Rawalpindi crime report; CPO visits, Women Protection Service Center Reporting Center for Transgender, Harassment Reporting Unit and Day Care Center
سی پی اوراولپنڈی کا تھانہ وویمن،تحفظ خدمت مرکز ورپورٹنگ سینٹربرائے ٹرانسجینڈر، ہراسمنٹ رپورٹنگ یونٹ اورڈے کیئر سینٹر کا دورہ،
راولپنڈی :(نمائندہ پوٹھوار ڈاٹ کوم,اکرام الحق قریشی)… سی پی اوراولپنڈی کا تھانہ وویمن،تحفظ خدمت مرکز ورپورٹنگ سینٹربرائے ٹرانسجینڈر، ہراسمنٹ رپورٹنگ یونٹ اورڈے کیئر سینٹر کا دورہ،دورے کے دوران تھانہ وویمن کی عمارت،تحفظ خدمت مرکز و رپورٹنگ سینٹربرائے ٹرانسجینڈر،ہراسمنٹ رپورٹنگ یونٹ اورڈے کیئر سینٹر پر فراہم کی جانے والی سہولیات اورریکارڈ کا جائزہ لیتے ہوئے متعلقہ سٹاف کوبہترسروس ڈیلیوری فراہم کرنے کے متعلق ہدایت جاری کیں،بہترین کارکردگی کا مظاہرہ کرنے پر لیڈی ہیڈ کانسٹیبل کو تعریفی سرٹیفکیٹ اور نقد انعام سے نوازا۔تفصیلات کے مطابق سٹی پولیس آفیسر محمد احسن یونس نے تھانہ وویمن،تحفظ خدمت مرکزورپورٹنگ سینٹربرائے ٹرانسجینڈر،ہراسمنٹ رپورٹنگ یونٹ اورڈے کئیر سینٹر کادورہ کیا،اس موقعہ پر اے ایس پی کینٹ آمنہ بیگ بھی موجود تھیں، دورے کے دوران سی پی اوراولپنڈی نے تھانہ وویمن کی عمارت،تحفظ خدمت مرکز و رپورٹنگ سینٹربرائے ٹرانسجینڈر،ہراسمنٹ رپورٹنگ یونٹ اورڈے کیئر سینٹر پر فراہم کی جانے والی سہولیات اورریکارڈ کا جائزہ لیا،سی پی اونے متعلقہ سٹاف کو بہترسروس ڈیلیوری فراہم کرنے کے متعلق ہدایت جاری کرتے ہوئے کہاکہ شکایت کے اندراج کے لیے آنے والی خواتین اورٹرانسجینڈرز سے خوش اخلاقی سے پیش آتے ہوئے ان کے مسائل کے حل کو یقینی بنایاجائے، خواتین اورٹرانسجینڈرز کو تحفظ فراہم کرنے کے لیے راولپنڈی پولیس ہر ممکن اقدامات کررہی ہے اور تمام ممکنہ وسائل کو بروئے کارلارہی ہے،سی پی اومحمد احسن یونس نے بہترین کارکردگی کا مظاہر ہ کرنے پر لیڈی ہیڈ کانسٹیبل نسیم اخترکو تعریفی سرٹیفکیٹ اور نقد انعام سے نوازا۔
تھانہ صادق آباد پولیس کی کاروائی،موٹر سائیکل چوری کی وارداتوں میں ملوث 02ملزمان گرفتار
Sadiqabad police operation, 02 accused involved in motorcycle theft arrested
راولپنڈی :(نمائندہ پوٹھوار ڈاٹ کوم,اکرام الحق قریشی)…تھانہ صادق آباد پولیس کی کاروائی،موٹر سائیکل چوری کی وارداتوں میں ملوث 02ملزمان گرفتار، چوری شدہ02موٹر سائیکل برآمد۔تفصیلات کے مطابق راولپنڈی پولیس کا کار و موٹر سائیکل چوروں کے خلاف کاروائیوں کا سلسلہ جاری ہے، ایس ایچ او صادق آباد نے اپنی ٹیم کے ہمراہ کاروائی کرتے ہوئے موٹر سائیکل چوری کی وارداتوں میں ملوث02ملزمان علی اورظہرین عطاء کو گرفتار کرلیا، ملزمان کے قبضہ سے چوری شدہ 02 موٹر سائیکلز برآمد ہوئے، ایس ایچ اونے بتایا کہ ملزمان تھانہ صادق آباد کے علاقے میں وارداتیں کرتے تھے، ایس پی راول رائے مظہر اقبال نے ایس ایچ او صادق آباد اورپولیس ٹیم کو شاباش دیتے ہوئے کہا کہ ملزمان کے سہولت کاروں کو بھی گرفتار کیا جائے، کار وموٹر سائیکل چوروں کے خلاف کاروائیوں کا سلسلہ جاری رکھا جائے۔
