چوآ خالصہ میں ہونے والا میلہ جشنِ نوروز کورونا کی شدت اور لاک ڈاون کے باعث ملتوی کر دیا گیا
کلر سیداں:(نمائندہ پوٹھوار ڈاٹ کوم,اکرام الحق قریشی)— مخدوم سید حسن ناصر سجادہ نشین دربارِ حسینی چوآ خالصہ کے اعلان کے مطابق 19 تا 22 مارچ 2021 کو چوآ خالصہ میں ہونے والا میلہ جشنِ نوروز کورونا کی شدت اور لاک ڈاون کے باعث ملتوی کر دیا گیا ہے اب یہ میلہ جشن نوروز 03 تا 06 جون 2021 کو لاک ڈاون نہ ہونے کی صورت میں منعقد ہو گا۔
Kallar Syedan; According to the announcement by Makhdoom Syed Hassan Nasir Sajjada Nasheen Darbar-e-Hussaini Choa Khalsa, the Jashn Noroz mela scheduled to be held in Choa Khalsa on March 19-22, 2021 has been postponed due to the severity of covid and lockdown. Alternative date has been set for June 3-6th 2021 providing no lockdown is ordered.
چوہرے قتل اور اقدام کے مقدمہ میں اشتہاری مجرم کو پناہ دینے پر اس کے والد کو گرفتار کر لیا گیا
Father is arrested for harbouring a notorious criminal for murder of four in Samot
کلر سیداں:(نمائندہ پوٹھوار ڈاٹ کوم,اکرام الحق قریشی)—چوہرے قتل اور اقدام کے مقدمہ میں اشتہاری مجرم کو پناہ دینے پر اس کے والد کو گرفتار کر لیا گیا جبکہ مجرم اشتہاری رات کا فائدہ اٹھاتے ہوئے فرار ہو جانے میں کامیاب ہو گیا۔تھانہ کلر سیداں پولیس کے ایچ آئی یو کے سب انسپکٹرحسن محمود بھٹی کو مخبر کے ذریعے اطلاع ملی تھی کہ سموٹ میں چوہرے قتل کے مقدمہ میں مجرم اشتہاری اسد حسین اس وقت اپنے والد کرامت حسین کے پاس ہے۔پولیس نے مجرم اشتہاری کی گرفتاری کیلئے ریڈ کیا گیا تو کرامت حسین جو کہ مجرم اشتہاری کا والد ہے نے اسے فرار ہو جانے میں مدد دی جس پر پولیس نے اس کے باپ کو گرفتار کر لیا۔
اکیس مارچ کو ہونے والے مسلم لیگ ن یوتھ ونگ پنجاب کے ہونے والے کنونشن کے حوالے سے یوتھ ونگ راولپنڈی ڈویژن کی مشاورتی تقریب منعقد ہوئی۔
A consultative function of Youth Wing Rawalpindi Division was held on the occasion of the convention of PML-N Youth Wing Punjab to be held on March 21.
کلر سیداں:(نمائندہ پوٹھوار ڈاٹ کوم,اکرام الحق قریشی)—اکیس مارچ کو ہونے والے مسلم لیگ ن یوتھ ونگ پنجاب کے ہونے والے کنونشن کے حوالے سے یوتھ ونگ راولپنڈی ڈویژن کی مشاورتی تقریب منعقد ہوئی۔جس راولپنڈی ڈسٹرک،راولپنڈی سٹی،اوردیگر عہداروں نے بھی شرکت کی اجلاس کی صدارت پنجاب صدر سرفراز افضل، ڈسٹرک صدر بیرسٹر عقیل سیکرٹری جنرل راجہ طلال خلیل نے کی۔سرفراز افضل نے تقریب سے خطاب کرتے ہوئے کہا کہ سینٹ انتخابات کی چوری یہ بات عیاں ہو گئی ہے کہ گزشتہ عام انتخابات میں بھی مسلم لیگ ن کا الیکشن چرایا گیا تھا ڈسکہ کے ضمنی الیکشن میں چور رنگے ہاتھوں پکڑے گئے ہیں ہم نے مل کر قوم کو ان ووٹ چوروں سے نجات دلانی ہے ضلعی جنرل سیکرٹری راجہ طلال خلیل نے کہا کہ حکومت اور نیب ایک نہتی خاتون مریم نواز سے اس قدر خوفزدہ ہیں کہ انہوں نے ان کی ضمانت کی منسوخی کے لیئے عدالت میں درخواست کی ہے یہ سیاسی میدان میں مقابلہ کرنے کی بجائے ایمپائر کو ساتھ ملانے والے لوگ ہیں ان سے خوفزدہ ہونے کی ضرورت نہیں انہوں نے کارکنوں پر زور دیا کہ وہ اکیس مارچ کو یوتھ کنونشن میں بھرپور شرکت کریں تا کہ لانگ مارچ کو حتمی شکل دی جا سکے
کلرسیداں شہر کے وسط میں بلدیہ کی جانب سے غیرقانونی قرار پانے والا سوموار نہ صرف اس بار بھی پورے طمطراق سے عین سڑک کے اوپر لگایا گیا
Monday market continuous to operate without any fears from local authorities
کلر سیداں:(نمائندہ پوٹھوار ڈاٹ کوم,اکرام الحق قریشی)—کلرسیداں شہر کے وسط میں بلدیہ کی جانب سے غیرقانونی قرار پانے والا سوموار نہ صرف اس بار بھی پورے طمطراق سے عین سڑک کے اوپر لگایا گیا بلکہ وہاں پر سینکڑوں لوگوں سے تہ بازاری کے نام پر جبراً بھتہ بھی وصول کیا گیا جس کی کسی کو کوئی رسید بھی نہ دی گئی اور یہ بازار رات دس بجے تک لگا رھا جس میں کسی نے کوئی فیس ماسک پہن رکھا تھا نہ ہی سماجی فاصلے کا کوئی خیال رکھا گیا تھااس طرح پی ٹی آئی کی اپنی حکومت میں عہدیداران کی موجودگی میں انصاف کا قتل عام کیا جا رھا ہے۔
چوہدری عاقب جہانگیر اور چوہدری اویس جہانگیر کی دعوت ولیمہ کی تقریب کلر سیداں کے گاؤں چک گجراں میں ہوئی
The reception ceremony of Chaudhry Aqib Jahangir and Chaudhry Owais Jahangir was held in Chak Gujran village
کلر سیداں:(نمائندہ پوٹھوار ڈاٹ کوم,اکرام الحق قریشی)—معروف سماجی کارکن چوہدری محمد آصف نورانی کے بھتیجوں چوہدری عاقب جہانگیر اور چوہدری اویس جہانگیر کی دعوت ولیمہ کی تقریب کلر سیداں کے گاؤں چک گجراں میں ہوئی جس میں راجہ ندیم احمد،راجہ اظہر اقبال،شاہد اکبر گجر، ٹھیکیدار محمد بشارت،تنویر ناز بھٹی، چوہدری توقیر اسلم،الحاج غلام ظہیر،نمبردار اسد عزیز،سید شہاب ثاقب،خان شبیر،چوہدری سہیل گجر اور دیگر نے شرکت کی۔
معروف کاروباری الحاج خالد رضا نے گزشتہ شب اپنی رھائشگاہ تل خالصہ میں احباب کے اعزاز میں پر تکلف عشائیہ دیا
Well known businessman Alhaj Khalid Raza hosted a sumptuous dinner in honor of his friends at his residence Tal Khalsa
کلر سیداں:(نمائندہ پوٹھوار ڈاٹ کوم,اکرام الحق قریشی)—معروف کاروباری الحاج خالد رضا نے گزشتہ شب اپنی رھائشگاہ تل خالصہ میں احباب کے اعزاز میں پر تکلف عشائیہ دیا جس میں مسلم لیگ کلر سٹی کے صدر چوہدری اخلاق حسین،جماعت اسلامی کے چوہدری ابرار حسین،راحت کیانی،نمبردار اسد عزیز،شیخ حسن فیاض،راجہ جاوید کیانی، چوہدری توقیر اسلم، تنویر اختر شیرازی،چیئرمین مجید اشرف، مسعود احمد بھٹی،جاوید اقبال، قاسم رضا اور دیگر نے شرکت کی۔
