Chakswari, AJK: Kotli Dhanwan businessman Malik Yameen and his son were killed in Jhelum

چکسواری: (پوٹھوار ڈاٹ کام،نمائندہ خصوصی اللہ دتہ بسمل,26,اگست,2023) — کوٹلی دھنواں کا تاجر ملک یامین اور ان کا بیٹا جہلم میں قتل کر دئیے گئے۔ ملک یامین اور ان کا بیٹا کافی عرصہ سے جہلم شہر میں کاروبار کر رہے تھے۔ ان کا تعلق آزاد کشمیر کے ضلع کوٹلی حلقہ راج محل دھنواں سے تھا۔ان کو فیصل نامی شخص نے قتل کیا۔ پولیس نے قاتل کو دینہ کے مقام سے گرفتار کر لیا۔ نماز جناہ جہلم میں ادا کی گئی۔ سابق امیدوار اسمبلی پاکستان تحریک انصاف آزادکشمیر کے رہنما ملک یوسف نے جنازہ میں خصوصی طورپر شرکت کی۔تفصیلات کے مطابق ملک یامین نامی تاجراور ان کا بیٹا جو کافی عرصہ سے جہلم میں کاروبار کر رہا تھا گزشتہ صبح اپنی دکان پر قتل کر دئیے گئے۔ ذرائع کے مطابق ملزم فیصل ایک اجرتی قاتل اور بلیک میلر بھی ہے اس سے پہلے بھی اس پر قتل کے مقدمات ہیں۔فیصل مقتول ملک یامین کو کسی بات پر بلیک میل کر رہا تھااور رقم کا مطالبہ کر رہا تھا جسے ملک یامین نے پورا نہ کیا تو اس نے علی الاعلان قتل کی دھمکی دے چکا تھا۔ گزشتہ روزصبح کے وقت فیصل نے فائرنگ کر کے باپ بیٹے کو قتل کر دیا اور موقع سے فرار ہو گیا لیکن پولیس نے ملزم کو دینہ شہر سے گرفتار کر لیا ہے۔قتل کی خبر سنتے ہی راج محل سے الیکشن میں حصہ لینے والے پی ٹی آئی رہنما سابق امیدوار اسمبلی ملک یوسف جہلم روانہ ہو گئے انھوں نے نماز جنازہ میں شرکت کی۔

Chakswari: (Pothwar.com, Special Representative Allah Ditta Bismill, 26, August, 2023) — Kotli Dhanwan businessman Malik Yameen and his son were killed in Jhelum. Malik Yameen and his son have been doing business in Jhelum city for a long time. He belonged to Azad Kashmir district Kotli constituency Raj Mahal Dhanwan. He was killed by a person named Faisal. The police arrested the killer from Dina. Prayers were offered at Janah Jhelum. Malik Yusuf, the former candidate for Assembly of Pakistan Tehreek-e-Insaf Azad Kashmir, attended the funeral specially. According to the details, a businessman named Malik Yameen and his son, who had been doing business in Jhelum for a long time, were killed in their shop last morning. According to the sources, the accused Faisal is a contract killer and blackmailer as well. There have been murder cases against him before. Faisal was blackmailing the victim Malik Yameen about something and demanding money which Malik Yameen did not fulfill, So he publicly threatened to kill, Yesterday morning, Faisal killed the father and son by shooting and fled the scene, but the police arrested the accused from Dina.

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چکسواری: (پوٹھوار ڈاٹ کام،نمائندہ خصوصی اللہ دتہ بسمل,26,اگست,2023) —وزیر حکومت آزادکشمیر چودھری قاسم مجید نے کہا ہے کہ بجلی کے بلوں کا ایشو ہر فرد کا ہے۔اس میں امیر غریب،ریاستی و غیر ریاستی سب شہری آتے ہیں۔وزیر اعظم آزاد کشمیر نے ٹیکس معطل کئے ہیں اور کمیٹی بنا دی ہے جو بھی فیصلہ آئے گا وہ عوام کے حق میں ہی آئے گا۔میرپور کے حق پر ڈاکہ نہیں ڈالنے دیں گے لیکن پی ایس سی کا اوپن میرٹ ہوتا ہے۔ٹوٹل خالی آسامیاں 85ہیں جبکہ ہمارے میرپور ضلع کی 39یا 40بچے اور بچیاں تھے اس لئے باقی خالی آسامیوں کو پر کرنے کیلئے مہاجرین اور کوٹلی سے نوجوانوں کو تعینات کیا گیا ہے۔ضلع میرپور اور اپنے حلقہ کے نوجوان بچوں اور بچیوں سے درخواست کروں گا کہ جو بھی اعلیٰ تعلیم یافتہ بچے ہیں وہ امتحان دیں تا کہ میرٹ پر آ سکیں۔پبلک سروس کمیشن کا امتحان پاس کرنا پڑے گا تب ہی سرکاری نوکری مل سکے گی۔میرپور کے نوجوانوں کے ساتھ ایک زیادتی ہو رہی ہے کہ پچھلے کچھ عرصہ سے صرف میرپور ضلع کے نوجوانوں کی ترقی رکی ہوئی ہے۔ٹوٹل تعداد شاید 44کی ہے ان شاء اللہ جلد ہی ان کی ترقیابی ہو گی۔محکمہ تعلیم اور دیگر محکموں سے آن ڈیوٹی سسٹم کو ختم کر رہے ہیں۔سرکاری سیکٹر میں ممکن نہیں کہ ہم سب کو نوکریاں دے سکیں۔ہمیں پرائیویٹ سیکٹر میں سرمایہ کاری کروانی ہو گی تا کہ نوجوانون کو نوکریاں دے سکیں۔ بجلی کے بلوں میں جو ناجائز ٹیکسز لگے ہیں یہ سٹیٹ کا ایشو ہے۔اس پر وزیر اعظم آزاد کشمیر نے فی الفور ٹیکسز معطل کئے ہیں اور سختی سے ہدایات جاری کی ہیں کہ یہ ٹیکسز نا قابل برداشت ہیں۔ اس وقت وکلاء کی جو تحریک چل رہی ہے اس سے اتفاق نہیں کرتے۔وکلاء برادری بار کے صدر کامران طارق میرے بھائی ہیں میں ان کی جد وجہد کو سلام پیش کرتا ہوں لیکن میں گزارش کروں گا کہ روڈ بلاک کرنا بل جلانا یا دیگر احتجاجی ہتھکنڈے آخری حل ہیں۔اس سے پہلے ٹیبل پر بیٹھیں اور مذاکرات کریں گے۔اس وقت جو بجلی کے بل جلائے جا رہے ہیں وہ بھی قومی خزانے کا نقصان ہے۔اس سے بہتر یہ ہے کہ کوئی کمیٹی بنائیں جو حکومت سے مذاکرات کرے تا کہ اس مسئلہ کا بہتر حل نکالا جا سکے انہون نے ان خیالات کااظہارچودھری ندیم حسین روپیال شہیدمارکی حمیدآبادچکسواری میں حاجی چووھری گودڑ حسین روپیال کی پوتی اورچودھری محمدحسین روپیال کی صاحبزادی کے ولیمہ کی تقریب میں شرکت کے موقع پرچکسواری پریس کلب کے صحافیوں سے خصوصی بات چیت کرتے ہوئے کیاہے ۔ انھوں نے مزید کہا کہ حکومت چاہتی ہے کہ ہم بے روزگاری کا خاتمہ کریں۔اس کے لئے اگر کوئی انویسٹر آنا چاہتے ہیں تو وہ درخواست دیں۔ ہائیڈرل پاور جنریشن سیکٹر میں گنجائش موجود ہے۔ ٹورازم سیکٹر میں بھی سرمایہ کاری ہو سکتی ہے۔ اگر کوئی شخص ٹورازم سیکٹرمیں سرمایہ کاری کرنا چاہتا ہے تو وہ درخواست دے اور رقبہ لیز پر لے لیکن ہمارے یہاں اکثر ایسا ہوتا ہے کہ قیمتی رقبہ کو ہتھیانے کیلئے لیز پر لیا جاتا ہے۔ ایسے افراد کو نہیں دیں گے۔ نوجوان یا انویسٹر آئیں اور دونون سیکٹرز میں سرمایہ اکری کریں ہمیں خوشی ہے کہ ریاستی نوجوانوں کو روزگار ملے گا۔انھوں نے مزید کہا کہ ہمارے بیان کو توڑ مروڑ کر بیان کیا جاتا ہے اس لئے میں تمام ملازمین سے گزارش کروں گا کہ کوئی میرا ووٹر ہے یا نہیں ہے وہ اپنی جائے تعیناتی پر حاضر ہو۔ ہم سختی سے ایسا نہیں ہونے دیں گے کہ کوئی شخص چکسواری کے کسی ادارے میں تعینات ہوناور ڈیوٹی کسی اور سٹیشن پر کرتاہو۔ ایسے ملازمین اپنے اپنے سٹیشنوں پر واپس چلے جائیں۔اس موقع پر صدر چکسواری پریس کلب اللہ دتہ بسمل،محمد اقبال خواجہ سرپرست اعلیٰ،سیکرٹری جنرل عنصر محمود غزالی،سابق سینئر نائب صدرعابد حسین چودھری،سابق نائب صدر معظم علی چودھری،ڈپٹی سیکرٹری ثاقب ظفر،سیکرٹری اطلاعات عدیل رفیق،نائب صدر محمد تاج جالب اور دیگربھی موجود تھے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چکسواری: (پوٹھوار ڈاٹ کام،نمائندہ خصوصی اللہ دتہ بسمل,26,اگست,2023) — میرپور دینہ روڈ کشمیریوں کے لئے خطرناک بن گئی۔ گزشتہ روز ایک اور کشمیری فیملی کو نکودر کے قریب لوٹ لیا گیا۔برطانیہ پلٹ فیملی گزشتہ روز واپس آ رہے کہ ڈاکوؤں نے انھیں روک کر گن پوائنٹ پر 3300پاؤنڈ،۱۳ تولہ سونا اور دیگر سامان لوٹ لیا۔ اس سے قبل اسی جگہ ایک اور خاندان کو بھی روکنے کی کوشش کی گئی لیکن ڈرائیور کی حاضر دماغی سے مسافر لٹنے سے بچ گئے۔تفصیلات کے مطابق دینہ میرپور روڈ کشمیریوں کے لئے خطرناک ہو گئی۔ برطانیہ سے وطن واپس آنے والی ایک فیملی کو دینہ نکودر کے مقام پر روک کر لوٹ لیا گیا۔برطانوی فیملی کا تعلق حلقہ کھڑی سے تھا۔ ان سے 3300برطانوی پاؤنڈ اور 13تولہ سونا کے علاوہ گھڑیا ں ا ور دیگر سامان بھی لوٹ لیا گیا۔ اس سے قبل بھی چکسواری کے ایک خاندان کو روکنے کی کوشش کی گئی لیکن ڈرائیورکی بر وقت کارروائی سے بچت ہو گئی۔ ڈرائیور نے حاضر دماغی سے کام لیتے ہوئے ایک سائیڈ سے گاڑی کو نکال لیا۔ گاڑی کو معمولی نقصان بھی پہنچا لیکن لٹنے سے محفوظ رہے۔ضلع میرپور کے عوام نے چیف سیکرٹری پنجاب،آئی جی پنجاب سے مطالبہ کرتے ہوئے کہا ہے کہ کشمیریوں کے لئے دینہ میرپور روٹ کو محفوظ بنایا جائے۔ پٹرولنگ بڑھائی جائے اور لٹیروں اور ڈاکوؤں کا قلع قمع کیا جائے۔ اگر یہی حال رہا تو برطانوی بچے پاکستان واپس آنے کو ترجیح نہیں دیں گے۔ پہلے ہی ہمارے ملک میں لاء اینڈ آرڈر کی صورتحال خطرناک ہے۔جس کی وجہ سے اس سال بہت ہی کم برطانوی شہری پاکستان آئے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چکسواری: (پوٹھوار ڈاٹ کام،نمائندہ خصوصی اللہ دتہ بسمل,26,اگست,2023) — ممتاز سیاسی سماجی راہنماچودھری گل حسین روپیال مرحوم کے فرزند اورسابق چیئرمین حاجی چودھری فضل حسین روپیال کے بھتیجے اورچودھری نعیم حسین روپیال چیئرمین میونسپل کمیٹی چکسواری کے کزن چودھری بلال حسین روپیال رشتہ ازدواج میں منسلک ہوگئے چودھری بلال حسین روپیال کی شادی چودھری محمدحسین روپیال کی صاحبزادی اورحاجی چودھری گودڑ حسین روپیال کی پوتی کے ساتھ انجام پائی ولیمہ کی تقریب ندیم حسین شہیدمارکی حمیدآباد میں منعقدہوئی جس میں وزیر حکومت آزادکشمیر چودھری قاسم مجید صدارتی مشیر بیرسٹرچودھری کرامت حسین ڈاکٹر چودھری مشتاق احمد(ر) ڈی ایچ او میرپورچودھری طلعت سرکارپی آراو ہمراہ زیر حکومت آزادکشمیر حاجی اخلاق احمددانش قائداساتذہ چودھری مہربان علی چکسوری پریس کلب کے صدر اللہ دتہ بسمل سرپرست اعلے محمداقبال خواجہ سیکرٹری جنرل عنصر محمود غزالی محمداسحاق خواجہ سینئرنائب صدرسابق سینئرنائب صدر عابدحسین چودھری نائب صدرالطاف احمد نائب صدر محمدتاج جالب سابق نائب صدر معظم علی چودھری ثاقب ظفر چودھری ڈپٹی سیکرٹری جنرل عدیل رفیق بھٹی سیکرٹری نشرواشاعت میونسپل کمیٹی چکسواری کے کونسلرز محمدساجدنظامی میاں ثاقب عارف چودھری سفیان ایوب زبیر احمدایڈووکیٹ رضوان لون حمرہ رزاق اسرار خالق چیئرمین یونین کونسل پنڈخورد کے علاوہ سیاسی سماجی کاروباری شخصیات معززین علاقہ سمیت زندگی کے تمام شعبوں سے تعلق رکھنے والے افراد نے بڑی تعداد میں شرکت کی