Kallar Syedan: Annual prize distribution at Maryam Secondary School in Dhamali

کلرسیداں(نمائندہ پوٹھوار ڈاٹ کوم، اکرام الحق قریشی,05،مارچ,2023)— مسلم لیگ ن کے سینئر رہنما و سابق چیئرمین یوسی دوبیرن کلاں راجہ ندیم احمد نے کہا کہ تعلیم کے میدان میں اگر بہتری نہ آئی تو ہم دنیا کا مقابلہ نہیں کر سکیں گے،ملک کو آگے لے جانا ہے تو تعلیم و تحقیق کو ہتھیار بنانا ہو گا۔آج کی ترقی اور خوشحالی کی بنیاد مسلمانوں کے دور زریں سے ہی ہے جو سبق ہم نے بھلا دیا وہ دنیا نے یاد کر کے ناممکن کو ممکن بنا دیا ہے۔نوجوان نسل ہمارے ملک کا قیمتی سرمایہ ہیں اور نوجوان نسل تاریخ کے کسی بھی موڑ پر قوموں کی امیدوں اور خوابوں کو شرمندہ تعبیر کرنے کیلئے کلیدی کردار ادا کر سکتے ہیں۔ان خیالات کا اظہار انہوں نے دھمالی میں مریم سیکنڈری سکول میں سالانہ تقسیم انعامات کے سلسلہ میں تقریب سے مہمان خصوصی کی حیثیت سے خطاب کرتے ہوئے کیا۔پی ٹی آئی ضلع راولپنڈی کی سینئر نائب صدر برجیس جیلانی، صدر پی ٹی آئی شعبہ خواتین کلر سیداں نبیلہ انعام،چوہدری مبشر سلیم ایڈووکیٹ سمیت اساتذہ اور بچوں کی کثیر تعداد اس موقع پر موجود تھی۔تقریب میں بچوں نے مختلف ٹیبلو پیش کئے جنہیں حاضرین نے کھل کر داد دی۔اس موقع پر مہمان خصوصی نے پوزیشن ہولڈر طلبہ و طالبات میں ٹرافیاں اور نقد انعامات بھی تقسیم کئے۔تقریب کے اختتام پر میجک شو بھی پیش کیا۔

Kallar Syedan (Pothwar.com, Ikramul Haq Qureshi, 05, March 2023)- PML-N activist and former chairman of UC Doberan Kallan Raja Nadeem Ahmad said that if there is no improvement in the field of education, we cannot compete with the world. If we want to take the country forward, education and research must be made a weapon. The young generation is the valuable capital of our country and the young generation can play a key role in realizing the hopes and dreams of nations at any point in history. Addressing the prize distribution ceremony as the chief guest. Senior Vice President of PTI District Rawalpindi Birjis Jilani, President of PTI Women’s Department Kallar Syedan Nabila Inam, Chaudhry Mubashir Saleem Advocate and a large number of teachers and children. In the ceremony, the children presented different tableaus which were applauded by the audience. Trophies and cash prizes were also distributed among the position-holder students. The magic show was also presented at the end of the ceremony.

شاہ محمود قریشی کی اٹک جیل سے رہائی پر کلرسیداں سے پی ٹی آئی کے رہنما سابق رکن پنجاب اسمبلی کرنل محمد شبیر اعوان نے ان کا اپنے ساتھیوں کے ہمراہ والہانہ استقبال کیا

On the release of Shah Mehmood Qureshi from Attock Jail, PTI leader from Kallar Syedan, former member of the Punjab Assembly Colonel Muhammad Shabbir Awan along with his colleagues welcomed him

کلرسیداں(نمائندہ پوٹھوار ڈاٹ کوم، اکرام الحق قریشی,05،مارچ,2023)—شاہ محمود قریشی کی اٹک جیل سے رہائی پر کلرسیداں سے پی ٹی آئی کے رہنما سابق رکن پنجاب اسمبلی کرنل محمد شبیر اعوان نے ان کا اپنے ساتھیوں کے ہمراہ والہانہ استقبال کیا اور کہا کہ جمہوری تاریخ میں ان کی اس قربانی کو ہمیشہ یاد رکھا جائے گا۔اس موقع پر شمالی پنجاب کے جنرل سیکرٹری نوید افتخار،جہانزیب ملک،شاہزیب ملک اور دیگر بھی موجود تھے۔شاہ محمود قریشی نے استقبالیہ ہجوم سے خطاب کرتے ہوئے کہا کہ پی ٹی آئی نے عمران خان کی کال پر جیل بھرو تحریک کو کامیاب بنا کے اتحادی حکومت کے غبارے سے ہوا نکال دی۔ایک سازش کے تحت اقتدار میں لانے والوں نے ملک میں مہنگائی بیروزگاری کا ایسا طوفان برپا کیا ہے جس میں مسلم لیگ ن کی سیاست بھی دریا برد ہونے کو ہے انہیں عمران خان کی مقبولیت کا اندازہ ہے اسی لیئے یہ انتخابات سے بھاگ رہے ہیں یہ سیاسی میدان میں عمران خان کا مقابلہ کر ہی نہیں سکتے۔یہ ہمیشہ ایمپائر کو ساتھ ملا کر کھیلنے کے عادی ہیں ہم انہیں انتخابات میں بدترین شکست فاش دیں گے اور پوری قوت کے ساتھ اقتدار میں واپس آئیں گے۔

مجھ سے منسوب بیان سیاق و سباق سے ہٹ کر غلط انداز میں پیش کیا گیا, راجہ صغیر احمد

The statement attributed to me was misrepresented out of context, Raja Sagheer Ahmed

کلرسیداں(نمائندہ پوٹھوار ڈاٹ کوم، اکرام الحق قریشی,05،مارچ,2023)—سابق ایم پی اے راجہ صغیر احمد نے کہا ھے کہ مجھ سے منسوب بیان سیاق و سباق سے ہٹ کر غلط انداز میں پیش کیا گیا حلقہ پی پی 7 کے تمام کارکن اور پارٹی عہدیداران میرے لیے قابل احترام ہیں۔ تحصیل کلرسیداں اور تحصیل کہوٹہ حلقہ PP7 کے دوبازوہیں۔ میں کسی بھی علاقائی تعصب اور جانبداری پر یقین نہیں رکھتا اپنے حلقہ میں ساری توجہ پارٹی کو مضبوط اور متحد کر نے پر ھے۔ان خیالات کا اظہار انہوں نے اپنے ایک اخباری بیان میں کیا انہوں نے اپنے اوپر لگاے گئے الزامات کی سختی سے تردید کرتے ھوے کہا میری استقبالیہ تقریب کی گفتگو کو توڑ موڑ کر پیش کیا گیا میں نے کسی مسلم لیگی رہنما سے متعلق کوئی منفی ریمارکس نہیں دیئے میری گفتگو سیاسی مخالفین سے متعلق تھی اس کو اپنی جماعت کے رہنماؤں جو میرے دست و بازوہیں کے ساتھ جوڑنا کسی طور درست نہیں۔ھم سب کو متحد ھو کر مسلم لیگ کے اندر کسی بھی سازش کو ناکام بنا نا ھوگا۔ میں ناراض لیگی رہنماؤں اور کارکنوں کے سامنے خود کو احتساب کے لیے پیش کرونگا اور غلط فہمی کے شکار رہنماؤں کے گھر جاکر انہیں راضی کروں گا۔ انہوں نے مزید کہا کہ میں نے پنجاب اسمبلی میں اپنی سیٹ کی قربانی دے کر مشکل وقت میں اپنے قائد میاں نواز شریف کے ہاتھ مضبوط کیئے۔اپنی پارٹی کے اندر کسی سازشی تھیوری کو لیگی کارکنوں کی حمایت سے ناکام بنانا ھم سب کی ذمہ داری ھے۔انہوں نے واضع کیا کہ امیدوار این اے 57راجہ ندیم احمد سمیت تمام لیگی کارکن میرے بھائی اور پارٹی کا قیمتی اثاثہ اور میرے دست و بازوہیں انہیں جماعت میں بھرپور احترام دیا جاے گا۔

پولیس نے مخبر کی اطلاع پر کارروائی کرتے ہوئے دو سو کے قریب مختلف رنگوں کی پتنگیں اور دھاتی ڈوریں برآمد کر لیں

Acting on the information of the informer, the police recovered around two hundred kites of different colors and metal strings

کلرسیداں(نمائندہ پوٹھوار ڈاٹ کوم، اکرام الحق قریشی,05،مارچ,2023)—کلر سیداں پولیس نے مخبر کی اطلاع پر کارروائی کرتے ہوئے دو سو کے قریب مختلف رنگوں کی پتنگیں اور دھاتی ڈوریں برآمد کر لیں۔پولیس کو اطلاع ملی تھی کہ پرانا سروہا کی طرف سے کچے راستے پر ایک نوجوان لڑکا چادر کی گٹھری اٹھا کر پیدل چلا آ رہا تھا جس پر پولیس فوری طور پر موقع پر پہنچ گئی اور نوجوان لڑکے کی گٹھڑ ی سے مختلف رنگوں اور سائز کی 185پتنگیں،پلاسٹ کے شاپر سے دو عدد چرخی نمادھاتی ڈوراور ملزم کے دائیں کندھے کیساتھ لگی رائفل 12 بور برآمد کر لی۔

مطلوب اشتہاری کو حسب ضابطہ گرفتار

Wanted criminal arrested by the police

کلرسیداں(نمائندہ پوٹھوار ڈاٹ کوم، اکرام الحق قریشی,05،مارچ,2023)—پٹرولنگ پولیس چوک پنڈوڑی نے ایس پی پٹرولنگ محمد بن اشرف صاحب راولپنڈی ریجن اور ڈی ایس پی پی ایچ پی راولپنڈی رضا اللہ خان ضلع راولپنڈی اور انچارج پوسٹ عامرعلی ایس آئی کی زیر نگرانی شفٹ انچارج قاسم فرید ایس آئی نے ملزم اشتہاری جانزیب ولد اورنگزیب سکنا ایبٹ آباد کا مقدمہ نمبر 773 2 دسمبر 2021 تھانہ جلال پوربھٹیاں حافظ آباد کے مطلوب اشتہاری کو حسب ضابطہ گرفتار کر کے حوالے تھانہ کلر سیداں کا کیا جبکہ دوسری کارروائی میں شفٹ انچارج حفیظ خان اے ایس آئی نے لاہور پولیس کو انتہائی مطلوب اسٹریٹ کرائم کا سرغنہ مجرم اشتہاری شکیل احمد ولد محمد جہانگیر سکنہ لاہور کو مقدمہ نمبر 2105 مورخہ 6 اگست 2021 با جرم 379,356 کو حسب ضابطہ گرفتارکر کے حوالے تھانہ کلر سیداں کردیا۔ادہر ایک اور گرفتار ملزم جواد قریشی کو عدالت میں پیش کرکے مزید دو دن کا ریمانڈ حاصل کرلیا۔

اسلام آباد پولیس میں تعنیات گریڈ 18 کے سی پی او محمد عقاب راجہ کو ایس پی وی وی آئی پی روٹ تعنیات کردیا گیا

CPO Mohammad Iqab Raja has been posted SP VVIP route in Islamabad Police

کلرسیداں(نمائندہ پوٹھوار ڈاٹ کوم، اکرام الحق قریشی,05،مارچ,2023)—کلرسیداں سے تعلق رکھنے والے اسلام آباد پولیس میں تعنیات گریڈ 18 کے سی پی او محمد عقاب راجہ کو ایس پی وی وی آئی پی روٹ تعنیات کردیا گیا ان کا تعلق کلرسیداں کے نواحی گاؤں جسوالہ سے ہے۔