Kallar Syedan: Ch Sadaqat Hussain of UC Manianda has announced to contest elections for PP-7 Constituency

کلرسیداں(نمائندہ پوٹھوار ڈاٹ کوم,اکرام الحق قریشی,09،نومبر,2023)— کلر سیداں کی یونین کونسل منیاندہ کے مسلم لیگی رہنما چوہدری صداقت حسین نے حلقہ پی پی 7 کلرسیداں کہوٹہ سے خود کو بطور امیدوار پیش کرتے ہوئے مسلم لیگ ن کے پارلیمانی بورڈ کو درخواست پیش کرنے کا اعلان کیا ہے ان کا شمار مسلم لیگ ن کے سرگرم رہنماوں میں ہوتا ہے یہ ہمیشہ نہ صرف مسلم لیگ سے وابستہ رہے بلکہ تمام لیگی امیداوار ان کی یوسی سے بھاری اکثریت سے کامیاب ہوتے رہے ان کا کہنا تھا کہ وہ خود اس بار امیدوار ہے مسلم لیگ کے پارلیمانی بورڈ کے فیصلے کی بھی مکمل پابندی کرنے کے عزم کا اظہار کیا ہے۔چوہدریصداقت حسین راجہ ظفر الحق اور راجہ محمد علی کے دیرینہ ساتھی ہیں۔

Kallar Syedan (Pothwar.com, Ikram ul Haq Qureshi, 09, November, 2023)- Chaudhry Sadaqat Hussain, the leader of the PML_N of Union Council of Manianda, presented himself as a candidate for the Muslim League from constituency PP-7 Kallar Syedan Kahuta. He has announced to submit the application to the parliamentary board. He himself is a candidate this time and has expressed his determination to completely abide by the decision of the Muslim League’s parliamentary board. Chaudhry Sadaqat Hussain is a long-term ally of Raja Zaffar Ul Haq and Raja Mohammad Ali.

کلرسیداں سے شادی شدہ خاتون لاپتہ،طلائی زیوارت اور ملبوسات بھی غائب،خاوند کی درخواست پر مقدمہ درج

A married woman from Kul Syedan is missing, and gold jewelry and clothes are also missing, a case has been registered on the husband’s request.

کلرسیداں(نمائندہ پوٹھوار ڈاٹ کوم,اکرام الحق قریشی,09،نومبر,2023)—کلرسیداں سے شادی شدہ خاتون لاپتہ،طلائی زیوارت اور ملبوسات بھی غائب،خاوند کی درخواست پر مقدمہ درج۔وحید احمد سکنہ مدنی محلہ نے مقدمہ درج کروایا کہ میری شادی مسماۃ یاسمین اختر کیساتھ 23/24برس قبل ہوئی تھی جس میں سے میری کوئی اولاد نہ ہے۔ گزشتہ روز میں کسی کام کیلئے راولپنڈی گیا ہوا تھا جب بیوی کے نمبر پر کال کی تو نمبر بند ملا۔میں رات کو گھر واپس آیا تو میری بیوی گھر پر موجود نہ تھی۔گھر کی پڑتال کرنے پر اس کے کپڑے اور زیورات گھر میں موجود نہ تھے۔ مجھے قوی شبہ ہے کہ میری بیوی کو کسی نامعلوم شخص نے /اشخاص نے حرام کاری کی غرض سے اغواء کر لیا ہے کلرسیداں پولیس نے مقدمہ درج کرکے تفتیش شروع کر دی۔

یاسر عاصم سکنہ نمبل سکرانہ کے قبضے سے دو بوتل شراب برآمد

Two bottles of liquor were recovered from the possession of Yasir Asim of Nambal Sakrana

کلرسیداں(نمائندہ پوٹھوار ڈاٹ کوم,اکرام الحق قریشی,09،نومبر,2023)—کلر سیداں پولیس نے دوران مظہر اقبال سکنہ سات مرلہ سکیم کلر سیداں سے 580گرام چرس اور سید ثمر حسین شاہ سکنہ کاہلی دھمنوہا سیاہلی عمرخان کے قبضہ سے 630گرام چرس برآمد کر لی جبکہ یاسر عاصم سکنہ نمبل سکرانہ کے قبضے سے دو بوتل شراب برآمد کر کے مقدمات درج کر لیئے۔

ڈرائیور اظہیر خان سکنہ تخت بھائی کے خلاف مقدمہ درج

A case has been registered against the driver Azhir Khan Sakna Takht bhai

کلرسیداں(نمائندہ پوٹھوار ڈاٹ کوم,اکرام الحق قریشی,09،نومبر,2023)—کلر سیداں پولیس نے سوزوکی پک اپ میں نصب دو عدد سی این جی سلنڈرز جبکہ تین عدد سی این جی سلنڈرز جو علیحدہ پڑے ہوئے اور جنہیں گاڑی میں بطور ایندھن استعمال کیا جا رہا تھا کو قبضہ میں لے کر گاڑی کے ڈرائیور اظہیر خان سکنہ تخت بھائی کے خلاف مقدمہ درج کر لیا۔

پنجاب پولیس کے ہیڈ کانسٹیبل راجہ عطا محمد شہید کی سولویں برسی کلرسیداں کے گاؤں ڈیرہ خالصہ میں منائی گئی

The 16th death anniversary of Punjab Police Head Constable Raja Atta Muhammad Shaheed was observed at Dera Khalsa village in Kallar Syedan.

کلرسیداں(نمائندہ پوٹھوار ڈاٹ کوم,اکرام الحق قریشی,09،نومبر,2023)—پنجاب پولیس کے ہیڈ کانسٹیبل راجہ عطا محمد شہید کی سولویں برسی کلرسیداں کے گاؤں ڈیرہ خالصہ میں منائی گئی اس موقع پر DSP کہوٹہ کلر سرکل چوہدری محمد اثر،ایس ایچ او کلرسیداں سید سبطین الحسنین، محمد زبیر، پنجاب پولیس کے نوجوانوں و اہلیان ڈیرہ خالصہ نے قبر پر حاضری دی اور پھول چڑھائے یاد رہے کہ راجہ عطا محمد آرمی ہاوس راولپنڈی کے باہر ڈیوٹی سر انجام دیتے ہوے خودکش دھماکے میں شہید ہو گئے تھے۔

مرکزی جامع مسجد ربانی کلرسیداں سٹی میں عالمی مجلس تحفظ ختم نبوت

The International Majlis Takhuz Khatm Nabuwat to be held in the Central Jamia Masjid Rabbani

کلرسیداں(نمائندہ پوٹھوار ڈاٹ کوم,اکرام الحق قریشی,09،نومبر,2023)—مرکزی جامع مسجد ربانی کلرسیداں سٹی میں عالمی مجلس تحفظ ختم نبوت کے مرکزی راہنماء مولانا اللہ وسایا 10نومبر نماز جمعہ کے اجتماع سے عقیدہ تحفظ ختم نبوت کے عنوان پر خطاب کریں گے جامع مسجد ربانی کے متولی ومہتمم خطیب پوٹھوار مولانا احسان اللہ چکیالوی کے مطابق مولانا اللہ وسایا کا خطاب ٹھیک ساڑھے بارہ بجے شروع ہوجائے گا۔

چوہدری محمد ایوب کی خوشدامن کی نمازہ جنازہ لوہدرہ میں ادا کی گئی

Mother in law of Ch M Ayub passed away in Lodhra

کلرسیداں(نمائندہ پوٹھوار ڈاٹ کوم,اکرام الحق قریشی,09،نومبر,2023)—پیپلزپارٹی ضلع راولپنڈی کے سابق صدر و سابق ناظم یوسی سموٹ چوہدری محمد ایوب کی خوشدامن کی نمازہ جنازہ لوہدرہ میں ادا کی گئی جس میں سابق ایم پی اے محمود شوکت بھٹی، شیخ ساجد الرحمن،پاکستان پیپلزپارٹی کے ضلعی صدر چوہدری ظہیر سلطان،چوہدری شفقت محمود،راجہ شہزاد یونس،سید مداح شاہ،محمد فیاض کیانی،عاطف اعجاز بٹ،نویدمغل اور دیگر نے شرکت کی۔