Gujar Khan: Dam Collapses in Domeli, Floodwaters Inundate Homes

گوجر خان (پوٹھوار ڈاٹ کام، 04 جولائی 2025):پنجاب کے علاقے ڈومیلی میں واقع ایک ڈیم منگل کی صبح اچانک ٹوٹ گیا، جس کے نتیجے میں قریبی رہائشی علاقوں میں شدید سیلاب آگیا۔ مقامی حکام کے مطابق، حالیہ شدید بارشوں کے باعث ڈیم میں پہلے ہی دراڑیں پڑ چکی تھیں اور پانی کے بڑھتے ہوئے دباؤ کو برداشت نہ کر سکا، جس کے باعث صبح تقریباً 5:30 بجے ڈیم ٹوٹ گیا۔

ڈیم ٹوٹنے کے فوراً بعد پانی کی بڑی مقدار قریبی دیہات میں داخل ہو گئی، گھروں کو ڈبو دیا، بنیادی ڈھانچے کو نقصان پہنچایا اور درجنوں خاندانوں کو بے گھر کر دیا۔ عینی شاہدین کے مطابق ڈیم ٹوٹنے کے چند ہی منٹوں میں پانی گلیوں میں داخل ہو گیا، اور بعض مقامات پر پانی کمر تک پہنچ گیا۔ لوگ اپنے بچوں اور قیمتی سامان کے ساتھ بلند مقامات کی طرف بھاگتے نظر آئے۔

مقامی انتظامیہ، پولیس اور رضاکاروں پر مشتمل ریسکیو ٹیمیں فوری طور پر متاثرہ علاقوں میں پہنچ گئیں اور گھروں میں پھنسے ہوئے افراد کو نکالنے میں مدد فراہم کی۔ اب تک کسی جانی نقصان کی تصدیق نہیں ہوئی، تاہم متعدد افراد لاپتہ ہیں جن کی تلاش جاری ہے۔

ضلعی انتظامیہ کے ترجمان نے کہا، “صورتحال انتہائی نازک ہے۔ ہم لوگوں کی محفوظ مقامات پر منتقلی اور عارضی پناہ گاہوں کے قیام پر کام کر رہے ہیں۔ امدادی کارروائیاں جاری ہیں اور محفوظ علاقوں میں طبی کیمپ قائم کر دیے گئے ہیں۔”

متاثرہ مکینوں نے حکام پر غفلت برتنے کا الزام عائد کیا ہے، ان کا کہنا ہے کہ ڈیم کی خراب حالت کے بارے میں کئی بار اطلاع دی گئی، لیکن سنجیدگی سے اقدامات نہیں کیے گئے۔

ماہرین کا کہنا ہے کہ اگر بروقت مرمت اور نگرانی کی جاتی تو ڈیم کے ٹوٹنے سے بچا جا سکتا تھا۔ حکومت پنجاب نے واقعے کی تحقیقات کا حکم دے دیا ہے تاکہ اس بات کا تعین کیا جا سکے کہ یہ واقعہ انسانی غلطی یا کسی تکنیکی خرابی کا نتیجہ ہے۔

حکومت پنجاب نے متاثرہ خاندانوں کے لیے ہنگامی فنڈز اور امدادی پیکج کا اعلان کرتے ہوئے ڈیم کی ازسرنو تعمیر اور حفاظتی اقدامات کو بہتر بنانے کا وعدہ کیا ہے۔حکام نے شہریوں سے اپیل کی ہے کہ وہ مزید بارشوں کی پیش گوئی کے پیش نظر ہوشیار رہیں اور سرکاری ہدایات پر عمل کریں۔

Gujar Khan (Pothwar.com, July 04, 2025): A dam located in the Domeli area of Punjab suffered a sudden collapse early Tuesday morning, resulting in a massive flood that swept through nearby residential areas. According to local authorities, the dam, which was already showing signs of structural weakness due to recent heavy rains, could not withstand the mounting water pressure and gave way around 5:30 AM.

As a result, large volumes of water surged into nearby villages, submerging homes, damaging infrastructure, and displacing dozens of families. Eyewitnesses reported that within minutes of the dam’s breach, water had entered residential streets, reaching waist-deep levels in some areas. Many residents were seen scrambling to move to higher ground, carrying children and valuables.

Rescue teams, including the local administration, police, and volunteers, quickly mobilized to assist those trapped in their homes. So far, no casualties have been officially confirmed, but several people are reported missing, and search efforts are ongoing.

“The situation is critical,” said a spokesperson for the district administration. “We are working to evacuate residents and provide temporary shelters. Relief operations are underway, and medical camps have been set up in safer areas.”

Residents have criticised the authorities for what they describe as negligence, claiming repeated warnings about the dam’s condition were ignored.

Experts say the collapse could have been prevented with timely maintenance and proper monitoring. An inquiry has been ordered to determine the cause of the failure and whether it was preventable.

The Punjab government has announced emergency funds and relief packages for the affected families and pledged to reconstruct the dam with improved safety measures.

Authorities have urged citizens to remain alert and follow official guidelines as further rain is forecast in the coming days.

ایس پی صدر محمد نبیل کھوکھر اور اے سی گوجر خان خضر ظہور گورائیہ کا گوجر خان سرکل کے مختلف علاقوں کا دورہ، محرم الحرام کے سکیورٹی انتظامات کا جائزہ

SP Saddar Muhammad Nabeel Khokhar and AC Gujar Khan Khizar Zahoor Goraiah Visit Various Areas of Gujar Khan Circle to Review Muharram Security Arrangements

گوجر خان (پوٹھوار ڈاٹ کوم — 04,جولائی، 2025):ایس پی صدر راولپنڈی محمد نبیل کھوکھر اور اسسٹنٹ کمشنر گوجر خان خضر ظہور گورائیہ نے محرم الحرام کے سلسلے میں سکیورٹی انتظامات کا جائزہ لینے کے لیے گوجر خان سرکل کے مختلف علاقوں کا تفصیلی دورہ کیا۔

اس دورے کا مقصد محرم الحرام کے جلوسوں اور مجالس کے لیے کیے گئے سکیورٹی اقدامات کا معائنہ کرنا تھا۔ افسران نے ان راستوں اور مقامات کا جائزہ لیا جہاں پر مجالس اور جلوس منعقد ہوں گے۔ انہوں نے متعلقہ پولیس و انتظامی افسران سے ملاقات کی اور سکیورٹی کے حوالے سے ضروری ہدایات جاری کیں۔

ایس پی نبیل کھوکھر نے افسران کو ہدایت کی کہ محرم الحرام کے دوران مکمل چوکسی اختیار کی جائے اور سکیورٹی انتظامات میں کسی قسم کی کوتاہی نہ برتی جائے۔ انہوں نے کہا کہ جلوسوں کے داخلی و خارجی راستوں پر واک تھرو گیٹس اور سی سی ٹی وی کیمروں کے ذریعے نگرانی کو یقینی بنایا جائے۔ ہجوم کے نظم و ضبط، ایمرجنسی ریسپانس اور منتظمین و علمائے کرام سے رابطہ کاری پر بھی زور دیا گیا۔

اے سی خضر ظہور گورائیہ نے یقین دہانی کروائی کہ ضلعی انتظامیہ کی جانب سے صفائی، روشنی، اور ٹریفک مینجمنٹ سمیت تمام شہری سہولیات کو یقینی بنایا جائے گا تاکہ محرم کے پروگرام پرامن اور منظم انداز میں منعقد ہو سکیں۔

راولپنڈی پولیس اور دیگر محکمے باہمی تعاون سے محرم الحرام کے دوران امن و امان کو یقینی بنانے کے لیے ہر ممکن اقدامات کر رہے ہیں۔ حساس علاقوں کی نگرانی کے لیے اضافی نفری تعینات کی جائے گی اور 24 گھنٹے مانیٹرنگ کا عمل جاری رہے گا۔یہ دورہ ضلعی انتظامیہ اور قانون نافذ کرنے والے اداروں کی جانب سے مذہبی ہم آہنگی اور عوام کے تحفظ کے عزم کی عکاسی کرتا ہے۔

Lollipop of Promises: Rickshaw Drivers Agree to Pay Rs. 50 Daily Permit After Protest in Gujar Khan

مطالبات تسلیم کرنے کا لالی پاپ: رکشہ ڈرائیور روزانہ 50 روپے پرچی دینے پر رضامند

گوجر خان (پوٹھوار ڈاٹ کوم — 04,جولائی، 2025):رکشہ پرچی 20 روپے سے بڑھا کر 50 روپے کرنے پر رکشہ ڈرائیوروں نے احتجاج کیا، جس کے بعد بلدیہ گوجرخان نے مطالبات تسلیم کرنے کا لالی پاپ دے کر ڈرائیوروں کو 50 روپے پرچی دینے پر رضامند کر لیا۔ اسسٹنٹ کمشنر خضر ظہور گورائیہ کی سربراہی میں ہونے والے مذاکرات میں رکشہ یونین کے نمائندوں اور دیگر حکام نے شرکت کی۔ سی او بلدیہ اظہر مجید نے وعدہ کیا کہ شہر میں جلد مختلف مقامات پر رکشہ اسٹینڈز مختص کیے جائیں گے، جس پر ڈرائیوروں نے روزانہ 50 روپے پرچی دینے پر آمادگی ظاہر کر دی۔
صدر سرکل انچارج ٹریفک وارڈن انسپکٹر چوہدری قاسم نے بھی ڈرائیوروں کو ٹریفک قوانین سے متعلق آگاہی فراہم کی اور یقین دہانی کرائی کہ بلا وجہ کسی کا چالان نہیں کیا جائے گا۔

SITU Team Visits Gujar Khan to Inspect Sites for State-of-the-Art Kidney Hospital Sponsored by PPP

ایس آئی ٹی یو ٹیم کا گوجرخان میں گردوں کے جدید ہسپتال کے لیے مختلف سائٹس کا معائنہ، پیپلز پارٹی کا ایک ارب روپے کا عوامی منصوبہ

گوجرخان (نمائندہ پوٹھوار ڈاٹ کوم) — پاکستان پیپلز پارٹی کے سینئر رہنما سابق وزیراعظم راجہ پرویز اشرف، سابق امیدوار صوبائی اسمبلی خرم پرویز راجہ اور راجہ جاوید اشرف نے ایس آئی ٹی یو (SITU) کی ماہر ٹیم کے ہمراہ گوجرخان میں گردوں کے ٹرانسپلانٹ اور ڈائیلاسز کے جدید ہسپتال کے لیے ممکنہ سائٹس کا معائنہ کیا۔

یہ ہسپتال چیئرمین پاکستان پیپلز پارٹی بلاول بھٹو زرداری کی طرف سے عوام کے لیے ایک اہم تحفہ ہے، جس کی تخمینہ لاگت ایک ارب روپے ہے۔ اس ہسپتال کا مقصد علاقے کے ہزاروں مریضوں کو جدید اور مفت علاج کی سہولیات فراہم کرنا ہے۔

معائنہ ٹیم نے سائٹس کا تفصیلی جائزہ لیا اور ماہرین نے ہسپتال کی تعمیر کے لیے تکنیکی مشاورت فراہم کی تاکہ یہ منصوبہ جلد از جلد مکمل ہو سکے۔
راجہ پرویز اشرف نے کہا کہ یہ منصوبہ نہ صرف گوجرخان بلکہ آس پاس کے علاقوں کے مریضوں کے لیے امید کی کرن ہوگا۔ انہوں نے بلاول بھٹو زرداری کے وژن کو سراہتے ہوئے کہا کہ پیپلز پارٹی ہمیشہ عوامی فلاح و بہبود کے منصوبوں کو اولین ترجیح دیتی ہے۔