کلر سیداں (اکرام الحق قریشی)اکیس سالہ نوجوان سپاہی محمد زعفران سیاچین میں شہید، کلر سیداں کے قریب گاؤں آراضی میں پورے فوجی اعزا زکے ساتھ سپردخاک۔سپاہی محمد زعفران کی عمر اکیس برس تھی اور یہ تین برس قبل فوج میں بھرتی ہوا تھا اس کا تعلق کلر سیداں کے نواحی گاؤں تل خالصہ کے گاؤں آراضی اعوان سے تھا۔8پنجاب رجمنٹ کا یہ نوجوان سیاچین کے نیال سیکٹر میں چوکی پر فرائض سر انجام دیتے ہوئے اللہ کو پیارا ہو گیااسے دل کا دورہ پڑا اور جانبر نہ ہو سکا اسے پورے فوجی اعزاز کے ساتھ جمعہ کے روز تل اعوان میں سپرد خاک کر دیا گیا نماز جنازہ میں بریگیڈئیر سمیت اعلیٰ فوجی حکام اور علاقہ کے معززین،سیاسی سماجی کارکنوں نے کثیر تعداد میں شرکت کی اس موقع پر مسلح افواج کے چاق وچوبنددستے نے شہید کو سلامی دی صدر مملکت وزیر اعظم اور آرمی چیف کی جانب سے شہید کی قبر پر پھول چڑھائے گئے۔

Kallar Syedan; Shaheed Mohammad Zafran was buried with full military honour at his native village in Arazai, Tal Khalsa, M Zafran, 21 was serving in Siachen when he suffered fatal heart attack while serving with Punjab 8 regiment.

---

مسجد الہاشم بگھارشریف میں عیدالفطر

Large public gathering at Masjid Al Hashim in Baghar shareef on Eid Ul Fitr

کلر سیداں (اکرام الحق قریشی)ممبراسلامی نظریاتی کونسل، ممتاز علمی وروحانی شخصیت پروفیسر ڈاکٹر ساجد الرحمن سجادہ نشین آستانہ عالیہ بگھار شریف نے کہا ھے کہ دین سے انحراف اور اخلاق مصطفوی سے دوری کے باعث آج ھمارے خاندان ٹوٹ پھوٹ کا شکار ھیں۔ طلاق کی شرح بڑھ گئی ھے۔ خواتین سے ناروا اور جانوروں کی طرح سلوک نے فیملی سسٹم کو ہلا کر رکھ دیا ھے۔ وہ مسجد الہاشم بگھارشریف میں عیدالفطر کے ایک بڑے اجتماع سے خطاب کر رہے تھے۔ ڈاکٹر ساجد الرحمن نے کہا کہ حضور نے حلال چیزوں میں سے طلاق کو ناپسندیدہ ترین چیز قرار دیا ھے۔ اگر انتہائی ناگزیر حالات میں طلاق کی نوبت آ جائے تو تین ماہ میں تین طلاقیں پاکیزگی کی حالت میں دی جائیں۔ تاکہ فرد کو سوچنے کا موقع مل سکے اور تین ماہ کے عرصے میں وہ معقول فیصلہ کرسکے۔ اگر اس طرح طلاق واقع ھوجائے تو مطلقہ خاتون طلاق دینے والے مرد پر حرام ھوجاتی ھے۔ انھوں نے کہا کہ منظم نکاح یعنی حلالہ کرنے اور کرانے والے پر اللہ کے رسول نے لعنت بھیجی ھے۔ انھوں نے کہا کہ اسلام خاندان بسانے آیا ھے گھروں کو اجاڑنے نہیں آیا۔ اس لئے ھر معاملے میں اللہ کے رسول کی پیروی ھمیں دین ودنیا کی سعادتوں سے بہرہ مند کرتی ھے۔

---

نماز عید کے موقع پر راولپنڈی ویسٹ مینجمنٹ کمپنی کی جانب سے جانے والے تمام راستوں کو صاف کرنے کے بعد ان کے ارد گرد چونا بھی بچھایا گیا

Waste management company praised for cleaning up after namaz e eid

کلر سیداں (اکرام الحق قریشی)کلر سیداں شہر کی درجنوں مساجد میں نماز عید کے موقع پر راولپنڈی ویسٹ مینجمنٹ کمپنی کی جانب سے جانے والے تمام راستوں کو صاف کرنے کے بعد ان کے ارد گرد چونا بھی بچھایا گیا تھا۔صفائی کے انتظامات نہایت عمدہ تھے جس پر مقامی لوگوں نے کمپنی کے مقامی انچارج عامر نائک کا شکریہ ادا کیا ہے۔

---

ملک بھر کی طرح کلرسیداں اور گردونواح میں عیدالفطر پورے مذہبی جوش و خروش اور عقیدت و احترام کے ساتھ منائی گئی

Kallar Syedan celebrates Eid-ul-Fitr with religious zeal and fervour

کلر سیداں (اکرام الحق قریشی) ملک بھر کی طرح کلرسیداں اور گردونواح میں عیدالفطر پورے مذہبی جوش و خروش اور عقیدت و احترام کے ساتھ منائی گئی چاند رات کو سینکڑوں مساجد سے معتکف حضرات کو درودوسلام کے ساتھ جلوسوں کی شکل میں گھروں تک لایا گیا کلرسیداں شہر میں درجن سے زائددمقامات پر نماز عید کے اجتماعات جامعہ غوثیہ معصومیہ مسجد سیداں مسجد شیخاں میں بڑے بڑے اجتماعات ہوے علاوہ ازیں چواخالصہ دوبیرن سموٹ کنویا منیاندہ چوکپنڈوری شاہ باغ میں عید کے اجتماعات ہوئے جہاں ملک کی ترقی خوشحالی اور سلامتی کے لیے خصوصی دعاہیں کی گئیں۔

کلر سیداں (اکرام الحق قریشی کلرسیداں چاندرات کو کلر سیداں کے بازاروں میں بے پناہ رش،سٹی ٹریفک پولیس اور کلر پولیس کے اشتراک پر شہریوں کا اظہار مسرت،چاند رات کو خواتین و حضرات کی بڑت تعداد نے کلر کے بازاروں کا رخ کر لیا رش کی وجہ سے چلنا مشکل ہو گیا تھا میں شاہراہ پنڈی چوا روڈ پر گاڑیوں اور موٹرساہیلوں کی ہجوم نے چلنا دوبھر کردیاتھا مگر کلر سٹی ٹریفک پولیس کے انچارج نے عملے کے ہمراہ مغرب کے فوری بعد چوا روڈ کا نظام خود سنبھال لیاتھا جبکہ کلر سیداں پولیس کے مؤثرگشت کے بھی ماحول پر عمدہ اثرات مرتب کئے اور کوئی غیر معمولی واقعہ رونما نہ ہوا مقامی تاجروں اور شہریوں نے بھی تعاون پر ٹریفک اور پنجاب پولیس کا شکریہ ادا کیا۔

کلر سیداں (اکرام الحق قریشی کلرسیداں چاند رات کو مقامی صحافی کے گھر میں سانپ نکل آیا 1122نے کاروائی کر کے سانپ کو پکڑ لیا شب 8بجے مقامی صحافی شیخ قمرالسلام کے گھر میں خطرناک سانپ گھس آیاجس کی اطلاع ملنے پر سٹی صدر شیخ خورشیداحمد سٹی ٹریفک انچارج عمران خان اور ریسکیو 1122کی ٹیم موقع پر پہنچ گئی جس نے آلات کی مدد سے خطرناک سانپ کو قابو کر لیا۔

کلر سیداں (اکرام الحق قریشی)چاند رات کے موقع پر پمز اسلام آباد کی ایمرجنسی میں کم ز کم 200 سے 250 نوجوان لڑکے موٹر سائیکل کی ایکسیڈنٹ کی وجہ سے آئے۔ جن کی اکثریت 15,17سال کی عمروں والے بچوں کی تھی۔ کم ز کم 100 لوگوں کو جسم کی کسی نا کسی ہڈی کا فریکچر تھا۔ 20 کے قریب انتہائی سیریس تھے اور 5 کو مردہ حالت میں لآیا گیا۔2 مریضوں کا ہاتھ پیر زیادہ زخم کی وجہ سے کاٹنا پڑا۔۔ یہ صرف12 گھنٹے کے اعداد و شمار  ہیں۔ ڈاکٹروں اور نرسوں کے لئے مینیج کرنا مشکل تھا۔ خدارا اپنے بچوں پے رحم کریں۔ حکومت،ٹریفک پولیس اور دیگر اداروں کے لوگ تو اپنی ذمہ داری پوری کرنے سے رہیں۔1000،500 روپے ماہانہ قسط پہ بغیر کسی دستاویز کے جب موٹر سائیکل ملینگے اور پولیس 50 ”100 روپے لے کر ان کو چھوڑ یں گے تو ایسا ہی ہوگا۔ احتیاط کریں ورنہ ان والدین کی طرح ہاتھ ملتے رہ جائنگے جو رات کو اپنے بچوں کو کھو چکے ہیں۔

---

پی ٹی سی ایل کے ریٹائرڈ اہلکار محمد طارق جمعہ کے روز دل کا دورہ پڑنے سے انتقال کر گئے نماز جنازہ شاہ باغ کے قریب ڈھوک عزیز ہال میں ہوئی

M Tariq of ex PTCL passed away in village Dhok Aziz near Shah Bagh

کلر سیداں (اکرام الحق قریشی)پی ٹی سی ایل کے ریٹائرڈ اہلکار محمد طارق جمعہ کے روز دل کا دورہ پڑنے سے انتقال کر گئے نماز جنازہ شاہ باغ کے قریب ڈھوک عزیز ہال میں ہوئی جس میں صوبائی پارلیمانی سیکرٹری راجہ صغیر احمد،ملک صغیر اختر اعوان، چوہدری ظہیر الحق، عبدالصبور بھٹی، خورشید انور، حاجی محمد شعیب،ماسٹر مجید، ظفر عباس مغل، چوہدری جواد مجید،چوہدری نعیم اکمل، سید مداح حسین شاہ اور دیگر نے کثیر تعداد میں شرکت کی۔مرحوم نے بطور ٹیلی فون آپریٹر طویل عرصہ تک چوآخالصہ کلر سیداں میں خدمات سر انجام دیں۔