Chakswari, AJK: The Transport Association has completely rejected the increase in the prices of petroleum products and has announced a nationwide strike

چکسواری: (پوٹھوار ڈاٹ کام،نمائندہ خصوصی اللہ دتہ بسمل,02,اگست,2023) —مسلم لیگ ن کی حکومت نے جاتے جاتے عوام پر پٹرول بم گرا دیا۔پٹرول و ڈیزل کی قیمتوں میں تقریباً بیس روپے فی لیٹر اضافہ کر دیا۔ماہ اگست شروع ہوتے ہی تیل و گیس کی قیمتوں میں اضافہ کر دیا گیا۔ عوام نے حالیہ اضافہ کو مسترد کر دیا۔پٹورل و ڈیزل کی قیمتوں میں کمی کرنے کا مطالبہ کر دیا۔ تفصیلات کے مطابق مسلم لیگ ن کی حکومت نے ڈیڑھ سال میں عوام کو ہر طرح کے ٹیکسز میں پھنسائے رکھا۔ مہنگائی کا خاتمہ کرنے اور ملک کو بحرانو ں سے نکالنے کا عزم لئے حکومت سنبھالنے والے حکمرانوں نے عوام کی مشکلات مزید اضافہ کر دیا۔مسلم لیگ ن نے اپنی تجربہ کاری سے پاکستانی عوام کو مہنگائی اور بے روزگاری کی دلدل میں دھکیل دیا۔عوام علاقہ نے موجودہ اضافے کو یکسر مسترد کرتے ہوئے کہا ہے کہ موجودہ حکومت نے جس انداز میں حکومت سنبھالی تھی اور عوام کو امید دلائی تھی کہ وہ ملک کو تباہی سے بچائیں گے اور عوام کو سہولیات دیں گے۔اس کے بر عکس مسلم لیگ ن اور پی ڈی ایم جماعتوں نے عوام پر ہر طرف سے بم ہی گرائے۔ عوام کو زندہ درگور کرنے میں کوئی کسر نہ چھوڑی۔ہر دفعہ وعدے کر کے اقتدار میں آنے والی مسلم لیگ ن نے اپنے تابوت میں کیل ٹھونک دی۔پٹرولیم مصنوعات میں حالیہ اضافہ سے مہنگائی کی نئی لہر آئے گی۔ ملک میں بڑھتی ہوئی بے روزگار اور بد امنی نے عوام کو زندہ درگور کر دیا ہے اس پر گیس،پٹرول اور ڈیزل کی قیمتوں میں اضافہ سے عوام دو وقت کی روٹی سے بھی جائیں گے۔ ٹرانسپورٹ ایسوسی ایشن نے پٹرولیم مصنوعات کی قیمتوں میں اضافہ کو یکسر مسترد کر دیا ہے اور ملک گیر ہڑتال کا اعلان کر دیا ہے۔

Chakswari: (Pothwar.com, Allah Ditta Bismill, 02, August 2023) – The PML-N government dropped a petrol bomb on the people as it went. It increased the prices of petrol and diesel by about twenty rupees per litre. As soon as the month of August started, the prices of oil and gas increased. The public rejected the recent hike and demanded a reduction in petrol and diesel prices. According to the details, the PML-N government trapped the people in all kinds of taxes in one and a half years. The rulers who took over the government with the determination to end the inflation and get the country out of the crises increased the problems of the people. The Muslim League-N pushed the Pakistani people into the mire of inflation and unemployment with their experience. The Public completely rejected the current increase and said that the way the current government had taken over the government and had given hope to the people that they would save the country from destruction and provide facilities to the people. On the contrary, the Muslim League-N and PDM parties dropped bombs on people from all sides. Leave no stone unturned to bury the people alive. The Muslim League-N, which came to power every time by making promises, put the nail in its coffin. The recent increase in petroleum products will bring a new wave of inflation. The increasing unemployment and insecurity in the country and with the increase in the prices of gas, petrol and diesel, the people will also go without two meals a day. The Transport Association has completely rejected the increase in the prices of petroleum products and has announced a nationwide strike.

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چکسواری: (پوٹھوار ڈاٹ کام،نمائندہ خصوصی اللہ دتہ بسمل,02,اگست,2023) —کیپٹن(ر) محمد سرفراز خان گورنمنٹ گرلز ہائی سکول بوعہ کی ہونہار طالبہ سدرہ خالد دختر خالدمحمود نے تعلیمی بورڈ میرپور کے زیراہتمام منعقدہ میٹرک کے سالانہ امتحان2023 میں علم و ادب گروپ میں 994نمبر لے کر آزادکشمیر بھر میں دوسری پوزیشن حاصل کی۔ اس شاندار کارکردگی پر چکسواری پریس کلب کے صدر اللہ دتہ بسمل،سی یو جے ضلع میرپور کے صدر راجہ نثار احمد خان،سابق سینئر نائب صدرعابد حسین چودھری،سیکرٹری جنرل عنصر محمود غزالی،سینئر نائب صدر محمد اسحاق خواجہ،چیئرمین سپریم کونسل محمد رفیق بھٹی اور سرپرست اعلیٰ محمد اقبال خواجہ سابق صدر مرزامحمدنذیر افراز محمود راجہ معظم علی چودھر ی سابق نائب صدر ثاقب ظفرچودھری ڈپٹی سیکرٹری جنرل سمیت دیگر نے سدرہ خالد دختر خالد محمود کو دلی مبارکباد پیش کرتے ہوئے نیک خواہشات کا اظہار کیا۔تمامی حضرات نے سدرہ خالد کے والدین، اساتذہ اور صدر معلمہ کو بھی مبارک پیش کی۔صدر پریس کلب اللہ دتہ بسمل نے کہا ہے کہ یہ ہمارے علاقہ کیلئے ایک بڑا اعزاز ہے۔یہ کامیابی یونین کونسل فیض پور کے تمام طلباء و طالبات کی کامیابی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

چکسواری: (پوٹھوار ڈاٹ کام،نمائندہ خصوصی اللہ دتہ بسمل,02,اگست,2023) — مرکزی انجمن تاجراں چکسواری کے سینئر نائب صدر راجہ عبدالعزیز نے کہا ہے کہ 3اگست کی ہڑتال کی حمایت کا اعلان کرتے ہیں۔تاجر برادری اپنے حقوق کی خاطر باہر نکلیں اور اس ہڑتال کو ہر صوت کامیاب کروائیں۔ صبح نو بجے سے گیارہ بجے تک مکمل شٹر داؤن اور پہیہ جام رہے گا۔3اگست کو محکمہ برقیات اور محکمہ خوارک کے خلاف احتجاج کیا جائے گا۔ جب تک ریاست اپنے شہریوں کو ان کا حق نہیں دیتی ہمارا احتجاج جاری رہے گا۔ میرپور بار اور تمام تاجر تنظیموں کے شانہ بشانہ کھڑے ہیں۔ان خیالات کا اظہار راجہ عبدالعزیز نے میڈیا سے گفتگو کرتے ہوئے کیا۔ انھوں نے مزید کہا کہ وزراء اور افسر شاہی اپنے اخراجات کم کریں۔مشکل فیصلے اپنے لئے کریں۔ ایک آٹا ہی ہے جس پر آزاد کشمیر حکومت سبسڈی دے رہی ہے جس کووزراء ختم کرنے کے درپے ہیں۔غریب ریاست پر 30 سے زائد وزراء اور 26سے زائد سیکرٹریز کا بوجھ لاد دیا گیا ہے۔ وزیر اعظم آزاد کشمیر اور وزراء اگر عوام کے خیر خواہ ہیں تو اپنی مراعات کو کم کریں۔ عوام پر بے جا ٹیکسز کا بوجھ نہ لادیں۔ متاثرین منگلا ڈیم کو ریلیف دینے کی بجائے سارا نزلہ ضلع میرپور کے عوام پر ہی ڈالا جاتا ہے۔ اربوں روپے کا ریونیو دینے والے ضلع کو ہی بار بار تختہء مشق بنایا جاتا ہے۔ ریاستی اداروں کے ذمہ کروڑوں روپے کے بجلی بل بقایا ہیں ان سے وصولیاں کی جائیں۔ اربوں روپے کے بقایا جات تو صرف سرکاری محکموں کے ہیں۔سرکاری محکموں کے اخراجات بھی اب عوام سے پورے نہ کئے جائیں۔ انھوں نے تاجر برادری اور سول سوسائٹی سے اپیل کی ہے کہ 3اگست کو باہر نکلین اور تاریخ رقم کریں ایک بار پھر 1981کی یاد تازہ کر دیں اور اقتدار کے ایوانوں میں بیٹھے ہوئے سیاستدانوں کو بتا دیں کہ میرپور جاگ اٹھا ہے اور اپنا حق لئے بغیر چین سے نہیں بیٹھیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

چکسواری: (پوٹھوار ڈاٹ کام،نمائندہ خصوصی اللہ دتہ بسمل,02,اگست,2023) —موضع بنی گھنوئی کی ممتاز شخصیت حاجی فضل حسین (مرحوم) کے فرزندان جو برطانیہ کے شہر لیڈزمیں ایک بڑی کاروباری شخصیت ہیں۔ چوہدری نور حسین اور چوہدری شکور حسین نے اپنی رہائش گاہ پر وزیر حکومت چوہدری قاسم مجید، چیئرمین میونسپل کارپوریشن چکسواری چوہدری نعیم حسین روپیال اور چیئرمین یونین کونسل پنڈ خورد چوہدری اسرار احمد کے اعزاز میں ایک بھرپور دعوت استقبالیہ کا اہتمام کیا۔استقبالیہ تقریب میں آمد پر مہمانوں کا شاندار استقبال کیا گیا۔اِس استقبالیہ تقریب میں سابق چیئرمین حاجی فضل حسین روپیال، سابق مشیر وزیر حکومت آزادکشمیر یاسرممتاز چوہدری، حاجی گودڑ حسین، حاجی غلام حسین روپیال، حاجی عبدالغنی، حاجی صابرحسین، حاجی محمد رفیق، حاجی چوہدری محمد اسلم، حاجی کرم حسین، کونسلر ندیم تاسب پلاکوی، چوہدری محمد یعقوب پلاکوی، ڈائریکٹر بیت المال چوہدری آصف اقبال بھٹی، چوہدری آفتاب احمد، چوہدری اسرار احمد، چوہدری محمد رفیق، چوہدری راشد محمود پلاکوی، چیئرمین واجد حسین پلاکوی، چوہدری غلام نبی، چوہدری محمد خلیل،پی آر او چوہدری محمداسلم، چوہدری محمد حسین، چوہدری حاجی علی شان، چوہدری افتخار احمد، چوہدری بلال احمد، چوہدری محمد فاروق، کونسلر میاں ثاقب عارف، چیئرمین برکت حسین پلاک، عابد حسین بھٹی، کونسلر سفیان ایوب، محمد رشید، ظہیر محمود غزالی، پہلوان ریاست علی، شعیب محمود غزالی، واحد کرم حسین، یاسر محمود بھٹی، ڈاکٹر زبیر علی، چوہدری محمود حسین ٹھیکریاں، امان امجد، چوہدری عاکیب حسین، چوہدری ندیم حسین، محمد معاویہ، محمد وقار، خرم بٹ، محمد امین، محمد نوید انصاری، محمد عظیم کوٹلی سرساوہ، سیکرٹری جنرل پریس کلب چکسواری عنصر محمود غزالی، چوہدری محمد فاروق اور چوہدری عبیداللہ نے شرکت کی۔وزیر حکومت چوہدری قاسم مجید نے میزبانوں چوہدری نورحسین اور چوہدری شکور حسین کا شکریہ ادا کیا کہ انہوں نے ہمیں عزت دی۔چوہدری نور حسین اور چوہدری شکور حسین میرے چھوٹے بھائی ہیں۔ چوہدری نعیم حسین روپیال چیئرمین میونسپل کارپوریشن چکسواری اور چیئرمین یونین کونسل پنڈ خورد چوہدری اسرار احمد نے بھی دونوں بھائیوں کا عزت افزائی پر شکریہ ادا کیا۔ میزبانوں چوہدری نور حسین چوہدری شکور حسین نے تمام مہمانوں کا شکریہ ادا کیا اور کہا کہ حاجی فضل حسین روپیال اور حاجی صابرحسین ہمارے بزرگ ہیں ان کی سرپرستی اور حوصلہ افزائی ہمارے لئے کسی بڑے اعزاز سے کم نہیں ہے۔ انہوں نے اہلیان گھنوئی اور دیگر شرکاء تقریب کا شکریہ بھی اداکیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چکسواری: (پوٹھوار ڈاٹ کام،نمائندہ خصوصی اللہ دتہ بسمل,02,اگست,2023) — قومی اتھلیٹکس محترمہ رابیلا فاروق راجہ گولڈ میڈلسٹ اسلامی جمہوریہ پاکستان کی نمائندگی کرتے ہوئے ایشنزگیمز2023کے لیے منتخب ہو چکی ہیں۔ تفصیل کے مطابق آزاد جموں و کشمیر ضلع کوٹلی تحصیل کھوئی رٹہ کی ہونہار بیٹی قومی خواتین اتھلیٹکس محترمہ رابیلا فاروق راجہ گولڈ میڈلسٹ چین میں منعقد ہونے والے ایشائی ممالک کے درمیان ایشینزگیمز23ستمبر2023میں کھیلی جا رہی ہیں۔ جس میں دوڑکے مقابلہ جات میں اسلامی جمہوریہ پاکستان کی نمائندگی کے لیے محترمہ رابیلافاروق راجہ کا منتخب ہونا آزاد جموں و کشمیر بھر کے لیے بڑے اعزاز کی بات ہے۔آزاد جموں و کشمیر بھر کی عوام محترمہ رابیلا فاروق راجہ گولڈ میڈلسٹ کے لیے دعا گو ہیں۔ محترمہ رابیلا فاروق راجہ ایشینز گیمز 2023میں بہترین کارکردگی کامظاہرہ کرتے ہوئے اسلامی جمہوریہ پاکستان کا پرچم سر بلند کریں گی۔وہیں پر ریاست آزاد جموں و کشمیر اپنے تمام اساتذہ کرام، والدین بہن بھائیوں اور عوام علاقہ کا سر فخر سے بلند کرکے پوری دنیا میں اپنا نام روشن کریں گی۔گولڈ میڈلسٹ محترمہ رابیلا فارق راجہ کا تعلق علمی و ادبی گھرانے سے ہے۔ ریٹائرڈہیڈ ماسٹر راجہ محمد فاروق کی بیٹی اور سب انسپکٹر محکمہ پولیس راجہ عامر فاروق، راجہ محمد نقیب اللہ خان سابق کوارڈینیٹر وزیراعظم آزادکشمیر اور راجہ محمد فرقان اللہ خان (صدر)یونین کونسل سملاڑ بٹل تحصیل کھوئی رٹہ کی ہمشیرہ اور کونسلر عفیفہ نقیب کی کزن ہیں۔