Chakswari,AJK: Dadyal, Waqar Altaf advocate murder case main culprit Umar Farooq arrested from Islamabad area

چکسواری: (پوٹھوار ڈاٹ کام،نمائندہ خصوصی اللہ دتہ بسمل,04,نومبر,2023) — سینئر سپرنٹنڈنٹ پولیس ضلع میرپور عرفان سلیم نے ڈڈیال میں پریس بریفنگ کے دوران بتایا کہ 10ستمبر2022ء کو وقار الطاف ایڈووکیٹ کو حقیقی بھائی کی ایما ء پردو مسلح نامعلوم ملزمان نے پولیس وردی میں دن دیہاڑے گھر کے اندر گھس کر قتل کردیا تھا۔ پولیس نے ایک ہفتہ کے اندر یہ گمنام قتل ٹریس کر کے وقوع میں شامل تین ملزمان بلال ایڈووکیٹ ساکن شیخوپورہ، حسن علی بٹ ساکن گجرات (شوٹر) اور حمید اللہ پٹھان ساکن کرک کو گرفتار کر لیا تھا۔ اس مقدمہ کا ایک اہم ملزم عمر فاروق روپوش ہو گیا تھا جسے مجرم اشتہاری قرار دے دیا گیا تھا۔ان تینوں گرفتار ملزمان کا کورٹ میں ٹرائل شروع ہے۔ عمر فاروق(مجرم اشتہاری) مذکور نے مقتول کے حقیقی بھائی اسرار سکندر جو کے برطانیہ کے شہر شفیلڈ میں مقیم ہے سے باہم منصوبہ بندی کر کے وقار الطاف ایڈووکیٹ کی بیوہ سحرش الطاف جو قتل کے واقعہ کی اکیلی چشم دید گواہ ہے کو حراساں کرنے، گھر چھوڑنے پر مجبور کرنے اور گرفتار ملزمان کو رہا کرانے کی غرض سے ہ 31 اکتوبر اوریکم نومبر2023ء کی درمیانی رات تین مسلح ملزمان کو مقتول کے گھر بن سائیں ڈڈیال بھیجا جنہوں نے کلاشنکوف سے بیوہ کے گھر پر فائرنگ کر کے حملہ کیا اور علاقہ میں دہشت پھیلائی اورموقع سے فرار ہو گئے۔ ان ملزمان نے فائرنگ کے واقعہ کی ویڈیو بناکر اسرار اور عمر فاروق کو بطور ثبوت بھیجیں۔ اس واقعہ کی اطلاع ملنے پرنامعلوم ملزمان کے خلاف انسدادی دہشت گردی ایکٹ کے تحت تھانہ ڈڈیال مقدمہ درج رجسٹرہوا۔ ملزمان کی گرفتاری کے لیے فوری طور پر دہانگلی چیک پوسٹ سمیت پورے ضلع میں ناکہ بندی کروائی گئی۔ اس دوران تینوں ملزمان ۱۔ انضمام نور ولد نور محمد قوم سدھن ساکن راولپنڈی ۲۔ تاثر محمود ولد محمد اعجاز ساکن راولپنڈی ۳۔ عدنان فاضل ولد محمد فاضل ساکن راولپنڈی کو کلاشنکوف اور گاڑی سمیت دہانگلی چیک پوسٹ سے گرفتار کر لیا گیا۔ ان گرفتار ملزمان کی نشاندہی پر وقار الطاف کے قتل کا ایک اہم ملزم عمر فاروق ولد محمد انور قوم جٹ ساکن فیروزپور ضلع نارووال(مجرم اشتہاری) کو بھی اسلام آباد کے علاقہ سے گرفتار کر لیا گیا ہے۔ اب تک کی تفتیش کے مطابق مقتول وقار الطاف پر قاتلانہ حملہ کروانے،اُسے قتل کرانے اور اس کی بیوہ کے گھر فائرنگ کرانے کے تینوں واقعات میں مقتول کا حقیقی بھائی اسرار سکندرجو برطانیہ مقیم ہے شامل ہے جس کی گرفتار ی اور حوالگی کے لیے انٹرپول کو تحریک کر رہے ہیں۔ ملزمان کی گرفتاری کے دوران عنصر علی DSPڈڈیال، آصف عظیم ایڈیشنل SHO اور عملہ تھانہ ڈڈیال و عملہ چیک پوسٹ دہانگلی نے عمدہ کارکردگی کا مظاہرہ کیا ہے۔پولیس لوگوں کی جان و مال کی محافظ ہے جو اپنے اس فرض کو نبھاتی رہے گی۔

Dadyal ( Allah Ditta Bismill, November 4, 2023) — Senior Superintendent of Police (SSP) for Mirpur district, Irfan Saleem, provided details during a press briefing in Dadyal. He revealed that on September 10, 2022, unidentified armed assailants intruded into the residence of Waqar Altaf Advocate’s real brother and killed him in the Dadyal area. The police had initially apprehended three suspects, including Bilal Advocate from Sheikhupura, Hassan Ali Butt from Gujrat (the shooter), and Hamidullah Pathan from Quetta, within a week of the incident.

چکسواری: (پوٹھوار ڈاٹ کام،نمائندہ خصوصی اللہ دتہ بسمل,04,نومبر,2023) — وزیر حکومت آزادکشمیر چودھری قاسم مجید صاحب کومحکمہ منگلاڈیم ہاؤسنگ اتھارٹی کاقلمدان الاٹ کرنے پر حلقہ نمبردو چکسوار ی اسلام گڑھ اورباالخصوص یونین کونسل فیض پورشریف کے عوا م نے وزیر اعظم آزادکشمیر چودھری انوار الحق کاشکریہ اداکیاہے چودھری قاسم مجیدزیر حکومت آزادکشمیر کومحکمہ منگلادیم ہاوسنگ اتھارٹی کاقلمدان ملنے پردلی مبار کبادپیش کی ہے دلی مسرت کااظہار کیاہے اوراس توقع کااظہار کیاہے کہ چودھری قاسم مجیدوزیر منگلاڈیم ہاؤسنگ اتھارٹی آزادکشمیر اپنی تمام ترصلاحیتیں وسیع انتظامی تجربہ بروئے کارلانے میں کامیاب ہوں گے حلقہ نمبردو چکسوار ی اسلام گڑھ کی تعمیر وترقی اورعوام کی فلاح وبہبود کے عوام کی خدمت کامشن جاری رکھیں گے ان خیالات کااظہار چودھری منیر احمدچیئرمین یونین کونسل فیض پورشریف نے اپنے ایک تہنیتی بیان میں کیاہے۔
————————————————————————-
چکسواری: (پوٹھوار ڈاٹ کام،نمائندہ خصوصی اللہ دتہ بسمل,04,نومبر,2023) — میرپوریونیورسٹی آف سائنس اینڈٹیکنالوجی کے ہونہار طالب علم چکسواری کے سپوت راجہ شہروز کااعزاز ایل ایل بی کاامتحان امتیازی نمبرات کے ساتھ پاس کرلیا اس اعزاز اورشاندار کامیابی پرسیاسی سماجی عوامی علمی اورصحافتی حلقوں نے موصوف کے والدمحترم راجہ ادریس خان چچاصحافی غضنفرعلی راجہ پورے خاندان تعلیمی ادارے کے سربراہ اواساتذ ہ کرام کومبار کبادپیش کی ہے خراج تحسین پیش کیاہے اوراس کامیابی پردلی مسرت کااظہار کیاہے۔
————————————————————————-

چکسواری: (پوٹھوار ڈاٹ کام،نمائندہ خصوصی اللہ دتہ بسمل,04,نومبر,2023) —آزاد جموں وکشمیر کے سیکرٹری زراعت،لائیو سٹاک آبپاشی و اسماء سردار جاوید ایوب نے منگلا فروٹ پلانٹ نرسری کا تفصیلی دورہ کیا۔فروٹ اینڈ وسبزی سپیشلسٹ ڈاکٹر طارق سعید اور اسسٹنٹ ریسرچ آفیسر محترمہ ماہین حفیظ کی محنت اور لگن سے منگلا نرسری میں اعلیٰ قسم کے پودا جات اگانے کی تعدادمیں اضافہ کو سراہتے ہوئے ہدایت کی کہ میرپور کی سرزمین نہایت کی زرخیز ہے اس حوالے سے زمینداروں میں فروٹ کے باغات اگانے،نرسری میں نئے پودا جات اگانے اور انھیں زمینداروں کو ارزاں نرخوں پر فراہمی کے لیے ہدایات دیں۔دورہ کے دوران ڈائریکٹر جنرل لائیو سٹاک ڈاکٹر شفت محمود، ایڈیشنل پرنسپل وٹرنری آفیسر/اسسٹنٹ ڈائریکٹر انیمل ہیلتھ ڈاکٹرخالدقیوم بٹ،ڈسٹرکٹ لائیو سٹاک اینڈ پولٹری ڈویلپمنٹ آفیسر میرپور ڈاکٹر مجاہد یونس،اسسٹنٹ ڈزیز انوسٹیگیشن آفیسر ڈاکٹر توقیر احمدقریشی، ڈپٹی ڈائریکٹر زراعت آصف جمیل،ڈپٹی ڈائریکٹرآبپاشی جاویدقمرقریشی کے علاوہ محکمہ لائیوسٹاک،آبپاشی اور زراعت کے فیلڈ آفیسران بھی موجود تھے۔آزاد کشمیر کے سیکرٹری زراعت،لائیو سٹاک آبپاشی و اسماء سردار جاوید ایوب نے کہاکہ کوئی ملک اور قوم زراعت کے بغیر ترقی نہیں کرسکتی ہے موجودہ دور میں ہر فرد کو اپنی زمینوں،مکانوں کے اندر خالی جگہوں اور ایسی غیر زرعی زمین جہاں فصلیں نہیں اگائی جاتی وہاں پر فروٹ کے پودا جات اگائے جائیں تاکہ لوگوں کی اپنی ضرورت پوری ہوسکے۔انھوں نے کہاکہ کچن گارڈننگ پروگرام سے لوگوں کو ضروری نوعیت کی تازہ سبزیاں گھروں سے ہی مل جاتی ہیں۔اگر اس شعبہ میں مزید محنت کی جائے اور لوگوں میں بھی آگاہی ہوسکے تو سبزی اور فروٹ کی ضروریات مقامی سطع پر پوری کی جاسکتی ہیں اس حوالے سے محکمہ زراعت کے افسران اور فیلڈ سٹاف کو گھر گھر جاکر لوگوں میں زراعت کی طرف توجہ اور مقامی فروٹ کے پودے اگانے کے شعور کو بیدار کرنا ہوگا۔سیکرٹری زراعت،لائیو سٹاک آبپاشی و اسماء سردار جاوید ایوب نے منگلا نرسری میں بین الاقوامی نوعیت کی سبزیات کی کامیاب کاشت پر محکمہ زراعت کے افسران کی کارکردگی کو سراہا اور ہدایت کی کہ 22کنال خالی رقبہ کو زیر کاشت لایا جائے جہاں پیاز کی پنیری گندم سمیت دیگر سبزیات کاشت کی جائیں انھوں نے فروٹ کے معیاری پودا جات کی ارزاں نرخوں پر زمینداروں کو فروخت کرنے پر بھی زور دیا اور کہا کہ پودا جات کو فروخت کرتے وقت زمینداروں میں اس کی حفاظت کی طرف بھی توجہ دلائی جائے تاکہ ان کی محنت رائیگاں نہ جائے۔