Kahuta: International Law Conference Commences at Kahuta Law College, Emphasizes Legal Reforms

کہوٹہ:(پوٹھوار ڈاٹ کام، عمران ضمیر ،21، ستمبر، 2024ء ) – چیئرمین کہوٹہ لاء کالج مذہبی سکالر سجادہ نشین پروفیسر ڈاکٹرصاحبزادہ ساجد الرحمن اورچیف ایگزیکٹیو آفیسر کہوٹہ لاء کالج صاحبزاد ہ عزیر ہاشم ایڈووکیٹ کے زیر اہتمام دو روزہ انٹر نیشنل لاء کانفرنس میں پہلے دن کے تین سیشن کہوٹہ لاء کالج میں اختتام پذیر ہو گئے۔ گورنر پنجاب سر دار سلیم حیدر انٹر نیشنل لاء کانفرنس کہوٹہ لاء کالج میں دوسر ے دن کی تقریب میں 21ستمبربروز ہفتہ کو بطور مہمان خصوصی شرکت کریں گے۔انٹر نیشنل لاء کانفرنس کے پہلے دن کے موقع پر مہمانان خصوصی میں جسٹس طارق محمود جہانگیری جج اسلام آباد ہائی کورٹ، ڈاکٹر ضیاء الحق ڈائریکٹر جنرل اسلامک ریسر چ انسٹییٹوٹ بین الااقوامی یونیورسٹی اسلام آباد۔ ڈاکٹر جو ایتھنک (امریکہ)، ممبر پنجاب بار کونسل توفیق آصف ایڈووکیٹ سپریم کورٹ،ایڈیشنل اٹارنی جنرل ساجد الیا س بھٹی اور ملک شوکت اسسٹنٹ اٹارنی جنرل پاکستا ن، صدر اسلام آباد ہائی کورٹ بار ایسوسی ایشن ریاست علی آزاد، شفقت عباسی سیکرٹری ہائی کورٹ باری ایسوسی ایشن، مجاہد خٹک نائب صدر اسلام آباد ہائی کورٹ بار ایسوسی ایشن، راجہ شکیل صدر اسلام آباد بار ایسوسی ایشن، ڈاکٹر فیاض پرنسپل بحریہ یونیورسٹی لاء سکول، ججز، راولپنڈی، اسلام آبا د اور سپریم کورٹ کے وکلاء، کہوٹہ بار ایسوسی ایشن کے ممبران اور شہریوں نے بڑی تعداد میں شرکت کی۔

انٹر نیشنل لاء کانفرنس کی صدارت چیئرمین کہوٹہ لاء کالج مذہبی سکالر سجادہ نشین پروفیسر ڈاکٹر صاحبزادہ ساجد الرحمن نے کی۔ میزبان چیف ایگزیکٹیو آفیسر کہوٹہ لاء کالج صاحبزاد ہ عزیر ہاشم ایڈووکیٹ نے انٹر نیشنل لاء کانفرنس کے اغراض و مقاصد بیان کیئے۔ کانفرنس میں مختلف لاء کالجز کے پرنسپلز، سنیئر وکلاء نے مقالے پڑھے۔ اور قانون میں مختلف ترامیم کرنے کی ضرورت پرزور دیا۔

انٹر نیشنل لا ء کانفرنس کے شرکاء سے خطاب کرتے ہوئے صدر ہائی کورٹ بار اسلام آباد ریاست علی آزاد اور ممبراسلام آباد بار کونسل حلیم عباسی،ممبر پنجاب بار کونسل توفیق آصف نے اس امر پر زور دیا کہ ابھی انگریز دور کے بنائے ہوئے قوانین پر چل رہے ہیں۔ جس کی وجہ سے عوام کو انصاف کی فراہمی میں مشکلات ہیں۔ انہوں نے کہا کہ جدید دور کے تقاضوں کو مد نظر رکھ کر اسلامی اقدار کو مد نظر رکھ کر پرانے قوانین میں ترامیم ضروری ہیں۔ انہوں نے مزید کہا کہ مووجدہ حکومت آئین میں ترامیم پارلیمنٹ میں جو پیش کرنے جا رہی ہے۔ اس کی بھر پور مخالفت کرتے ہوئے کہا کہ وکلاء کسی صورت میں ایسی ترامیم کو قبول نہیں کریں گے۔ اور اسے سپریم کورٹ آف پاکستان میں ایک اور سپریم کورٹ بنانے کے مترادف سمجھیں گے۔انہوں نے کہا کہ حکومت ہوش کے ناخن لے اور اگر قوانین میں ترامیم کرنی ہیں تو فوجداری، سول لاء، فیملی لاء،ریونیولاء اور دیگر میں ترامیم کر کے عوام کو ریلیف دیں۔ جج اسلام آباد ہائی کورٹ جسٹس طارق جہانگیری نے اپنے خطاب میں وکلاء کو پیغام دیا کہ وہ اپنے پیشہ سے انصاف کرتے ہوئے وقت پر عدالتوں میں پیش ہوں اور اپنے کیسسز کی مکمل تیاری کرکے عدالتوں میں آئیں اور آئے دن کی ہڑتالوں سے گریز کریں۔

کیونکہ ایسے حالات میں عوام کو انصاف کے حصول میں سالوں لگ جاتے ہیں۔ جسٹس طارق جہانگیری نے اس بات کی تائید کی کہ ہمارے تمام قوانین انگریز دور کے بنے ہوئے ہیں۔ جن میں موجودہ حالات کے تنازر میں ترامیم کی ضرورت ہے۔ انہوں نے کہوٹہ میں معیاری لاء کالج کے قیام پر مذہبی سکالر سجادہ نشین پروفیسر ڈاکٹر صاحبزادہ ساجد الرحمن اور کہوٹہ لاء کالج کے سی ای او صاحبزادہ عزیر ہاشم اور اکی پوری ٹیم کو مبارک باد پیش کرتے ہوئے انتہائی خوشی اور مصرت کا اظہار کیا۔ انٹر نیشنل لاء کانفرنس کے منتظنین چیئرمین کہوٹہ لاء کالج مذہبی سکالر سجادہ نشین پروفیسر ڈاکٹر صاحبزادہ ساجد الرحمن اورچیف ایگزیکٹیو آفیسر کہوٹہ لاء کالج صاحبزاد ہ عزیر ہاشم ایڈووکیٹ نے انٹر نیشنل لاء کانفرنس کے مقاصد بیان کرتے ہوئے کہا کہ یہ کانفرنس عدالتی اصلاحات میں ترامیم میں ایک اہم سنگ میل ثابت ہوگی۔ انہوں نے کہا کہ انٹر نیشنل لاء کانفرنس دوسرے دن 21ستمبر 2024بروز ہفتہ کو بھی جاری رہے گی۔دو روزہ انٹر نیشنل لاء کانفرنس کی اختتامی تقریب کے مہمان خصوصی گورنر پنجاب سردار سلیم حیدر اور راجہ محمد ظفر الحق سیکرٹری جنرل موتمر عالم اسلامی ہونگے۔

Kahuta (Pothwar.com, Imran Zamir, September 21, 2024) – The first day of the two-day International Law Conference at Kahuta Law College, hosted by Chairman and religious scholar Prof. Dr. Sajid Rehman and CEO Advocate Zia Hashim, concluded successfully. The event featured three sessions attended by legal experts, scholars, and prominent guests, including Islamabad High Court Judge Justice Tariq Mehmood Jahangiri and Dr. Zia ul Haq from the International Islamic University.

 

Speakers emphasized the need for amendments in colonial-era laws to meet modern requirements. Justice Jahangiri urged lawyers to better prepare cases and reduce delays in justice. The conference will continue on September 21, with Governor Punjab Sardar Saleem Haider attending as the chief guest. The closing ceremony will feature Raja Muhammad Zaffar ul Haq, Secretary-General of the Muslim World League.

ایم این اے راجہ اسامہ سرور سے چیئرمین سجاد ستی کی ملاقات

Chairman Sajjad Sati meeting with MNA Raja Osama Sarwar

مٹور (نمائندہ پوٹھوارڈاٹ کوم کبیر احمد جنجوعہ،21ستمبر2024)
ایم این اے راجہ اسامہ سرور سے چیئرمین سجاد ستی کی ملاقات، ڈیفنس اینڈ پروڈکشن کا وفاقی پارلیمانی سیکرٹری منتخب ہو نے پرمبارکباد پیش کی،تفصیل کے مطابق گذشتہ روز قبل سابق ممبر ضلع کونسل و سابق چیئر مین یوسی کھڈیوٹ سجاد ستی نے مسلم لیگ ن کے ممبر قومی اسمبلی حلقہ این اے اکاون راجہ اسامہ اشفاق سرور سے ان کی رہائش گاہ پر جا کر ملاقات کی اور ان کو ڈیفنس اینڈ پروڈکشن کا وفاقی پارلیمانی سیکرٹری منتخب ہو نے پرمبارکباد پیش کی اس موقع پر مسلم لیگ ن کی معروف سیاسی وسماجی شخصیت راجہ سخاوت علی ایڈووکیٹ، رفاقت حسین جنجوعہ، زوہیب وحید ستی بھی ہمراہ موجود تھے، اس موقع پر چیئرمین سجاد ستی نے سنمبلا دھلیتر روڈ کا کام شروع کرانے پر مسلم لیگ ن کے ممبر قومی اسمبلی حلقہ این اے اکاون راجہ اسامہ اشفاق سروراورمسلم لیگ ن کے ایم پی اے راجہ صغیر احمدکا شکریہ ادا کیا انہوں نے کہا کہ یہ عوام علاقہ کا درینہ مسلہ تھا اس کی تعمیر سے اہلیان علاقہ بہت بڑا مسلہ حل ہو جائے گا۔

حفظا ن صحت کے اصولوں کے منافی اشیاء کی فروخت پر کہوٹہ شہر گردونواں میں چھاپے

Raids were conducted in Kahuta city on the sale of items against the rules of hygiene and prices

مٹور (نمائندہ پوٹھوارڈاٹ کوم کبیر احمد جنجوعہ،21ستمبر2024)
اسسٹنٹ کمشنر کہوٹہ ایوشہ ظفر اور چیف میونسپل آفیسر کہوٹہ مخدوم بلال کا گراں فروشوں، تجاوزات مافیا اور حفظا ن صحت کے اصولوں کے منافی اشیاء کی فروخت پر کہوٹہ شہر گردونواں میں چھاپے جبکہ نان اور روٹی کا وزن بھی چیک کیا گیا۔ حلاف ورزی پردرجنوں دکانداروں کو ہزاروں روپے جرمانہ جبکہ بازار میں دکانوں کے آگے کھڑی کی گئی درجنوں ریڑھیاں بھی عملہ نے ضبط کر لیں۔ کسی سفارش اور دباؤ کوقبول نہیں کریں گے۔ عوامی مفاد پر کوئی سمجھوتہ نہیں ہو گا۔ مہنگے داموں اشیاء فروخت کرنے والیناجائز منافع خوروں کو نہ صرفف بھاری جرمانے ہونگے بلکہ جیل کی ہوابھی کھانا پڑے گی۔ اس موقع پر مین بازار کہوٹہ، قدیر بازار، پنجاڑ چوک،جی پی او روڈ، میلاد چوک، چھنی بازار، مٹور چوک، مچھلی چوک میں چھاپے مارے گئے۔ شہریوں اور گاہگوں نے اسسٹنٹ کمشنر کہوٹہ ایوشہ ظفر اور چیف میونسپل آفیسر کہوٹہ مخدوم بلال کے اچانک چھاپوں کو سراہتے ہوئے آپریشن کو روزانہ کی بنیاد پر جاری رکھنے کا مطالبہ کیا۔

کہوٹہ بائی پاس کے متاثرین کی سینکڑوں کنال اراضی کا معاوضہ اور قیمتوں کا تعین نہ ہوسکا

Compensation and prices of hundreds of kanals of land belonging to the victims of Kahuta Bypass could not be determined

مٹور (نمائندہ پوٹھوارڈاٹ کوم کبیر احمد جنجوعہ،21ستمبر2024)
کہوٹہ بائی پاس کے متاثرین کی سینکڑوں کنال اراضی کا معاوضہ اور قیمتوں کا تعین نہ ہوسکا۔ گزشتہ 06 سالوں سے قیمتی کمرشل اور زرعی زمین کی حیثیت تبدیل کرکے مالکان کا کروڑوں کا نقصان کیاگیا سپل وے،دیواریں، پانی کے کنوویں، بورز، سولر سسٹم، ڈرپ ایریگیشن سسٹم سمیت زرعی اجناس، پھلدار پودے اور کمرشل اراضی پر بھاری مشینری اور لوڈرز کے ذریعے متاثرین کو معاوضے دیئے بغیر چار سالوں سے کھدائی بھرائی اور پہاڑ کی توڑ پھوڑ جاری ہے چار سال سے تاحال نہ تو ریٹس طے کیئے گئے ہیں۔ اور نہ ہی متاثرین کو کچھ بتایاجارہاہے۔ متاترین اراضی راجہ سعید احمد ایڈووکیٹ، عثمان ضمیر، کعب عزیز، توقیر شبیرنے بتایا کہ ہماری زمینوں کے ریٹس لگاتے وقت موجودہ مارکیٹ ویلیو اور سرکاری ریٹس کو سامنے رکھ کر قیمتوں کاتعین کیاجائے۔ متاثرین سے زیادتی کی گئی تو متاثرین احتجاج پرمجبور ہونگے۔ انہوں نے مزید کہا کہ مالکان کا تعین کرتے وقت میرٹ کو مدنظر رکھاجائے من پسند نقشے بنا کر اصل حقدار محروم کیئے جارہے ہیں۔ محکمہ مال ریونیو اور نیشنل ہائی وے کے ذمہ داران صورتحال کو سمجھیں اور متاثرین کو اعتماد میں لیکر زیادتیوں کا ازالہ کیاجائے۔

چیئرمین یوسی بیور راجہ محمد فیاض نے اپنے ایک بیان میں کہا کہ انشاء اللہ آج 21ستمبر2024بروز ہفتہ صبح 10بجے بیور تا چنگڑھ روڈ کا افتتاح ہو گا،

Chairman UC Bior Raja Muhammad Fayaz said in his statement that Bior to Changar road will be inaugurated today, September 21, 2024, Saturday at 10 am

مٹور (نمائندہ پوٹھوارڈاٹ کوم کبیر احمد جنجوعہ،21ستمبر2024)
چیئرمین یوسی بیور راجہ محمد فیاض نے اپنے ایک بیان میں کہا کہ انشاء اللہ آج 21ستمبر2024بروز ہفتہ صبح 10بجے بیور تا چنگڑھ روڈ کا افتتاح ہو گا،سڑک کا افتتاح مسلم لیگ ن کے ممبر قومی اسمبلی راجہ اسامہ اشفاق سرور اور مسلم لیگ ن کے ایم پی اے راجہ صغیر احمد کر یں گے، حلقہ پی پی سیون کے تمام یوسیز کے چیئرمین، وائس چیئرمین اور کونسلر صاحبان،ن لیگی عہدیدران، کارکنان، ورکنان اور بلخصوص یونین کونسل بیور کی عوام کو شرکت کی دعو ت د ی جاتی ہے۔