Chakswari, AJK: The water level in Mangala Dam started to rise gradually

چکسواری: (پوٹھوار ڈاٹ کام،نمائندہ خصوصی اللہ دتہ بسمل,31,جولائی,2023) —منگلا ڈیم میں پانی کی سطح بتدریج بلند ہونے لگی۔منگلا ڈیم کا لیول اس وقت 1217فٹ ہو چکا ہے۔جس سپیڈ سے پانی کی سطح بلند ہو رہی ہے اس سے اندازہ ہو رہا ہے کہ اس سال منگلا ڈیم میں پانی کا ذخیرہ اپنے انتہائی لیول کو چھوئے گا۔ضلعی انتظامیہ نے منگلا جھیل کے کنارے بسنے والے افراد کو محتاط رہنے کا حکم دے دیا۔تفصیلات کے مطابق حالیہ مون سون بارشوں کی وجہ سے منگلا جھیل میں پانی کی سطح تیزی سے بلند ہونے لگی۔پچھلے چند سال سے منگلا جھیل میں پانی کا لیول اپنی انتہا کو نہیں چھو رہا تھا۔ لیکن اس سال زیادہ بارشیں ہونے کی وجہ سے منگلا جھیل میں پانی کی سطح تیزی سے بلند ہو رہی ہے۔ جس کی وجہ سے خدشہ ہے کہ اس سال منگلا ڈیم میں اس کے ذخیرہ کرنے کی استطاعت سے زیادہ پانی آئے گا۔ پانی کی سطح 1242فٹ تک جا سکتی ہے۔ اگرواپڈا کی منگلا ڈیم انتظامیہ نے وقت سے پہلے پانی کو نہ نکالا تو پانی کی سطح 1242سے بھی بڑھ سکتی ہے۔ موجودہ صورتحال کے پیش نظر ضلعی انتظامیہ نے منگلا جھیل کنارے بسنے والے افراد کو محتاط رہنے کی ہدایت کی ہے۔1250فٹ لیول میں موجود عمارتوں کو خالی کر وا لیا گیا۔ ڈیم کنارے لینڈ سلائیڈنگ کا بھی خدشہ ظاہر کیا جا رہا ہے۔ منگلا ڈیم میں آنے والے دریاؤں کے کنارے بسنے والی آبادیوں کو بھی محتاط رہنے کی ہدایات دی گئی ہیں۔

Chakswari: (Pothwar.com, Allah Ditta Bismill, 31, July 2023) — The water level in Mangla Dam has started to rise gradually. The level of Mangala Dam has reached 1217 feet. It is estimated that the water storage in Mangla Dam will touch its maximum level this year. The district administration has ordered the people living on the banks of Mangla Lake to be careful. According to the details, the recent monsoon rains due to this, the water level in Mangla Lake started rising rapidly. For the last few years, the water level in Mangla Lake was not touching its limit. But due to heavy rains this year, the water level in Mangla Lake is rising rapidly. Due to this, it is feared that more water will come in Mangala Dam than its storage capacity this year. The water level can go up to 1242 feet. If the management of Mangala Dam does not release the water before time, the water level may rise above 1242. In view of the current situation, the district administration has instructed the people living on the banks of Mangla Lake to be cautious. The buildings at the 1250 feet level have been evacuated. Landslides are also being feared on the side of the dam. Residents living on the banks of rivers coming into Mangala Dam have also been instructed to be cautious.

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چکسواری: (پوٹھوار ڈاٹ کام،نمائندہ خصوصی اللہ دتہ بسمل,31,جولائی,2023) —سنٹرل یونین آف جرنلسٹس ضلع میرپور کے صدر راجہ نثار احمد خان نے کہا ہے کہ صحافیوں کے مسائل کے حل کیلئے مرکزی صدر محمد ظفیر باا کی قیادت میں ہر ممکن اقدامات اٹھائیں گے۔ریاست صحافیوں کو چوتھا ستون کہتی ہے لیکن اس پر عمل نہیں کیا جاتا۔ریاست میں ہر سیاستدان اور ملازم کے لئے برابر حصہ ہے۔فنڈز موجود ہیں لیکن صحافیوں کو نظر انداز کیا جاتا ہے۔صحافی اس معاشرے کا سب سے مظلوم طبقہ بن چکے ہیں۔ صحافی سب کے مسائل لکھتے ہیں لیکن ان کے مسائل حل کرنے والا کوئی نہیں۔ آئے روز صحافیوں کو مسائل کا سامنا کرنا پڑتا ہے۔ ضلع بھر کا دورہ کر کے صحافیوں کو درپیش مسائل کی لسٹ بنا کر ان کو حل کروائیں گے۔ صحافیوں کو تحفظ دینے کیلئے مزید قانون سازی کی ضرورت ہے۔آج کل نیا ٹرینڈ بنا دیا گیا ہے اگر کوئی صحافی سچ لکھے تو اس پر بلیک میلنگ کا الزام لگا کر بدنام کرنے کی کوشش کی جاتی ہے۔صحافیوں کو ہر پلیٹ فارم پر تحفظ فراہم کریں گے۔راجہ نثار احمد خان نے مزید کہا کہ سوشل میڈیا کی بے لگامی کی وجہ سے شعبہ ء صحافت شدید متاثر ہو رہا ہے۔ آزادحکومت و انتظامیہ سوشل میڈیا پر پابندی لگائے اور ورکنگ جرنلسٹس کو ہی خبروں اور تبصروں کی اجازت دی جائے۔حکومت صحافیوں کی فلاح و بہبود کیلئے فنڈز قائم کرے۔ چھوٹے شہرونا ور دیہاتوں میں کام کرنے والے صحافیوں کو ماہانہ وظائف دئیے جائیں۔ صحافیون کو معقول معاوضہ دینے کی بجائے ان پر بے جا تنقید کی جاتی ہے۔اگر یہی حال رہا تو اس شعبہء میں پڑھے لکھے اور اچھے لوگوں کا کال پڑ جائے گا۔بلیک میلنگ روکنے کیلئے ضروری ہے کہ حکومت اور اخبارات مالکان مل کر صحافیوں کی فلاح و بہبود کیلئے فنڈز کا اجراء کریں۔صحافت کا معیار بلند کیا جائے اور اداروں کی طرف سے صحافیون کو معقول معاوضہ جات دئیے جائیں۔تا کہ صحافیوں کو اپنے اہل و عیال کے اخراجات کی فکر سے آزادی ملے اور وہ معاشرے کی اصلاح کیلئے بہتر انداز میں کام کر سکیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چکسواری: (پوٹھوار ڈاٹ کام،نمائندہ خصوصی اللہ دتہ بسمل,31,جولائی,2023) —کونسلر چودھری سفیان ایوب نے کہا ہے کہ آزاد کشمیر کے نوجوانون کا سب سے بڑا مسئلہ بے روزگاری ہے جس کا حل نکالنا بے حد ضروری ے۔سرکاری نوکریاں پیدا کرنا ممکن نہیں۔ ضرورت اس امر کی ہے کہ پرائیویٹ سیکٹر میں سرمایہ کاری رکوائی جائے۔ اس کیلئے ہمیں ٹورازم کو فروغ دینا ہو گا۔ محکمہ جنگلات اور محکمہ مال کے تعاون سے پبلک پارکس بنا کر اور فارمنگ کو رواج دے کر بے روزگاری کا خاتمہ کیا جا سکتا ہے۔ پیپلز پارٹی آزاد کشمیر عوامی امنگوں کی ترجمان ہے۔آنے والا دور پاکستان پیپلز پارٹی کا ہے۔سابق وزیر اعظم چودھری عبدالمجید نے عوام کی بے لوث خدمت کی ہے۔ ان کے دور ایک سنہرا دور تھا جس مین تین میڈٰکل کالجز آئے۔ آج انھی کی بدولت آزاد کشمیر میں ہر سال سینکڑوں ڈاکٹرز کی کھیپ آ رہی ہے۔ سابق وزیر اعظم ا ٓزادکشمیر چودھری عبدالمجید نے تعلیم کے شعبے میں انقلاب لایا وہ یکساں نصاب لانا چاہتے تھے جسے جان بوجھ کر نا کام بنایا گیا۔مافیا نہیں چاہتے تھے کہ طبقاتی نظام کا خاتمہ ہو۔چودھری قاسم مجید وزیر حکومت بن کر عوامی خدمت کا سفر جاری رکھے ہوئے ہیں۔ اپنے والد کے ادورے کاموں کو پورا کریں گے۔ وزیر حکومت بن کر جس طرح انھوں نے کام کیا ہے اس سے اندازہ ہوتا ہے کہ وہ عوام کی معاشی حالت بدلنا چاہتے ہیں۔ نوجوان پر امید رہیں ان کے نواجون قائد بے پناہ صلاحیتوں کے مالک ہیں۔وہ اپنے قائدانہ صلاحیتوں سے اس خطے میں انقلاب لائیں گے۔منگلا ڈیم کے گرد ونواح میں پکنک پوائینٹس بنا کر روزگار کے مواقع پیدا کئے جا سکتے ہیں۔ جس طرح سابق وزیر اعظم چودھری عبدالمجید نے میرپور بائی پاس روڈ پر پارک بنا ئے تھے اسی طرح مزید پارک بنائے جا سکتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چکسواری: (پوٹھوار ڈاٹ کام،نمائندہ خصوصی اللہ دتہ بسمل,31,جولائی,2023) —کونسلر محمد رضوان لون نے کہا ہے کہ محکمہ برقیات نے آزاد کشمیر کے عوام پر ٹیکسون کا بے جا بوجھ لاد دیا ہے۔محکمہ برقیات متاثرین منگلا ڈیم پر اضافی بوجھ ڈال رہا ہے۔متاثرین منگلا ڈیم کا ضلع میرپور پہلے ہی قربانیاں دے کر اپنے گھر بار ڈبو چکا ہے اس پر ان کے منہ سے نوالہ بھی چھینا جا رہا ہے۔ سب سے زیادہ بجلی کے بل میرپور کے عوام سے وصول کئے جا رہے ہیں۔محکمہ برقیات زائد ٹیکسز کا خاتمہ کرے اور تمام صارفین کے لئے یکساں ٹیرف کا نظام وضع کرے۔بصورت دیگر محکمہ برقیات کے خلاف شدید احتجاج کریں گے۔ انھوں نے مزید کہا کہ محکمہ برقیات بجلی چوری کی روک تھام کرے۔اصل مسئلہ بجلی چوری ہے اگر بجلی چوری روکی جائے تو محکمہ برقیات کے ٹارگٹ پورے ہو سکتے ہیں۔ محکمہ برقیات اصل بیامری کا خاتمہ کرنے کی بجائے ریٹ بڑھا دیتا ہے جس سے بجلی چوری مزید بڑھ جاتی ہے۔اگر ریٹس کم نہ کئے گئے تو عوام کی زیادہ تعداد بجلی چوری کی طرف جائے گی جو سرا سر نقصان ہو گا۔ سراکری محکموں میں میٹرز لگائے جائیں اور ان سے پورا بل وصول کیا جائے۔بجلی چوری کی روک تھام بے حد ضروری ہے۔با اثر افراد بجلی چوری کر رہے ہیں جب کہ غریبوں پر بوجھ ڈالا جا رہا ہے۔ بجلی مہنگی کرنا اس مسئلہ کا حل نہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چکسواری: (پوٹھوار ڈاٹ کام،نمائندہ خصوصی اللہ دتہ بسمل,31,جولائی,2023) —پی ڈبلیو ڈی محکمہ شاہرات کے ریٹائرڈ انسپکٹر با ؤ منیراختر چودھری کے صاحبزادے سہیل منیر نے برطانیہ کی یونیورسٹی university of portsmouth))سے ایکٹرونکس اینڈ الیکٹریکل انجینئرنگ میں ماسٹر ڈگری لی ہے۔سہیل منیر کے ماسٹر ڈگری لینے پر ان کے عزیز و اقارب نے باؤ منیر اختر چودھری اور سہیل منیر کو مبارکباد پیش کرتے ہوئے امید ظاہر کی کہ اس فیلڈ میں سہیل منیر مزید کامیابیاں حاصل کریں گے اور اپنے والدین کا نام روشن کریں گے۔ سہیل منیر نے چکسواری کا نام بھی روشن کیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چکسواری: (پوٹھوار ڈاٹ کام،نمائندہ خصوصی اللہ دتہ بسمل,31,جولائی,2023) —کونسلر محمد ساجد نظامی نے کہا ہے کہ میرپور کارپوریشن کے کونسلر حسن علی پر پولیس سٹیشن میں تشدد اور بد تمیزی کرنے پر پولیس ملازمین کی شدید الفاظ میں مذمت کرتے ہیں۔اگر کونسلرز حضرات کے ساتھ پولیس کا رویہ ایسا ہے تو سوچئے کہ عام آدمی کیلئے ہمارے تھانوں میں کیا سلوک کیا جاتا ہو گا؟ہم وزیر اعظم آزاد کشمیر سے جوڈیشیل انکوائری کا مطالبہ کرتے ہیں۔ پولیس کا رویہ درست کیا جائے۔اگر کونسلر کے ساتھ بد تمیزی کا ازالہ نہ کیا گیا تو آزادکشمیر بھر کے کونسلرز حضرات شدید احتجاج کریں گے۔ڈی آئی جی میرپور ڈاکٹر خالد چوہان نے انسپکٹر مہدی خان کو معطل کر کے اچھا فیصلہ کیا ہے جس سے کونسلرز کو حوصلہ ہوا ہے۔ لیکن اس معاملے کو منطقی انجام تک پہنچانے کیلئے ضروری ہے کہ معاملے کی شفاف انکوائری ہو اور پولیس کا رویہ درست کروایا جا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

چکسواری: (پوٹھوار ڈاٹ کام،نمائندہ خصوصی اللہ دتہ بسمل,31,جولائی,2023) —چکسواری روڈ کا کام بالاخر مکمل ہو گیا۔گزشتہ روز آخری حصہ بھی مکمل ہو گیا۔ دو سال قبل اس سڑک کا ٹینڈر ہوا تھا لیکن گزشتہ اڑھائی سال سے اس سڑک کیلئے فنڈز دستیاب نہ ہو سکے۔آزاد کشمیر میں تیسرا نیا وزیر اعظم بنا توچکسواری کے عوام کی قسمت کھلی اوروزیر حکومت چودھری قاسم مجید فنڈز لے کر آئے تو سڑک کا کام شروع ہوا۔عید سے چند دن قبل شروع ہونے والا کام ایک ماہ بعد بالاخر مکمل ہو گیا۔ سڑک کی تکمیل پر عوام علاقہ نے وزیر حکومت چودھری قاسم مجید کا شکریہ ادا کیا جن کی بدولت یہ سڑک مکمل ہوئی۔ چئیرمین میونسپل کمیٹی چکسواری چودھری نعیم حسین روپیال،کونسلر محمد ساجد نظامی،کونسلر محمد رضوان لون،کونسلر میاں ثاقب عارف،کونسلر سفیان ایوب اور دیگر نے اس کام کی مکمل نگرانی کی اور سڑک کے میٹریل کی کوالٹی کو چیک کرتے رہے۔سڑک کی تکمیل پر عوام علاقہ نے وزیر حکومت چودھری قاسم مجید،چودھری نعیم حسین روپیال اور تمام کونسلرز کا شکریہ ادا کیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چکسواری: (پوٹھوار ڈاٹ کام،نمائندہ خصوصی اللہ دتہ بسمل,31,جولائی,2023) —چودھری غضنفر علی،چودھری عجائب کے چچا زاد بھائی اور منیر اختر چودھری،شبیر احمد چودھری کے ماموں زاد بھائی چودھری محمود اختر کے انتقال پر سیاسی و سماجی شخصیات چئیرمین میونسپل کمیٹی چودھری نعیم حسین روپیال،حاجی ملک سکندر،کونسلر عمران بھٹی،کونسلر محمد یاسین،انجمن تاجراں حمید آباد چکسواری کے صدر چودھری شبیر نگیال،انجمن تاجراں چکسواری کے صدر محمد شفیق خواجہ،سینئر نائب صدر صرافہ یونین چکسواری حاجی افتخار احمد،چکسواری پریس کلب کے صدر اللہ دتہ بسمل،سی یو جے ضلع میرپور کے صدر راجہ نثار احمد خان،سینئر نائب صدر محمد اسحاق خواجہ، سابق سینئر نائب صدر عابد حسین چودھری،چئیرمین سپریم کونسل محمد رفیق بھٹی،سرپرست اعلیٰ محمد اقبال خواجہ اور دیگر نے اظہار افسوس کرتے ہوئے لواحقین سے دلی ہمددردی کا اظہار کیا۔مرحوم کیلئے دعائے مغفرت بھی کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چکسواری: (پوٹھوار ڈاٹ کام،نمائندہ خصوصی اللہ دتہ بسمل,31,جولائی,2023) —انجمن تاجراں چکسواری کے صدر محمد شفیق خواجہ نے کہا ہے کہ محکمہ برقیات بجلی بلوں میں سے ظالمانہ ٹیکسز ختم کرے۔ متنازعہ علاقہ میں تو اس طرح کے ٹیکسز نہیں لگائے جا سکتے۔ضلع میرپور کے متاثرین منگلا ڈیم نے لا زوال قربانیاں دی ہیں، ہونا تو یہ چاہیے تھا کہ ہماری قربانیوں کے صلہ میں ہمیں اسی لاگت پر بجلی دی جاتی جو اس کی کاسٹ بنتی ہے لیکن ہم سے ہی زیادہ ٹیکس لیا جا رہا ہے۔ محکمہ برقیات بجلی کے بلوں سے ٹیکسز کا خاتمہ کرے ورنہ اہلیان میرپور بھر پور تحریک چلائیں گے۔آج میرپور میں ایک بڑا اجلاس ہو رہا ہے جس میں جو بھی فیصلہ ہو گا اس پر انجمن تاجران چکسواری بھرپور ساتھ دے گی۔ہم اس سے قبل بھی محکمہ برقیات کے ارباب اختیار سے گزارشات کر چکے ہیں کہ ٹیرف کا مسئلہ بھی حل کیا جائے۔ تمام صارفین کو ایک ہی ٹیرف لگایا جائے۔دنیا بھرسے نرالا قانون بنایا گیا ہے کہ جوں جوں بجلی کے صرف شدہ یونٹس بڑھتے جاتے ہیں بجلی کا بل بھی بڑھتا جاتا ہے۔انھوں نے مزید کہا کہ پہلے ہی بجلی کے ریٹس بڑھا دئیے گئے ہیں اس پر بے شمار ٹیکسز لگا کر ہمیں عذاب پہنچایا جا رہا ہے۔آزاد حکومت غریبوں کو سبسڈی دے اور ٹیکسز کے خاتمے کے بعد بل دئیے جائیں۔اگر ٹیکسز کا خاتمہ نہ کیا گیا اور ایک ٹیرف نہ بنایا گیا تو شدید احتجاج کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چکسواری: (پوٹھوار ڈاٹ کام،نمائندہ خصوصی اللہ دتہ بسمل,31,جولائی,2023) — چکسواری کی معروف سیاسی و سماجی شخصیت خواجہ محمد مالک نے کہا ہے کہ محکمہ برقیات ہم پر جو ظلم کر رہا ہے اس سے تو بہتر تھا کہ ہم ہندوؤں سے آزادی ہی نہ لیتے۔ میں یقین سے کہتا ہوں کہ ہم لوگ ہندوؤں کے ساتھ اتنے تنگ نہ تھے جتنے اب ہو چکے ہیں۔آزادی کا ہمیں کوئی فائدہ نہ مل سکا۔ضلع میرپور کی تمام سیاسی جماعتیں خاموش ہیں اور ان کا یہ رویہ ثابت کرتا ہے ان کو عوام کے مسائل سے کوئی دلچسپی نہیں ہے۔ پیپلز پارٹی،مسلم لیگ ن اور پی ٹی آئی کی قیادت کا محکمہ برقیات کے خلاف احتجاج نہ کرنا ثابت کرتا ہے کہ عوام پر ظلم میں سیاسی لیڈر شپ برابر کے شریک ہیں۔آزاد کشمیر میں محکمہ برقیات کے ظالمانہ ٹیکسز اور بلوں نے ہمیں مجبور کر دیا ہے کہ ہم اس دور کو یاد کریں جب ہم پر اتنے ظلم نہیں کئے جاتے تھے۔ہم لوگوں نے منگلا ڈیم کے لئے جو قربانیاں دی تھیں ان کا صلہ تو دور کی بات ہمیں مجبور کیا جا رہا ہے کہ واپڈا کے خلاف جائیں۔میں آزاد کشمیر حکومت سے مطالبہ کرتا ہوں کہ محکمہ برقیات کے ظالمانہ ٹیکسز کا خاتمہ کیا جائے۔ یکساں ٹیرف بنایا جائے۔ہمیں اس حد تک مجبور نہ کیا جائے کہ ہم مجموعی طور پر احتجاج کرنے پر مجبور ہو جائیں اور ہمارا احتجاج ریاستی بغاوت کی طرف لے جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چکسواری: (پوٹھوار ڈاٹ کام،نمائندہ خصوصی اللہ دتہ بسمل,31,جولائی,2023) —سینئر صحافی و سابق نائب صدر شبیر احمد چودھری فرنال کی والدہ محترمہ کے انتقال پر سنٹرل یونین آف جرنلسٹس کے مرکزی صدر محمد ظفیر بابا،سابق صدر کشمیر پریس کلب میرپور ارشد بٹ،سابق صدر شجاع عزیز جرال،سابق صدر سجاد جرال،چنار پریس کلب اسلام گڑھ کے صدرچودھری امجد علی،ڈپٹی مئیر میرپور محمد رمضان چغتائی،روزنامہ شاہین کے چیف ایڈیٹر حاجی خالد حسین،سی یو جے ضلع میرپور کے صدر راجہ نثار احمد خان،چکسواری پریس کلب کے صدر اللہ دتہ بسمل،سیکرٹری جنرل عنصر محمود غزالی،نائب صدر محمد تاج جالب،سینئر نائب صدر محمد اسحاق خواجہ،چئیرمین سپریم کونسل محمد رفیق بھٹی،سابق سینئر نائب صدر عابد حسین چودھری،سابق امیدوار اسمبلی محمد عراف چودھری،چئیرمین میونسپل کمیٹی چکسواری چودھری نعیم حسین روپیال،ڈاکٹر مشتاق احمد،ڈاکٹر ثاقب مشتاق،انجمن تاجراں چکسواری کے صدر محمد شفیق خواجہ،کونسلر محمد ساجد نظامی،کونسلر میاں ثاقب عارف اور دیگر نے ان کے گھر جا کر اظہار تعزیت کیا اور مرحومہ کیلئے دعائے مغفرت بھی کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

چکسواری: (پوٹھوار ڈاٹ کام،نمائندہ خصوصی اللہ دتہ بسمل,31,جولائی,2023) — جموں وکشمیر لبریشن فرنٹ نظریاتی کے چیئرمین صداقت مغل کشمیر ی نے کہاہے کہ بھارتی حکومت نے ریاست جموں کشمیر کی تحریک آزادی کوختم کرنے کے لئے ہزاروں آزادی پسندو ں کوجبری قیدمیں رکھاہوا ہے اور5اگست 2019ء سے ریاست مین غیر اعلانیہ کرفیوہے بھارت اب یاسین ملک کوجرم آزادی میں سزائے موت دیناچاہتاہے۔ بھارتی مظالم پرعالمی دنیا اس لئے خاموش ہے کہ ہم جموں کشمیر کے لوگ تحریک سے مخلص نہیں بھارتی حکومت کی طرف سے ریاستی لوگوں کی نسل کشی کے خلاف ریاست کے لوگ 7اگست 2023ء کوجے کے ایل ایف ن کی کال پراسلام آبادبھارتی سفارتخانہ کے سامنے پہنچیں اورپرامن احتجاج میں شریک ہوں انہوں نے ان خیالات کااظہار رابطہ مہم کے سلسلہ میں چکسواری پریس کلب میں صحافیوں سے خصوصی گفتگو کرتے ہوئے کیاہے انہوں نے کہاکہ ریاست پرقابض ممالک کے مظالم خاموشی سے بردداشت کرنے سے بہترہے کہ قابضین کے خلاف آزادی کی جدوجہدکرتے ہوئے وطن اورقوم آزادمستقبل کے قربانی دی جائے انہوں نے کہاکہ 9اگست کوبھارت نے تمام انسانی حقوق کوپامال کرتے ہوئے یاسین ملک کوسزائے موت سنانے کاپلان بنایاہوا ہے بھارت کے اس اس اقدام کے خلاف جموں کشمیر لبریشن فرنٹ نظریاتی نے 7 اگست 2023ء کودن 3بجے اسلام آباد نیشنل پریس کلب سے بھارتی سفاتخانے کی طرف پرامن مارچ اورپھرسفارتخانہ کے سامنے پرامن دھرنے کی کال دی ہے اس لیے میں پاکستان کنٹرول جموں کشمیر اورگلگت بلتستان کے تمام لوگوں اورپاکستان میں مقیم جموں کشمیر گلگت بلتستان کے لوگوں ساتھ ساتھ ہمارے موقف کی حمایت کرنے والے پاکستانی دوستوں بھی گزارش کرتاہوں کہ سات اگست کودن تین بجے اسلام آباد نیشنل پریس کلب پہنچیں اوروہاں سے ہم بھارتی سفارتخانہ کے سامنے جائیں گے انہوں نے کہاکہ جموں وکشمیر لبریشن فرنٹ نظریاتی جے کے ایل ایف ن کااسلام آباد میں بھارتی سفارتخانہ کے سامنے دھرنادینے کامقصد بھارت کے ظالمانہ اقدام پراسلام آباد میں موجود عالمی میڈیا اوردیگرممالک کے سفارتخانوں نے ذریعے عالمی دنیا تک پہنچاناہے عالمی دنیا کاضمیر بیدار ہواوروہ بھارت کومجبور کریں کہ بھارتی جیلوں میں قید یاسین ملک، سیدشبیر احمدشاہ اور ظہور احمدبٹ سمیت تمام قیدیوں کوناصرف فی الفور رہاکرے بلکہ ریاست پرقابض ممالک جموں کشمیر سے اپنی قابض ا فواج کونکالیں انہوں نے کہاکہ جے کے ایل ایف ن کے پاس مالی وسائل نہیں اس لئے ہم دھرنے کے لئے بہت بڑے پیمانے پرمہم نہیں چلاسکیں گے ہم ریاستی میڈیا اورسوشل میڈیا سے تعاون کی اپیل کرتے ہیں انہوں نے کہاکہ تاریخ گواہ ہے کہ جموں وکشمیر لبریشن فرنٹ نظریاتی نے اس سے قبل جوبھی کال دی نظریاتی کارکنوں اس کوپوراکیااب بھی انشاء اللہ ہم ہرصورت اسلام آباد نیشنل پریس کلب سے بھارتی سفارتخانہ تک پرامن مارچ اورپھرسفارت خانہ کی سامنے پرامن دھرنادیں گے اس لیے ریاستی عوام اور باالخصوص آزادی پسند سات اگست کوہرصورت اسلام آباد پہنچیں تاکہ ہم بھرپورعوامی قوت سے ناصرف بھارتی بلکہ عالمی دنیاکویاسین ملک کی رہائی پرمجبورکرسکیں انہوں نے کہ گلگت بلتستان،نیلم سے بھمبرتک اورپاکستان میں مقیم ہرریاستی شہری کی غیرت کاامتحان ہے ہم حریت پسند ہیں ہم لاٹھی گولی گرفتاری سے ڈرنے والے نہیں یہ بات ہم نے سات اگست 2023ء کوثابت کرناہوگی اس موقع پرآفاق کشمیر ی صدر جے کے ایل ایف ن ہجیرہ اوریاض الدین ہاشمی صدر جے کے ایل ایف ن چکسواری بھی ان کے ہمراہ موجودتھے

چکسواری: (پوٹھوار ڈاٹ کام،نمائندہ خصوصی اللہ دتہ بسمل,31,جولائی,2023) —آزاد کشمیر کے وزیر حکومت چوہدری قاسم مجید نے ممتاز روحانی و مذہبی شخصیت سجادہ نشین آستانہ عالیہ نیریاں شریف حضرت پیر علامہ نور العارفین صدیقی سے ملاقات کی اور ان کی خطہ میں دین اسلام کے فروغ کے لئے دی جانے والی خدمات کو زبردست الفاظ میں سراہتے ہوئے کہا کہ آستانہ عالیہ نیریاں شریف کے زیر اہتمام محی الدین اسلامک یونیورسٹی و میڈیکل کالج، علاج معالجہ کے لئے بنائے گے محی الدین ٹیچنگ ہسپتال سمیت دیگر کارہائے نمایاں اور مذہبی مدارس کے قیام سے خطہ کشمیر کے لوگ نیریاں شریف کو اپنا روحانی مرکز سمجھتے ہیں۔آستانہ عالیہ نیریاں شریف سے لاکھوں کی تعداد میں لوگوں نے بیعت اور مذہبی عقیدت رکھی ہے۔ آستانہ عالیہ کے زیر اہتمام دینی درسگاہوں سے ہزاروں کی تعداد میں طلباء و طالبات شریعت اور طریقت کے مطابق مختلف دنیاوی علوم کی تعلیم حاصل کر رہے ہیں جس پر حکومت آزاد کشمیر ان کی شکر گزار ہے۔ان خیالات کا اظہار انہوں نے سہار پیلاں کے مقام پر چوہدری محمد سلیمان کے گھر خصوصی ملاقات کے بعد وہاں موجود عقیدت مندوں اور اہلیان سہار سے بات چیت کرتے ہوئے کیا۔وزیر حکومت چوہدری قاسم مجید نے کہاکہ اس وقت دین اسلام کے خلاف اسلام دشمن قوتیں متحرک ہیں اور بالخصوص مسلمانوں میں نفرت،فرقہ واریت اور مذہبی منافرت پھیلانے کی کوششیں ہورہی ہیں۔دشمن اسلام کے روپ میں خیبر پختونخوا اور بلوچستان میں دہشت گردی کے واقعات کروا کر امت مسلمہ کی واحد ایٹمی قوت مملکت خدادادپاکستان کو بدنام اور نقصان پہنچانے کی کوششیں کررہا ہے لیکن ہماری مسلح افواج پاکستان ان باطل قوتوں کے آگے سیسہ پلائی ہوئی دیوار ثابت ہے مسلح افواج پاکستان اور سیکورٹی ایجنسیوں نے دشمن کے ناپاک عزائم کو خاک میں ملانے کا عزم کررکھا ہے۔انشاء اللہ مملکت خدادادپاکستان سے دہشت گردی کا ناسور ہمیشہ کے لئے ختم ہوگا اور اسلام کے روپ میں عبادت گاہوں کو دہشت گردی کا نشانہ بنانے والوں کا بھی انجام عبرت ناک ہوگا۔