Kahuta: Officials of Jamaat-e-Islami Constituency PP (7) and Tehsil and City Kahuta along with Union Councils took oath.

کہوٹہ: (نمائندہ پوٹھوار ڈاٹ کوم , عمران ضمیر،3جنوری2023)— جماعت اسلامی حلقہ پی پی (7) اور تحصیل و سٹی کہوٹہ سمیت یونین کونسلز تحصیل کہوٹہ کے عہدیداران نے حلف اٹھا لیا۔ حلف برداری کی تقریب میں مہمان خصوصی جنرل سیکرٹری ضلع راولپنڈی عتیق احمد عباسی، امیدوار
برائے صوبائی اسمبلی راجہ تنویر احمد ممبر ضلع شوریٰ اور حاجی ملک عبدالرؤف جنرل سیکرٹری حلقہ پی پی (7) نے بطورخاص شرکت کی۔ ذمہ داری کو دیانتداری سے آگے بڑھائیں۔ ہمارے نبی پاک ﷺ نے دین کی خاطرپتھر کھائے۔ آپ ﷺ نے مشکلات اور تکالیف برداشت کیں۔ ہمیں خود اپنا احتساب اور جائزہ لینا ہو گا۔ شعور، آگاہی، علم والوں کی اللہ کے ہاں بڑی فضیلت ہے۔ ہم جماعت کے دستور اور نصب العین کے وفادار ہونگے۔ ہمارا مقصد اقامت دین، غلبہ اسلام اور نظام الہیٰ ہے۔ ان خیا لات کا اظہار مہمان خصوصی جنرل سیکرٹری ضلع راولپنڈی عتیق احمد عباسی، امیدوار برائے صوبائی اسمبلی راجہ تنویر احمد ممبر ضلع شوریٰ، ابرار عباسی صدر جماعت اسلامی حلقہ پی پی (7)نے جماعت اسلامی کے مرکزی آفس میں حلف برداری کی تقریب سے خطاب کے دوران کیا۔ اس موقع پر صدر یوتھ تحصیل کہوٹہ راجہ کامران، ابرار عباسی صدر جماعت اسلامی حلقہ پی پی (7)، حاجی ملک عبدالرؤف جنرل سیکرٹری حلقہ پی پی (7)، راجہ غلام حیدر ایڈووکیٹ امیر شہر جبکہ حاجی ملک شوکت مہان سر پرست اعلیٰ الخدمت فاؤنڈیشن، عرفان ہاشمی صدر الخدمت، ملک لقمان نائب صدر الخدمت، ملک عبدالقیوم جنرل سیکرٹری جماعت اسلامی یوتھ تحصیل کہوٹہ، سردار امین ثاقب نائب امیر تحصیل کہوٹہ اور مبشر ستی ڈپٹی جنرل سیکرٹری و دیگر عہدیداران نے اپنے اپنے عہدوں کا حلف لیا۔

Kahuta: ( Pothwar.com, Imran Zamir, 3 January 2023)— Officials of Jamaat-e-Islami Constituency PP (7) and Union Councils of Tehsil Kahuta including Tehsil and City Kahuta took the oath. General Secretary Rawalpindi district Atiq Ahmad Abbasi, the candidate, was the chief guest at the swearing-in ceremony For the Provincial Assembly, Raja Tanveer Ahmed, Member of District Shoora and Haji Malik Abdul Rauf, General Secretary of Constituency PP (7) participated as a special guest.

تھوہا خالصہ میں محکمہ واپڈاکا کمپلین سیل نہ ہونے کی وجہ سے اہلیان علاقہ کو شدید مشکلات کا سامنا

In Thoa Khalsa, the residents of the area are facing severe problems due to the absence of wapda Compliance Cell

مٹور (نمائندہ پوٹھوار ڈاٹ کوم کبیر احمد جنجوعہ،3جنوری2023)
تھوہا خالصہ میں محکمہ واپڈاکا کمپلین سیل نہ ہونے کی وجہ سے اہلیان علاقہ کو شدید مشکلات کا سامنا، بجلی کا فیوز ٹھیک کرانے کے لیے واپڈا کا اہلکارمواڑہ یا کہوٹہ سے لانا پڑھتا ہے،کمپلین سیل کی منظوری کے لیے تمام کاغذات اور بلڈنگ مکمل ہیں،کئی ماہ سے اسلام آباد، راولپنڈی اور روات واپڈا آفس کے چکروں پر چکر لگا رہا ہوں ایک اپرول لیٹر دینا ہے مگر محکمہ ہے کہ ٹس سے مس نہیں ہو رہا ہم سابق وزیر پاکستان شاہد خاقان عباسی، مسلم لیگ ن کے ایم پی اے راجہ صغیر احمد اور مسلم لیگ ن صوبہ پنجاب کے نائب صدرحافظ عثمان عباسی سے اپیل کرتے ہیں ہمارا یہ مسلہ فی الفور حل کرایں ان خیالات کا اظہارنوجوان سیاسی وسماجی شخصیت کونسلر راجہ عرفان سرور جوائنٹ سیکرٹری مسلم لیگ ن کسان ونگ تحصیل کہوٹہ نمائندئے سے گفتگو کرتے ہوئے کیا انہوں نے کہا کہ ایک چھوٹا ساکام کرانے کے لیے میں کئی ماہ سے اسلام آباد، راولپنڈی اور روات واپڈا آفس کے چکروں پر چکر لگا رہا ہوں یہ عوام کا درینہ مسلہ ہے،تھوہاکی کئی ہزار پر مشتمل آبادی ہے محکمہ واپڈاکا کمپلین سیل نارہ میں بھی ہے،ممیام بھی ہے، مواڑہ میں بھی جبکہ ہمارے علاقے میں نہیں ہے جس کی وجہ سے ہم اہلیان علاقہ کو شدید مشکلات کا سامنا کر نا پڑھ رہا ہے۔

ایس ایچ او تھانہ کہوٹہ سید شاہد گیلانی اورکہوٹہ وکلاء کا معاملہ افہام و تفہیم سے حل ہوگیا

SHO Police Station Kahuta Syed Shahid Gillani and the case of Kahuta lawyers was resolved through mutual understanding

مٹور (نمائندہ پوٹھوار ڈاٹ کوم کبیر احمد جنجوعہ،3جنوری2023)
ایس ایچ او تھانہ کہوٹہ سید شاہد گیلانی اورکہوٹہ وکلاء کا معاملہ افہام و تفہیم سے حل ہوگیا،کہوٹہ بار ایسوسی ایشن کے وکلاء نے ہڑتال کو ختم کر دیا گیا تفصیلات کے مطابق ایس ایچ او تھانہ کہوٹہ سید شاہد گیلانی کی جانب سے دو روز قبل وکلاء سے غیر اخلاقی رویہ اور اندراج مقدمہ کی دھمکی دینے کا معاملہ پیش آیا تھا جس پر وکلاء سراپا احتجاج ہوئے اور ہڑتال کا اعلان کیا تھا پولیس تھانہ کہوٹہ کا احاطہ کچہری میں داخلہ بند کر دیا گیا تھا بعدازاں ایس ایچ او تھانہ کہوٹہ سید شاہد گیلانی نے ایوان عدل کہوٹہ آئے اور وکلاء سے معاملے کو طے کیا ایس ایچ او کا کہنا تھا کہ غلط فہمی کی بنا پر یہ معاملہ پیش آیا وکلاء اور پولیس قانون کے نفاذ کے لیے کام کرتے ہیں اس موقع پر سینئر قانون دان ذولفقار محمود کیانی ایڈووکیٹ، صدر بار ایسوسی ایشن کہوٹہ شکیل احمد قریشی ایڈووکیٹ، جنرل سیکرٹری سردار صغیر احمد ایڈووکیٹ و دیگر نے ایس ایچ او کو ایوان عدل کہوٹہ آمد پر خوش آمدید کیا اور معاملے کو مل بیٹھ کر حل کیا وکلاء کا کہنا تھا کہ وکلاء کے حقوق کا تحفظ اولین ترجیح ہے ہم نہ مافیا ہیں نہ ہی غلط سرگرمیوں میں ملوث ہوتے ہیں قانون کے نفاذ کے لیے کوشاں رہتے ہیں لہذا وکلاء کی عزت نفس کو مجروع نہ کیا جائے اس موقع پر وکلاء اور ایس ایچ او تھانہ کہوٹہ کے مابین معاملے کو بہتر انداز میں حل کیا گیا اور ہڑتال کو ختم کر دیا گیا

کرنل محمد شبیر اعوان کو جان بوجھ کر نظر انداز کرنا درست بات نہیں

Deliberately ignoring Colonel Muhammad Shabbir Awan is not right

مٹور (نمائندہ پوٹھوار ڈاٹ کوم کبیر احمد جنجوعہ،3جنوری2023)
کرنل محمد شبیر اعوان کو جان بوجھ کر نظر انداز کرنا درست بات نہیں کرنل محمد شبیر اعوان ہمارے قائداورپی ٹی آئی کا قیمتی اثاثہ ہیں انہوں نے پارٹی کوحلقے میں مضبوط و منظم کر نے کے لیے اپنی خدمات سرانجام دیں ہیں اوراپنے قائد خان کاپیغام شہر شہر قریہ قریہ گاؤں گاؤں پہنچایا ہے اور اب اپنی ہی پارٹی کے افرادکی طرف سے حالیہ ضمنی الیکشن میں 70ہزار ووٹیں حاصل کر نے والے سابق MPAکرنل محمد شبیر اعوان کو مقامی قائدین کی ڈویلپمنٹ فنڈ کی تقریبات میں مدعو نہ کر نے پر پی ٹی آئی کارکنان، ووٹروں، سپورٹروں میں شدید بے چینی پائی جاتی ہے ان کے ایسے اقدام سے پارٹی کو سخت نقصان پہنچنے کا اندیشہ ہے تفصیل کے مطابق اہلیان پی پی سات تحصیل کہوٹہ و تحصیل کلر سیداں کی پی ٹی آئی کے ووٹر سپورٹرز کی طرف سے اہم مطالبہ کرنل ر شبیر اعوان رہنما تحریک انصاف سابق ایم پی اے جنہوں نے گزشتہ ضمنی انتخاب میں تحریک انصاف کے ٹکٹ پر ضمنی الیکشن لڑا اہلیان پی پی سات نے ستر ہزار ووٹ بلے کے نشان پر دیے جبکہ ضمنی الیکشن ایک پری پلان کے تحت شکست میں تبدیل کیا گیا اس کے باوجود اہل حلقہ نے دیکھا محسوس کیا کرنل ر شبیر اعوان اپنے کو حلقے کے ایم این اے صداقت علی عباسی کی جانب سے مختلف ایشوز جس میں پارٹی تنظیم اور حلقہ پی پی سات میں ڈویلپمنٹ فنڈ کے حوالے سے ہونے والی تقریبات سے جان بوجھ کر دور کیا گیا اور صوبائی حلقہ پی پی سات میں کسی قسم کی مشاورت کے بغیر اور اعتماد میں لیے بغیر فیصلے کیے گیے جو کہ ٹکٹ ہولڈر اور حلقے کی ووٹرز سے نا انصافی ہے انہوں نے مزید کہا کہ موجودہ صورتحال میں پارٹی کے نظر یاتی ووٹروں جنہوں نے ضمنی الیکشن میں بڑھ چڑھ کر حصہ لیااور اپنے قائد عمران خان کے ٹکٹ ہولڈر کانیڈیٹ کو ریکارڈ ووٹیں دیلایں ان کو سائیڈ لائن لگا کر من پسند افراد کو نوازہ گیا پارٹی اعلیٰ قیادت اس سارے معاملے کا بھی نوٹس لیں۔

ملک کی عوام اپنی مسلح افواج کے ساتھ کھڑی ہے

The people of the country stand with their armed forces

مٹور (نمائندہ پوٹھوار ڈاٹ کوم کبیر احمد جنجوعہ،3جنوری2023)
ملک کی عوام اپنی مسلح افواج کے ساتھ کھڑی ہے پاک فوج ملک سے دہشتگردی کی لعنت کو جڑ سے اکھاڑ پھینکیں گے ہماری افواج پاکستان دنیا کی بہترین فوج ہے ملک کی عوام کو پتہ ہے کہ ہماری مسلح افواج نے ضرب عضب اور ردالفساد جیسے بڑے بڑے آپریشنز کیے گئے جس کی وجہ سے دہشت گردی کی وارداتوں اور دہشت گرد تنظیموں کا خاتمہ ہوا اب جو دہشت گردی کے نئے واقعیات رونما ہوئے ہیں انشاء اللہ ان دہشت گرد وں کا بھی قلع قمع کیا جائے گا ان خیالات کا اظہار نوجوان سیاسی وسماجی شخصیت سردار منیب سندوزئی نے میڈیا کے نمائندوں سے گفتگو کرتے ہوئے کیا انہوں نے کہا کہ پاک فوج کے افسران اور جوانوں نے سرحدوں کے دفاع اور ملک میں امن کیلئے اپنی جانوں کے نذرانے پیش کئے ہیں اور پوری قوم کو ان پر فخر ہے ملک کا بچہ بچہ ملک کے ایک ایک فوجی جوان کوعزت کی نگاہ سے دیکھتی ہیں اور پاک افواج کی قربانیوں پر انہیں خراج تحسین اور ملک کی سلامتی کے لئے شہید ہونے والوں کو خراج عقیدت پیش کرتے ہیں ۔