Kallar Syedan people make donations for flood victims of Rajan Pur and Sukkur

کلرسیداں(نمائندہ پوٹھوار ڈاٹ کوم، اکرام الحق قریشی،02،ستمبر,2022)—جنوبی پنجاب کے ضلع راجن پور اور سندھ کے ضلع سکھر کے لیئے کلرسیداں کے شہریوں کی بھرپور امداد،سینکڑوں گھرانوں کو کھانے پینے کی اشیا کے علاؤہ خشک میوہ جات خیمے مچھردانیاں اور دوسرا سامان کثیر تعداد میں تقسیم کیا گیا۔الخدمت فاؤنڈیشن کلرسیداں کے صدر محمد توقیراعوان،مقامی تاجر شیخ دانش لیاقت،سابق سٹی ناظم شیخ حسن ریاض کے فرزند شیخ عبدالھادی اور اکرام الحق قریشی نے راجن پور کے سینکڑوں متاثرین کی بھرپور مدد کی اس عمل میں الخدمت فاؤنڈیشن راجن پور کے میاں اسماعیل اور ان کے ساتھیوں نے بھرپور معاونت کی۔کلرسیداں سے ہی شیخ دانش لیاقت،شیخ حسن ریاض،شیخ سلیمان شمسی کی ہدایت پر سامان سے بھرا کنٹینر سندھ کے ضلع سکھر کے سیلاب متاثرین کے روانہ کیاگیا جبکہ کلرسیداں کی یوسی بھلاکھر کے سابق کونسلر معروف مسلم لیگی رہنما جبران صدر کیانی بھی امدادی سامان سے بھرے ٹرک لے کر راجن پور پہنچ گئے۔انہوں نے فاضل پور، روجھان جمالی اور دیگر علاقوں کے متاثرین سیلاب میں امدادی سامان تقسیم کیا۔

Kallar Syedan ​​( Pothwar.com, Ikram ul Haq Qureshi, 02 September 2022)- For Rajanpur District of South Punjab and Sukkur District of Sindh, the citizens of Kallar Syedan ​​have given a lot of assistance, including food items to hundreds of families with dry fruits, Tents, mosquito nets and other goods were distributed in large numbers. President of Al-Khidmat Foundation Kallar Syedan, Muhammad Tauqir Awan, local businessman Sheikh Danish Liaquat, Sheikh Abdul Hadi, son of former city nazim Sheikh Hasan Riaz, and Ikram ul Haq Qureshi helped hundreds of victims of Rajanpur. In this process, Mian Ismail of Al-Khidmat Foundation Rajanpur and his colleagues gave full support. A container full of goods was sent to the flood victims of the Sukkur district of Sindh under the direction of Sheikh Danish Liaquat, Sheikh Hasan Riaz, Sheikh Sulaiman Shamsi. While the former councillor of UC Bhallakhar of Kallar Syedan, well-known Muslim League leader Jibran Sadar Kayani also reached Rajanpur with a truck full of relief goods.

جنوبی پنجاب میں وسیع پیمانے پر تباہی

Widespread destruction in South Punjab

کلرسیداں(نمائندہ پوٹھوار ڈاٹ کوم، اکرام الحق قریشی،02،ستمبر,2022)—کوہ سلیمان کے سیلابی ریلوں نے ضلع راجن پور،روجھان جمالی،فاضل پور سمیت بیشتر علاقوں میں تباہی مچا دی۔بیس لاکھ کی آبادی کے ضلع کی بارہ لاکھ آبادی بری طرح سے متاثر ہوئی پانچ لاکھ لوگوں نے گھر اور فصلیں تباہ ہو گئیں اٹھارہ سے زائد افراد لقمہ اجل بن گئے۔بیشمار لوگ لاپتہ ہیں ہزاروں لوگ مختلف سڑکوں کے کنارے کھلی فضا میں خوراک اور امداد کے منتظر ہیں۔ہماری وسیع پیمانے پر تباہی کے اصل ذمہ دار راجن پور اور جام پور کے ارکان اسمبلی ہیں متاثرین کا شکوہ۔ تفصیلات کے مطابق نوائے وقت نے شیخ دانش لیاقت اور محمد توقیر اعوان کے ہمراہ سیلاب سے متاثرہ ضلع راجن پور کا تفصیلی دورہ کیا جہاں ہر طرف سیلابی تباہ کاریاں بدستور موجود ہیں تاحد نگاہ پانی اور لوگ ایک ساتھ موجود ہیں دریا کے پانی سے نقصان کم اور ستر کلومیٹر دور کوہ سلیمان سے آنے والے پانی کے کئی لاکھ کیوسک کے ریلے نے بری طرح سے تباہی مچائی ہے گھروں کھلیانوں میں کوہ سلیمان کے پانی نے ہنستے بستے گھرانوں کو اجاڑ دیا ہے کئی کلومیٹر تک بستیاں پانی میں ڈوبی ہوئی ہیں اور جن علاقوں میں پانی کی گہرائی کم ہوئی وہاں اب کیچڑ دلدل کے باعث کشتیاں چل سکتی ہیں نہ ہی پیدل سفر ممکن رہا ہے۔جام پور،فاضل پور،راجن پور اور روجھان جمالی میں تاریخ کا بدترین سیلاب آیا ہے جس نے بستیوں کے علاؤہ انڈس ہائی وے میں بھی متعدد مقامات پر بڑے بڑے شگاف ڈال دیئے ہیں۔ ہزاروں کی تعداد میں لوگ سڑکوں کنارے کھلے آسمان تلے خوراک ادویات کے منتظر ہیں۔ان کے گھر،کپاس اور گنے کی فصلیں بھی تباہ ہو گئی ہیں پنجاب حکومت کی نااہلی بھی کھل کر سامنے آئی ہے جنوبی پنجاب میں وسیع پیمانے پر تباہی دریائے سندھ کے نہیں بلکہ ستر کلومیٹر دور کوہ سلیمان سے آنے والے لاکھوں کیوسک پانی نے مچائی ہے حکومت چاہتی تو وہ اسے راستے میں ہی اسے کسی دوسری سمت منتقل کرکے ہزاروں بستیوں اور انڈس ہائی وے کو تباہی سے بچا سکتی تھی مگر اس پر توجہ ہی نہ دی گئی۔ راجن پور کے ارکان اسمبلی سردار نصر اللہ دریشک،صوبائی وزرا حسنین بہادر دریشک اور محسن لغاری نے اپنی اراضی، فصلوں، باغات اور انڈس شوگر ملز بچانے کے لیئے لاکھوں لوگوں کو ڈبو دیا اس وقت ضلع راجن پور کی بیس لاکھ آبادی میں سے بارہ لاکھ سے زائد لوگ سیلاب سے بری طرح سے متاثر ہوئے ہیں اٹھارہ سے زائد لوگ لقمہ اجل بن گئے سینکڑوں زخمی اور لاپتہ ہیں پانچ لاکھ لوگوں کے گھر اور فصلیں مکمل طور پر تباہ ہو گئی ہیں مختلف سماجی تنظیمیں متاثرین کو ضروری خوراک اور ادویات کی فراہمی کے لیئے سرگرم ہیں۔ جن میں الخدمت فاؤنڈیشن،ٹی ایل پی،منہاج ویلفیئر نمایاں ہیں بشتر علاقوں میں گیسٹرو ملیریا الرجی کے امراض پھوٹ پڑے ہیں تعفن سے بھی بیماریوں میں اضافے کا امکان ہے۔ الخدمت فاؤنڈیشن نے راجن پور،فاضل پور میں چھ خیمہ بستیاں قائم کرکے وہاں دیگر اشیا کی فراہمی کے ساتھ ساتھ میڈیکل کیمپ اور کھانے کے لیئے باقاعدہ تندور بھی قائم کر رکھے ہیں دوسری جانب کئی مقامات پر امدادی سامان لوٹنے والوں کی بھی بڑی تعداد متحرک ہے یہ لٹھ بردار امدای ٹرک کو آتا دیکھ کر اسے لوٹنے کے لیئے جھپٹ پڑتے ہیں۔ادہر الخدمت فاونڈیشن ضلع راجن پور کے صدر ڈاکٹر ملک محمد عرفان اللہ نے پوٹھوہار ڈاٹ کام کو ایک ملاقات میں بتایا ہم سینکٹروں افراد کو روزانہ خوراک ادویات اور روٹی کے ساتھ ساتھ انہیں صاف پانی مہیا کر رہے ہیں۔انہوں نے شکوہ کیا کہ اگر ہمارے منتخب ارکان اسمبلی چاہتے تو لوگوں کو بڑی تباہی سے بچا سکتے تھے مگر انہوں نے اپنے اثاثوں کے حفاظت کے لیے ہزاروں لوگوں کو بے گھر ہونا پڑا۔ انہوں نے ملک بھر سے امداد کے لیئے آنے والوں کو مشورہ دیا کہ وہ بغیر کسی ریفرنس کے متاثرہ علاقوں میں ہرگز نہ جائیں وہاں لوٹ مار کی وارداتیں اب معمول بن چکی ہیں۔ ادہر انڈس ہائی وے پر بھی سیلابی پانی سڑک کو متعدد مقامات پر بہا کر لے گیا ہے حکومت نے راجن پور اور فاضل پور کو ملانے والی انڈس ہائی وے پر دو مقامات پر عارضی پل نصب کرکے ہلکی ٹریفک بحال کردی گئی ہے مگر ہیوی ٹریفک تاحال بند ہے ٹرین سروس بھی معطل ہے۔

دودہلی(سکوٹ) میں ٹریفک حادثہ میں فرسٹ ائیر کا طالب علم جاں بحق

A first year student from Dodilli village died in a traffic accident

کلرسیداں(نمائندہ پوٹھوار ڈاٹ کوم، اکرام الحق قریشی،02،ستمبر,2022)—ٹریفک حادثہ میں فرسٹ ائیر کا طالب علم جاں بحق ہو گیا جسے گزشتہ روز کلر سیداں کے نواحی علاقہ دودہلی(سکوٹ) میں سپرد خاک کر دیا گیا۔ 18 سالہ عمیر قدیر اپنی ہمشیرہ کو کالج چھوڑنے کے بعد گھر واپس آرہا تھا کہ تیز رفتاری کے باعث اس کا موٹر سائیکل روڈ پر کھڑے ٹرک کیساتھ جا ٹکرایا جس کے نتیجے میں وہ شدید زخمی ہو گیا۔اطلاع ملتے ہی ریسکیو 1122 کی ایمبولنس گاڑی جائے حادثہ پر پہنچ گئی اور اسے تشویشناک حالت میں ہسپتال پہنچایا گیا مگر وہ جانبر نہ ہو سکا۔متوفی یونین کونسل بھلاکھر(کلر سیداں) کے سابق کونسلر عبدالرحمان مرزا کا بھتیجا تھا۔

راولپنڈی تعلیمی بورڈ کے میٹرک کے امتحانات

Rawalpindi Education Board Matriculation Examinations results

کلرسیداں(نمائندہ پوٹھوار ڈاٹ کوم، اکرام الحق قریشی،02،ستمبر,2022)—راولپنڈی تعلیمی بورڈ کے میٹرک کے امتحانات میں شاہین پبلک سکول کلر سیداں کی حلیمہ جبین نے 1078نمبر لے کر تحصیل بھر میں پہلی پوزیشن کا اعزاز برقرار رکھا۔گورنمنٹ گرلز ہائی سکول موہڑہ دروغہ کی ہیڈ مسٹریس میمونہ شہزاد کے مطابق ودیعہ شفیق نے 1080نمبر حاصل کر لئے۔اسی طرح النور ونگ ہائیر سیکنڈری سکول کے فرحت عباس نے 1040نمبر ز حاصل کئے۔گورنمنٹ گرلز ہائی سکول دوبیرن کلاں کی ہیڈ مسٹریس سعدیہ اختر کے مطابق ذویا فاطمہ نے 1032نمبرحاصل کئے۔گورنمنٹ گرلز ہائی سکول چنام کی فاطمہ زیتون نے 1021،دارارقم سکول کی تحریم فاطمہ نے 1013 نمبر حاصل کئے۔گورنمنٹ بوائز ہائی سکول نلہ مسلماناں کے محمد دانیال خالد نے 1007 نمبر حاصل کئے۔ گورنمنٹ بوائز ہائی سکول پھلینہ کے محمد عمر نے 995نمبر جبکہ گورنمنٹ گرلز ہائی سکول چمبہ کرپال کی خدیجہ شیراز نے 885نمبر حاصل کر لئے۔

گورنمنٹ گرلز ہائی سکول دوبیرن کلاں میں سیلاب زدگان کی مالی معاونت کیلئے 60ہزار روپے کی نقدی اور دیگر کھانے پینے کا سامان جمع

60 thousand rupees in cash and other food items were collected for the financial support of the flood victims in Government Girls High School Doberan Kallan

کلرسیداں(نمائندہ پوٹھوار ڈاٹ کوم، اکرام الحق قریشی،02،ستمبر,2022)—گورنمنٹ گرلز ہائی سکول دوبیرن کلاں میں سکول کے بچوں اور خواتین اساتذہ نے سیلاب زدگان کی مالی معاونت کیلئے 60ہزار روپے کی نقدی اور دیگر کھانے پینے کا سامان جمع کر کے سیلاب متاثرین کیلئے بھیجوایا ہے۔ سکول کی ہیڈ مسٹریس سعدیہ اختر نے بتایا کہ اس موقع پر چھوٹے بچوں کاجذبہ ایثار دیدنی تھا وہ سیب اور ببلز اور دیگر اشیاء ساتھ لے کر آئے تھے۔

محمد منیرانتقال کر گئے نماز جنازہ موہڑہ پھڈیال کلر سیداں میں ادا کی گئی

Mohammad Munir passed away in Morra Phadyal

کلرسیداں(نمائندہ پوٹھوار ڈاٹ کوم، اکرام الحق قریشی،02،ستمبر,2022)—سی ڈی اے کے پٹواری محمد آصف کے والد محترم محمد منیرانتقال کر گئے نماز جنازہ موہڑہ پھڈیال کلر سیداں میں ادا کی گئی جس میں راجہ ندیم احمد، شیخ حسن ریاض،سید سجاد حسین شاہ،حافظ سہیل اشرف،،ابرار احمد وارثی،ماسٹر ظہیر،چوہدری زین العابدین عباس، حاجی غلام ربانی، راجہ ظفر محمود، نمبردار اسد عزیز،قمر شہزاد، محکمہ مال اور سی ڈے اے کے ملازمین اوردیگر نے شرکت کی۔