کلر سیداں (اکرام الحق قریشی) سوئی ناردرن گیس اسلام آباد کے جنرل منیجر مختیار شاہ کا دورہ کلر سیداں،دو ہفتے قبل سوئی گیس دھماکے میں ہلاک ہونے والے آٹھ افراد کی ہلاکتوں پر متاثرہ خاندان سے اظہار افسوس اور مرحومین کے ایصال ثواب کیلئے فاتحہ خوانی کی۔اس موقع پر انہوں نے میڈیا سے گفتگو کرتے ہوئے کہا کہ کلر سیداں میں سکینگ مشین بھیجوائی جا رہی ہے جو متاثرہ آبادی اور دیگر جگہوں میں بچھائی کی تمام پائپ لائنوں گھریلوں صارفین کو مہیا کی جانے والی سروسز کو چیک کرے گی تا کہ دوباہ اس طرح کے حادثات کا اعادہ نہ ہو سکے۔انہوں نے کہا کہ حادثہ کے بعد انکوائری ٹیم بھی تشکیل دے دی گئی ہے جو ذمہ دار افراد کا تعین کرے گی۔انہوں نے عوامی مطالبے پر کلر سیداں میں کمپلینٹ آفس کے قیام کی بھی یقین دہانی کروائی۔انہوں نے متاثرہ فیملی کو یقین دہانی کروائی کے مالی معاونت کیلئے وہ وزیر پٹرولیم و قدرتی وسائل سے سفارش کریں گے۔محکمہ سوئی گیس کے مقامی لوکل پرسن حافظ ملک سہیل اشرف،کسٹمر آفیسر ریحان ہاشمی، ڈپٹی چیف شکیل احمد اور میسم ابرار بھی اس موقع پر موجود تھے۔یاد رہے کہ محکمہ سوئی گیس کے خلاف درج مقدمہ میں مدعی کی جانب سے جنرل منیجر ملزم نامزد ہیں اور جب ان کی گرفتاری کے سلسلہ میں تفتیشی افیسر اے ایس آئی ملک فیاض سے رابطہ قائم کیا تو انہوں نے کہا کہ انہیں جنرل منیجر کے دورے کا علم نہیں تھا وگرنہ وہ خود موقع پر جاکر انہیں گرفتار کر لیتے۔ ادھر مقامی صحافیوں نے جب جنرل منیجر سوئی گیس سے استفسار کیا کہ آپ تو گیس دھماکے میں جاں بحق ہونے والے آٹھ افراد کے مقدمے میں ملزم نامزد ہیں تو کلر کیسے پہنچ آئے تو وہ مسکراتے رہے۔

Kallar Syedan; Sui Northern official visit village Looni Jasiyal where 8 were killed in gas explosion. Gen Manager Sui Norther, Mukhtar Shah, where he said that a inquiry has been called in to gas explosion and safety check machine will be sent to Kallar Syedan region to check gas pipes and other gas appliances.

---

کلر سیداں دھانگلی روڈ کی تباہ حالی پر شدید افسوس کا اظہا ر

Ghulam Murtaza Satti deplores current situation of Kallar to Dhuangalli road

کلر سیداں (اکرام الحق قریشی)پاکستان تحریک انصاف کے رہنما غلا مرتضیٰ ستی نے کلر سیداں دھانگلی روڈ کی تباہ حالی پر شدید افسوس کا اظہا رکرتے ہوئے پنجاب ہائی وے کے اعلیٰ حکام سے اس کی بلاتاخیر تعمیر و مرمت کا مطالبہ کیا ہے۔انہوں نے یہاں میڈیا سے گفتگو کرتے ہوئے کہا کہ یہ سڑک نہ صرف کلر سیداں کی چھ یوسیز بلکہ آزاد کشمیر کے اضلاع میر پور اور کوٹلی کو راولپنڈی اسلام آباد سے ملاتی ہے برطانیہ اور یورپ سے آنے والے سینکڑوں مسافر روزانہ اس پر سفر کرتے ہیں مگر یہ سڑک مکمل طور پر تباہ ہو چکی ہے اور منٹوں کا سفر گھنٹوں میں طے ہوتا ہے۔انہوں نے کہا کہ ماضی میں نواز شریف نے اسے دو رویہ تعمیر کرنے کا اعلان کیا تھا مگر اس پر عمل درآمد کی نوبت نہ آئی اور پی ٹی آئی کی حکومت بھی سال بھرمیں اس کو تعمیر نہ کر سکی۔انہوں نے لوگوں سے کہا کہ اگر وہ وزیر اعظم عمران خان سے اس بارے میں ملاقات کرنا چاہئیں تو وہ ان کی مدد کو تیار ہیں اور اگر وہ احتجاج کر کے حکام تک بات پہنچانا چاہئیں تو وہ اس صورت میں بھی ان کے احتجاج میں بھی شریک ہونے کو تیار ہیں۔

---

گورنمنٹ ہائر سیکنڈری سکول سموٹ کے سینئر مدرس ملک ارشد محمود کی والدہ محترمہ  کو ڈھوک سنبل میں سپردخاک کر دیا گیا

Mother of Malik Arshad Mahmood passed away in Dhok Sambal

کلر سیداں (اکرام الحق قریشی)گورنمنٹ ہائر سیکنڈری سکول سموٹ کے سینئر مدرس ملک ارشد محمود کی والدہ محترمہ ملک جہانزیب کی دادی محترمہ کو ڈھوک سنبل میں سپردخاک کر دیا گیا نماز جنازہ میں پنجاب ٹیچرز یونین کے رہنماؤں چوہدری ظہیر الحق، عبدالرؤف، چوہدری شہزاد،فہد جمیل،ارشد بھٹی، ڈاکٹر محمد بشیر مغل اور دیگر نے شرکت کی۔

---

ظفر بھٹی برطانیہ کے شہر والسال میں انتقال کر گئے نماز جنازہ موہڑہ بھٹیاں میں ہوئی

Zaffar Bhatti passed away in Walsall buried in his native village Morra Bhuttian

کلر سیداں (اکرام الحق قریشی)سابق کونسلر رشید بھٹی مرحوم کے فرزند ظفر بھٹی برطانیہ کے شہر والسال میں انتقال کر گئے نماز جنازہ موہڑہ بھٹیاں میں ہوئی جس میں سابق نائب ناظم شبیر بھٹی،مالک بھٹی،صدیق بھٹی، قاضی زاہد نعیم، محمد اورنگزیب، قاضی عابد، طبیب بھٹی،افتخار بھٹی،یونس بھٹی، نواز بھٹی اور دیگر نے شرکت کی۔