DailyNewsHeadlineKallar SyedanPothwar.com 
Kallar Syedan: Punjab Bar Council Dismisses Appeal Against Chairman Election Board Kallar Syedan
پنجاب بار کونسل نے چیئرمین الیکشن بورڈ کلر سیداں کے خلاف اپیل خارج کر دی
کلر سیداں (نمائندہ پوٹھوار ڈاٹ کوم ,اکرام الحق قریشی۔ 04جنوری 2025ء)— پنجاب بار کونسل نے چیرمین الیکشن بورڈ کلر بار ملک ساجد یاسین کے خلاف صدارتی صدارتی امیدوار عامر حسین ایڈووکیٹ کی اپیل خارج کر دی۔عامر حسین ایڈووکیٹ نے پنجاب بار کونسل میں پٹیشن دائر کرتے ہوئے موقف اختیار کیا تھا کہ میں کلر سیداں بار ایسوسی کے سالانہ انتخابات برائے 2025/26 کیلئے بطور صدارتی امیدوار الیکشن میں حصہ لے رہا ہوں اور چیئرمین الیکشن بورڈ ساجد یاسین ایڈووکیٹ کی اہلیہ ریفانہ ملک ایڈووکیٹ میرے مخالف صدارتی امیدوارہیں جس کی وجہ سے مجھے خدشہ ہے کہ چیئرمین الیکشن بورڈ میرے صدارتی امیدوار کے طور پر جمع کروائے گئے کاغذات کو مسترد کر سکتے ہیں, لہذا پنجاب بار کونسل صدر اور چیئرمین الیکشن بورڈ کو نوٹس جاری کرے کہ 2 جنوری کو ہونے والے کاغذات نامزدگی کی جانچ پڑتال تا حکم ثانی معطل کرے۔ادھر چیئرمین الیکشن بورڈ کلر سیداں بار ایسوسی ایشن ساجد یاسین ایڈووکیٹ نے اپنے موقف میں واضح کیا کہ میری اہلیہ ریفانہ ملک ایڈووکیٹ نے اپنے کاغذات نامزدگی واپس لے لئے ہیں جس پر پنجاب بار نے چیئرمین الیکشن بورڈ ساجد یاسین ایڈووکیٹ کو الیکشن برائے 2025/26 کا عمل جاری رکھنے کی ہدایت جاری کی ہے۔
Kallar Syedan (Pothwar.com, Ikram-ul-Haq Qureshi – January 4, 2025) – The Punjab Bar Council has dismissed the appeal filed by presidential candidate Aamir Hussain Advocate against Chairman Election Board Kallar Bar, Malik Sajid Yasin.
Aamir Hussain Advocate had filed a petition with the Punjab Bar Council, expressing concerns regarding the 2025/26 annual elections of the Kallar Syedan Bar Association. He claimed that Sajid Yasin Advocate’s wife, Riffat Malik Advocate, was contesting for the presidential seat against him, raising fears that Sajid Yasin might reject his nomination papers. Consequently, Hussain requested the Punjab Bar Council to issue a notice suspending the scrutiny of nomination papers scheduled for January 2 until further orders.
In response, Sajid Yasin Advocate clarified that his wife, Riffat Malik Advocate, had withdrawn her nomination papers. Following this development, the Punjab Bar Council instructed Sajid Yasin to proceed with the election process for 2025/26 without delay.
آر ڈبلیو ایم سی کلرسیداں میں میں ڈیلی ویجز پر کام کرنے والے پانچ اہلکاروں کو ماہ دسمبر کی تنخواہ نہ مل سکی
RWMC Daily Wage Workers in Kallar Syedan Await December Salary
کلر سیداں (نمائندہ پوٹھوار ڈاٹ کوم ,اکرام الحق قریشی۔ 04جنوری 2025ء)—آر ڈبلیو ایم سی کلرسیداں میں میں ڈیلی ویجز پر کام کرنے والے پانچ اہلکاروں کو ماہ دسمبر کی تنخواہ نہ مل سکی جس پر ایڈمنسٹریٹر ایم سی کلرسیداں نے نوٹس لیتے ہوئے منیجنگ ڈائریکٹر آر ڈبلیو ایم سی راولپنڈی کو خط لکھ کر محکمہ صفائی کے پانچ ملازمیں کو تنخواہوں کی جلد ادائیگی کی درخواست کی ہے۔ ادھر ایم سی کلرسیداں کے اکاؤنٹنٹ نے رابطہ پر بتایا ہے کہ محمکہ صفائی کلرسیداں کو ایک نجی شعبہ کے حوالے کر دیا گیا ہے جس کی وجہ سے ڈیلی ویجز کے ملازمین کی تنخواہیں بھی اب ان کی ذمہ داری ہے جبکہ بلال نامہ ٹھیکیدار کا کہنا ہے کہ میں نے ابھی چارج ہی نہیں سنبھالا لہذا تنخواہوں کی زمہ داری بھی ابھی تک ایم سی کے پاس ہے۔
ماہ دسمبر میں قانون شکن ٹرانسپورٹروں کیخلاف کارروائی کے دوران 2992 گاڑیوں کو ای چالان ٹکٹس جاری
E-challan tickets issued to 2,992 vehicles during action against illegal transporters in December
کلر سیداں (نمائندہ پوٹھوار ڈاٹ کوم ,اکرام الحق قریشی۔ 04جنوری 2025ء)— سی ٹی او راولپنڈی کی ہدایت پر سرکل آفیسر ڈی ایس پی سجاد قریشی نے انسپکٹر راجہ عامر رحمان، انسپکٹر راجہ افضال الرحماں، بیٹ آفیسران عادل منیر، ظہیر احمد، سہیل قمر،ناصر سعید،ہارون نثار،راشد کیانی اور دیگر نے ماہ دسمبر میں قانون شکن ٹرانسپورٹروں کیخلاف کارروائی کے دوران 2992 گاڑیوں کو ای چالان ٹکٹس جاری کرتے ہوے مجموعی طور پر 27 لاکھ 67 ہزار سے زائد کی رقم بطور جرمانہ وصول کر کے سرکاری خزانے میں جمع کرا دی ہے جبکہ چار سو کے قریب گاڑیوں اور موٹر سائیکلوں کو تھانے بند کروا دیا ہے۔مزید برآں بغیر روٹ پرمٹ،دھواں چھوڑنے والی گاڑیوں،بغیر نمبر پلیٹس اور اوور لوڈنگ کیخلاف کارروائی کی۔
سابق چیرمین یونین کونسل بھلاکھر راجہ صفدر کیانی اور معروف کاروباری راجہ جاوید کیانی کی احباب کیاعزاز میں عشائیہ کی تقریب
Former UC Bhallakhar Chairman Raja Safdar Kayani and Businessman Raja Javed Kayani Host Dinner in Honor of Friends
کلر سیداں (نمائندہ پوٹھوار ڈاٹ کوم ,اکرام الحق قریشی۔ 04جنوری 2025ء)—سابق چیرمین یونین کونسل بھلاکھر راجہ صفدر کیانی اور معروف کاروباری راجہ جاوید کیانی کی احباب کیاعزاز میں عشائیہ کی تقریب منعقد کی جس میں برطانیہ کے جج محمد ظفیر بھٹی عوامی مسلم لیگ برطانیہ کے چیف آرگنائزر محمد منیر بھٹی،چوہدری ابرار حسین،راجہ محمد زعفران، راجہ محمد حنیف، چوہدری توقیر اسلم،راحت محمود کیانی،جبران صفدر کیانی،اکرام الحق قریشی،راجہ خرم، تنویر شیرازی، غلام محمد،غلام جیلانی،بھاٹہ،راجہ ظفر،فارس سلیم چوہدری ظہیر، طاہر سلیم،چوہدری عفران،سخاوت علی بھٹی،واجد رضوان،حمید اختر اور دیگر نے شرکت کی۔
ہانگ کانگ میں ٹریفک حادثے میں جاں بحق ہونے والے تین میں سے دو پاکستانیوں کی نماز جنازہ ادا کر دی گئی
Namaz e janaza for two out of three Pakistanis killed in Hong Kong traffic accident
کلر سیداں (نمائندہ پوٹھوار ڈاٹ کوم ,اکرام الحق قریشی۔ 04جنوری 2025ء)—ہانگ کانگ میں ٹریفک حادثے میں جاں بحق ہونے والے تین میں سے دو پاکستانیوں محمد فیصل عمر 34 برس اور احتشام علی عمر 30 برس کی نماز جنازہ جمعہ کے روز بعد نمازعصر مسجد عمار اوئی کوان روڈ وان چائی میں حافظ محمد نسیم خان کی امامت میں ادا کر دی گئی جس میں پاکستان ہانگ کانگ چیمبرز کے سربراہ قمر منہاس اور پاکستانی کیمونٹی نے شرکت کی دو میتوں کو پاکستان روانہ کر دیا گیا یاد رہے کہ حادثے میں تین افراد جاں بحق ہوئے تھے جن میں سے دو کا تعلق میرپور ازادکشمیر اور محمد فیصل گاوں نلہ مسلماناں کلرسیداں سے تھا
