے اداروں کی وجہ سے معیار تعلیم بلند ہوا ہے۔ میں تمام پوزیشن ہولڈر بچوں کو مبارباد پیش کرتا ہوں۔ صدر تقریب چودھری تاسب حسین نے کہا کہ عسکری سکول یانڈ کالج کے ساتھ میرا پرانا تعلق ہے۔ میں اپنے اداروں کا رزلٹ چھوڑ کر اس تقریب میں شریک ہوا ہوں۔ تمام بچوں کی پرفارمنس شاندار رہی۔ تمام احباب کا شکریہ ادا کرتا ہوں۔ ایم ڈی نصیر احمد چودھری نے کہا کہ ہمارے ادارے میں بچوں کو صرف تعلیم نہیں دی جاتی بلکہ ان کی تربیت بھی کی جاتی ہے۔ ان بچوں کی شخصیت کو نکھارا جاتا ہے ہم اپنے بچوں کو دنیا کا مقابلہ کرنے کیلئے تمام جدید علوم سکھاتے ہیں۔ عسکری پبلک سکول اینڈ کالج اور ان کے دیگر کیمپس کی سالانہ تقریب تقسیم انعامات مقامی میرج ہال میں منعقد ہوئی۔ اس تقریب کے مہمان خصوصی سید وسیم عباس شاہ ڈپٹی کمشنر بحالات آزد کشمیر تھے جبکہ صدارت حاجی تاسب حسین چودھری نے کی۔ اس تقریب میں چیئرمین یونین کونسل پنیام چودھری بشیر پرواز، کونسلر چودھری ساجد حسین چکسواری پریس کلب کے صدر محمد اقبال خواجہ، سرپرست اعلیٰ عنصر محمود غزالی سابق صدرمرزامحمدنذیر جنرل سیکرٹری عابد حسین چودھری نائب صدر محمد تاج جالب، چودھری ولایت،حاجی صدیق دیگر معززین علاقہ اور بچوں کے والدین کی بڑی تعداد نے شرکت کی۔
———————————————————————–

چکسواری: (پوٹھوار ڈاٹ کام،نمائندہ خصوصی اللہ دتہ بسمل۔06, مارچ,2024ء) — الفلاح سکول اینڈ کالج چکسواری و الحیات پبلک سکول چکسواری کی سالانہ تقریب تقسیم انعامات گزشتہ روز الفلاح سکول اینڈ کالج میں منعقد ہوئی۔ جس کے مہمان خصوصی حاجی فضل الرحمان تھے۔ انھوں نے تقریب سے خطاب کرتے ہوئے کہا کہ آج کا دور جدید تعلیم کا ہے اور دنیا کا مقابلہ کرنے کیلئے ہمیں جدید نظام تعلیم کو اپنانا ہو گا۔اس کے ساتھ ساتھ ہمیں اپنے روایات اور مذہب کو بھی نہیں بھولنا چاہیے۔ جدید تعلیم کا حصول اسلامی روایات کے مطابق ہونا چاہیے۔ سوشل میڈیا کے استعمال سے بچوں کو بچانے کیلئے والدین اور اساتذہ کا آپس میں رابطہ بے حڈ ضروری ہے۔ بعض والدین صرف یہی کافی سمجھتے ہیں کہ انھوں نے اپنے بچوں کو مہنگے سکولوں میں داخل کروا دیا ہے اور اس کے بعد استاد جانے اور بچے جانیں۔جن بچوں کے والدین اساتذہ اور اداروں سے رابطہ میں رہتے ہیں ان کے بچے سکولوں میں اچھی کارکردگی کا مظاہرہ کرتے ہیں۔ انھوں نے مزید کہا کہ الفلاح سکول اینڈ کالج اور الحیات پبلک سکول کے بچوں کا رزلٹ بہترین رہا ہے اور بچوں کی ذہنی و جسمانی نشو ونما بھی بہتر انداز میں ہو رہی ہے۔ بچوں نے ٹیبلو اور دیگر پروگرام بہترین انداز میں پیش کئے جس سے ادارہ کی بہترین کارکردگی اور اساتذہ کی محنت نظر آتی ہے۔ ہم دعا گو ہیں کہ اللہ تعالیٰ ان اداروں کو مزید ترقی و کامیابی عطا فرمائے آمین۔ ایم ڈی الفلاح سکول اینڈ کالج اور الحیات پبلک سکول راجہ طارق محمود نے کہا کہ ہمارے ادارے کا خاصہ ہے کہ ہمارا بورڈ کا رزلٹ سو فیصد رہتا ہے۔ تمام کلاسوں میں نمایاں پوزیشنیں لینے والے بچوں اور ان کے والدین کو مبارکباد پیش کرتا ہوں۔جو بچے اس سال نمایاں کارکردگی نہیں دکھا سکے انھیں ہدایت کرتا ہوں کہ وہ مزید محنت کریں اور آمدہ سال پہلی پوزیشن لیں۔تقریب کا باقاعدہ آغاز تلاو ت کلام پاک سے ہوا۔ اس کے بعد قومی ترانہ پیش کیا گیا۔ بچوں نے تقریب میں مختلف خاکے اور ٹیبلو پیش کر کے حاضرین کو محظوظ کیا۔ناظرین نے جی بھر کر بچوں داد دی۔ مہمان خصوصی حاجی فضل الرحمان اور دیگر مہمانون نے نمایاں کارکردگی کا مظاہرہ کرنے والے طلباء میں انعامات تقسیم کئے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چکسواری: (پوٹھوار ڈاٹ کام،نمائندہ خصوصی اللہ دتہ بسمل۔06, مارچ,2024ء) — فیصل پبلک سکول چکسواری کی سالانہ تقریب تقسیم انعامات ادارہ ہذا میں منعقد ہوئی۔ اس تقریب کے مہمان خصوصی اسسٹنٹ ایجوکیشن حلقہ نمبر دو شفقات عزیز تھے جبکہ صدارت سینئر صحافی عمران بلال نے کی۔تقریب سے خطاب کرتے ہوئے اے ای او شفقات عزیز نے کہا کہ ادارہ ہذا کوچکسواری کاسب سے پہلا پرائیویٹ ادارہ ہونے کا عزاز بھی حاصل ہے۔ بیس سال تک اسی ادارے نے حکمرانی کی اس کے بعد دیگر ادارے کھلتے گئے۔ پرائیویٹ سیکٹر اور سرکاری اداروں کے تعاون سے آزاد کشمیر کا لیٹریسی ریٹ اسلام آباد کے بعد سب سے زیادہ ہے۔بلا شبہ سرکاری سیکٹر کے ساتھ مل کر پرائیویٹ سیکٹر بہترین انداز میں کام کر رہا ہے۔ حاجی قربان حسین چودھری جیسے سربراہ ادارہ جات نے تعلیمی میدان میں نمایاں خدمات سر انجام دی ہیں۔ بچون نے جو ٹیبلو دیگر پروگرام پیش کئے اس سے اساتذہ کی تعلیمی قابلیت اور محنت شاقہ کا اندازہ ہوتا ہے۔ تمام اساتذہ اور طلباء کو خراج تحسین پیش کرتا ہوں۔ صدر تقریب عمران بلال نے کہا کہ بلا شبہ فیصل پبلک سکول ایک بہترین ادارہ ہے اور یہ ادارہ میرا مادر علمی بھی رہا ہے۔اس ادارہ کی علاقہ چکسواری کیلئے بے شمار تعلیمی خدمات ہیں اور اسی بناء پر چودھری قربان حسین کو سر کا خطاب دیا گیا ہے۔ پرنسپل ادارہ ہذا حاجی قربان حسین چودھری نے کہا کہ تمام مہمانوں خصوصاً مہمان خصوصی اے ای او شفقات عزیز،سینئر صحافی عمران بلال،مولانا عبدالقدیر،جنرل سیکرٹری چکسواری پریس کلب عابد حسین چودھری،ریٹائرڈ مدرس راجہ شہباز خان،آفتاب حسین اور دیگر کا شکریہ ادا کرتا ہوں جنھوں نے تقریب کو رونق بخشی۔انھوں نے کہا کہ ایک طویل تعلیمی سفر ہے جو طے کیا ہے اس میں بڑے نشیب و فراز دیکھے ہیں۔لیکن ہم نے اپنا راستہ نہیں بدلا۔مہمانان گرامی نے نمایاں کارکردگی کا مظاہرہ کرنے والے طلباء و طالبات میں انعامات بھی تقسیم کئے۔تقریب سے مولانا عبدالقدیر،جنرل سیکرٹری چکسواری پریس کلب عابد حسین چودھری اور دیگر نے بھی خطاب کیا۔تقریب کا باقاعدہ آغاز تلاوت کلام پاک سے ہوا اس کے بعد بچوں نے حمد و نعت بھی پیش کیں۔بچوں نے سوشل میڈیا کے بڑھتے ہوئے استعمال کے حوالہ سے ایک خاکہ بھی پیش کیا۔بچون نے بہترین کارکردگی کا مظاہرہ کرتے ہوئے ثابت کیا کہ ان کی بہترین تعلیم و تربیت ہو رہی ہے۔فیصل پبلک سکول ایک قدیمی ادارہ ہے جو علم کی شمع ہزاروں سینوں میں جلا چکا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چکسواری: (پوٹھوار ڈاٹ کام،نمائندہ خصوصی اللہ دتہ بسمل۔06, مارچ,2024ء) — پبلک سروس کمیشن آزاد کشمیر کا تازہ ترین اشتہار جس میں مختلف ادارہ جات کی آسامیاں مشتہر کی گئی ہیں آ گیا ہے پڑھے لکھے اور اہلیت پر پورا اترنے والے امیدوار ان آسامیوں پر اپلائی کر سکتے ہیں پبلک سروس کمیشن نے محکمہ کالجز کی مختلف آسامیاں مشتہر کی ہیں جن میں اردو کی آسامیاں بھی ہیں جو کہ کوٹہ وائز ہیں پبلک سروس کمشن کے اشتہار میں ضلع میرپور کی خواتین کالجز کی اردو کی ایک بھی آسامی مشتہر نہیں ہوئی حالانکہ ضلع میرپور کے اندر اسوقت کم سے کم چھ کے قریب ایڈہاک لیکچرار تعینات ہیں جو کہ عرصہ دراز سے مختلف کالجز اور ہائر سیکنڈری سکولز میں اپنے فرائض سر انجام دے رہی ہیں پبلک سروس کمیشن کے اشتہار میں ضلع میرپور کی اردو لیکچرار کی آسامی کا مشتہر نہ ہونا یہ ثابت کرتا ہے کہ ایڈہاک مافیا کتنا مضبوط ہے ضلع میرپور کے اندر اسوقت سینکڑوں کی تعداد میں ڈگری ہولڈر ڈگریاں ہاتھوں میں لیے روزگار کے لیے دربدر ٹھوکریں کھا رہے ہیں جو کہ انکے ساتھ زیادتی و ناانصافی ہے پبلک سروس کمیشن کو چاہئیے کہ مختلف اداروں کے ندر ایڈہاک آسامیاں فوری مشتہر کرئے تاکہ میرٹ کے مطابق پڑھے لکھے نوجوان بچے بچیاں ان آسامیوں پر تعینات ہو سکیں اور اداروں کے اندر پڑھائی کا نظام بہتر ہو سکے۔
—————————————————————————-