Kallar Syedan: “Lawlessness prevails in Kallar Syedan as students from different colleges engage in fierce clashes”

کلرسیداں(نمائندہ پوٹھوار ڈاٹ کوم، اکرام الحق قریشی,10،مارچ,2023)—کلرسیداں میں لاقانونیت کا راج،مختلف کالجز کے طلبہ میں شدید لڑائی،زخمی ہسپتال منتقل کیئے گئے تو سینکڑوں افراد ڈنڈوں اور اسلحہ سے مسلح ہوکر ٹی ایچ کیو ہسپتال کلرسیداں پر چل دوڑے اور اس کی اینٹ سے اینٹ بجا دی۔حملہ آوروں کے فائرنگ سے ہسپتال میں افراتفری مچ گئی ڈاکٹرز عملہ اور مریض بھاگ نکلے،طلبہ اور پولیس اہلکاروں سمیت بارہ افراد زخمی۔تفصیلات ت کے مطابق کلرسیداں کی مختلف کالجز کے طلبہ کے درمیان کئی ایام سے کشیدگی چل رہی تھی جو جمعرات کو اس وقت بڑے دنگل میں بدل گئی جب طلبہ نے گوجرخان روڈ پر ایک دوسرے پر حملہ کردیا جس سے متعدد طلبہ زخمی ہوگئے۔ریسکیو 1122 کلرسیداں نے زخمی طلبہ ارتضیٰ سکنہ کمبیلی، عدنان حسن سکنہ غوثیہ محلہ، حامد علی سکنہ درکالی معموری،مبین حمید سکنہ تل خالصہ،اسماعیل سکنہ درکالی معموری کو ٹی ایچ کیو ہسپتال منتقل کیا۔جس کے بعد سینکڑوں افراد نے ہسپتال پر ہلہ بول کر اس کی اینٹ سے اینٹ بجا دی لاتوں مکوں پتھروں کے ساتھ ساتھ اندھا دھند فائرنگ بھی کی گئی جس سے ہسپتال میں افراتفری مچ گئی۔ڈاکٹرز عملہ اور مریض بھاگ نکلے حملہ اوروں نے ہسپتال کی ایمرجنسی میں گھس کر اسے شدید نقصان پہنچایا۔ اس دوران کلرسیداں پولیس اسٹیشن کے محرر شاہد سمیت تین اہلکار بھی زخمی ہو گئے۔ ایک طالب علم کو راولپنڈی منتقل کردیا گیا۔ پولیس نے دس افراد کو تحویل میں لے لیاجبکہ ہسپتال انتظامیہ کی جانب سے کارسرکار میں مداخلت اور ہسپتال میں دہشت گردی پھیلانے پر اپنی درخواست پولیس کو جمع کروا دی گئی ہے۔ادہر حملہ آور وں نے نقصان پہنچانے کے علاوہ سینئر ویمن میڈیکل آفیسر ڈاکٹر عابدہ پروین کی رہائش گاہ کو بھی نقصان پہنچایا۔لوگوں نے ایمرجنسی وارڈز کے شیشے توڑنے کے علاؤہ دیگر قیمتی آلات کو بھی نقصان پہنچایا۔دریں اثنا تحصیل ہیڈ کواٹر ہسپتال انتظامیہ کی جانب سے پولیس کو تحریر ی بیان میں بتایا گیا کہ حملہ آوروں کی تعداد سینکٹروں میں تھی جنہوں نے آتے ہی اندھا دھند فائرنگ اور سٹاف پر حملہ کر دیا۔اس دوران ہمارے سٹاف نے کھڑکیوں سے چھلانگیں لگا کر جانیں بچائیں۔وقوعہ کے وقت ڈاکٹر رقیہ بی بی،ڈاکٹر سلیم شہزاد گوندل، ڈاکٹر محمد طاہر،ڈاکٹر زیغم ظفر، ڈاکٹر ذیشان احمد، میڈیکل آفیسر ارم امبرین، ارسلان شبیر،محمد سلطان الآرفین،محمد منیب بھی موجود تھے۔حملہ آوروں نے نہ صرف قانون کو توڑا بلکہ سرکاری املاک اور کو بھی نقصان پہنچایا۔تمام حملہ آور ڈنڈوں،اینٹوں،پھتروں اور اسلحے سے مسلح تھے جنہوں نے ایمرجنسی میں لاکھوں روپے مالیت کے آلات کو بھی تباہ کیا۔متعدد بار پولیس کو صورتحال سے مطلع کیا گیا مگر پولیس واقعے کے ایک گھنٹہ کی تاخیر سے پہنچی۔

Kallar Syedan ( Pothwar.com, Ikram -ul -Haq Qureshi, 10, March 2023) – Clashes between students in different colleges of Kallar Syedan have resulted in a violent attack on the Tehsil Headquarters Hospital in Kallar Syedan. Hundreds of people, armed with sticks and weapons, stormed the hospital and damaged its infrastructure on Thursday, March 10, 2023. The attack was a result of days of tension and conflict between students from different colleges in Kallar Syedan. Many students were injured during the clashes leading up to the attack, and at least twelve people were injured during the hospital attack. The injured were shifted to the THQ Hospital, where the attack took place. The incident caused panic and chaos at the hospital, with doctors, staff, and patients fleeing for safety. Emergency services were severely affected, and several police officers were also injured during the attack. The police have arrested ten people in connection with the attack, and an investigation is underway. The hospital administration has requested police intervention to prevent such incidents from happening in the future.

تعزیت

کلرسیداں(نمائندہ پوٹھوار ڈاٹ کوم، اکرام الحق قریشی,10،مارچ,2023)—پی ٹی آئی کے رہنما رکن قومی اسمبلی صداقت علی عباسی نے سابق چیئرمین آر ڈی اے راجہ طارق مرتضی،محمد قدیر عباسی،سابق ٹاؤن ناظم حافظ سہیل اشرف ملک،چوہدری شفقت محمود کے ہمراہ مسلم لیگ ن کے سابق نائب ناظم کلرسیداں راجہ ظفر محمود سے ملاقات کی اور ان کی والدہ محترمہ کے انتقال پر دلی تعزیت کا اظہار کیا؟