Chakswari, AJK; Decision to award National Award Tamgha Imtiaz to SSP Raja Irfan Saleem for his outstanding services

چکسواری: (پوٹھوار ڈاٹ کام،نمائندہ خصوصی اللہ دتہ بسمل۔22, مارچ,2024ء) —حکومت پاکستان نے آزاد جموں و کشمیر پولیس کے ایس ایس پی راجہ عرفان سیلم کو ان کی اعلیٰ خدمات کے اطراف میں قومی ایوارڈ تمغہ امتیاز دینے کا فیصلہ کیا۔اس سلسلہ میں حکومت پاکستان کابینہ ڈویژن اسلام آباد نے باقاعدہ نوٹیفکیشن جاری کردیا ہے جس کے مطابق ایس ایس پی راجہ عرفان سلیم کو 23مارچ یوم پاکستان کے موقع پر گورنر پنجاب ہاؤس لاہور میں منعقدہ تقریب یوم پاکستان میں گورنر پنجاب تمغہ امتیاز سے انھیں مزین کریں گے۔یہ سول ایوارڈ انھیں صدر اسلامی جمہوریہ پاکستان عارف علوی نے 14اگست 2023یوم آزادی کے موقع پر ان کے لیے منظور کیا تھا جس کے بعد راجہ عرفان سلیم کا نام پاکستان کے خصوصی گزٹ میں بھی شائع ہوچکا ہے۔

Chakswari: (Pothwar.com, Allah Ditta Bismill. 22, March, 2024) – The Government of Pakistan has decided to award the National Award Tamgha Imtiaz to Azad Jammu and Kashmir Police SSP Raja Irfan Saleem for his outstanding services. In this regard, the Government of Pakistan Cabinet Division Islamabad has issued a formal notification according to which SSP Raja Irfan Saleem will be decorated with the Governor Punjab Medal of Distinction in the Pakistan Day ceremony held at Governor Punjab House Lahore on the occasion of Pakistan Day on March 23. This civil award was approved by the President of the Islamic Republic of Pakistan Arif Alvi on the occasion of Independence Day on August 14, 2023, after which the name of Raja Irfan Saleem has also been published in the special gazette of Pakistan.

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چکسواری: (پوٹھوار ڈاٹ کام،نمائندہ خصوصی اللہ دتہ بسمل۔22, مارچ,2024ء) — کورٹ (کشمیر آرفن ریلیف ٹرسٹ) کے تعاون سے چکسواری میں بھی دو سو خاندانوں میں رمضان پیکج تقسیم کیا گیا۔گزشتہ روز اسسٹنٹ کمشنر اسلام گڑھ سیدیاسر آفتاب گردیزی نے تقریب میں خصوصی طور پر شرکت کی اور بانیء کورٹ چودھری اختر حسین اور ان کے تمام ڈونرز کا شکریہ ادا کیا ہے۔ انھوں نے کہا کہ اسلام ہمیں یہی درس دیتا ہے کہ غریبوں اور ضرورت مندوں کی مدد کرواور رمضان المبارک میں تو اور بھی زیادہ تاکید آئی ہے کہ ضرورت مندوں،محتاجون اور بیواؤں کی مدد کی جائے۔ ہم چودھری اختر حسین کو خراج تحسین پیش کرتے ہیں۔ان کی کوششوں کی بدولت آج کورٹ آزاد کشمیر بھر میں راشن تقسیم کر رہا ہے۔کورٹ کی رفاہی سرگرمیاں آزاد کشمیر سمیت پاکستان کے شہروں میں بھی جاری ہیں۔ہم ان ڈونرز کا بھی شکریہ ادا کرتے ہیں جن کی بدولت کورٹ جیسا خوبصورت ادارہ چل رہا ہے اور اس میں سینکڑوں بچے شاہانہ زندگی گزار رہے ہیں۔ بلا شبہ چودھری اختر حسین آزاد کشمیر کے ایدھی ہیں جن کی بدولت میرپور میں ایک خوبصورت ادارہ چل رہا ہے۔ اس موقع پر سیاسی وسماجی شخصیات داؤد احمد کاشف،محمد ساجد نظامی،سابق صدر امجد علی چودھری،سیکرٹری نشر واشاعت چودھری معظم علی،سیکرٹری زکوۃ چودھری حبیب احمد،سینئر صحافی عمران بلال، محمد تاج جالب ایڈیشنل سیکرٹری،چودھری گودڑ حسین،آصف الرحمان اور دیگر بھی موجود تھے۔راشن تقسیم کرنے سے پہلے دعا بھی کی گئی۔ دعا میں کورٹ کے تمام ڈونرز، چودھری اختر حسین،اس تقریب میں شریک تمام مہمانوں کے لئے اور ندیم حسین شہید کیلئے دعائے مغفرت بھی کی گئی۔راشن لینے والے تمام افراد چودھری اختر حسین اور ان کے رفقاء کو دعائیں دیتے ہوئے رخصت ہوئے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چکسواری: (پوٹھوار ڈاٹ کام،نمائندہ خصوصی اللہ دتہ بسمل۔22, مارچ,2024ء) — سیاسی و سماجی رہنما چودھری عنصر محمود آف بوعہ بٹالہ نے چکسواری پریس کلب میں صحافیوں سے گفتگو کرتے ہوئے کہا کہ دو تین سال قبل رئیس آباد سے لے کر بوعہ بٹالہ تک بننے والی سڑک کے شولڈر ابھی تک مکمل نہیں ہو سکے۔دو سال گزر جانے کے باوجود آج بھی اس روڈ پر شولڈر نہیں لگ سکے۔ اس روڈ پر کئی حادثات بھی ہو چکے ہیں۔محکمہ تعمیرات عامہ کے افسران بالا نوٹس لیں اور سڑک کے اطراف میں شولڈر لگوائیں۔آج سے دو سال قبل میں نے سوشل میڈیا پر ایک پوسٹ شیئر کی تھی جس کے جواب میں اس وقت کے ایم ایل اے اور آج کے وزیر حکومت چودھری قاسم مجید نے لندن میں تقریر کرتے ہوئے کہا تھا کہ کسی صاحب نے جھوٹی پوسٹ لگائی ہے۔سڑک ابھی بن رہی ہے جب مکمل ہو گی تو اس میں شولڈر بھی لگائے جائیں گے۔لیکن اب دو سال گزر گئے ہیں ابھی تک شولڈر مکمل نہیں ہو سکے۔ آج بھی اس روڈ کی یہی حالت ہے۔میں وزیر حکومت چودھری قاسم مجید سے سوال کرتا ہوں کہ آپ نے برطانیہ میں تقریر کے دوران یہی کہا تھا کہ یہ سڑک جب مکمل ہو گی تو اس میں شولڈر بھی لگیں گے اور یہ سڑک خوبصور ت بھی بنے گی۔فیض پور کے عوام سڑک کو مکمل نہیں ہونے دیتے۔میں وزیر حکومت چودھری قاسم مجید اور محکمہ شاہرات عامہ سے مطالبہ کرتا ہوں کہ سڑک پر شولڈر نہ لگانے والے ٹھیکیدارکے خلاف کارروائی کی جائے اور اس سڑک پر شولڈر لگوائے جائیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چکسواری: (پوٹھوار ڈاٹ کام،نمائندہ خصوصی اللہ دتہ بسمل۔22, مارچ,2024ء) —چکسواری پریس کلب کے چیئرمین سپریم کونسل اللہ دتہ بسمل نے گزشتہ روز نئی آبادی بوعہ نجیب آباد جاکرمحمدیعقوب کی والدہ محترمہ اورسیاسی سماجی راہنما (ر) بینک منیجر حاجی محمدرفیق کی خوشدامن اورعاصم رفیق عثمان رفیق کی نانی محترمہ کی وفات پرسوگوار ان کے ساتھ دلی اظہارتعزیت کیاہے مرحومہ کے لئے دعائے مغفرت اورلواحقین کے لئے صبرجمیل کی دعاکی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چکسواری: (پوٹھوار ڈاٹ کام،نمائندہ خصوصی اللہ دتہ بسمل۔22, مارچ,2024ء) —تعلیمی کمیٹی صوفی محمدیعقوب شہیدگورنمنٹ بوائزہائی سکول ڈھانگری بالا فیض پورشریف کے سرپرست اعلے چودھری محمدسعیدعالم خالدمحمود صدر سیکرٹری مالیات چودھر ی خورشیداحمدممبران حاجی چودھری محمدسوار خان حاجی صوفی محمدریاض حاجی چودھری مقصود احمدطاہر نے تعلیمی کمیٹی کے ممبرحاجی محمدرفیق (ر) بینک ا ٓفیسر کی خوشدامن کی وفات پرسوگوار ان کے ساتھ دلی اظہارتعزیت کیاہے مرحومہ کے لئے دعائے مغفرت اورلواحقین کے لئے صبرجمیل کی دعاکی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چکسواری: (پوٹھوار ڈاٹ کام،نمائندہ خصوصی اللہ دتہ بسمل۔22, مارچ,2024ء) —ڈپٹی کمشنر یا سر ریاض کی ہدایات پر اسسٹنٹ کمشنر اسلام گڑھ یاسر آ فتاب گردیزی نے حدود تھانہ چکسواری میں گوشت کے معیار کی چیکنگ کی۔حفظان صحت کے اصولوں کے خلاف گوشت بیچنے والے اور پرائس کنٹرول کمیٹی کی طرف سے مقرر کردہ نرخوں سے زائد وصولی کرنے والے دکانداروں کو جرمانے کیے گے اور کئی دکانداروں کوسخت وارننگ دیں۔انہوں نے دکانداروں کو ہدایت کی کہ وہ گوشت کے معیار کو بہتر کریں اور پرائس کنٹرول کی طرف سے جاری کردہ ریٹ لسٹ کے مطابق گوشت فروخت کریں اور ریٹ لسٹیں مناسب جگہ پر آ ویزاں کریں انہوں نے دکانداروں کو وارننگ دی اور کہا کہ آ ئندہ خلاف ورزی کرنے والوں کے ساتھ کوئی رو رعایت نہیں برتی جائے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چکسواری: (پوٹھوار ڈاٹ کام،نمائندہ خصوصی اللہ دتہ بسمل۔22, مارچ,2024ء) —گورنمنٹ پائلٹ ہائی سکول نمبرون میرپور میں آزادکشمیر کے سابق صدر کیپٹن جنرل سید علی احمد شاہ کی 34 ویں برسی انتہائی عقیدت و احترام اور قومی وملی جذبہ کے ساتھ منائی گئی مرحوم کی سیاسی و ملی خدمات کو زبردست الفاظ میں خراج عقیدت پیش کیا گیا۔ طلبا نے قومی وملی نغمے پیش کر کے سما ء باندھ دیا ادارہ کے چاک و جوبنددستہ نے سلامی پیش کی اور مارچ پاسٹ کا عملی مظاہرہ کیا۔ شرکاء سے خطاب کرتے ہوئے پرنسپل محمد ادریس چوہدری، اسحاق چوہان، لطیف غوث نے کہا کہ کیپٹن سید علی احمد شاہ کی زندگی ایک کھلی کتاب کی طرح تھی مرحوم صاف گو سچے اور کھرے انسان تھے تحریک آزادی کشمیر کو اجاگر کرنے میں کلیدی کردارادا کیا۔ ان کی دیانت، شرافت، ایمانداری، حق گوئی کا زمانہ معترف ہے مرحوم مذہبی رواداری اتحاد ویگانکت کے داعی تھے اللہ تعالیٰ نے انہیں خداداد صلاحیتوں سے نواز اتھا۔ کیپٹن جنرل سید علی احمد شاہ مقبوضہ کشمیر کے مسلمانوں کی آزادی عالم اسلام کے مسلمانوں پر ڈھائے جانے والے مظالم کے خلاف ملکی قومی اور بین الاقوامی سطح پر بھرپور آواز بلند کرتے رہے۔ سید علی احمد شاہ ایک مخلص سادگی پسند اور شرافت و دیانت کا پیکر تھے اللہ تعالیٰ مرحوم کو کروٹ کروٹ جنت نصیب فرمائے اور کشمیری قوم کو یہ عظیم صدمہ برداشت کرنے کی توفیق عطاء فرمائے۔تقریب کے اختتام پر اتحاد عالم اسلام، استحکام پاکستان، تحریک آزادی کشمیر اور خطہ کشمیر کی ترقی اور خوشحالی کیلئے خصوصی دعا قاری محمد کامران نے کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

چکسواری: (پوٹھوار ڈاٹ کام،نمائندہ خصوصی اللہ دتہ بسمل۔22, مارچ,2024ء) —چیئرمین ضلع کونسل راجہ نوید اختر گوگا نے کہا ہے کہ میرا پہلے دن سے یہی منشور ہے لوگوں کے مسائل ان کی دہلیز پر حل ہوں میں ایک روپے کی بدعنوانی بھی برداشت نہیں کروں گا۔میری یہ خواہش اور منشور رہا ہے کہ لوگوں کے مسائل ان دہلیز پر حل ہوں انہیں چھوٹے چھوٹے مسائل کے حل کے لیے دفاتر کے چکر نہ لگانے پڑیں۔ان خیالات کا اظہار انہوں نے ضلع بھر سے آنے والے سائلین سے بات چیت کر تے ہوئے کیا۔ ان کا مزید کہنا تھا کہ یہ عہدے,دفاتر اور اقتدار کی کرسیاں محض عارضی اور پاک پروردگار کی امانت ہوتے ہیں۔ہمیشہ زندہ رہنے والا انسان کا کردار اور اس کے اچھے اعمال ہیں۔معززین نے اس موقع پرچیئرمین ضلع کونسل راجہ نوید اختر گوگا کا تعاون کرنے اور مسائل کے حل کے لیے بھرپور یقین دہانی کرانے پر شکریہ ادا کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چکسواری: (پوٹھوار ڈاٹ کام،نمائندہ خصوصی اللہ دتہ بسمل۔22, مارچ,2024ء) — تحصیلدار عمران یوسف نے صبح سویرے سبزی فروٹ منڈی میں ہونے والی فروٹ اور سبزی کی بولی کی مانیٹرنگ کی جبکہ سبزی فروٹ کا ناپ تول کرتے ہوئے جملہ اشیاء کی قیمتوں کے ریٹ مرتب کیے اس موقع پر بولی میں حصہ لینے والے گاہکوں، بوپاریوں اور اڑہتیوں سمیت دیگر افراد بھی موجود تھے۔تحصیلدار چوہدری عمران یوسف کی موجودگی میں بولی کروانے پر اشیاء خوردونوش بالخصوص سبزی فروٹ کے مناسب ریٹ طے پائے گئے۔انتظامیہ کی طرف سے سبزی فروٹ،اڑھتیوں سے کہا گیا کہ وہ عام دوکانداروں کو سستے داموں پھل اور سبزیاں مہیا کریں تاکہ پرچون فروش بھی لوگوں کو زیادہ سے زیادہ ریلیف دے سکیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چکسواری: (پوٹھوار ڈاٹ کام،نمائندہ خصوصی اللہ دتہ بسمل۔22, مارچ,2024ء) —علامہ عبدالرشیدچوراہی خطیب اعظم ترنوٹ سیداں نے کہاہے کہ جوزندگی میں رسول ﷺ سے وفاکرتے ہیں۔اللہ تبارک وتعالی ان کی رحلت کے بعد ان کانام روشن کردیتاہے والدین کے لئے ضروری ہے کہ وہ اپنی اولادوں کے سینوں میں عشق مصطفے ﷺ کی شمع روشن کریں والدین اپنے بچوں کی کی کماحقہ تعلیم وتربیت کے لئے تعلیم پرخرچ کریں تعلیم سے انسان میں نکھارآتاہے۔انہوں نے ان خیالات کااظہار الحیات پبلک سکول اورالفلاح سکول وکالج کے زیر اہتمام منعقدہ15 ویں عظیم الشان سالانہ محفل میلاد مصطفے ﷺ کے اجتماع سے خطا ب کرتے ہوئے کیاہے حاجی راجہ فضل الرحمن اورراجہ طارق محمود نے محفل کااہتمام وانصرام حضرت مولانا پیر محمدعتیق الرحمن رحمتہ اللہ علیہ کے ایصال ثواب کے لئے کرنے کی سعادت حاصل کی پروفیسر محمدآفتاب پرنسپل دارالعلوم محمدیہ حیدر یہ ٹاہلی والی سرکار نے اپنے خطاب میں کہاکہ حضور ﷺ کی آمدسے دنیا سے ظلمتوں کے اندھیرے چھٹ گئے نورمصطفے ﷺ مل جائے توبصیرت وبصارت دونوں مل جاتے ہیں نبی کریم آئے توہمیں جینے کاڈھنگ آیا رب کی پہچان نصیب ہوئی نبی کریم ﷺ کائنات کی زندگی کے سبب بنے حضورنبی کریم ﷺ کی اتباع کریں آپ کوتعلیمات کواپناکراپنی زندگی کوکامیاب وکامران بنائیں نبی کریم ﷺ سے پیارکرکے دیکھیں اللہ اپنی رحمت میں لے لے گا راجہ طارق محمود ایم ڈی الحیات پبلک سکول چکسواری اورالفلاح سکول اینڈکالج حمیدآباد کے ایم ڈی راجہ طارق محمود نے اپنے خطاب میں کہاکہ مجاہدتحفظ عقیدہ ختم نبوت حضرت مولانا پیر محمدعتیق الرحمن رحمتہ اللہ علیہ نے دین اسلام کے احیاء کے لئے دن رات کام کیا فتنہ قادیانیت کے سدباب کے لئے ساری زندگی وقف رکھی آپ نے میدان سیاست میں بھی کارہائے نمایاں انجام دیے۔مولانا عابدحسین خطیب جامع مسجدنیوسٹی نے اپنے خطاب میں کہاکہ اللہ تعالی نے حضورنبی کریم ﷺ کے وسیلہ سے کائنات کووجود بخشا حضورنبی کریم ﷺ کی ذات مبارکہ امت مسلمہ اورکائنات کامرکز ومحورہے حضورنبی کریم ﷺ کی محبت کے بغیر کوئی عبادت اورعمل قبول نہیں کوئی بندہ اس وقت تک مومن نہیں ہوسکتا جونبی کریم ﷺ کے ہرفیصلہ کوآخری نہ تسلیم کرلے محفل میلاد ﷺ کاآغاز تلاوت کلام پاک سے کیاگیا قاری عبدالرحمن نے تلاوت کلام پاک کی سعادت حاصل کی حافظ خرم شہزاد حافظ محمدعمیر محمدواثق نے ہدیہ نعت پیش کرنے کاشرف حاصل کیا ادارے کے طلبہ محمدطلال مقصود محمدحبیب الرحمن نے نقابت کے فرائض انجام دیے انس بن طارق قاسم شاہ اورابوبکر نے سیرت النبی ﷺ کے مختلف موضوعات پرتقریریں کیں محفل میں الحیات پبلک سکول چکسواری والفلاح پبلک سکول اینڈکالج حمیدآباد کے سرپرست اعلے حاجی راجہ فضل الرحمن فیصل پبلک سکول چکسواری کے پرنسپل حاجی چودھری محمدقربان شفقات احمداے ای او پرائمری مدارس چکسواری غربی گلوبل سائنس سکول اینڈ کالج حمیدآباد کے پرنسپل چودھری آدم علی قاضی محمدجاوید(ر)بینک منیجرچکسوار ی پریس کلب کے صدر محمداقبال خواجہ چیئرمین سپریم کونسل اللہ دتہ بسمل راجہ خالدمحمود سابق سینئرنائب صدر چکسواری پریس کلب سیاسی سماجی کاروباری شخصیات اور طلبہ کے والدین نے بھرپورشرکت کی۔ محفل کے اختتام پر قبلہ حضرت مولاناپیر محمدعتیق الرحمن رحمتہ اللہ علیہ کے ایصال ثواب اوردرجات کی بلندی اسلام کی سربلند ی،عالم اسلام کے اتحاد پاکستان کی سلامتی وخوشحالی مقبوضہ کشمیر سمیت تمام مسلم مقبوضہ علاقوں کی آزادی مظلوم فلسطینیوں کی عافیت کے لئے خصوصی دعا کرائی گئی پروفیسرمولانا محمدآفتاب نے کرائی۔