Chakswari, AJK: Chaudhary Saqib, the renowned arm wrestler (Bini), pride of Dhangri Bahadur

چکسواری: (پوٹھوار ڈاٹ کام،نمائندہ خصوصی اللہ دتہ بسمل,11,ستمبر,2023) — ڈھانگری بہادر یونین کونسل فیض پورشریف سے تعلق رکھنے والے بازو گیری (بینی) کے نامورپہلوان چودھری ثاقب ریاست نے بازو گیری کا ایک اور مقابلہ جیت کراپنی کامیابیوں اورکامرانیوں کاتسلسل جاری رکھاگوئی کوٹلی آزادکشمیر میں بازو گیری کے مقابلے میں اپنے مدمقابل پہلوان عمران بٹ آف گوئی کوشکست دے کرمقابلہ جیت لیا چودھری منیر اخترآف ڈھانگری بہادر حال مقیم نیویارک امریکہ اور چودھری ساجدرزاق آف ڈھانگری بہادر حال مقیم بریڈفورڈبرطانیہ نے پہلوان چودھری ثاقب ریاست کواس شاندار کامیابی پرخصوصی مبار کبادپیش کی ہے اوراس کامیابی پردلی مسرت کااظہارکیاہے۔ مبارک بادپیش کرنے والوں میں پہلوان چودھری ثاقب کے استاد پہلوان چودھری رب نواز بھگور پہلوان راجہ لطیف پہلوان کامران کامی پہلوان احتشام پہلوان حمزہ پہلوان علی شان پہلوان پرویز پہلوان شکیل حسین شاہ پہلوان لیاقت یوکے حاجی چودھری محمدسلیم ڈھانگری بہادر چودھری قربا ن یوکے بابو چودھری کرامت کوٹھوی چودھری شہزاد کوٹھوی چودھری ساجدپنوں یوکے چودھری عنصر اسلم یوکے افضال یوکے یاسر یوکے فیصل یوکے چودھری طاہر یوکے بھی شامل ہیں پہلوان ثاقب نے اپنی اس کامیابی پراللہ تعالی کاشکراد ا کیاہے اورکہاہے کہ یہ اللہ تعالی کاخصوصی کرم ہے اورعزیز واقارب دوست واحباب کی دعاؤں کانتیجہ ہے کہ بازو گیری کے ایک اورمقابلہ میں کامیابی ملی ہے اس کامیابی پرمبار ک بادپیش کرنے والوں کے خلوص پران کاد لی شکریہ اداکرتاہوں پہلوان ثاقب نے کافی مقابلوں میں حصہ لے چکاہوں اورزیادہ ترمقابلوں میں کامیابی نصیب ہوئی ہے انہوں نے کہاکہ میں اپنے استاد پہلوان چودھر ی رب نواز اوراپنی پوری ٹیم کاشکریہ اداکرتاہوں جن کی بہترین کوچنگ اورٹیم ورک کی بدولت کامیابیاں نصیب ہوئی ہیں۔

Chakswari: (Pothwar.com, Allah Ditta Bismill, 11, September 2023) — Prominent arm wrestling (Beni) wrestler Chaudhry Saqib from Dhangri Bahadur Union Council Faizpur Sharif won another arm wrestling competition. As he continued the series of victories, He won the wrestling competition in Kotli by defeating his rival wrestler Imran Butt of Goi. Among the congratulators were Pahlwan Chaudhary Saqib, Ustad Pahlwan Chaudhry, Rab Nawaz Bhagwar, Pahlwan Raja Latif, Pahlwan Kamran Kami, Pahlwan Ehtsham, Pahlwan Hamza, Pahlwan Ali Shan, Pahlwan Parvez, Pahlwan Shakeel Hussain Shah, Pahlwan Liaqat, UK, Haji Chaudhry, Muhammad Salim Dhangri Bahadur Chaudhry, Qurbana UK, Babu Chaudhry, Karamat Kothvi. Chaudhry Shahzad Kothvi Chaudhry Sajid Pannu UK Chaudhry Saqib, Afzal UK Yasir UK Faisal UK Chaudhry Tahir UK are also included. There has been success in another arm wrestling competition. Wrestler Saqib has participated in many competitions and has been successful in most of them competitions.

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چکسواری: (پوٹھوار ڈاٹ کام،نمائندہ خصوصی اللہ دتہ بسمل,11,ستمبر,2023) — پاکستان پیپلز پارٹی آزاد کشمیر میونسپل کمیٹی چکسواری کے رہنما واجد حسین آف لدڑ پینڈا نے ڈی ایس پی ٹریفک پولیس سردارشہزاد سرور کو میرپور ریجن میں تعینات ہونے پر مبارک باد پیش کرتے ہوئے کہا ہے کہ ڈی ایس پی ٹریفک پولیس سردار شہزاد سرورکی میرپور میں تعیناتی خوش آئند ہے۔موصوف محکمہ پولیس کے ہونہار،قابل،بے شمار خدادادصلاحیتوں کے مالک ہیں۔وہ اپنی صلاحیتوں کو بروئے کار لا کر ٹریفک پولیس میں بطور ڈی ایس پی اپنے فرائض منصبی احسن طریقہ سے نبھائیں گے۔ہم چوہدری محمد سجادڈی آئی جی میرپور ریجن پولیس آزاد کشمیر کا بھی تہہ دل سے شکریہ ادا کرتے ہیں۔ جنہوں نے نیک ایماندار اور دلجمعی کے ساتھ اپنی ڈیوٹی نبھانے والے قابل آفیسر کو بطور ڈی ایس پی ٹریفک پولیس میرپور ریجن آزاد کشمیر تعینات کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چکسواری: (پوٹھوار ڈاٹ کام،نمائندہ خصوصی اللہ دتہ بسمل,11,ستمبر,2023) — سردار شہزاد سرور ڈی ایس پی ٹریفک پولیس میرپورریجن نے میڈیا نمائندگان سے گفتگو کرتے ہوئے کہا ہے کہ انسپکٹر جنرل پولیس آزاد کشمیرڈاکٹر امیر احمد شیخ کی ہدایت کے مطابق بدوں ڈرائیونگ لائسنس اور بدوں ہیلمٹ کے خلاف میرپور ریجن میں ٹریفک پولیس نے بھرپور کاروائی جاری رکھی ہوئی ہے۔عوام ٹریفک پولیس کے قوانین کا احترام یقینا بنائیں۔موٹر سائیکل سوار افراد بغیر ہیلمٹ کے سفر کرنے سے اجتناب کریں۔ ہیلمٹ استعمال کرنے سے موٹر سائیکل سوار کسی بھی حادثہ کی صورت میں شدید جانی و جسمانی نقصان سے محفوظ رہ سکتے ہیں۔ والدین کو چاہیے کہ وہ اپنے کم عمر بچوں کو موٹر سائیکل ہر گز چلانے کی اجازت نہ دیں۔ اور جو افراد ڈرائیونگ لائسنس ہولڈر ہیں و ہ دوران سفر ہیلمٹ کا استعمال کریں۔ لوکل و پبلک ٹرانسپورٹ کے ڈرائیور حضرات اپنی گاڑیوں کے کاغذات اور ڈرائیونگ لائسنس دوران سفر اپنے ہمراہ رکھیں۔اور اوور لوڈنگ سے اجتناب کریں۔ ایسے ڈرائیور حضرات جن کے پاس کمپیوٹرائزڈ ڈرائیونگ لائسنس نہیں وہ جلد از جلد کمپیوٹرائزڈ ڈرائیونگ لائسنس حصول کے لیے درخواست دیں۔ٹریفک پولیس کے ملازمین بلاوجہ کسی کو تنگ نہ کریں۔ لیکن ایسے تمام افراد جو اوور سپیڈ اور ون ویلنگ کے شوقین ہیں اپنی زندگی کے ساتھ ساتھ دوسرے کئی گھرانوں کے چراغ بھی گل کر دیتے ہیں۔ ایسے تمام افراد کے خلاف فوری قانونی کارروائی کی جائے گی۔ ٹریفک پولیس کے بلند حوصلہ افیسران اور نوجوانوں کی محنت اور کام کا جذبہ قابل تعریف ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چکسواری: (پوٹھوار ڈاٹ کام،نمائندہ خصوصی اللہ دتہ بسمل,11,ستمبر,2023) — انجمن تاجراں چکسواری کے صدر محمد شفیق خواجہ اورسیکرٹری جنرل راجہ ساجد محمود نے اپنے مشترکہ بیان میں کہا ہے کہ ایکشن کمیٹی چکسواری کے نوجوانوں نے بجلی بلوں میں ظالمانہ ٹیکسز اور ٹیرف کے نفاذ کے خلاف جو تحریک چلائی الحمد للہ اس کا پہلا مرحلہ خوش اسلوبی سے طے ہو گیا ہے۔چکسواری میں انجمن تاجراں کے تینوں دھڑوں اور سول سوسائٹی کے تعاون سے مکمل شٹر ڈاؤن رہا۔اس کے علاوہ ایکشن کمیٹی اور تاجر برادری نے چکسواری سے ہزاروں افراد پر مشتمل جلوس کو میرپور پہنچا کر تاریخ رقم کی ہے۔ ہم تاجر برادری اور سول سوسائٹی کا شکریہ ادا کرتے ہیں۔ایکشن کمیٹی چکسواری کے تمام ممبران خصوصاً شبیر نگیال،خواجہ شعیب ایڈووکیٹ،واحد مغل،چودھری عبدالشکور،طاہر شہزاد، ریاض قریشی،راجہ اصغر علی،یوتھ کونسلر راجہ شمریز خالد،اعجاز احمد بھٹی،خواجہ بابر،قاضی عبدالقدیر،پہلوان شیر باز،صبر شیرازاور دیگر نوجوانوں نے خوب محنت کی اور اس تحریک کو کامیابی تک پہنچایا۔ ایکشن کمیٹی کے تمام نوجوانوں کو خراج تحسین پیش کرتے ہیں۔انجمن تاجراں چکسواری میرپور بار کے صدر کامران طارق ایڈووکیٹ کے ساتھ کھڑی ہے۔فیصلہ کا اختیار میرپور بار کے صدر کو دے دیا ہے۔انھوں نے تاجر برادری اور سول سوسائٹی کا ایک بار پھر شکریہ ادا کیا جن کی بدولت ایک کامیاب احتجاج منعقد کیا گیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چکسواری: (پوٹھوار ڈاٹ کام،نمائندہ خصوصی اللہ دتہ بسمل,11,ستمبر,2023) —میلاد کمیٹی کے صدر اور وائس چئیرمین حاجی تاسب حسین چودھری کے بھائی حاجی ریاست حسین مرحوم کے ایصال ثواب کیلئے ایک دعائیہ تقریب ان کے گھر نئی آبادی کلیال منعقد ہوئی۔جس میں علماء کرام نے خصوصی طور پر شرکت کی۔ دعا سے قبل علماء کرام نے ایصال ثواب اور حاجی ریاست حسین مرحوم کیلئے کلمات خیر کہے۔ اس تقریب میں معززین علاقہ کی بڑی تعداد نے شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چکسواری: (پوٹھوار ڈاٹ کام،نمائندہ خصوصی اللہ دتہ بسمل,11,ستمبر,2023) —چیئرمین میونسپل کمیٹی چکسواری چودھری نعیم حسین روپیال کی خصوصی ہدایت پر مجسٹریٹ عربی کاریز نے چکسواری بازار اور حمید آباد چوک کا دورہ کیا۔ سموسہ شاپ،بیکریز،ہوٹلز اور دیگر دوکانوں کا دورہ کیا۔ ہوٹلوں،بیکریوں اور سموسہ شاپس کو صفائی کا معیار بہتر بنانے کی ہدایت کی۔بعض کو وارننگ دی اور بعض کو معمولی جرمانے بھی کئے۔چئیرمین چودھری نعیم حسین روپیال نے کہا ہے کہ کھانے پینے کی اشیاء کے معیار کو بہتر بنایا جائے۔ صفائی کے معاملات پر کسی بھی تاجر کو معاف نہیں کیا جائے گا۔ہوٹل مالکان اور بیکری مالکان اپنے معیار کو بہتر بنائیں۔صفائی کے معیار کو برقرار رکھیں۔حفظان صحت کے اصولوں کے مطابق کام کریں۔اس موقع پر مجسٹریٹ عربی کاریز کے ساتھ میونسپل کمیٹی کے کونسلر حمزہ رزاق اور دیگر عملہ بھی موجود تھا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چکسواری: (پوٹھوار ڈاٹ کام،نمائندہ خصوصی اللہ دتہ بسمل,11,ستمبر,2023) — وزیر حکومت چودھری قاسم مجید نے کہا ہے کہ پر امن احتجاج شہریوں کو بنیادی حق ہے۔حکومت اپنے وسائل میں رہتے ہوئے ریاستی عوام کو ہر ممکن ریلیف دیں گے۔ وزیر اعظم آزاد کشمیر نے جولائی کے بلوں میں اضافی ٹیکسوں کو واپس لے لیا تھا۔ آٹے پر بھی سبسڈی برقرار ہے۔ رٹھوعہ ہریام پل پر 2016کے بعد کوئی کام نہیں ہوا۔ اس وقت تمام اپولزیشن اور حکومتی جماعتیں خاموش رہیں۔آج رٹھوعہ ہریام پل کو ہوا بنا کر پیش کرنے والی جماعتیں بتائیں کہ 2016کے بعد چک ہریام پل پر کیا کام ہوا ہے؟سابق وزیر اعظم آزاد کشمیر نے کمیٹی بنائی تھی۔اس کمیٹی میں مجھے شامل نہیں کیا گیا تھا اس کمیٹی نے اکتوبر سے مارچ تک کیا کیا؟ایک بھی اجلاس منعقد نہ ہو سکا۔پل بنانے کیلئے عملی کام قمر زمان کائرہ اور احسن اقبال نے کیا ہے۔پل ضرور بنائیں گے۔اپنے حلقہ میں مصروف دن گزارا۔انھوں نے ممبر لیاقت کی بھاوج کی وفات پر ان کے گھر جا کر اظہار تعزیت کیا۔ خواجہ اسحاق کی وفات پر ان کے گھر جا کر اظہار تعزیت کیا۔بوعہ ملکاں میں فاتحہ خوانی کی اور رات سات بجے چودھری مظہر الہٰی کے والد محترم کے جنازہ میں شرکت کی۔ انھوں نے اپنے حلقہ کے مختلف وفود اور کونسلر ز حضرات سے بھی ملاقاتیں کیں اور گلیوں ا ور سڑکوں،واٹر سپلائی کے ایشوز پر بات بھی ہوئی۔انھوں نے وعدہ کیا کہ اگلے تین ماہ میں محکمہ تعلیم کے مسائل کو یکسو کریں گے۔ تقریباً تمام سکولوں میں تدریسی عملہ کو پورا کر دیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔