Kallar Syedan; Family from abroad burgled in village Mohra Dhayal

کلرسیداں(نمائندہ پوٹھوار ڈاٹ کوم، اکرام الحق قریشی,21جون2022)—اہل خانہ سیر و تفریح کرنے کاغان گئے تو نامعلوم ملزمان گھر کے تالے توڑ کر لاکھوں روپے کی نقدی اور قیمتی سامان چرا کر لے گئے یہ واردات کلر چوآ روڈ پر واقع گاؤں موہڑہ دھیال میں پیش آیا ابرار حسین نے مقدمہ درج کرتے ہوئے بیان دیا کہ میرے ساتھ میرا بھائی شاہد محمود بھی رہائش پذیر ہے جو بیرون ملک سے گھر آیا ہوا ہے ہم دونوں بھائی اپنے بیوی بچوں کے ہمراہ سیر و تفریح کرنے کاغان ناران چلے گئے جب گزشتہ رات نو بجے گھر واپس آئے تو تمام اندرونی کمروں کے دروازے کھلے ہوئے تھے اور سامان بکھرا پڑا تھا ملزمان تین لاکھ کی پاکستانی کرنسی،تین سو کی یورو کرنسی،ساٹھ لاکھ ملایت کے طلائی زیورات،دو عدد موبائل فون اور پانچ عدد ٹیبلٹس چرا کر لے گئے ادھر سموٹ میں بھی عمران نامی شخص کی ملکیتی زمین سے ستائیس کے قریب درخت کاٹ کر چوری کر لیئے گئے جبکہ کلرسیداں کے رہائشی نادر خان کا شیفرڈ کتا جو مین گیٹ کے قریب بندھا ہوا تھا نامعلوم ملزمان اسے بھی اٹھا کر لے گئے۔

Kallar Syedan (Pothwar.com, Ikram-ul-Haq Qureshi, June 21, 2022) Family from abroad burgled in village Mohra Dhayal, When the family went to Kagan for sightseeing, the unidentified accused broke the locks of the house and stole cash and valuables worth lakhs of rupees while they were away. Abrar Hussain, while filing the case, stated that my brother Shahid Mehmood is also living with me. He has come home from abroad. When they returned home at 9 pm, the doors of all the inner rooms were open and their belongings were scattered. In another incident in Smot, about 27 trees were cut down and stolen from the land owned by a man named Imran, while the shepherd dog of Nadir Khan, a resident of Kallar Syedan, which was tied up near the main gate, was also taken away by unknown assailants.

کرنل شبیر اعوان کا کلر سیداں کے مختلف بازاروں کا دورہ

Col. Shabbir Awan visits various markets of Kallar Syedan

کلرسیداں(نمائندہ پوٹھوار ڈاٹ کوم، اکرام الحق قریشی,21جون2022)—پی ٹی آئی کے امیدوار حلقہ پی پی سات کرنل شبیر اعوان کا کلر سیداں کے مختلف بازاروں کا دورہ،دوکانداروں سے حمایت کی درخواست کی،کرنل شبیر اعوان کے اس دورے میں پی ٹی آئی کے دیگر رہنما ہارون کمال ہاشمی،حافظ سہیل اشرف ملک،محسن نوید سیٹھی،سید سیماب حیدر شاہ،شیخ فیاض،عاصم مختار مغل بھی ہمراہ تھے،انہوں نے دوکانداروں سے فرداً فرداً ملاقات کی اور ضمنی الیکشن میں حمایت کی درخواست کی،پی ٹی آئی کے لوگوں نے ان کا استقبال کیا،کرنل شبیر اعوان نے کہا کہ وہ کلرسیداں کے باسی ہونے کے ناطے لوگوں سے مدد کی درخواست کرتے ہیں آپ کا تعلق خواہ کسی بھی جماعت سے ہو آپ علاقائی مفاد میں مجھے کامیابی سے ہمکنار کریں میں نے ماضی میں بھی رکن اسمبلی منتخب ہو کر ریکارڈ ترقیاتی کام کروائے اس بار نئے جو ش و جذبے سے مسائل حل کریں گے اور اس کے لیئے ہم سب کو ایک دوسرے کا مددگار بننا ہو گا۔

مسلم لیگ ن چوآخالصہ کا مشاورتی اجلاس محمد ظریف راجا کی رہائش گاہ ڈھوک سنگال میں ہوا

Consultative meeting of PML-N Choa Khalsa was held at the residence of Muhammad Zarif Raja in Dhok Sangal

کلرسیداں(نمائندہ پوٹھوار ڈاٹ کوم، اکرام الحق قریشی,21جون2022)— مسلم لیگ ن چوآخالصہ کا مشاورتی اجلاس محمد ظریف راجا کی رہائش گاہ ڈھوک سنگال میں ہوا جس میں صوبیدار میجر عبدالرزاق،وقاص گجر،ماسٹر ساجد،چیف مہربان خان،عامر محمود بھٹی ایڈووکیٹ،راجہ ساجد ذوالفقار،راجہ شفیق الحق،راجہ محمد ارشاد،راشد کیانی اور دیگر نے شرکت کی اور باہمی مشاورت سے ضمنی الیکشن میں مسلم لیگ ن کے امیدوار راجہ صغیر احمد کی غیر مشروب حمایت کا اعلان کیا،محمد ظریف راجا نے خطاب کرتے ہوئے کہا کہ مسلم لیگ ن کا فیصلہ ہم سب کو قبول ہے ہم نے ماضی میں جس امیدوار کے خلاف دو بار الیکشن لڑا وہ امیدوار آج مسلم لیگ ن کا ٹکٹ ہولڈر ہے،راجہ صغیر احمد نے مشکل وقت میں ساتھ دے کر پنجاب میں مسلم لیگ ن کہ حکومت سازی کو ممکن بنایا جس کی وجہ سے انہیں ڈی سیٹ بھی ہونا پڑا،مسلم لیگ ن نے اس بار راجہ صغیر احمد کو امیدوار نامزد کیا ہے ہم سب ماضی فراموش کر کے دن رات محنت کر کے راجہ صغیر احمد کی کامیابی کو یقینی بنائیں گے کارکن یہ بات ذہن نشین رکھیں کہ راجہ صغیر احمد اس بار میاں نواز شریف اور میاں شہباز شریف کے نامزد امیدوار ہیں۔

اہم اجلاس مولانا احسان اللہ چکیالوی کی صدارت میں آج بروز منگل دن گیارہ بجے ڈیرہ چوہدری حیات علی چکیالہ میں منعقد ہو گا

The main meeting will be held under the chairmanship of Maulana Ehsanullah Chakialvi on Tuesday at 11:00 AM in Dera Chaudhry Hayat Ali Chakialvi

کلرسیداں(نمائندہ پوٹھوار ڈاٹ کوم، اکرام الحق قریشی,21جون2022)— جمعیت علمائے اسلام تحصیل کلرسیداں کا اہم اجلاس مولانا احسان اللہ چکیالوی کی صدارت میں آج بروز منگل دن گیارہ بجے ڈیرہ چوہدری حیات علی چکیالہ میں منعقد ہو گا جس میں قاری یوسف رشیدی اور دیگر عہدے داران بھی شرکت کریں گے اور حلقہ پی پی سات کے ضمنی الیکشن میں کس کی حمایت کی جائے گی ا سکا بھی اسی اجلاس میں اعلان کیا جائے گا۔