Kallar Syedan; Names of more than 325 new women belonging to deserving families have been included in the Benazir Kafalat program for financial assistance and educational scholarships

کلرسیداں(نمائندہ پوٹھوار ڈاٹ کوم، اکرام الحق قریشی,08،دسمبر,2022)—کلر سیداں میں بے نظیر انکم سپورٹ پروگرام کے انچارج اسسٹنٹ ڈائریکٹر آصف عمران بٹ نے کہا ہے کہ تحصیل کلر سیداں میں 325سے زائد نئے مستحق خاندانوں سے تعلق رکھنے والی خواتین کے نام بے نظیر کفالت پروگرام میں مالی امداد اور تعلیمی وظائف کیلئے شامل کر لیئے گئے ہیں اور اس سلسلے میں جن مستحق خواتین کو 8171سروس کے ذریعے 7000روپے کی رقم وصول کرنے کا پیغام ملنے کے باوجود اگر انہوں نے ابھی تک امداد وصول نہیں کی وہ ”ایچ بی ایل کنیکٹ”کے منظور شدہ ایجنٹس سے رابطہ کریں اور اگر انہیں رقوم کے حصول میں کسی قسم کی پریشانی آ رہی ہو تو وہ کلر سیداں میں بے نظیر انکم سپورٹ کے دفتر سے رجوع کریں تاکہ ان کی رقم کی ترسیل کو یقینی بنایا جا سکے۔انہوں نے مزید کہا کہ جن خواتین نے اپنی امدادی رقوم وصول کر لی ہیں وہ سکول جانے والے بچوں کے تعلیمی وظائف کیلئے اندراج کروائیں۔انہوں نے بتایا کہ بیشتر نئے مستحق خاندانوں کی خواتین کے موبائل فون نمبرز جو ہمارے ریکارڈ میں موجود ہیں کیساتھ رابطہ میں مشکلات درپیش آ رہی ہیں ایسی خواتین کو چاہیئے کہ وہ امداد کی رقم کی فوری وصولی کیلئے ہمارے دفتر میں اپنے زیر استعمال موبائل فون نمبرکا اندراج یقینی بنائیں۔

Kallar Syedan (Pothwar.com, Ikramul Haq Qureshi, 08, December 2022)- Asif Imran Butt, assistant director in charge of Benazir Income Support Program in Kallar Syedan, has said that in tehsil Kallar Syedan, Names of 325 women have been included in the Benazir Kafalat program for financial assistance and educational scholarships and in this regard the deserving women who have not yet received the assistance despite receiving the message of Rs. 7000 through 8171 services. Contact the authorized agents of “HBL Connect” and if they are facing any problem in receiving the funds, they should approach Benazir Income Support Office in Kallar Syedan for remittance of their funds. He further said that women who have received their assistance should register for education scholarships for school-going children. There are difficulties in communicating with women, Make sure to register your current mobile phone number in our office for instant receipt.

محمد یونس منہاس ڈیرہ غازی خان کے قصبہ داجل کے دورے کے بعد واپس کلرسیداں پہنچ گئے

Mohammad Yunus Minhas of Coventry and Manianda returned to Kallar Syedan after visiting the town of Dajal in Dera Ghazi Khan

کلرسیداں(نمائندہ پوٹھوار ڈاٹ کوم، اکرام الحق قریشی,08،دسمبر,2022)—کلرسیداں کے گاؤں منیاندہ کے محمد یونس منہاس ڈیرہ غازی خان کے قصبہ داجل کے دورے کے بعد واپس کلرسیداں پہنچ گئے انہوں نے یہاں بتایا کہ متاثرین سیلاب انتہائی کسمپرسی کی زندگی بسر کرنے پر مجبور ہیں حکومت کی جانب سے انہیں کوئی امداد میسر نہ ہوئی ہے حکومت اقدامات اعلانات اور فوٹو سیشن تک محدود ہیں لہذہ صاحب ثروت میدان میں نکلیں اور سیلاب سے متاثرہ ان بھائیوں کی مدد کریں جو دسمبر کی سردی میں بھی کھلے آسمان تلے بییارو مددگار پڑے ہیں۔انہوں نے داجل میں پانچ گھرانوں کے لیئے گھروں اور ایک مسجد کی تعمیر کا بھی اعلان کیا اور کہا کہ وہ برطانیہ میں بھی اپنے عزیز دوستوں سے یہی درخواست کریں گے کہ وہ متاثرین سیلاب کی بحالی میں اپنا حصہ ڈال کر اپنی دنیاو آخرت سنوار لیں۔

الخدمت فاؤنڈیشن نے ملک بھر میں سیلاب سے متاثرہ 29 اضلاع کے یتیم بچوں کی کفالت کا فیصلہ

Al-Khidmat Foundation decided to sponsor the orphans of 29 flood-affected districts across the country

کلرسیداں(نمائندہ پوٹھوار ڈاٹ کوم، اکرام الحق قریشی,08،دسمبر,2022)—الخدمت فاؤنڈیشن نے ملک بھر میں سیلاب سے متاثرہ 29 اضلاع کے یتیم بچوں کی کفالت کا فیصلہ کیا ہے ان بچوں کے تعلیم صحت خوراک سمیت ان کے انٹرمیڈیٹ کی تعلیم تک کے تمام اخراجات الخدمت کے ذمے رہیں گے۔الخدمت نے سیلاب سے متاثرہ علاقوں میں سب سے پہلے لوگوں کو ریسکیو کرکے محفوظ مقامات پر پہنچایا پھر انہیں ریلیف مہیا کرنے کے لیئے انہیں خوراک ادویات اور خیمے فراہم کیئے اور اب الخدمت ان کی بحالی کے لیئے دن رات کوشاں ہے۔ڈیرہ غازی خان میں ڈیڑھ سو نئے پختہ گھر تعمیر کرکے ان کی چابیاں متاثرین کے سپرد کردی گئیں جبکہ داجل(ڈیرہ غازی خان)میں مزید گھروں کی تعمیر کا کام بھی جاری ہے میانوالی کے قصبے کمر مثانی کے تمام متاثرین کو ہنگامی بنیادوں پر بحال کردیا گیا جنوبی پنجاب کے اضلاع راجن پور اور ڈیرہ غازی خان کے سینکڑوں متاثرین میں گرم ملبوسات اور بسترے مہیا کیئے جارہے ہیں تاکہ انہیں موسم کی سختی سے بچایا جا سکے۔پانچ ایکڑ سے کم کے مالکان کی زمینوں کی بحالی اور اسے کاشتکاری کے قابل بنانے کے منصوبے کے تحت الخدمت نے اب تک نہ صرف 75 ہزار ایکڑ رقبے کو قابل کاشت بنایا بلکہ اپنی جانب سے معیاری بیج اور کھاد مہیا کرکے پہلے سے دوگنا پیداوار کے امکانات کو بھی روشن کیا ہے۔چار سے زائد ہسپتال دن رات متاثرہ علاقوں میں علاج معالجے میں ہمہ وقت مصروف ہیں جنوبی پنجاب میں تمام امور کی نگرانی راؤ محمد ظفر اور ڈاکٹر عرفان اللہ ملک کر رہے ہیں۔الخدمت کلرسیداں نے بھی راجن پور اور ڈیرہ غازی خان کے مختلف علاقوں میں پانچ بار نہ صرف راشن تقسیم کیا بلکہ وہاں محمد توقیر اعوان کی قیادت میں میڈیکل کیمپ بھی قائم کرکے ہزاروں خواتین و حضرات کو اپنے گھروں کی دہلیز پر مفت معائینے اور ادویات کی فراہمی کو ممکن بنایا۔دوسری جانب سیلاب کے پانچویں ماہ بعد بھی متاثرہ علاقوں میں حکومتی کارکردگی کہیں نظر نہیں آتی یہ ابھی تک فہرستوں کی تیاری سے آگے نہیں بڑھ سکی ہیں۔

بلوچستان نیپرا اتھارٹی کے رکن کا عہدہ سنبھالنے پر مطہر نیاز رانا کو دلی مبارکباد

Hearty congratulations to Muthar Niaz Rana on assuming the post of member of Balochistan Nepra Authority

کلرسیداں(نمائندہ پوٹھوار ڈاٹ کوم، اکرام الحق قریشی,08،دسمبر,2022)—مقامی صحافی اکرام الحق قریشی نے بلوچستان نیپرا اتھارٹی کے رکن کا عہدہ سنبھالنے پر مطہر نیاز رانا کو دلی مبارکباد دیتے ہوئے ان کی کامیابیوں کے لیئے دعا کی ہے مطہر نیاز رانا اس سے قبل چیف سیکرٹری بلوچستان اور 1992 میں اسسٹنٹ کمشنر کہوٹہ بھی تعنیات رہے کلرسیداں اور کہوٹہ کے لوگ آج بھی ان کی عوام دوستی کو یاد کرتے ہیں۔

آج بروز جمعرات دوبیرن فیڈر صبح نو بجے سے دن دوبجے تک بجلی بند رہے گی۔

Today, Thursday, Doberan Feeder will be shut down from 9:00 AM to 2:00 PM

کلرسیداں(نمائندہ پوٹھوار ڈاٹ کوم، اکرام الحق قریشی,08،دسمبر,2022)—آج بروز جمعرات دوبیرن فیڈر صبح نو بجے سے دن دوبجے تک بند رہنے سے سروھا،جوچھہ،ستھوانی،دھمالی،سدہ کمال،دوبیرن،پنڈ بینسو اور ملحقہ علاقوں میں بجلی بند رہے گی۔

حاجی غلام رسول زرگر آف دوبیرن کلاں حرکت قلب بند ہونے سے انتقال کرگئے

Haji Ghulam Rasool passed away in Doberan Kallan

کلرسیداں(نمائندہ پوٹھوار ڈاٹ کوم، اکرام الحق قریشی,08،دسمبر,2022)—حکیم غلام جیلانی زرگر کے بھائی حاجی غلام رسول زرگر آف دوبیرن کلاں حرکت قلب بند ہونے سے انتقال کرگئے نمازجنازہ آج بروز جمعرات دن تین بجے عیدگاہ دوبیرن کلاں میں ادا کی جائے گی۔