London; Pothwari folk music evening held at Pakistan Welfare Association Slough

سلاؤ۔یوکے(نمائندہ پوٹھوار ڈاٹ کوم،,08جون2022)—پاکستان ویلفیئر ایسوسی ایشن سلاؤ میں منعقدہ محفل شعر خوانی کی تقریب میں بحیثیت مہمان خصوصی تشریف لانے پر معروف اور ہر دلعزیز سیاسی، سماجی و کاروباری شخصیت محترم جناب محمد زاہد راجہ کا منتظمین کی جانب سے پرتپاک اور شاندار استقبال کیا گیا۔ پروگرام کے آرگنائزروں غضنفر نوابی، قیصر نوابی اور ملک نوید اعوان نے انہیں ہار پہنائے اور عزت اور احترام کے ساتھ انہیں ہال میں انکی نشست تک لایا۔ پوٹھواری شعر خوانی، سیف الملوک اور صوفیانہ کلام پڑھنے والے شعراء میں سہنسہ آزاد کشمیر کے گلوکار راجہ حفیظ بابر اور برطانیہ کے سعادت کیانی اور انکے ہمراہ آنے والے سازندے موجود تھے۔ جن کا معزز مہمان خصوصی سے تعارف کروایا گیا۔ پوٹھواری اشعار ستار اور گھڑے کی تھاپ پر ابھرتی گھنگرو کی موسیقی پر گائے جاتے ہیں۔ ہال سامعین سے کھچا کھچ بھرا ہوا تھا۔ شعروں کے شائقین سلاؤ کے علاوہ لندن، ہائی ویکمب، میڈن ہیڈ، ریڈنگ، ایلزبری، آوکسفورڈ، برمنگھم، راچڈیل اور دیگر شہروں سے آئے ہوئے تھے۔بارش اور خراب موسم کی باوجود بڑی تعداد میں لوگ عارفانہ کلام سننے کیلئے سینٹر آئے۔ تمام افراد کیلئے کھانے کا بھی اہتمام کیا گیا تھا جبکہ لطف دوبالا کرنے کیلئے کشمیری چائے بھی پیش کی گئی۔ جوشیلے شعروں کی ادائیگی پر سامعین نے فنکاروں کو دل کھول کر داد دی جبکہ پونڈوں کی شکل میں ہزاروں کی ویلیں دی گئیں۔ کئی ایک افراد نے سینکڑوں کے حساب سے نوٹ نچھاور کر دئیے۔ شرکاء میں مہمان خصوصی محمد زاہد راجہ کے علاوہ راجہ وسیم کیانی (یوکے)،لالہ جاوید بھٹی، چوہدری خورشید، ریڈیو پریزینٹر رِکی لوبو، سردار عظمت علی، سردار عظیم خان، راجہ ظفر اقبال، راجہ محمد انور، راجہ خورشید احمد، سردار عثمان علی، ساجد جنجوعہ، سردار شفقت علی، سردار راحت علی، سردار حسنات علی، راجہ شوکت علی خان، گلفراز کیانی، ماجد بٹ، نوید ملک، راجہ زبیر، خرم چٹھہ، راجہ اختر، راجہ عمیر، صدیق بھٹی، افتخار کلیال، مشتاق چوہدری اور پرنس چوہدری کے علاوہ دیگر موجود تھے۔ محفل شعر خوانی رات کے نو بجے سے لیکر بارہ بجے تک جاری رہی۔ منتظمین نے تمام افراد کا تشریف لانے پر شکریہ ادا کیا۔

Slough-UK (Pothwar.com, , 08 June 2022) Pothwari folk music evening held at Pakistan Welfare Association Slough, guest of honour was Raja Zahid, Among the poets who recited Pothwari poetry, Saiful Muluk and Sufi Kalam were Sahansa Azad Kashmir singer Raja Hafeez Babar and Saadat Kayani from UK and their accompanists.